| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. арад̇исуд̇д̇аван̣н̣анаа
2. Aratisuttavaṇṇanā
210. вихаараг̇аруго гирзса т̇зрод̇и зд̇зна т̇зро ад̇д̇ано сад̣̇д̇хивихааригам̣ ван̇г̇ийсам̣ овад̣̇ид̇ум̣ анавасаро. д̇зна анд̇аранд̇араа д̇асса жид̇д̇ам̣ рааг̇о ануд̣̇д̇хам̣сзд̇ийд̇и д̣̇ассзд̇и. саасанз арад̇инд̇и сийлабарибууран̣з самат̇авибассанаабхааванааяа жа анабхирад̇им̣. гаамаг̇ун̣зсу жа рад̇инд̇и бан̃жасу гаамагодтаасзсу ассаад̣̇ам̣. баабавид̇агганд̇и гаамасан̇габбам̣. саб̣б̣аагаарзнаад̇и саб̣б̣з д̇ад̣̇ан̇г̇авигкамбханасамужчинд̣̇анаагаарзна. яат̇аа маханд̇ам̣ аран̃н̃ам̣ ванат̇анд̇и, звам̣ маханд̇ам̣ гилзсаванам̣ ‘‘ванат̇а’’нд̇и вуд̇д̇ам̣.
210.Vihāragarukokiresa theroti etena thero attano saddhivihārikaṃ vaṅgīsaṃ ovadituṃ anavasaro. Tena antarantarā tassa cittaṃ rāgo anuddhaṃsetīti dasseti. Sāsane aratinti sīlaparipūraṇe samathavipassanābhāvanāya ca anabhiratiṃ. Kāmaguṇesu ca ratinti pañcasu kāmakoṭṭhāsesu assādaṃ. Pāpavitakkanti kāmasaṅkappaṃ. Sabbākārenāti sabbe tadaṅgavikkhambhanasamucchindanākārena. Yathā mahantaṃ araññaṃ vanathanti, evaṃ mahantaṃ kilesavanaṃ ‘‘vanatha’’nti vuttaṃ.
бат̇авин̃жа взхаасанд̇и бхуммад̇т̇з бажжад̇д̇аважанам̣, д̇асмаа бат̇авияам̣ аагаасз жаад̇и ад̇т̇о. д̇знааха ‘‘бат̇авидтид̇а’’нд̇иаад̣̇и. ж̇аг̇ад̇ийд̇и жа бат̇авияаа взважанам̣. д̇знааха ‘‘анд̇обат̇авияа’’нд̇и. бариж̇ийрад̇ийд̇и саб̣б̣б̣асо ж̇арам̣ баабун̣аад̇и. самааг̇анд̇ваад̇и н̃аан̣зна самааг̇анд̇ваад̇и ад̇т̇о. д̇знааха ‘‘муд̇ад̇д̇аад̇и вин̃н̃аад̇ад̇д̇абхааваа’’д̇и.
Pathaviñca vehāsanti bhummatthe paccattavacanaṃ, tasmā pathaviyaṃ ākāse cāti attho. Tenāha ‘‘pathaviṭṭhita’’ntiādi. Jagatīti ca pathaviyā vevacanaṃ. Tenāha ‘‘antopathaviya’’nti. Parijīratīti sabbbaso jaraṃ pāpuṇāti. Samāgantvāti ñāṇena samāgantvāti attho. Tenāha ‘‘mutattāti viññātattabhāvā’’ti.
бадигхабад̣̇зна г̇анд̇харасаа г̇ахид̇аа гхаанаж̇ивхаанам̣ бадихананавасзна бавад̇д̇анад̇о. муд̇абад̣̇зна подтаб̣б̣аарамман̣ам̣ г̇ахид̇ам̣ муд̇ваа г̇ахзд̇аб̣б̣ад̇о. на либбад̇ийд̇и на магкийяад̇и.
Paṭighapadena gandharasā gahitā ghānajivhānaṃ paṭihananavasena pavattanato. Mutapadena phoṭṭhabbārammaṇaṃ gahitaṃ mutvā gahetabbato. Na lippatīti na makkhīyati.
садти-сад̣̇д̣̇о ча-сад̣̇д̣̇зна самаанад̇т̇од̇и ‘‘садтиниссид̇аа’’д̇и бад̣̇асса ‘‘чааарамман̣аниссид̇аа’’д̇и ад̇т̇о вуд̇д̇о. бут̇уу ад̇хаммавид̇аггаад̇и руубавид̇аггаад̣̇ивасзна б̣ахуу наанаавид̇аггаа мижчаасан̇габбаа. ж̇анад̇ааяа нивидтаад̇и махааж̇анз бад̇идтид̇аа. д̇зсам̣ васзнаад̇и д̇зсамби мижчаавид̇аггаанам̣ васзна. на гад̇т̇ажи аарамман̣з. гилзсаваг̇г̇аг̇ад̇од̇и гилзсасан̇г̇ан̣игам̣ убаг̇ад̇о на бхавзяяа, гилзсавид̇аггаа на уббаад̣̇зд̇аб̣б̣аад̇и ад̇т̇о. д̣̇удтуллаважанам̣ гаамабадисам̣яуд̇д̇агат̇аа.
Saṭṭhi-saddo cha-saddena samānatthoti ‘‘saṭṭhinissitā’’ti padassa ‘‘chaārammaṇanissitā’’ti attho vutto. Puthū adhammavitakkāti rūpavitakkādivasena bahū nānāvitakkā micchāsaṅkappā. Janatāya niviṭṭhāti mahājane patiṭṭhitā. Tesaṃ vasenāti tesampi micchāvitakkānaṃ vasena. Na katthaci ārammaṇe. Kilesavaggagatoti kilesasaṅgaṇikaṃ upagato na bhaveyya, kilesavitakkā na uppādetabbāti attho. Duṭṭhullavacanaṃ kāmapaṭisaṃyuttakathā.
д̣̇аб̣б̣аж̇аад̇игод̇и д̣̇аб̣б̣аруубо. нзбаггзнаад̇и госаллзна. ниб̣б̣аанам̣ бадижжаад̇и асан̇кад̇ад̇хаад̇ум̣ аарамман̣авасзна бадижжа. бариниб̣б̣аанагааланд̇и анубаад̣̇исзсаниб̣б̣аанагаалам̣.
Dabbajātikoti dabbarūpo. Nepakkenāti kosallena. Nibbānaṃ paṭiccāti asaṅkhatadhātuṃ ārammaṇavasena paṭicca. Parinibbānakālanti anupādisesanibbānakālaṃ.
арад̇исуд̇д̇аван̣н̣анаа нидтид̇аа.
Aratisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. арад̇исуд̇д̇ам̣ • 2. Aratisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. арад̇ийсуд̇д̇аван̣н̣анаа • 2. Aratīsuttavaṇṇanā
