| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
(១៩) ៤. អរញ្ញវគ្គោ
(19) 4. Araññavaggo
១. អារញ្ញិកសុត្តំ
1. Āraññikasuttaṃ
១៨១. ‘‘បញ្ចិមេ , ភិក្ខវេ, អារញ្ញិកា 1។ កតមេ បញ្ច? មន្ទត្តា មោមូហត្តា អារញ្ញិកោ ហោតិ, បាបិច្ឆោ ឥច្ឆាបកតោ អារញ្ញិកោ ហោតិ, ឧម្មាទា ចិត្តក្ខេបា អារញ្ញិកោ ហោតិ, វណ្ណិតំ ពុទ្ធេហិ ពុទ្ធសាវកេហីតិ អារញ្ញិកោ ហោតិ, អប្បិច្ឆតំយេវ និស្សាយ សន្តុដ្ឋិំយេវ និស្សាយ សល្លេខំយេវ និស្សាយ បវិវេកំយេវ និស្សាយ ឥទមត្ថិតំយេវ 2 និស្សាយ អារញ្ញិកោ ហោតិ។ ឥមេ ខោ, ភិក្ខវេ, បញ្ច អារញ្ញិកា។ ឥមេសំ ខោ, ភិក្ខវេ, បញ្ចន្នំ អារញ្ញិកានំ យ្វាយំ អារញ្ញិកោ អប្បិច្ឆតំយេវ និស្សាយ សន្តុដ្ឋិំយេវ និស្សាយ សល្លេខំយេវ និស្សាយ បវិវេកំយេវ និស្សាយ ឥទមត្ថិតំយេវ និស្សាយ អារញ្ញិកោ ហោតិ, អយំ ឥមេសំ បញ្ចន្នំ អារញ្ញិកានំ អគ្គោ ច សេដ្ឋោ ច មោក្ខោ 3 ច ឧត្តមោ ច បវរោ ច។
181. ‘‘Pañcime , bhikkhave, āraññikā 4. Katame pañca? Mandattā momūhattā āraññiko hoti, pāpiccho icchāpakato āraññiko hoti, ummādā cittakkhepā āraññiko hoti, vaṇṇitaṃ buddhehi buddhasāvakehīti āraññiko hoti, appicchataṃyeva nissāya santuṭṭhiṃyeva nissāya sallekhaṃyeva nissāya pavivekaṃyeva nissāya idamatthitaṃyeva 5 nissāya āraññiko hoti. Ime kho, bhikkhave, pañca āraññikā. Imesaṃ kho, bhikkhave, pañcannaṃ āraññikānaṃ yvāyaṃ āraññiko appicchataṃyeva nissāya santuṭṭhiṃyeva nissāya sallekhaṃyeva nissāya pavivekaṃyeva nissāya idamatthitaṃyeva nissāya āraññiko hoti, ayaṃ imesaṃ pañcannaṃ āraññikānaṃ aggo ca seṭṭho ca mokkho 6 ca uttamo ca pavaro ca.
‘‘សេយ្យថាបិ, ភិក្ខវេ, គវា ខីរំ, ខីរម្ហា ទធិ, ទធិម្ហា នវនីតំ, នវនីតម្ហា សប្បិ, សប្បិម្ហា សប្បិមណ្ឌោ, សប្បិមណ្ឌោ 7 តត្ថ អគ្គមក្ខាយតិ; ឯវមេវំ ខោ, ភិក្ខវេ, ឥមេសំ បញ្ចន្នំ អារញ្ញិកានំ យ្វាយំ អារញ្ញិកោ អប្បិច្ឆតំយេវ និស្សាយ សន្តុដ្ឋិំយេវ និស្សាយ សល្លេខំយេវ និស្សាយ បវិវេកំយេវ និស្សាយ ឥទមត្ថិតំយេវ និស្សាយ អារញ្ញិកោ ហោតិ, អយំ ឥមេសំ បញ្ចន្នំ អារញ្ញិកានំ អគ្គោ ច សេដ្ឋោ ច មោក្ខោ ច ឧត្តមោ ច បវរោ ចា’’តិ។ បឋមំ។
‘‘Seyyathāpi, bhikkhave, gavā khīraṃ, khīramhā dadhi, dadhimhā navanītaṃ, navanītamhā sappi, sappimhā sappimaṇḍo, sappimaṇḍo 8 tattha aggamakkhāyati; evamevaṃ kho, bhikkhave, imesaṃ pañcannaṃ āraññikānaṃ yvāyaṃ āraññiko appicchataṃyeva nissāya santuṭṭhiṃyeva nissāya sallekhaṃyeva nissāya pavivekaṃyeva nissāya idamatthitaṃyeva nissāya āraññiko hoti, ayaṃ imesaṃ pañcannaṃ āraññikānaṃ aggo ca seṭṭho ca mokkho ca uttamo ca pavaro cā’’ti. Paṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ១. អារញ្ញិកសុត្តវណ្ណនា • 1. Āraññikasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១. អារញ្ញិកសុត្តវណ្ណនា • 1. Āraññikasuttavaṇṇanā
