| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༩. ཨརཉྙཱཡཏནཨིསིསུཏྟཝཎྞནཱ
9. Araññāyatanaisisuttavaṇṇanā
༢༥༥. ནཝམེ པཎྞཀུཊཱིསུ སམྨནྟཱིཏི ཧིམཝནྟཔདེསེ རམཎཱིཡེ ཨརཉྙཱཡཏནེ རཏྟིཊྛཱནདིཝཱཊྛཱནཙངྐམནཱདཱིཧི སམྤནྣཱསུ པཎྞསཱལཱསུ ཝསནྟི། སཀྐོ ཙ དེཝཱནམིནྡོ ཝེཔཙིཏྟི ཙཱཏི ཨིམེ དྭེ ཛནཱ ཛཱམཱཏིཀསསུརཱ ཀཱལེན ཀལཧཾ ཀརོནྟི, ཀཱལེན ཨེཀཏོ ཙརནྟི, ཨིམསྨིཾ པན ཀཱལེ ཨེཀཏོ ཙརནྟི། པཊལིཡོཏི གཎངྒཎཱུཔཱཧནཱ། ཁགྒཾ ཨོལགྒེཏྭཱཏི ཁགྒཾ ཨཾསེ ཨོལགྒེཏྭཱ། ཚཏྟེནཱཏི དིབྦསེཏཙྪཏྟེན མཏྠཀེ དྷཱརཡམཱནེན། ཨཔབྱཱམཏོ ཀརིཏྭཱཏི བྱཱམཏོ ཨཀཏྭཱ། ཙིརདིཀྑིཏཱནནྟི ཙིརསམཱདིཎྞཝཏཱནཾ། ཨིཏོ པཊིཀྐམྨཱཏི ‘‘ཨིཏོ པཀྐམ པརིཝཛྫཡ, མཱ ཨུཔརིཝཱཏེ ཏིཊྛཱ’’ཏི ཝདནྟི། ན ཧེཏྠ དེཝཱཏི ཨེཏསྨིཾ སཱིལཝནྟཱནཾ གནྡྷེ དེཝཱ ན པཊིཀྐཱུལསཉྙིནོ, ཨིཊྛཀནྟམནཱཔསཉྙིནོཡེཝཱཏི དཱིཔེཏི། ནཝམཾ།
255. Navame paṇṇakuṭīsu sammantīti himavantapadese ramaṇīye araññāyatane rattiṭṭhānadivāṭṭhānacaṅkamanādīhi sampannāsu paṇṇasālāsu vasanti. Sakko ca devānamindo vepacitti cāti ime dve janā jāmātikasasurā kālena kalahaṃ karonti, kālena ekato caranti, imasmiṃ pana kāle ekato caranti. Paṭaliyoti gaṇaṅgaṇūpāhanā. Khaggaṃ olaggetvāti khaggaṃ aṃse olaggetvā. Chattenāti dibbasetacchattena matthake dhārayamānena. Apabyāmato karitvāti byāmato akatvā. Ciradikkhitānanti cirasamādiṇṇavatānaṃ. Ito paṭikkammāti ‘‘ito pakkama parivajjaya, mā uparivāte tiṭṭhā’’ti vadanti. Na hettha devāti etasmiṃ sīlavantānaṃ gandhe devā na paṭikkūlasaññino, iṭṭhakantamanāpasaññinoyevāti dīpeti. Navamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༩. ཨརཉྙཱཡཏནཨིསིསུཏྟཾ • 9. Araññāyatanaisisuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༩. ཨརཉྙཱཡཏནཨིསིསུཏྟཝཎྞནཱ • 9. Araññāyatanaisisuttavaṇṇanā
