| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
೭. ಆರಞ್ಞಿಕವತ್ತಕಥಾ
7. Āraññikavattakathā
೩೬೮. ಆರಞ್ಞಿಕವತ್ತೇ ಏವಂ ವಿನಿಚ್ಛಯೋ ವೇದಿತಬ್ಬೋತಿ ಯೋಜನಾ। ಸೇನಾಸನಾ ಓತರಿತಬ್ಬನ್ತಿ ಏತ್ಥ ಅರಞ್ಞೇ ರುಕ್ಖಮೂಲಾದೀಸು ನಿಸಿನ್ನಸ್ಸ ವಿಹಾರಾಭಾವತೋ ಸೇನಾಸನಂ ನಾಮ ವಸನಟ್ಠಾನಂ ಸನ್ಧಾಯ ವುತ್ತನ್ತಿ ಆಹ ‘‘ವಸನಟ್ಠಾನತೋ ನಿಕ್ಖಮಿತಬ್ಬ’’ನ್ತಿ।
368. Āraññikavatte evaṃ vinicchayo veditabboti yojanā. Senāsanā otaritabbanti ettha araññe rukkhamūlādīsu nisinnassa vihārābhāvato senāsanaṃ nāma vasanaṭṭhānaṃ sandhāya vuttanti āha ‘‘vasanaṭṭhānato nikkhamitabba’’nti.
ಪತ್ತಂ ಥವಿಕಾಯ ಪಕ್ಖಿಪಿತ್ವಾತಿ ಏತ್ಥ ಕಥಂ ಪತ್ತೋ ಥವಿಕಾಯ ಪಕ್ಖಿಪಿತಬ್ಬೋತಿ ಆಹ ‘‘ಸಚೇ ಬಹೀ’’ತಿಆದಿ। ತತ್ಥ ಪತ್ತೋ ಪಕ್ಖಿಪಿತಬ್ಬೋತಿ ಸಮ್ಬನ್ಧೋ। ಧೋವಿತ್ವಾ ಕತ್ವಾತಿ ಪದೇಸು ‘‘ಪತ್ತಂ ವೋದಕ’’ನ್ತಿ ವಿಭತ್ತಿಪರಿಣಾಮಂ ಕತ್ವಾ ಸಮ್ಬನ್ಧಿತಬ್ಬಂ। ತಮ್ಪೀತಿ ವೇಳುನಾಳಿಕಮ್ಪಿ। ಸಮೀಪೇತಿ ಆರಞ್ಞಕಸ್ಸ ಸೇನಾಸನಸ್ಸ ಸಮೀಪೇ। ಯಥಾ ಚ ಆರಞ್ಞಕಸ್ಸ ಅರಣಿಸಹಿತಂ ಇಚ್ಛಿತಬ್ಬಂ, ಏವಂ ಕನ್ತಾರಂ ಪಟಿಪನ್ನಸ್ಸಾಪಿ ಅರಣಿಸಹಿತಂ ಇಚ್ಛಿತಬ್ಬನ್ತಿ ಯೋಜನಾ। ಗಣವಾಸಿನೋತಿ ಗಣೇನ ಸಹ ವಾಸಿನೋ, ಆರಞ್ಞಕಸ್ಸಾತಿ ಸಮ್ಬನ್ಧೋ। ತೇನಾತಿ ಅರಣಿಸಹಿತೇನ। ‘‘ನಕ್ಖತ್ತಾನೇವ ನಕ್ಖತ್ತಪದಾನೀ’’ತಿ ಇಮಿನಾ ಅಸ್ಸಯುಜಾದಿನಕ್ಖತ್ತಾನೇವ (ಅಭಿಧಾನಪ್ಪದೀಪಿಕಾಯಂ ೫೮-೬೦ ಗಾಥಾಸು) ದಿಸಾಭಾಗಜಾನನಸ್ಸ, ಚ ಸಮಯಜಾನನಸ್ಸ ಚ ಕಾರಣತ್ತಾ ನಕ್ಖತ್ತಪದಾನಿ ನಾಮಾತಿ ದಸ್ಸೇತಿ।
Pattaṃ thavikāya pakkhipitvāti ettha kathaṃ patto thavikāya pakkhipitabboti āha ‘‘sace bahī’’tiādi. Tattha patto pakkhipitabboti sambandho. Dhovitvā katvāti padesu ‘‘pattaṃ vodaka’’nti vibhattipariṇāmaṃ katvā sambandhitabbaṃ. Tampīti veḷunāḷikampi. Samīpeti āraññakassa senāsanassa samīpe. Yathā ca āraññakassa araṇisahitaṃ icchitabbaṃ, evaṃ kantāraṃ paṭipannassāpi araṇisahitaṃ icchitabbanti yojanā. Gaṇavāsinoti gaṇena saha vāsino, āraññakassāti sambandho. Tenāti araṇisahitena. ‘‘Nakkhattāneva nakkhattapadānī’’ti iminā assayujādinakkhattāneva (abhidhānappadīpikāyaṃ 58-60 gāthāsu) disābhāgajānanassa, ca samayajānanassa ca kāraṇattā nakkhattapadāni nāmāti dasseti.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಚೂಳವಗ್ಗಪಾಳಿ • Cūḷavaggapāḷi / ೭. ಆರಞ್ಞಿಕವತ್ತಕಥಾ • 7. Āraññikavattakathā
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಚೂಳವಗ್ಗ-ಅಟ್ಠಕಥಾ • Cūḷavagga-aṭṭhakathā / ಆರಞ್ಞಿಕವತ್ತಕಥಾ • Āraññikavattakathā
