| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
7. ஆரஞ்ஞிகவத்தகதா²
7. Āraññikavattakathā
368. ஆரஞ்ஞிகவத்தே ஏவங் வினிச்ச²யோ வேதி³தப்³போ³தி யோஜனா. ஸேனாஸனா ஓதரிதப்³ப³ந்தி எத்த² அரஞ்ஞே ருக்க²மூலாதீ³ஸு நிஸின்னஸ்ஸ விஹாராபா⁴வதோ ஸேனாஸனங் நாம வஸனட்டா²னங் ஸந்தா⁴ய வுத்தந்தி ஆஹ ‘‘வஸனட்டா²னதோ நிக்க²மிதப்³ப³’’ந்தி.
368. Āraññikavatte evaṃ vinicchayo veditabboti yojanā. Senāsanā otaritabbanti ettha araññe rukkhamūlādīsu nisinnassa vihārābhāvato senāsanaṃ nāma vasanaṭṭhānaṃ sandhāya vuttanti āha ‘‘vasanaṭṭhānato nikkhamitabba’’nti.
பத்தங் த²விகாய பக்கி²பித்வாதி எத்த² கத²ங் பத்தோ த²விகாய பக்கி²பிதப்³போ³தி ஆஹ ‘‘ஸசே ப³ஹீ’’திஆதி³. தத்த² பத்தோ பக்கி²பிதப்³போ³தி ஸம்ப³ந்தோ⁴. தோ⁴வித்வா கத்வாதி பதே³ஸு ‘‘பத்தங் வோத³க’’ந்தி விப⁴த்திபரிணாமங் கத்வா ஸம்ப³ந்தி⁴தப்³ப³ங். தம்பீதி வேளுனாளிகம்பி. ஸமீபேதி ஆரஞ்ஞகஸ்ஸ ஸேனாஸனஸ்ஸ ஸமீபே. யதா² ச ஆரஞ்ஞகஸ்ஸ அரணிஸஹிதங் இச்சி²தப்³ப³ங், ஏவங் கந்தாரங் படிபன்னஸ்ஸாபி அரணிஸஹிதங் இச்சி²தப்³ப³ந்தி யோஜனா. க³ணவாஸினோதி க³ணேன ஸஹ வாஸினோ, ஆரஞ்ஞகஸ்ஸாதி ஸம்ப³ந்தோ⁴. தேனாதி அரணிஸஹிதேன. ‘‘நக்க²த்தானேவ நக்க²த்தபதா³னீ’’தி இமினா அஸ்ஸயுஜாதி³னக்க²த்தானேவ (அபி⁴தா⁴னப்பதீ³பிகாயங் 58-60 கா³தா²ஸு) தி³ஸாபா⁴க³ஜானநஸ்ஸ, ச ஸமயஜானநஸ்ஸ ச காரணத்தா நக்க²த்தபதா³னி நாமாதி த³ஸ்ஸேதி.
Pattaṃ thavikāya pakkhipitvāti ettha kathaṃ patto thavikāya pakkhipitabboti āha ‘‘sace bahī’’tiādi. Tattha patto pakkhipitabboti sambandho. Dhovitvā katvāti padesu ‘‘pattaṃ vodaka’’nti vibhattipariṇāmaṃ katvā sambandhitabbaṃ. Tampīti veḷunāḷikampi. Samīpeti āraññakassa senāsanassa samīpe. Yathā ca āraññakassa araṇisahitaṃ icchitabbaṃ, evaṃ kantāraṃ paṭipannassāpi araṇisahitaṃ icchitabbanti yojanā. Gaṇavāsinoti gaṇena saha vāsino, āraññakassāti sambandho. Tenāti araṇisahitena. ‘‘Nakkhattāneva nakkhattapadānī’’ti iminā assayujādinakkhattāneva (abhidhānappadīpikāyaṃ 58-60 gāthāsu) disābhāgajānanassa, ca samayajānanassa ca kāraṇattā nakkhattapadāni nāmāti dasseti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / 7. ஆரஞ்ஞிகவத்தகதா² • 7. Āraññikavattakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / ஆரஞ்ஞிகவத்தகதா² • Āraññikavattakathā
