| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੭. ਆਰਞ੍ਞਿਕવਤ੍ਤਕਥਾ
7. Āraññikavattakathā
੩੬੮. ਆਰਞ੍ਞਿਕવਤ੍ਤੇ ਏવਂ વਿਨਿਚ੍ਛਯੋ વੇਦਿਤਬ੍ਬੋਤਿ ਯੋਜਨਾ। ਸੇਨਾਸਨਾ ਓਤਰਿਤਬ੍ਬਨ੍ਤਿ ਏਤ੍ਥ ਅਰਞ੍ਞੇ ਰੁਕ੍ਖਮੂਲਾਦੀਸੁ ਨਿਸਿਨ੍ਨਸ੍ਸ વਿਹਾਰਾਭਾવਤੋ ਸੇਨਾਸਨਂ ਨਾਮ વਸਨਟ੍ਠਾਨਂ ਸਨ੍ਧਾਯ વੁਤ੍ਤਨ੍ਤਿ ਆਹ ‘‘વਸਨਟ੍ਠਾਨਤੋ ਨਿਕ੍ਖਮਿਤਬ੍ਬ’’ਨ੍ਤਿ।
368. Āraññikavatte evaṃ vinicchayo veditabboti yojanā. Senāsanā otaritabbanti ettha araññe rukkhamūlādīsu nisinnassa vihārābhāvato senāsanaṃ nāma vasanaṭṭhānaṃ sandhāya vuttanti āha ‘‘vasanaṭṭhānato nikkhamitabba’’nti.
ਪਤ੍ਤਂ ਥવਿਕਾਯ ਪਕ੍ਖਿਪਿਤ੍વਾਤਿ ਏਤ੍ਥ ਕਥਂ ਪਤ੍ਤੋ ਥવਿਕਾਯ ਪਕ੍ਖਿਪਿਤਬ੍ਬੋਤਿ ਆਹ ‘‘ਸਚੇ ਬਹੀ’’ਤਿਆਦਿ। ਤਤ੍ਥ ਪਤ੍ਤੋ ਪਕ੍ਖਿਪਿਤਬ੍ਬੋਤਿ ਸਮ੍ਬਨ੍ਧੋ। ਧੋવਿਤ੍વਾ ਕਤ੍વਾਤਿ ਪਦੇਸੁ ‘‘ਪਤ੍ਤਂ વੋਦਕ’’ਨ੍ਤਿ વਿਭਤ੍ਤਿਪਰਿਣਾਮਂ ਕਤ੍વਾ ਸਮ੍ਬਨ੍ਧਿਤਬ੍ਬਂ। ਤਮ੍ਪੀਤਿ વੇਲ਼ੁਨਾਲ਼ਿਕਮ੍ਪਿ। ਸਮੀਪੇਤਿ ਆਰਞ੍ਞਕਸ੍ਸ ਸੇਨਾਸਨਸ੍ਸ ਸਮੀਪੇ। ਯਥਾ ਚ ਆਰਞ੍ਞਕਸ੍ਸ ਅਰਣਿਸਹਿਤਂ ਇਚ੍ਛਿਤਬ੍ਬਂ, ਏવਂ ਕਨ੍ਤਾਰਂ ਪਟਿਪਨ੍ਨਸ੍ਸਾਪਿ ਅਰਣਿਸਹਿਤਂ ਇਚ੍ਛਿਤਬ੍ਬਨ੍ਤਿ ਯੋਜਨਾ। ਗਣવਾਸਿਨੋਤਿ ਗਣੇਨ ਸਹ વਾਸਿਨੋ, ਆਰਞ੍ਞਕਸ੍ਸਾਤਿ ਸਮ੍ਬਨ੍ਧੋ। ਤੇਨਾਤਿ ਅਰਣਿਸਹਿਤੇਨ। ‘‘ਨਕ੍ਖਤ੍ਤਾਨੇવ ਨਕ੍ਖਤ੍ਤਪਦਾਨੀ’’ਤਿ ਇਮਿਨਾ ਅਸ੍ਸਯੁਜਾਦਿਨਕ੍ਖਤ੍ਤਾਨੇવ (ਅਭਿਧਾਨਪ੍ਪਦੀਪਿਕਾਯਂ ੫੮-੬੦ ਗਾਥਾਸੁ) ਦਿਸਾਭਾਗਜਾਨਨਸ੍ਸ, ਚ ਸਮਯਜਾਨਨਸ੍ਸ ਚ ਕਾਰਣਤ੍ਤਾ ਨਕ੍ਖਤ੍ਤਪਦਾਨਿ ਨਾਮਾਤਿ ਦਸ੍ਸੇਤਿ।
Pattaṃ thavikāya pakkhipitvāti ettha kathaṃ patto thavikāya pakkhipitabboti āha ‘‘sace bahī’’tiādi. Tattha patto pakkhipitabboti sambandho. Dhovitvā katvāti padesu ‘‘pattaṃ vodaka’’nti vibhattipariṇāmaṃ katvā sambandhitabbaṃ. Tampīti veḷunāḷikampi. Samīpeti āraññakassa senāsanassa samīpe. Yathā ca āraññakassa araṇisahitaṃ icchitabbaṃ, evaṃ kantāraṃ paṭipannassāpi araṇisahitaṃ icchitabbanti yojanā. Gaṇavāsinoti gaṇena saha vāsino, āraññakassāti sambandho. Tenāti araṇisahitena. ‘‘Nakkhattāneva nakkhattapadānī’’ti iminā assayujādinakkhattāneva (abhidhānappadīpikāyaṃ 58-60 gāthāsu) disābhāgajānanassa, ca samayajānanassa ca kāraṇattā nakkhattapadāni nāmāti dasseti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੭. ਆਰਞ੍ਞਿਕવਤ੍ਤਕਥਾ • 7. Āraññikavattakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਆਰਞ੍ਞਿਕવਤ੍ਤਕਥਾ • Āraññikavattakathā
