| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൯. അരഞ്ഞായതനഇസിസുത്തവണ്ണനാ
9. Araññāyatanaisisuttavaṇṇanā
൨൫൫. നവമേ പണ്ണകുടീസു സമ്മന്തീതി ഹിമവന്തപദേസേ രമണീയേ അരഞ്ഞായതനേ രത്തിട്ഠാനദിവാട്ഠാനചങ്കമനാദീഹി സമ്പന്നാസു പണ്ണസാലാസു വസന്തി. സക്കോ ച ദേവാനമിന്ദോ വേപചിത്തി ചാതി ഇമേ ദ്വേ ജനാ ജാമാതികസസുരാ കാലേന കലഹം കരോന്തി, കാലേന ഏകതോ ചരന്തി, ഇമസ്മിം പന കാലേ ഏകതോ ചരന്തി. പടലിയോതി ഗണങ്ഗണൂപാഹനാ. ഖഗ്ഗം ഓലഗ്ഗേത്വാതി ഖഗ്ഗം അംസേ ഓലഗ്ഗേത്വാ. ഛത്തേനാതി ദിബ്ബസേതച്ഛത്തേന മത്ഥകേ ധാരയമാനേന. അപബ്യാമതോ കരിത്വാതി ബ്യാമതോ അകത്വാ. ചിരദിക്ഖിതാനന്തി ചിരസമാദിണ്ണവതാനം. ഇതോ പടിക്കമ്മാതി ‘‘ഇതോ പക്കമ പരിവജ്ജയ, മാ ഉപരിവാതേ തിട്ഠാ’’തി വദന്തി. ന ഹേത്ഥ ദേവാതി ഏതസ്മിം സീലവന്താനം ഗന്ധേ ദേവാ ന പടിക്കൂലസഞ്ഞിനോ, ഇട്ഠകന്തമനാപസഞ്ഞിനോയേവാതി ദീപേതി. നവമം.
255. Navame paṇṇakuṭīsu sammantīti himavantapadese ramaṇīye araññāyatane rattiṭṭhānadivāṭṭhānacaṅkamanādīhi sampannāsu paṇṇasālāsu vasanti. Sakko ca devānamindo vepacitti cāti ime dve janā jāmātikasasurā kālena kalahaṃ karonti, kālena ekato caranti, imasmiṃ pana kāle ekato caranti. Paṭaliyoti gaṇaṅgaṇūpāhanā. Khaggaṃ olaggetvāti khaggaṃ aṃse olaggetvā. Chattenāti dibbasetacchattena matthake dhārayamānena. Apabyāmato karitvāti byāmato akatvā. Ciradikkhitānanti cirasamādiṇṇavatānaṃ. Ito paṭikkammāti ‘‘ito pakkama parivajjaya, mā uparivāte tiṭṭhā’’ti vadanti. Na hettha devāti etasmiṃ sīlavantānaṃ gandhe devā na paṭikkūlasaññino, iṭṭhakantamanāpasaññinoyevāti dīpeti. Navamaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൯. അരഞ്ഞായതനഇസിസുത്തം • 9. Araññāyatanaisisuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൯. അരഞ്ഞായതനഇസിസുത്തവണ്ണനാ • 9. Araññāyatanaisisuttavaṇṇanā
