| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
(༡༩) ༤. ཨརཉྙཝགྒོ
(19) 4. Araññavaggo
༡. ཨཱརཉྙིཀསུཏྟཝཎྞནཱ
1. Āraññikasuttavaṇṇanā
༡༨༡. ཙཏུཏྠསྶ པཋམེ ཨཔྤཱིཙྪཏཾཡེཝ ནིསྶཱཡཱཏིཨཱདཱིསུ ‘‘ཨིཏི ཨཔྤིཙྪོ བྷཝིསྶཱམཱི’’ཏི ཨིདཾ མེ ཨཱརཉྙིཀངྒཾ ཨཔྤིཙྪཏཱཡ སཾཝཏྟིསྶཏི, ‘‘ཨིཏི སནྟུཊྛོ བྷཝིསྶཱམཱི’’ཏི ཨིདཾ མེ ཨཱརཉྙིཀངྒཾ སནྟུཊྛིཡཱ སཾཝཏྟིསྶཏི, ‘‘ཨིཏི ཀིལེསེ སལླིཁིསྶཱམཱི’’ཏི ཨིདཾ མེ ཨཱརཉྙིཀངྒཾ ཀིལེསསལླིཁནཏྠཱཡ སཾཝཏྟིསྶཏཱིཏི ཨཱརཉྙིཀོ ཧོཏི། ཨགྒོཏི ཛེཊྛཀོ། སེསཱནི ཏསྶེཝ ཝེཝཙནཱནི།
181. Catutthassa paṭhame appīcchataṃyeva nissāyātiādīsu ‘‘iti appiccho bhavissāmī’’ti idaṃ me āraññikaṅgaṃ appicchatāya saṃvattissati, ‘‘iti santuṭṭho bhavissāmī’’ti idaṃ me āraññikaṅgaṃ santuṭṭhiyā saṃvattissati, ‘‘iti kilese sallikhissāmī’’ti idaṃ me āraññikaṅgaṃ kilesasallikhanatthāya saṃvattissatīti āraññiko hoti. Aggoti jeṭṭhako. Sesāni tasseva vevacanāni.
གཝཱ ཁཱིརནྟི གཱཝིཏོ ཁཱིརཾ ནཱམ ཧོཏི, ན གཱཝིཡཱ དདྷི། ཁཱིརམྷཱ དདྷཱིཏིཨཱདཱིསུཔི ཨེསེཝ ནཡོ། ཨེཝམེཝནྟི ཡཐཱ ཨེཏེསུ པཉྩསུ གོརསེསུ སཔྤིམཎྜོ ཨགྒོ, ཨེཝམེཝཾ ཨིམེསུ པཉྩསུ ཨཱརཉྙིཀེསུ ཡོ ཨཡཾ ཨཔྤིཙྪཏཱདཱིནི ནིསྶཱཡ ཨཱརཉྙིཀོ ཧོཏི, ཨཡཾ ཨགྒོ ཙེཝ སེཊྛོ ཙ མོཀྑོ ཙ པཝརོ ཙ། ཨིམེསུ ཨཱརཉྙིཀེསུ ཛཱཏིཨཱརཉྙིཀཱ ཝེདིཏབྦཱ, ན ཨཱརཉྙིཀནཱམམཏྟེན ཨཱརཉྙིཀཱཏི ཝེདིཏབྦཱ། པཾསུཀཱུལིཀཱདཱིསུཔི ཨེསེཝ ནཡོ།
Gavā khīranti gāvito khīraṃ nāma hoti, na gāviyā dadhi. Khīramhā dadhītiādīsupi eseva nayo. Evamevanti yathā etesu pañcasu gorasesu sappimaṇḍo aggo, evamevaṃ imesu pañcasu āraññikesu yo ayaṃ appicchatādīni nissāya āraññiko hoti, ayaṃ aggo ceva seṭṭho ca mokkho ca pavaro ca. Imesu āraññikesu jātiāraññikā veditabbā, na āraññikanāmamattena āraññikāti veditabbā. Paṃsukūlikādīsupi eseva nayo.
ཨཱརཉྙིཀསུཏྟཝཎྞནཱ ནིཊྛིཏཱ།
Āraññikasuttavaṇṇanā niṭṭhitā.
ཨརཉྙཝགྒཝཎྞནཱ ནིཊྛིཏཱ།
Araññavaggavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡. ཨཱརཉྙིཀསུཏྟཾ • 1. Āraññikasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡. ཨཱརཉྙིཀསུཏྟཝཎྞནཱ • 1. Āraññikasuttavaṇṇanā
