| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
(၁၉) ၄. အရညဝဂ္ဂော
(19) 4. Araññavaggo
၁. အာရညိကသုတ္တဝဏ္ဏနာ
1. Āraññikasuttavaṇṇanā
၁၈၁. စတုတ္ထသ္သ ပဌမေ မန္ဒတ္တာ မောမူဟတ္တာတိ နေဝ သမာဒာနံ ဇာနာတိ, န အာနိသံသံ။ အတ္တနော ပန မန္ဒတ္တာ မောမူဟတ္တာ အညာဏေနေဝ အာရညကော ဟောတိ။ ပာပိစ္ဆော ဣစ္ဆာပကတောတိ ‘‘အရညေ မေ ဝိဟရန္တသ္သ ‘အယံ အာရညကော’တိ စတုပစ္စယသက္ကာရံ ကရိသ္သန္တိ, ‘အယံ ဘိက္ခု လဇ္ဇီ ပဝိဝိတ္တော’တိအာဒီဟိ စ ဂုဏေဟိ သမ္ဘာဝေသ္သန္တီ’’တိ ဧဝံ ပာပိကာယ ဣစ္ဆာယ ဌတ္ဝာ တာယ ဧဝ ဣစ္ဆာယ အဘိဘူတော ဟုတ္ဝာ အာရညကော ဟောတိ။ ဥမ္မာဒဝသေန အရညံ ပဝိသိတ္ဝာ ဝိဟရန္တော ပန ဥမ္မာဒာ စိတ္တက္ခေပာ အာရညကော နာမ ဟောတိ။ ဝဏ္ဏိတန္တိ ဣဒံ အာရညကင္ဂံ နာမ ဗုဒ္ဓေဟိ စ ဗုဒ္ဓသာဝကေဟိ စ ဝဏ္ဏိတံ ပသတ္ထန္တိ အာရညကော ဟောတိ။ ဣဒမတ္ထိတန္တိ ဣမာယ ကလ္ယာဏာယ ပဋိပတ္တိယာ အတ္ထော ဧတသ္သာတိ ဣဒမတ္ထီ, ဣဒမတ္ထိနော ဘာဝော ဣဒမတ္ထိတာ။ တံ ဣဒမတ္ထိတံယေဝ နိသ္သာယ, န အညံ ကိဉ္စိ လောကာမိသန္တိ အတ္ထော။ သေသမေတ္ထ ဣတော ပရေသု စ ဥတ္တာနတ္ထမေဝ။
181. Catutthassa paṭhame mandattā momūhattāti neva samādānaṃ jānāti, na ānisaṃsaṃ. Attano pana mandattā momūhattā aññāṇeneva āraññako hoti. Pāpiccho icchāpakatoti ‘‘araññe me viharantassa ‘ayaṃ āraññako’ti catupaccayasakkāraṃ karissanti, ‘ayaṃ bhikkhu lajjī pavivitto’tiādīhi ca guṇehi sambhāvessantī’’ti evaṃ pāpikāya icchāya ṭhatvā tāya eva icchāya abhibhūto hutvā āraññako hoti. Ummādavasena araññaṃ pavisitvā viharanto pana ummādā cittakkhepā āraññako nāma hoti. Vaṇṇitanti idaṃ āraññakaṅgaṃ nāma buddhehi ca buddhasāvakehi ca vaṇṇitaṃ pasatthanti āraññako hoti. Idamatthitanti imāya kalyāṇāya paṭipattiyā attho etassāti idamatthī, idamatthino bhāvo idamatthitā. Taṃ idamatthitaṃyeva nissāya, na aññaṃ kiñci lokāmisanti attho. Sesamettha ito paresu ca uttānatthameva.
အရညဝဂ္ဂော စတုတ္ထော။
Araññavaggo catuttho.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. အာရညိကသုတ္တံ • 1. Āraññikasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁. အာရညိကသုတ္တဝဏ္ဏနာ • 1. Āraññikasuttavaṇṇanā
