| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౯. అరఞ్ఞాయతనఇసిసుత్తవణ్ణనా
9. Araññāyatanaisisuttavaṇṇanā
౨౫౫. నవమే పణ్ణకుటీసు సమ్మన్తీతి హిమవన్తపదేసే రమణీయే అరఞ్ఞాయతనే రత్తిట్ఠానదివాట్ఠానచఙ్కమనాదీహి సమ్పన్నాసు పణ్ణసాలాసు వసన్తి. సక్కో చ దేవానమిన్దో వేపచిత్తి చాతి ఇమే ద్వే జనా జామాతికససురా కాలేన కలహం కరోన్తి, కాలేన ఏకతో చరన్తి, ఇమస్మిం పన కాలే ఏకతో చరన్తి. పటలియోతి గణఙ్గణూపాహనా. ఖగ్గం ఓలగ్గేత్వాతి ఖగ్గం అంసే ఓలగ్గేత్వా. ఛత్తేనాతి దిబ్బసేతచ్ఛత్తేన మత్థకే ధారయమానేన. అపబ్యామతో కరిత్వాతి బ్యామతో అకత్వా. చిరదిక్ఖితానన్తి చిరసమాదిణ్ణవతానం. ఇతో పటిక్కమ్మాతి ‘‘ఇతో పక్కమ పరివజ్జయ, మా ఉపరివాతే తిట్ఠా’’తి వదన్తి. న హేత్థ దేవాతి ఏతస్మిం సీలవన్తానం గన్ధే దేవా న పటిక్కూలసఞ్ఞినో, ఇట్ఠకన్తమనాపసఞ్ఞినోయేవాతి దీపేతి. నవమం.
255. Navame paṇṇakuṭīsu sammantīti himavantapadese ramaṇīye araññāyatane rattiṭṭhānadivāṭṭhānacaṅkamanādīhi sampannāsu paṇṇasālāsu vasanti. Sakko ca devānamindo vepacitti cāti ime dve janā jāmātikasasurā kālena kalahaṃ karonti, kālena ekato caranti, imasmiṃ pana kāle ekato caranti. Paṭaliyoti gaṇaṅgaṇūpāhanā. Khaggaṃ olaggetvāti khaggaṃ aṃse olaggetvā. Chattenāti dibbasetacchattena matthake dhārayamānena. Apabyāmato karitvāti byāmato akatvā. Ciradikkhitānanti cirasamādiṇṇavatānaṃ. Ito paṭikkammāti ‘‘ito pakkama parivajjaya, mā uparivāte tiṭṭhā’’ti vadanti. Na hettha devāti etasmiṃ sīlavantānaṃ gandhe devā na paṭikkūlasaññino, iṭṭhakantamanāpasaññinoyevāti dīpeti. Navamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౯. అరఞ్ఞాయతనఇసిసుత్తం • 9. Araññāyatanaisisuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౯. అరఞ్ఞాయతనఇసిసుత్తవణ్ణనా • 9. Araññāyatanaisisuttavaṇṇanā
