| Library / Tipiṭaka / তিপিটক • Tipiṭaka / চূল়ৰগ্গ-অট্ঠকথা • Cūḷavagga-aṭṭhakathā |
আরঞ্ঞিকৰত্তকথা
Āraññikavattakathā
৩৬৮. আরঞ্ঞিকৰত্তে – সেনাসনা ওতরিতব্বন্তি ৰসনট্ঠানতো নিক্খমিতব্বং।
368. Āraññikavatte – senāsanā otaritabbanti vasanaṭṭhānato nikkhamitabbaṃ.
পত্তং থৰিকায পক্খিপিত্ৰাতি এত্থ সচে বহিগামে উদকং নত্থি, অন্তোগামেযেৰ ভত্তকিচ্চং কত্ৰা অথ বহিগামে অত্থি, বহিগামে ভত্তকিচ্চং কত্ৰা পত্তো ধোৰিত্ৰা ৰোদকো কত্ৰা থৰিকায পক্খিপিতব্বো।
Pattaṃ thavikāya pakkhipitvāti ettha sace bahigāme udakaṃ natthi, antogāmeyeva bhattakiccaṃ katvā atha bahigāme atthi, bahigāme bhattakiccaṃ katvā patto dhovitvā vodako katvā thavikāya pakkhipitabbo.
পরিভোজনীযং উপট্ঠাপেতব্বন্তি সচে ভাজনানি নপ্পহোন্তি, পানীযমেৰ পরিভোজনীযম্পি কত্ৰা উপট্ঠাপেতব্বং। ভাজনং অলভন্তেন ৰেল়ুনাল়িকাযপি উপট্ঠাপেতব্বং। তম্পি অলভন্তস্স যথা সমীপে উদকআৰাটো হোতি, এৰং কাতব্বং। অরণিসহিতে সতি অগ্গিং অকাতুম্পি ৰট্টতি । যথা চ আরঞ্ঞিকস্স, এৰং কন্তারপ্পটিপন্নস্সাপি অরণিসহিতং ইচ্ছিতব্বং। গণৰাসিনো পন তেন ৰিনাপি ৰট্টতি। নক্খত্তানেৰ নক্খত্তপদানি।
Paribhojanīyaṃ upaṭṭhāpetabbanti sace bhājanāni nappahonti, pānīyameva paribhojanīyampi katvā upaṭṭhāpetabbaṃ. Bhājanaṃ alabhantena veḷunāḷikāyapi upaṭṭhāpetabbaṃ. Tampi alabhantassa yathā samīpe udakaāvāṭo hoti, evaṃ kātabbaṃ. Araṇisahite sati aggiṃ akātumpi vaṭṭati . Yathā ca āraññikassa, evaṃ kantārappaṭipannassāpi araṇisahitaṃ icchitabbaṃ. Gaṇavāsino pana tena vināpi vaṭṭati. Nakkhattāneva nakkhattapadāni.
আরঞ্ঞিকৰত্তকথা নিট্ঠিতা।
Āraññikavattakathā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi / ৭. আরঞ্ঞিকৰত্তকথা • 7. Āraññikavattakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৭. আরঞ্ঞিকৰত্তকথা • 7. Āraññikavattakathā
