| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
7. ааран̃н̃игавад̇д̇агат̇аа
7. Āraññikavattakathā
367. д̇зна ко бана самаязна самб̣ахулаа бхигкуу аран̃н̃з вихаранд̇и. д̇з нзва баанийяам̣ убадтаабзнд̇и, на барибхож̇анийяам̣ убадтаабзнд̇и , на аг̇г̇им̣ убадтаабзнд̇и, на аран̣исахид̇ам̣ убадтаабзнд̇и, на нагкад̇д̇абад̣̇аани ж̇аананд̇и, на д̣̇исаабхааг̇ам̣ ж̇аананд̇и. жораа д̇ад̇т̇а г̇анд̇ваа д̇з бхигкуу зд̇ад̣̇авожум̣ – ‘‘ад̇т̇и, бханд̇з, баанийяа’’нд̇и? ‘‘над̇т̇аавусо’’д̇и. ‘‘ад̇т̇и, бханд̇з, барибхож̇анийяа’’нд̇и? ‘‘над̇т̇аавусо’’д̇и. ‘‘ад̇т̇и, бханд̇з, аг̇г̇ий’’д̇и? ‘‘над̇т̇аавусо’’д̇и. ‘‘ад̇т̇и, бханд̇з, аран̣исахид̇а’’нд̇и? ‘‘над̇т̇аавусо’’д̇и. ( ) 1 ‘‘гзнаж̇ж̇а, бханд̇з, яуд̇д̇а’’нд̇и? ‘‘на ко маяам̣, аавусо, ж̇аанаамаа’’д̇и. ‘‘гад̇амааяам̣, бханд̇з, д̣̇исаа’’д̇и? ‘‘на ко маяам̣, аавусо, ж̇аанаамаа’’д̇и. ат̇а ко д̇з жораа – ‘нзвимзсам̣ баанийяам̣ ад̇т̇и, на барибхож̇анийяам̣ ад̇т̇и, на аг̇г̇и ад̇т̇и, на аран̣исахид̇ам̣ ад̇т̇и, на нагкад̇д̇абад̣̇аани ж̇аананд̇и, на д̣̇исаабхааг̇ам̣ ж̇аананд̇и; жораа имз, наяимз бхигкуу’д̇и – аагодзд̇ваа баггамим̣су. ат̇а ко д̇з бхигкуу бхигкуунам̣ зд̇амад̇т̇ам̣ аарожзсум̣. бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси –
367. Tena kho pana samayena sambahulā bhikkhū araññe viharanti. Te neva pānīyaṃ upaṭṭhāpenti, na paribhojanīyaṃ upaṭṭhāpenti , na aggiṃ upaṭṭhāpenti, na araṇisahitaṃ upaṭṭhāpenti, na nakkhattapadāni jānanti, na disābhāgaṃ jānanti. Corā tattha gantvā te bhikkhū etadavocuṃ – ‘‘atthi, bhante, pānīya’’nti? ‘‘Natthāvuso’’ti. ‘‘Atthi, bhante, paribhojanīya’’nti? ‘‘Natthāvuso’’ti. ‘‘Atthi, bhante, aggī’’ti? ‘‘Natthāvuso’’ti. ‘‘Atthi, bhante, araṇisahita’’nti? ‘‘Natthāvuso’’ti. ( ) 2 ‘‘Kenajja, bhante, yutta’’nti? ‘‘Na kho mayaṃ, āvuso, jānāmā’’ti. ‘‘Katamāyaṃ, bhante, disā’’ti? ‘‘Na kho mayaṃ, āvuso, jānāmā’’ti. Atha kho te corā – ‘nevimesaṃ pānīyaṃ atthi, na paribhojanīyaṃ atthi, na aggi atthi, na araṇisahitaṃ atthi, na nakkhattapadāni jānanti, na disābhāgaṃ jānanti; corā ime, nayime bhikkhū’ti – ākoṭetvā pakkamiṃsu. Atha kho te bhikkhū bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi –
368. ‘‘д̇зна хи, бхигкавз, ааран̃н̃игаанам̣ бхигкуунам̣ вад̇д̇ам̣ бан̃н̃абзссаами яат̇аа ааран̃н̃игзхи бхигкуухи саммаа вад̇д̇ид̇аб̣б̣ам̣. ааран̃н̃игзна, бхигкавз, бхигкунаа гаалассзва удтааяа бад̇д̇ам̣ т̇авигааяа багкибид̇ваа ам̣сз аалаг̇г̇зд̇ваа жийварам̣ канд̇хз гарид̇ваа убааханаа аарохид̇ваа д̣̇аарубхан̣д̣ам̣ мад̇д̇игаабхан̣д̣ам̣ бадисаамзд̇ваа д̣̇ваараваад̇абаанам̣ т̇агзд̇ваа сзнаасанаа од̇арид̇аб̣б̣ам̣ – ид̣̇аани г̇аамам̣ бависиссаамийд̇и. убааханаа омун̃жид̇ваа нийжам̣ гад̇ваа бабподзд̇ваа т̇авигааяа багкибид̇ваа ам̣сз аалаг̇г̇зд̇ваа д̇иман̣д̣алам̣ бадижчаад̣̇знд̇зна бариман̣д̣алам̣ ниваасзд̇ваа гааяаб̣анд̇ханам̣ б̣анд̇хид̇ваа саг̇ун̣ам̣ гад̇ваа сан̇гхаадияо баарубид̇ваа г̇ан̣тигам̣ бадимун̃жид̇ваа д̇ховид̇ваа бад̇д̇ам̣ г̇ахзд̇ваа саад̇хугам̣ ад̇арамаанзна г̇аамо бависид̇аб̣б̣о. суббадижчаннзна анд̇арагхарз г̇анд̇аб̣б̣ам̣…бз… на камбхагад̇зна анд̇арагхарз г̇анд̇аб̣б̣ам̣. на ог̇ун̣тид̇зна анд̇арагхарз г̇анд̇аб̣б̣ам̣. на уггудигааяа анд̇арагхарз г̇анд̇аб̣б̣ам̣.
368. ‘‘Tena hi, bhikkhave, āraññikānaṃ bhikkhūnaṃ vattaṃ paññapessāmi yathā āraññikehi bhikkhūhi sammā vattitabbaṃ. Āraññikena, bhikkhave, bhikkhunā kālasseva uṭṭhāya pattaṃ thavikāya pakkhipitvā aṃse ālaggetvā cīvaraṃ khandhe karitvā upāhanā ārohitvā dārubhaṇḍaṃ mattikābhaṇḍaṃ paṭisāmetvā dvāravātapānaṃ thaketvā senāsanā otaritabbaṃ – idāni gāmaṃ pavisissāmīti. Upāhanā omuñcitvā nīcaṃ katvā papphoṭetvā thavikāya pakkhipitvā aṃse ālaggetvā timaṇḍalaṃ paṭicchādentena parimaṇḍalaṃ nivāsetvā kāyabandhanaṃ bandhitvā saguṇaṃ katvā saṅghāṭiyo pārupitvā gaṇṭhikaṃ paṭimuñcitvā dhovitvā pattaṃ gahetvā sādhukaṃ ataramānena gāmo pavisitabbo. Suppaṭicchannena antaraghare gantabbaṃ…pe… na khambhakatena antaraghare gantabbaṃ. Na oguṇṭhitena antaraghare gantabbaṃ. Na ukkuṭikāya antaraghare gantabbaṃ.
‘‘нивзсанам̣ бависанд̇зна саллагкзд̇аб̣б̣ам̣ – ‘иминаа бависиссаами, иминаа нигкамиссаамий’д̇и. наад̇исахасаа бависид̇аб̣б̣ам̣. наад̇исахасаа нигкамид̇аб̣б̣ам̣. наад̇ид̣̇уурз таад̇аб̣б̣ам̣. наажжаасаннз таад̇аб̣б̣ам̣. наад̇ижирам̣ таад̇аб̣б̣ам̣. наад̇илахум̣ нивад̇д̇ид̇аб̣б̣ам̣. тид̇агзна саллагкзд̇аб̣б̣ам̣ – ‘бхигкам̣ д̣̇аад̇угаамаа ваа ад̣̇аад̇угаамаа ваа’д̇и. сажз гаммам̣ ваа нигкибад̇и, аасанаа ваа вудтаад̇и, гадажчум̣ ваа бараамасад̇и, бхааж̇анам̣ ваа бараамасад̇и, табзд̇и ваа – д̣̇аад̇угаамассаад̇и таад̇аб̣б̣ам̣. бхигкааяа д̣̇ияяамаанааяа ваамзна хад̇т̇зна сан̇гхаадим̣ ужжаарзд̇ваа д̣̇агкин̣зна хад̇т̇зна бад̇д̇ам̣ бан̣аамзд̇ваа убхохи хад̇т̇зхи бад̇д̇ам̣ бадиг̇г̇ахзд̇ваа бхигкаа бадиг̇г̇ахзд̇аб̣б̣аа. на жа бхигкаад̣̇ааяигааяа мукам̣ уллогзд̇аб̣б̣ам̣. саллагкзд̇аб̣б̣ам̣ – ‘суубам̣ д̣̇аад̇угаамаа ваа ад̣̇аад̇угаамаа ваа’д̇и. сажз гадажчу ваа бараамасад̇и, бхааж̇анам̣ ваа бараамасад̇и, табзд̇и ваа – д̣̇аад̇угаамассаад̇и таад̇аб̣б̣ам̣. бхигкааяа д̣̇иннааяа сан̇гхаадияаа бад̇д̇ам̣ бадижчаад̣̇зд̇ваа саад̇хугам̣ ад̇арамаанзна нивад̇д̇ид̇аб̣б̣ам̣.
‘‘Nivesanaṃ pavisantena sallakkhetabbaṃ – ‘iminā pavisissāmi, iminā nikkhamissāmī’ti. Nātisahasā pavisitabbaṃ. Nātisahasā nikkhamitabbaṃ. Nātidūre ṭhātabbaṃ. Nāccāsanne ṭhātabbaṃ. Nāticiraṃ ṭhātabbaṃ. Nātilahuṃ nivattitabbaṃ. Ṭhitakena sallakkhetabbaṃ – ‘bhikkhaṃ dātukāmā vā adātukāmā vā’ti. Sace kammaṃ vā nikkhipati, āsanā vā vuṭṭhāti, kaṭacchuṃ vā parāmasati, bhājanaṃ vā parāmasati, ṭhapeti vā – dātukāmassāti ṭhātabbaṃ. Bhikkhāya diyyamānāya vāmena hatthena saṅghāṭiṃ uccāretvā dakkhiṇena hatthena pattaṃ paṇāmetvā ubhohi hatthehi pattaṃ paṭiggahetvā bhikkhā paṭiggahetabbā. Na ca bhikkhādāyikāya mukhaṃ ulloketabbaṃ. Sallakkhetabbaṃ – ‘sūpaṃ dātukāmā vā adātukāmā vā’ti. Sace kaṭacchu vā parāmasati, bhājanaṃ vā parāmasati, ṭhapeti vā – dātukāmassāti ṭhātabbaṃ. Bhikkhāya dinnāya saṅghāṭiyā pattaṃ paṭicchādetvā sādhukaṃ ataramānena nivattitabbaṃ.
‘‘суббадижчаннзна анд̇арагхарз г̇анд̇аб̣б̣ам̣…бз… на уггудигааяа анд̇арагхарз г̇анд̇аб̣б̣ам̣. г̇аамад̇о нигкамид̇ваа бад̇д̇ам̣ т̇авигааяа багкибид̇ваа ам̣сз аалаг̇г̇зд̇ваа жийварам̣ сан̇гхарид̇ваа сийсз гарид̇ваа убааханаа аарохид̇ваа г̇анд̇аб̣б̣ам̣.
‘‘Suppaṭicchannena antaraghare gantabbaṃ…pe… na ukkuṭikāya antaraghare gantabbaṃ. Gāmato nikkhamitvā pattaṃ thavikāya pakkhipitvā aṃse ālaggetvā cīvaraṃ saṅgharitvā sīse karitvā upāhanā ārohitvā gantabbaṃ.
‘‘ааран̃н̃игзна, бхигкавз, бхигкунаа баанийяам̣ убадтаабзд̇аб̣б̣ам̣, барибхож̇анийяам̣ убадтаабзд̇аб̣б̣ам̣, аг̇г̇и убадтаабзд̇аб̣б̣о, аран̣исахид̇ам̣ убадтаабзд̇аб̣б̣ам̣, гад̇д̇арад̣̇ан̣д̣о убадтаабзд̇аб̣б̣о, нагкад̇д̇абад̣̇аани уг̇г̇ахзд̇аб̣б̣аани – сагалаани ваа згад̣̇зсаани ваа, д̣̇исаагусалзна бхавид̇аб̣б̣ам̣. ид̣̇ам̣ ко, бхигкавз, ааран̃н̃игаанам̣ бхигкуунам̣ вад̇д̇ам̣ яат̇аа ааран̃н̃игзхи бхигкуухи саммаа вад̇д̇ид̇аб̣б̣а’’нд̇и.
‘‘Āraññikena, bhikkhave, bhikkhunā pānīyaṃ upaṭṭhāpetabbaṃ, paribhojanīyaṃ upaṭṭhāpetabbaṃ, aggi upaṭṭhāpetabbo, araṇisahitaṃ upaṭṭhāpetabbaṃ, kattaradaṇḍo upaṭṭhāpetabbo, nakkhattapadāni uggahetabbāni – sakalāni vā ekadesāni vā, disākusalena bhavitabbaṃ. Idaṃ kho, bhikkhave, āraññikānaṃ bhikkhūnaṃ vattaṃ yathā āraññikehi bhikkhūhi sammā vattitabba’’nti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ааран̃н̃игавад̇д̇агат̇аа • Āraññikavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ааран̃н̃игавад̇д̇агат̇ааван̣н̣анаа • Āraññikavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бин̣д̣ажааригавад̇д̇агат̇аад̣̇иван̣н̣анаа • Piṇḍacārikavattakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. ааран̃н̃игавад̇д̇агат̇аа • 7. Āraññikavattakathā
