| Library / Tipiṭaka / திபிடக • Tipiṭaka / சூளவக்³க³-அட்ட²கதா² • Cūḷavagga-aṭṭhakathā |
ஆரஞ்ஞிகவத்தகதா²
Āraññikavattakathā
368. ஆரஞ்ஞிகவத்தே – ஸேனாஸனா ஓதரிதப்³ப³ந்தி வஸனட்டா²னதோ நிக்க²மிதப்³ப³ங்.
368. Āraññikavatte – senāsanā otaritabbanti vasanaṭṭhānato nikkhamitabbaṃ.
பத்தங் த²விகாய பக்கி²பித்வாதி எத்த² ஸசே ப³ஹிகா³மே உத³கங் நத்தி², அந்தோகா³மேயேவ ப⁴த்தகிச்சங் கத்வா அத² ப³ஹிகா³மே அத்தி², ப³ஹிகா³மே ப⁴த்தகிச்சங் கத்வா பத்தோ தோ⁴வித்வா வோத³கோ கத்வா த²விகாய பக்கி²பிதப்³போ³.
Pattaṃ thavikāya pakkhipitvāti ettha sace bahigāme udakaṃ natthi, antogāmeyeva bhattakiccaṃ katvā atha bahigāme atthi, bahigāme bhattakiccaṃ katvā patto dhovitvā vodako katvā thavikāya pakkhipitabbo.
பரிபோ⁴ஜனீயங் உபட்டா²பேதப்³ப³ந்தி ஸசே பா⁴ஜனானி நப்பஹொந்தி, பானீயமேவ பரிபோ⁴ஜனீயம்பி கத்வா உபட்டா²பேதப்³ப³ங். பா⁴ஜனங் அலப⁴ந்தேன வேளுனாளிகாயபி உபட்டா²பேதப்³ப³ங். தம்பி அலப⁴ந்தஸ்ஸ யதா² ஸமீபே உத³கஆவாடோ ஹோதி, ஏவங் காதப்³ப³ங். அரணிஸஹிதே ஸதி அக்³கி³ங் அகாதும்பி வட்டதி . யதா² ச ஆரஞ்ஞிகஸ்ஸ, ஏவங் கந்தாரப்படிபன்னஸ்ஸாபி அரணிஸஹிதங் இச்சி²தப்³ப³ங். க³ணவாஸினோ பன தேன வினாபி வட்டதி. நக்க²த்தானேவ நக்க²த்தபதா³னி.
Paribhojanīyaṃ upaṭṭhāpetabbanti sace bhājanāni nappahonti, pānīyameva paribhojanīyampi katvā upaṭṭhāpetabbaṃ. Bhājanaṃ alabhantena veḷunāḷikāyapi upaṭṭhāpetabbaṃ. Tampi alabhantassa yathā samīpe udakaāvāṭo hoti, evaṃ kātabbaṃ. Araṇisahite sati aggiṃ akātumpi vaṭṭati . Yathā ca āraññikassa, evaṃ kantārappaṭipannassāpi araṇisahitaṃ icchitabbaṃ. Gaṇavāsino pana tena vināpi vaṭṭati. Nakkhattāneva nakkhattapadāni.
ஆரஞ்ஞிகவத்தகதா² நிட்டி²தா.
Āraññikavattakathā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / 7. ஆரஞ்ஞிகவத்தகதா² • 7. Āraññikavattakathā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 7. ஆரஞ்ஞிகவத்தகதா² • 7. Āraññikavattakathā
