| Library / Tipiṭaka / तिपिटक • Tipiṭaka / चूळवग्ग-अट्ठकथा • Cūḷavagga-aṭṭhakathā |
आरञ्ञिकवत्तकथा
Āraññikavattakathā
३६८. आरञ्ञिकवत्ते – सेनासना ओतरितब्बन्ति वसनट्ठानतो निक्खमितब्बं।
368. Āraññikavatte – senāsanā otaritabbanti vasanaṭṭhānato nikkhamitabbaṃ.
पत्तं थविकाय पक्खिपित्वाति एत्थ सचे बहिगामे उदकं नत्थि, अन्तोगामेयेव भत्तकिच्चं कत्वा अथ बहिगामे अत्थि, बहिगामे भत्तकिच्चं कत्वा पत्तो धोवित्वा वोदको कत्वा थविकाय पक्खिपितब्बो।
Pattaṃ thavikāya pakkhipitvāti ettha sace bahigāme udakaṃ natthi, antogāmeyeva bhattakiccaṃ katvā atha bahigāme atthi, bahigāme bhattakiccaṃ katvā patto dhovitvā vodako katvā thavikāya pakkhipitabbo.
परिभोजनीयं उपट्ठापेतब्बन्ति सचे भाजनानि नप्पहोन्ति, पानीयमेव परिभोजनीयम्पि कत्वा उपट्ठापेतब्बं। भाजनं अलभन्तेन वेळुनाळिकायपि उपट्ठापेतब्बं। तम्पि अलभन्तस्स यथा समीपे उदकआवाटो होति, एवं कातब्बं। अरणिसहिते सति अग्गिं अकातुम्पि वट्टति । यथा च आरञ्ञिकस्स, एवं कन्तारप्पटिपन्नस्सापि अरणिसहितं इच्छितब्बं। गणवासिनो पन तेन विनापि वट्टति। नक्खत्तानेव नक्खत्तपदानि।
Paribhojanīyaṃ upaṭṭhāpetabbanti sace bhājanāni nappahonti, pānīyameva paribhojanīyampi katvā upaṭṭhāpetabbaṃ. Bhājanaṃ alabhantena veḷunāḷikāyapi upaṭṭhāpetabbaṃ. Tampi alabhantassa yathā samīpe udakaāvāṭo hoti, evaṃ kātabbaṃ. Araṇisahite sati aggiṃ akātumpi vaṭṭati . Yathā ca āraññikassa, evaṃ kantārappaṭipannassāpi araṇisahitaṃ icchitabbaṃ. Gaṇavāsino pana tena vināpi vaṭṭati. Nakkhattāneva nakkhattapadāni.
आरञ्ञिकवत्तकथा निट्ठिता।
Āraññikavattakathā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / चूळवग्गपाळि • Cūḷavaggapāḷi / ७. आरञ्ञिकवत्तकथा • 7. Āraññikavattakathā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / ७. आरञ्ञिकवत्तकथा • 7. Āraññikavattakathā
