| Library / Tipiṭaka / තිපිටක • Tipiṭaka / චූළවග්‌ග-අට්‌ඨකථා • Cūḷavagga-aṭṭhakathā |
ආරඤ්‌ඤිකවත්‌තකථා
Āraññikavattakathā
368. ආරඤ්‌ඤිකවත්‌තෙ – සෙනාසනා ඔතරිතබ්‌බන්‌ති වසනට්‌ඨානතො නික්‌ඛමිතබ්‌බං.
368. Āraññikavatte – senāsanā otaritabbanti vasanaṭṭhānato nikkhamitabbaṃ.
පත්‌තං ථවිකාය පක්‌ඛිපිත්‌වාති එත්‌ථ සචෙ බහිගාමෙ උදකං නත්‌ථි, අන්‌තොගාමෙයෙව භත්‌තකිච්‌චං කත්‌වා අථ බහිගාමෙ අත්‌ථි, බහිගාමෙ භත්‌තකිච්‌චං කත්‌වා පත්‌තො ධොවිත්‌වා වොදකො කත්‌වා ථවිකාය පක්‌ඛිපිතබ්‌බො.
Pattaṃ thavikāya pakkhipitvāti ettha sace bahigāme udakaṃ natthi, antogāmeyeva bhattakiccaṃ katvā atha bahigāme atthi, bahigāme bhattakiccaṃ katvā patto dhovitvā vodako katvā thavikāya pakkhipitabbo.
පරිභොජනීයං උපට්‌ඨාපෙතබ්‌බන්‌ති සචෙ භාජනානි නප්‌පහොන්‌ති, පානීයමෙව පරිභොජනීයම්‌පි කත්‌වා උපට්‌ඨාපෙතබ්‌බං. භාජනං අලභන්‌තෙන වෙළුනාළිකායපි උපට්‌ඨාපෙතබ්‌බං. තම්‌පි අලභන්‌තස්‌ස යථා සමීපෙ උදකආවාටො හොති, එවං කාතබ්‌බං. අරණිසහිතෙ සති අග්‌ගිං අකාතුම්‌පි වට්‌ටති . යථා ච ආරඤ්‌ඤිකස්‌ස, එවං කන්‌තාරප්‌පටිපන්‌නස්‌සාපි අරණිසහිතං ඉච්‌ඡිතබ්‌බං. ගණවාසිනො පන තෙන විනාපි වට්‌ටති. නක්‌ඛත්‌තානෙව නක්‌ඛත්‌තපදානි.
Paribhojanīyaṃ upaṭṭhāpetabbanti sace bhājanāni nappahonti, pānīyameva paribhojanīyampi katvā upaṭṭhāpetabbaṃ. Bhājanaṃ alabhantena veḷunāḷikāyapi upaṭṭhāpetabbaṃ. Tampi alabhantassa yathā samīpe udakaāvāṭo hoti, evaṃ kātabbaṃ. Araṇisahite sati aggiṃ akātumpi vaṭṭati . Yathā ca āraññikassa, evaṃ kantārappaṭipannassāpi araṇisahitaṃ icchitabbaṃ. Gaṇavāsino pana tena vināpi vaṭṭati. Nakkhattāneva nakkhattapadāni.
ආරඤ්‌ඤිකවත්‌තකථා නිට්‌ඨිතා.
Āraññikavattakathā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / 7. ආරඤ්‌ඤිකවත්‌තකථා • 7. Āraññikavattakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 7. ආරඤ්‌ඤිකවත්‌තකථා • 7. Āraññikavattakathā
