| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๙. อรญฺญายตนอิสิสุตฺตวณฺณนา
9. Araññāyatanaisisuttavaṇṇanā
๒๕๕. ชามาติกา วุจฺจติ ธีตุปติ, สสุโร ภริยาย ปิตา, ตสฺมา อิเม อนฺตรวตฺติโน เทฺว ชนา สกฺกเวปจิตฺติโน สุชาย วเสน ชามาติกสสุราฯ ‘‘จิรทิกฺขิตาน’’นฺติ ทิกฺขิตฺวา ปพฺพชิตฺวา จิรกาลานํ วตสมาทานวเสน อิโต พาหิรกานํ ปพฺพชิตานนฺติ อาห ‘‘จิรสมาทินฺนวตาน’’นฺติฯ อิโต ปฎิกฺกมาติ อิโต ยถาฐิตฎฺฐานโต อเปหิ อปกฺกมฯ น ปฎิกฺกูลสญฺญิโน คุเณ คารวโยคโตฯ เทวา หิ เยภุเยฺยน ‘‘มยํ ปุเพฺพ คุณวเนฺต ปยิรุปาสิตฺวา เตสํ โอวาเท ฐตฺวา ปุญฺญานิ อุปจินิตฺวา อิธูปปนฺนา’’ติ คุณวเนฺตสุ อาทรภาวํ อุปฎฺฐเปนฺติฯ
255. Jāmātikā vuccati dhītupati, sasuro bhariyāya pitā, tasmā ime antaravattino dve janā sakkavepacittino sujāya vasena jāmātikasasurā. ‘‘Ciradikkhitāna’’nti dikkhitvā pabbajitvā cirakālānaṃ vatasamādānavasena ito bāhirakānaṃ pabbajitānanti āha ‘‘cirasamādinnavatāna’’nti. Ito paṭikkamāti ito yathāṭhitaṭṭhānato apehi apakkama. Na paṭikkūlasaññino guṇe gāravayogato. Devā hi yebhuyyena ‘‘mayaṃ pubbe guṇavante payirupāsitvā tesaṃ ovāde ṭhatvā puññāni upacinitvā idhūpapannā’’ti guṇavantesu ādarabhāvaṃ upaṭṭhapenti.
อรญฺญายตนอิสิสุตฺตวณฺณนา นิฎฺฐิตาฯ
Araññāyatanaisisuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๙. อรญฺญายตนอิสิสุตฺตํ • 9. Araññāyatanaisisuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๙. อรญฺญายตนอิสิสุตฺตวณฺณนา • 9. Araññāyatanaisisuttavaṇṇanā
