| Library / Tipiṭaka / တိပိဋက • Tipiṭaka / စူဠဝဂ္ဂ-အဋ္ဌကထာ • Cūḷavagga-aṭṭhakathā |
အာရညိကဝတ္တကထာ
Āraññikavattakathā
၃၆၈. အာရညိကဝတ္တေ – သေနာသနာ ဩတရိတဗ္ဗန္တိ ဝသနဋ္ဌာနတော နိက္ခမိတဗ္ဗံ။
368. Āraññikavatte – senāsanā otaritabbanti vasanaṭṭhānato nikkhamitabbaṃ.
ပတ္တံ ထဝိကာယ ပက္ခိပိတ္ဝာတိ ဧတ္ထ သစေ ဗဟိဂာမေ ဥဒကံ နတ္ထိ, အန္တောဂာမေယေဝ ဘတ္တကိစ္စံ ကတ္ဝာ အထ ဗဟိဂာမေ အတ္ထိ, ဗဟိဂာမေ ဘတ္တကိစ္စံ ကတ္ဝာ ပတ္တော ဓောဝိတ္ဝာ ဝောဒကော ကတ္ဝာ ထဝိကာယ ပက္ခိပိတဗ္ဗော။
Pattaṃ thavikāya pakkhipitvāti ettha sace bahigāme udakaṃ natthi, antogāmeyeva bhattakiccaṃ katvā atha bahigāme atthi, bahigāme bhattakiccaṃ katvā patto dhovitvā vodako katvā thavikāya pakkhipitabbo.
ပရိဘောဇနီယံ ဥပဋ္ဌာပေတဗ္ဗန္တိ သစေ ဘာဇနာနိ နပ္ပဟောန္တိ, ပာနီယမေဝ ပရိဘောဇနီယမ္ပိ ကတ္ဝာ ဥပဋ္ဌာပေတဗ္ဗံ။ ဘာဇနံ အလဘန္တေန ဝေဠုနာဠိကာယပိ ဥပဋ္ဌာပေတဗ္ဗံ။ တမ္ပိ အလဘန္တသ္သ ယထာ သမီပေ ဥဒကအာဝာဋော ဟောတိ, ဧဝံ ကာတဗ္ဗံ။ အရဏိသဟိတေ သတိ အဂ္ဂိံ အကာတုမ္ပိ ဝဋ္ဋတိ ။ ယထာ စ အာရညိကသ္သ, ဧဝံ ကန္တာရပ္ပဋိပန္နသ္သာပိ အရဏိသဟိတံ ဣစ္ဆိတဗ္ဗံ။ ဂဏဝာသိနော ပန တေန ဝိနာပိ ဝဋ္ဋတိ။ နက္ခတ္တာနေဝ နက္ခတ္တပဒာနိ။
Paribhojanīyaṃ upaṭṭhāpetabbanti sace bhājanāni nappahonti, pānīyameva paribhojanīyampi katvā upaṭṭhāpetabbaṃ. Bhājanaṃ alabhantena veḷunāḷikāyapi upaṭṭhāpetabbaṃ. Tampi alabhantassa yathā samīpe udakaāvāṭo hoti, evaṃ kātabbaṃ. Araṇisahite sati aggiṃ akātumpi vaṭṭati . Yathā ca āraññikassa, evaṃ kantārappaṭipannassāpi araṇisahitaṃ icchitabbaṃ. Gaṇavāsino pana tena vināpi vaṭṭati. Nakkhattāneva nakkhattapadāni.
အာရညိကဝတ္တကထာ နိဋ္ဌိတာ။
Āraññikavattakathā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi / ၇. အာရညိကဝတ္တကထာ • 7. Āraññikavattakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၇. အာရညိကဝတ္တကထာ • 7. Āraññikavattakathā
