| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
(১৯) ৪. অরঞ্ঞৰগ্গো
(19) 4. Araññavaggo
১. আরঞ্ঞিকসুত্তং
1. Āraññikasuttaṃ
১৮১. ‘‘পঞ্চিমে , ভিক্খৰে, আরঞ্ঞিকা 1। কতমে পঞ্চ? মন্দত্তা মোমূহত্তা আরঞ্ঞিকো হোতি, পাপিচ্ছো ইচ্ছাপকতো আরঞ্ঞিকো হোতি, উম্মাদা চিত্তক্খেপা আরঞ্ঞিকো হোতি, ৰণ্ণিতং বুদ্ধেহি বুদ্ধসাৰকেহীতি আরঞ্ঞিকো হোতি, অপ্পিচ্ছতংযেৰ নিস্সায সন্তুট্ঠিংযেৰ নিস্সায সল্লেখংযেৰ নিস্সায পৰিৰেকংযেৰ নিস্সায ইদমত্থিতংযেৰ 2 নিস্সায আরঞ্ঞিকো হোতি। ইমে খো, ভিক্খৰে, পঞ্চ আরঞ্ঞিকা। ইমেসং খো, ভিক্খৰে, পঞ্চন্নং আরঞ্ঞিকানং য্ৰাযং আরঞ্ঞিকো অপ্পিচ্ছতংযেৰ নিস্সায সন্তুট্ঠিংযেৰ নিস্সায সল্লেখংযেৰ নিস্সায পৰিৰেকংযেৰ নিস্সায ইদমত্থিতংযেৰ নিস্সায আরঞ্ঞিকো হোতি, অযং ইমেসং পঞ্চন্নং আরঞ্ঞিকানং অগ্গো চ সেট্ঠো চ মোক্খো 3 চ উত্তমো চ পৰরো চ।
181. ‘‘Pañcime , bhikkhave, āraññikā 4. Katame pañca? Mandattā momūhattā āraññiko hoti, pāpiccho icchāpakato āraññiko hoti, ummādā cittakkhepā āraññiko hoti, vaṇṇitaṃ buddhehi buddhasāvakehīti āraññiko hoti, appicchataṃyeva nissāya santuṭṭhiṃyeva nissāya sallekhaṃyeva nissāya pavivekaṃyeva nissāya idamatthitaṃyeva 5 nissāya āraññiko hoti. Ime kho, bhikkhave, pañca āraññikā. Imesaṃ kho, bhikkhave, pañcannaṃ āraññikānaṃ yvāyaṃ āraññiko appicchataṃyeva nissāya santuṭṭhiṃyeva nissāya sallekhaṃyeva nissāya pavivekaṃyeva nissāya idamatthitaṃyeva nissāya āraññiko hoti, ayaṃ imesaṃ pañcannaṃ āraññikānaṃ aggo ca seṭṭho ca mokkho 6 ca uttamo ca pavaro ca.
‘‘সেয্যথাপি, ভিক্খৰে, গৰা খীরং, খীরম্হা দধি, দধিম্হা নৰনীতং, নৰনীতম্হা সপ্পি, সপ্পিম্হা সপ্পিমণ্ডো, সপ্পিমণ্ডো 7 তত্থ অগ্গমক্খাযতি; এৰমেৰং খো, ভিক্খৰে, ইমেসং পঞ্চন্নং আরঞ্ঞিকানং য্ৰাযং আরঞ্ঞিকো অপ্পিচ্ছতংযেৰ নিস্সায সন্তুট্ঠিংযেৰ নিস্সায সল্লেখংযেৰ নিস্সায পৰিৰেকংযেৰ নিস্সায ইদমত্থিতংযেৰ নিস্সায আরঞ্ঞিকো হোতি, অযং ইমেসং পঞ্চন্নং আরঞ্ঞিকানং অগ্গো চ সেট্ঠো চ মোক্খো চ উত্তমো চ পৰরো চা’’তি। পঠমং।
‘‘Seyyathāpi, bhikkhave, gavā khīraṃ, khīramhā dadhi, dadhimhā navanītaṃ, navanītamhā sappi, sappimhā sappimaṇḍo, sappimaṇḍo 8 tattha aggamakkhāyati; evamevaṃ kho, bhikkhave, imesaṃ pañcannaṃ āraññikānaṃ yvāyaṃ āraññiko appicchataṃyeva nissāya santuṭṭhiṃyeva nissāya sallekhaṃyeva nissāya pavivekaṃyeva nissāya idamatthitaṃyeva nissāya āraññiko hoti, ayaṃ imesaṃ pañcannaṃ āraññikānaṃ aggo ca seṭṭho ca mokkho ca uttamo ca pavaro cā’’ti. Paṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. আরঞ্ঞিকসুত্তৰণ্ণনা • 1. Āraññikasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১. আরঞ্ঞিকসুত্তৰণ্ণনা • 1. Āraññikasuttavaṇṇanā
