| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā |
ཨཱརཉྙིཀཝཏྟཀཐཱ
Āraññikavattakathā
༣༦༨. ཨཱརཉྙིཀཝཏྟེ – སེནཱསནཱ ཨོཏརིཏབྦནྟི ཝསནཊྛཱནཏོ ནིཀྑམིཏབྦཾ།
368. Āraññikavatte – senāsanā otaritabbanti vasanaṭṭhānato nikkhamitabbaṃ.
པཏྟཾ ཐཝིཀཱཡ པཀྑིཔིཏྭཱཏི ཨེཏྠ སཙེ བཧིགཱམེ ཨུདཀཾ ནཏྠི, ཨནྟོགཱམེཡེཝ བྷཏྟཀིཙྩཾ ཀཏྭཱ ཨཐ བཧིགཱམེ ཨཏྠི, བཧིགཱམེ བྷཏྟཀིཙྩཾ ཀཏྭཱ པཏྟོ དྷོཝིཏྭཱ ཝོདཀོ ཀཏྭཱ ཐཝིཀཱཡ པཀྑིཔིཏབྦོ།
Pattaṃ thavikāya pakkhipitvāti ettha sace bahigāme udakaṃ natthi, antogāmeyeva bhattakiccaṃ katvā atha bahigāme atthi, bahigāme bhattakiccaṃ katvā patto dhovitvā vodako katvā thavikāya pakkhipitabbo.
པརིབྷོཛནཱིཡཾ ཨུཔཊྛཱཔེཏབྦནྟི སཙེ བྷཱཛནཱནི ནཔྤཧོནྟི, པཱནཱིཡམེཝ པརིབྷོཛནཱིཡམྤི ཀཏྭཱ ཨུཔཊྛཱཔེཏབྦཾ། བྷཱཛནཾ ཨལབྷནྟེན ཝེལུ༹ནཱལི༹ཀཱཡཔི ཨུཔཊྛཱཔེཏབྦཾ། ཏམྤི ཨལབྷནྟསྶ ཡཐཱ སམཱིཔེ ཨུདཀཨཱཝཱཊོ ཧོཏི, ཨེཝཾ ཀཱཏབྦཾ། ཨརཎིསཧིཏེ སཏི ཨགྒིཾ ཨཀཱཏུམྤི ཝཊྚཏི ། ཡཐཱ ཙ ཨཱརཉྙིཀསྶ, ཨེཝཾ ཀནྟཱརཔྤཊིཔནྣསྶཱཔི ཨརཎིསཧིཏཾ ཨིཙྪིཏབྦཾ། གཎཝཱསིནོ པན ཏེན ཝིནཱཔི ཝཊྚཏི། ནཀྑཏྟཱནེཝ ནཀྑཏྟཔདཱནི།
Paribhojanīyaṃ upaṭṭhāpetabbanti sace bhājanāni nappahonti, pānīyameva paribhojanīyampi katvā upaṭṭhāpetabbaṃ. Bhājanaṃ alabhantena veḷunāḷikāyapi upaṭṭhāpetabbaṃ. Tampi alabhantassa yathā samīpe udakaāvāṭo hoti, evaṃ kātabbaṃ. Araṇisahite sati aggiṃ akātumpi vaṭṭati . Yathā ca āraññikassa, evaṃ kantārappaṭipannassāpi araṇisahitaṃ icchitabbaṃ. Gaṇavāsino pana tena vināpi vaṭṭati. Nakkhattāneva nakkhattapadāni.
ཨཱརཉྙིཀཝཏྟཀཐཱ ནིཊྛིཏཱ།
Āraññikavattakathā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi / ༧. ཨཱརཉྙིཀཝཏྟཀཐཱ • 7. Āraññikavattakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༧. ཨཱརཉྙིཀཝཏྟཀཐཱ • 7. Āraññikavattakathā
