| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯. ਅਰਞ੍ਞਾਯਤਨਇਸਿਸੁਤ੍ਤવਣ੍ਣਨਾ
9. Araññāyatanaisisuttavaṇṇanā
੨੫੫. ਨવਮੇ ਪਣ੍ਣਕੁਟੀਸੁ ਸਮ੍ਮਨ੍ਤੀਤਿ ਹਿਮવਨ੍ਤਪਦੇਸੇ ਰਮਣੀਯੇ ਅਰਞ੍ਞਾਯਤਨੇ ਰਤ੍ਤਿਟ੍ਠਾਨਦਿવਾਟ੍ਠਾਨਚਙ੍ਕਮਨਾਦੀਹਿ ਸਮ੍ਪਨ੍ਨਾਸੁ ਪਣ੍ਣਸਾਲਾਸੁ વਸਨ੍ਤਿ। ਸਕ੍ਕੋ ਚ ਦੇવਾਨਮਿਨ੍ਦੋ વੇਪਚਿਤ੍ਤਿ ਚਾਤਿ ਇਮੇ ਦ੍વੇ ਜਨਾ ਜਾਮਾਤਿਕਸਸੁਰਾ ਕਾਲੇਨ ਕਲਹਂ ਕਰੋਨ੍ਤਿ, ਕਾਲੇਨ ਏਕਤੋ ਚਰਨ੍ਤਿ, ਇਮਸ੍ਮਿਂ ਪਨ ਕਾਲੇ ਏਕਤੋ ਚਰਨ੍ਤਿ। ਪਟਲਿਯੋਤਿ ਗਣਙ੍ਗਣੂਪਾਹਨਾ। ਖਗ੍ਗਂ ਓਲਗ੍ਗੇਤ੍વਾਤਿ ਖਗ੍ਗਂ ਅਂਸੇ ਓਲਗ੍ਗੇਤ੍વਾ। ਛਤ੍ਤੇਨਾਤਿ ਦਿਬ੍ਬਸੇਤਚ੍ਛਤ੍ਤੇਨ ਮਤ੍ਥਕੇ ਧਾਰਯਮਾਨੇਨ। ਅਪਬ੍ਯਾਮਤੋ ਕਰਿਤ੍વਾਤਿ ਬ੍ਯਾਮਤੋ ਅਕਤ੍વਾ। ਚਿਰਦਿਕ੍ਖਿਤਾਨਨ੍ਤਿ ਚਿਰਸਮਾਦਿਣ੍ਣવਤਾਨਂ। ਇਤੋ ਪਟਿਕ੍ਕਮ੍ਮਾਤਿ ‘‘ਇਤੋ ਪਕ੍ਕਮ ਪਰਿવਜ੍ਜਯ, ਮਾ ਉਪਰਿવਾਤੇ ਤਿਟ੍ਠਾ’’ਤਿ વਦਨ੍ਤਿ। ਨ ਹੇਤ੍ਥ ਦੇવਾਤਿ ਏਤਸ੍ਮਿਂ ਸੀਲવਨ੍ਤਾਨਂ ਗਨ੍ਧੇ ਦੇવਾ ਨ ਪਟਿਕ੍ਕੂਲਸਞ੍ਞਿਨੋ, ਇਟ੍ਠਕਨ੍ਤਮਨਾਪਸਞ੍ਞਿਨੋਯੇવਾਤਿ ਦੀਪੇਤਿ। ਨવਮਂ।
255. Navame paṇṇakuṭīsu sammantīti himavantapadese ramaṇīye araññāyatane rattiṭṭhānadivāṭṭhānacaṅkamanādīhi sampannāsu paṇṇasālāsu vasanti. Sakko ca devānamindo vepacitti cāti ime dve janā jāmātikasasurā kālena kalahaṃ karonti, kālena ekato caranti, imasmiṃ pana kāle ekato caranti. Paṭaliyoti gaṇaṅgaṇūpāhanā. Khaggaṃ olaggetvāti khaggaṃ aṃse olaggetvā. Chattenāti dibbasetacchattena matthake dhārayamānena. Apabyāmato karitvāti byāmato akatvā. Ciradikkhitānanti cirasamādiṇṇavatānaṃ. Ito paṭikkammāti ‘‘ito pakkama parivajjaya, mā uparivāte tiṭṭhā’’ti vadanti. Na hettha devāti etasmiṃ sīlavantānaṃ gandhe devā na paṭikkūlasaññino, iṭṭhakantamanāpasaññinoyevāti dīpeti. Navamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਅਰਞ੍ਞਾਯਤਨਇਸਿਸੁਤ੍ਤਂ • 9. Araññāyatanaisisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯. ਅਰਞ੍ਞਾਯਤਨਇਸਿਸੁਤ੍ਤવਣ੍ਣਨਾ • 9. Araññāyatanaisisuttavaṇṇanā
