| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
(੧੯) ੪. ਅਰਞ੍ਞવਗ੍ਗੋ
(19) 4. Araññavaggo
੧. ਆਰਞ੍ਞਿਕਸੁਤ੍ਤવਣ੍ਣਨਾ
1. Āraññikasuttavaṇṇanā
੧੮੧. ਚਤੁਤ੍ਥਸ੍ਸ ਪਠਮੇ ਅਪ੍ਪੀਚ੍ਛਤਂਯੇવ ਨਿਸ੍ਸਾਯਾਤਿਆਦੀਸੁ ‘‘ਇਤਿ ਅਪ੍ਪਿਚ੍ਛੋ ਭવਿਸ੍ਸਾਮੀ’’ਤਿ ਇਦਂ ਮੇ ਆਰਞ੍ਞਿਕਙ੍ਗਂ ਅਪ੍ਪਿਚ੍ਛਤਾਯ ਸਂવਤ੍ਤਿਸ੍ਸਤਿ, ‘‘ਇਤਿ ਸਨ੍ਤੁਟ੍ਠੋ ਭવਿਸ੍ਸਾਮੀ’’ਤਿ ਇਦਂ ਮੇ ਆਰਞ੍ਞਿਕਙ੍ਗਂ ਸਨ੍ਤੁਟ੍ਠਿਯਾ ਸਂવਤ੍ਤਿਸ੍ਸਤਿ, ‘‘ਇਤਿ ਕਿਲੇਸੇ ਸਲ੍ਲਿਖਿਸ੍ਸਾਮੀ’’ਤਿ ਇਦਂ ਮੇ ਆਰਞ੍ਞਿਕਙ੍ਗਂ ਕਿਲੇਸਸਲ੍ਲਿਖਨਤ੍ਥਾਯ ਸਂવਤ੍ਤਿਸ੍ਸਤੀਤਿ ਆਰਞ੍ਞਿਕੋ ਹੋਤਿ। ਅਗ੍ਗੋਤਿ ਜੇਟ੍ਠਕੋ। ਸੇਸਾਨਿ ਤਸ੍ਸੇવ વੇવਚਨਾਨਿ।
181. Catutthassa paṭhame appīcchataṃyeva nissāyātiādīsu ‘‘iti appiccho bhavissāmī’’ti idaṃ me āraññikaṅgaṃ appicchatāya saṃvattissati, ‘‘iti santuṭṭho bhavissāmī’’ti idaṃ me āraññikaṅgaṃ santuṭṭhiyā saṃvattissati, ‘‘iti kilese sallikhissāmī’’ti idaṃ me āraññikaṅgaṃ kilesasallikhanatthāya saṃvattissatīti āraññiko hoti. Aggoti jeṭṭhako. Sesāni tasseva vevacanāni.
ਗવਾ ਖੀਰਨ੍ਤਿ ਗਾવਿਤੋ ਖੀਰਂ ਨਾਮ ਹੋਤਿ, ਨ ਗਾવਿਯਾ ਦਧਿ। ਖੀਰਮ੍ਹਾ ਦਧੀਤਿਆਦੀਸੁਪਿ ਏਸੇવ ਨਯੋ। ਏવਮੇવਨ੍ਤਿ ਯਥਾ ਏਤੇਸੁ ਪਞ੍ਚਸੁ ਗੋਰਸੇਸੁ ਸਪ੍ਪਿਮਣ੍ਡੋ ਅਗ੍ਗੋ, ਏવਮੇવਂ ਇਮੇਸੁ ਪਞ੍ਚਸੁ ਆਰਞ੍ਞਿਕੇਸੁ ਯੋ ਅਯਂ ਅਪ੍ਪਿਚ੍ਛਤਾਦੀਨਿ ਨਿਸ੍ਸਾਯ ਆਰਞ੍ਞਿਕੋ ਹੋਤਿ, ਅਯਂ ਅਗ੍ਗੋ ਚੇવ ਸੇਟ੍ਠੋ ਚ ਮੋਕ੍ਖੋ ਚ ਪવਰੋ ਚ। ਇਮੇਸੁ ਆਰਞ੍ਞਿਕੇਸੁ ਜਾਤਿਆਰਞ੍ਞਿਕਾ વੇਦਿਤਬ੍ਬਾ, ਨ ਆਰਞ੍ਞਿਕਨਾਮਮਤ੍ਤੇਨ ਆਰਞ੍ਞਿਕਾਤਿ વੇਦਿਤਬ੍ਬਾ। ਪਂਸੁਕੂਲਿਕਾਦੀਸੁਪਿ ਏਸੇવ ਨਯੋ।
Gavā khīranti gāvito khīraṃ nāma hoti, na gāviyā dadhi. Khīramhā dadhītiādīsupi eseva nayo. Evamevanti yathā etesu pañcasu gorasesu sappimaṇḍo aggo, evamevaṃ imesu pañcasu āraññikesu yo ayaṃ appicchatādīni nissāya āraññiko hoti, ayaṃ aggo ceva seṭṭho ca mokkho ca pavaro ca. Imesu āraññikesu jātiāraññikā veditabbā, na āraññikanāmamattena āraññikāti veditabbā. Paṃsukūlikādīsupi eseva nayo.
ਆਰਞ੍ਞਿਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Āraññikasuttavaṇṇanā niṭṭhitā.
ਅਰਞ੍ਞવਗ੍ਗવਣ੍ਣਨਾ ਨਿਟ੍ਠਿਤਾ।
Araññavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਆਰਞ੍ਞਿਕਸੁਤ੍ਤਂ • 1. Āraññikasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧. ਆਰਞ੍ਞਿਕਸੁਤ੍ਤવਣ੍ਣਨਾ • 1. Āraññikasuttavaṇṇanā
