| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
(19) 4. අරඤ්‌ඤවග්‌ගො
(19) 4. Araññavaggo
1. ආරඤ්‌ඤිකසුත්‌තවණ්‌ණනා
1. Āraññikasuttavaṇṇanā
181. චතුත්‌ථස්‌ස පඨමෙ මන්‌දත්‌තා මොමූහත්‌තාති නෙව සමාදානං ජානාති, න ආනිසංසං. අත්‌තනො පන මන්‌දත්‌තා මොමූහත්‌තා අඤ්‌ඤාණෙනෙව ආරඤ්‌ඤකො හොති. පාපිච්‌ඡො ඉච්‌ඡාපකතොති ‘‘අරඤ්‌ඤෙ මෙ විහරන්‌තස්‌ස ‘අයං ආරඤ්‌ඤකො’ති චතුපච්‌චයසක්‌කාරං කරිස්‌සන්‌ති, ‘අයං භික්‌ඛු ලජ්‌ජී පවිවිත්‌තො’තිආදීහි ච ගුණෙහි සම්‌භාවෙස්‌සන්‌තී’’ති එවං පාපිකාය ඉච්‌ඡාය ඨත්‌වා තාය එව ඉච්‌ඡාය අභිභූතො හුත්‌වා ආරඤ්‌ඤකො හොති. උම්‌මාදවසෙන අරඤ්‌ඤං පවිසිත්‌වා විහරන්‌තො පන උම්‌මාදා චිත්‌තක්‌ඛෙපා ආරඤ්‌ඤකො නාම හොති. වණ්‌ණිතන්‌ති ඉදං ආරඤ්‌ඤකඞ්‌ගං නාම බුද්‌ධෙහි ච බුද්‌ධසාවකෙහි ච වණ්‌ණිතං පසත්‌ථන්‌ති ආරඤ්‌ඤකො හොති. ඉදමත්‌ථිතන්‌ති ඉමාය කල්‍යාණාය පටිපත්‌තියා අත්‌ථො එතස්‌සාති ඉදමත්‌ථී, ඉදමත්‌ථිනො භාවො ඉදමත්‌ථිතා. තං ඉදමත්‌ථිතංයෙව නිස්‌සාය, න අඤ්‌ඤං කිඤ්‌චි ලොකාමිසන්‌ති අත්‌ථො. සෙසමෙත්‌ථ ඉතො පරෙසු ච උත්‌තානත්‌ථමෙව.
181. Catutthassa paṭhame mandattā momūhattāti neva samādānaṃ jānāti, na ānisaṃsaṃ. Attano pana mandattā momūhattā aññāṇeneva āraññako hoti. Pāpiccho icchāpakatoti ‘‘araññe me viharantassa ‘ayaṃ āraññako’ti catupaccayasakkāraṃ karissanti, ‘ayaṃ bhikkhu lajjī pavivitto’tiādīhi ca guṇehi sambhāvessantī’’ti evaṃ pāpikāya icchāya ṭhatvā tāya eva icchāya abhibhūto hutvā āraññako hoti. Ummādavasena araññaṃ pavisitvā viharanto pana ummādā cittakkhepā āraññako nāma hoti. Vaṇṇitanti idaṃ āraññakaṅgaṃ nāma buddhehi ca buddhasāvakehi ca vaṇṇitaṃ pasatthanti āraññako hoti. Idamatthitanti imāya kalyāṇāya paṭipattiyā attho etassāti idamatthī, idamatthino bhāvo idamatthitā. Taṃ idamatthitaṃyeva nissāya, na aññaṃ kiñci lokāmisanti attho. Sesamettha ito paresu ca uttānatthameva.
අරඤ්‌ඤවග්‌ගො චතුත්‌ථො.
Araññavaggo catuttho.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 1. ආරඤ්‌ඤිකසුත්‌තං • 1. Āraññikasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1. ආරඤ්‌ඤිකසුත්‌තවණ්‌ණනා • 1. Āraññikasuttavaṇṇanā
