| Library / Tipiṭaka / តិបិដក • Tipiṭaka / ចូឡវគ្គ-អដ្ឋកថា • Cūḷavagga-aṭṭhakathā |
អារញ្ញិកវត្តកថា
Āraññikavattakathā
៣៦៨. អារញ្ញិកវត្តេ – សេនាសនា ឱតរិតព្ពន្តិ វសនដ្ឋានតោ និក្ខមិតព្ពំ។
368. Āraññikavatte – senāsanā otaritabbanti vasanaṭṭhānato nikkhamitabbaṃ.
បត្តំ ថវិកាយ បក្ខិបិត្វាតិ ឯត្ថ សចេ ពហិគាមេ ឧទកំ នត្ថិ, អន្តោគាមេយេវ ភត្តកិច្ចំ កត្វា អថ ពហិគាមេ អត្ថិ, ពហិគាមេ ភត្តកិច្ចំ កត្វា បត្តោ ធោវិត្វា វោទកោ កត្វា ថវិកាយ បក្ខិបិតព្ពោ។
Pattaṃ thavikāya pakkhipitvāti ettha sace bahigāme udakaṃ natthi, antogāmeyeva bhattakiccaṃ katvā atha bahigāme atthi, bahigāme bhattakiccaṃ katvā patto dhovitvā vodako katvā thavikāya pakkhipitabbo.
បរិភោជនីយំ ឧបដ្ឋាបេតព្ពន្តិ សចេ ភាជនានិ នប្បហោន្តិ, បានីយមេវ បរិភោជនីយម្បិ កត្វា ឧបដ្ឋាបេតព្ពំ។ ភាជនំ អលភន្តេន វេឡុនាឡិកាយបិ ឧបដ្ឋាបេតព្ពំ។ តម្បិ អលភន្តស្ស យថា សមីបេ ឧទកអាវាដោ ហោតិ, ឯវំ កាតព្ពំ។ អរណិសហិតេ សតិ អគ្គិំ អកាតុម្បិ វដ្ដតិ ។ យថា ច អារញ្ញិកស្ស, ឯវំ កន្តារប្បដិបន្នស្សាបិ អរណិសហិតំ ឥច្ឆិតព្ពំ។ គណវាសិនោ បន តេន វិនាបិ វដ្ដតិ។ នក្ខត្តានេវ នក្ខត្តបទានិ។
Paribhojanīyaṃ upaṭṭhāpetabbanti sace bhājanāni nappahonti, pānīyameva paribhojanīyampi katvā upaṭṭhāpetabbaṃ. Bhājanaṃ alabhantena veḷunāḷikāyapi upaṭṭhāpetabbaṃ. Tampi alabhantassa yathā samīpe udakaāvāṭo hoti, evaṃ kātabbaṃ. Araṇisahite sati aggiṃ akātumpi vaṭṭati . Yathā ca āraññikassa, evaṃ kantārappaṭipannassāpi araṇisahitaṃ icchitabbaṃ. Gaṇavāsino pana tena vināpi vaṭṭati. Nakkhattāneva nakkhattapadāni.
អារញ្ញិកវត្តកថា និដ្ឋិតា។
Āraññikavattakathā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi / ៧. អារញ្ញិកវត្តកថា • 7. Āraññikavattakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៧. អារញ្ញិកវត្តកថា • 7. Āraññikavattakathā
