| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. арад̇ийсуд̇д̇аван̣н̣анаа
2. Aratīsuttavaṇṇanā
210. д̣̇уд̇ияз нигкамад̇ийд̇и вихаараа нигкамад̇и. абараж̇ж̇у ваа гаалзд̇и д̣̇уд̇ияад̣̇ивасз ваа бхигкаажаарагаалз. вихаараг̇аруго гирзса т̇зро. арад̇ин̃жа рад̇ин̃жаад̇и саасанз арад̇им̣ гаамаг̇ун̣зсу жа рад̇им̣. саб̣б̣асо г̇зхасид̇ан̃жа вид̇агганд̇и бан̃жагаамаг̇ун̣аг̇зханиссид̇ам̣ баабавид̇агган̃жа саб̣б̣аагаарзна бахааяа. ванат̇анд̇и гилзсамахааванам̣. гухин̃жийд̇и гисмин̃жи аарамман̣з. ниб̣б̣анат̇од̇и ниггилзсавано. арад̇од̇и д̇ан̣хаарад̇ирахид̇о.
210. Dutiye nikkhamatīti vihārā nikkhamati. Aparajju vā kāleti dutiyadivase vā bhikkhācārakāle. Vihāragaruko kiresa thero. Aratiñca ratiñcāti sāsane aratiṃ kāmaguṇesu ca ratiṃ. Sabbaso gehasitañca vitakkanti pañcakāmaguṇagehanissitaṃ pāpavitakkañca sabbākārena pahāya. Vanathanti kilesamahāvanaṃ. Kuhiñcīti kismiñci ārammaṇe. Nibbanathoti nikkilesavano. Aratoti taṇhāratirahito.
бат̇авин̃жа взхаасанд̇и бат̇авидтид̇ан̃жа ид̇т̇ибурисавад̇т̇аалан̇гаараад̣̇иван̣н̣ам̣, взхаасадтаган̃жа жанд̣̇асуурияобхаасаад̣̇и. руубаг̇ад̇анд̇и руубамзва. ж̇аг̇ад̇ог̇ад̇ханд̇и ж̇аг̇ад̇ияаа ог̇ад̇хам̣, анд̇обат̇авияам̣ нааг̇абхаванаг̇ад̇анд̇и ад̇т̇о. бариж̇ийяад̇ийд̇и бариж̇ийрад̇и. саб̣б̣аманижжанд̇и саб̣б̣ам̣ д̇ам̣ анижжам̣. аяам̣ т̇зрасса махаавибассанаад̇и вад̣̇анд̇и. звам̣ самажжаад̇и звам̣ самааг̇анд̇ваа. жаранд̇и муд̇ад̇д̇аад̇и вин̃н̃аад̇ад̇д̇абхааваа вихаранд̇и.
Pathaviñca vehāsanti pathaviṭṭhitañca itthipurisavatthālaṅkārādivaṇṇaṃ, vehāsaṭṭhakañca candasūriyobhāsādi. Rūpagatanti rūpameva. Jagatogadhanti jagatiyā ogadhaṃ, antopathaviyaṃ nāgabhavanagatanti attho. Parijīyatīti parijīrati. Sabbamaniccanti sabbaṃ taṃ aniccaṃ. Ayaṃ therassa mahāvipassanāti vadanti. Evaṃ samaccāti evaṃ samāgantvā. Caranti mutattāti viññātattabhāvā viharanti.
убад̇хийсууд̇и канд̇хагилзсаабхисан̇каарзсу. г̇ад̇хид̇аад̇и г̇ид̣̇д̇хаа. д̣̇идтасуд̇зд̇и жагкунаа д̣̇идтз руубз, сод̇зна суд̇з сад̣̇д̣̇з. бадигхз жа муд̇з жаад̇и зд̇т̇а бадигхабад̣̇зна г̇анд̇харасаа г̇ахид̇аа, муд̇абад̣̇зна подтаб̣б̣аарамман̣ам̣ . яо зд̇т̇а на лимбад̇ийд̇и яо зд̇зсу бан̃жагаамаг̇ун̣зсу д̇ан̣хаад̣̇идтилзбзхи на лимбад̇и.
Upadhīsūti khandhakilesābhisaṅkhāresu. Gadhitāti giddhā. Diṭṭhasuteti cakkhunā diṭṭhe rūpe, sotena sute sadde. Paṭighe ca mute cāti ettha paṭighapadena gandharasā gahitā, mutapadena phoṭṭhabbārammaṇaṃ . Yo ettha na limpatīti yo etesu pañcakāmaguṇesu taṇhādiṭṭhilepehi na limpati.
ат̇а садтиниссид̇аа савид̇аггаа, бут̇уу ж̇анад̇ааяа ад̇хаммаа нивидтаад̇и ат̇а ча аарамман̣аниссид̇аа бут̇уу ад̇хаммавид̇аггаа ж̇анад̇ааяа нивидтаад̇и ад̇т̇о. на жа ваг̇г̇аг̇ад̇асса гухин̃жийд̇и д̇зсам̣ васзна на гад̇т̇ажи гилзсаваг̇г̇аг̇ад̇о бхавзяяа. но бана д̣̇удтуллабхаан̣ийд̇и д̣̇удтуллаважанабхаан̣ийби на сияаа. са бхигкууд̇и со звам̣вид̇хо бхигку наама ход̇и.
Atha saṭṭhinissitā savitakkā, puthū janatāya adhammā niviṭṭhāti atha cha ārammaṇanissitā puthū adhammavitakkā janatāya niviṭṭhāti attho. Naca vaggagatassa kuhiñcīti tesaṃ vasena na katthaci kilesavaggagato bhaveyya. No pana duṭṭhullabhāṇīti duṭṭhullavacanabhāṇīpi na siyā. Sa bhikkhūti so evaṃvidho bhikkhu nāma hoti.
д̣̇аб̣б̣од̇и д̣̇аб̣б̣аж̇аад̇иго бан̣д̣ид̇о. жирарад̇д̇асамаахид̇од̇и д̣̇ийгхарад̇д̇ам̣ самаахид̇ажид̇д̇о. нибагод̇и нзбаггзна саманнааг̇ад̇о барин̣ад̇абан̃н̃о. абихаалууд̇и нид̇д̇ан̣хо. санд̇ам̣ бад̣̇анд̇и ниб̣б̣аанам̣. аж̇жхаг̇амаа мунийд̇и ад̇хиг̇ад̇о муни. бадижжа бариниб̣б̣уд̇о ган̇кад̇и гааланд̇и ниб̣б̣аанам̣ бадижжа гилзсабариниб̣б̣аанзна бариниб̣б̣уд̇о бариниб̣б̣аанагаалам̣ ааг̇амзд̇и. д̣̇уд̇ияам̣.
Dabboti dabbajātiko paṇḍito. Cirarattasamāhitoti dīgharattaṃ samāhitacitto. Nipakoti nepakkena samannāgato pariṇatapañño. Apihālūti nittaṇho. Santaṃ padanti nibbānaṃ. Ajjhagamā munīti adhigato muni. Paṭicca parinibbuto kaṅkhati kālanti nibbānaṃ paṭicca kilesaparinibbānena parinibbuto parinibbānakālaṃ āgameti. Dutiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. арад̇исуд̇д̇ам̣ • 2. Aratisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. арад̇исуд̇д̇аван̣н̣анаа • 2. Aratisuttavaṇṇanā
