| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਅਰਤੀਸੁਤ੍ਤવਣ੍ਣਨਾ
2. Aratīsuttavaṇṇanā
੨੧੦. ਦੁਤਿਯੇ ਨਿਕ੍ਖਮਤੀਤਿ વਿਹਾਰਾ ਨਿਕ੍ਖਮਤਿ। ਅਪਰਜ੍ਜੁ વਾ ਕਾਲੇਤਿ ਦੁਤਿਯਦਿવਸੇ વਾ ਭਿਕ੍ਖਾਚਾਰਕਾਲੇ। વਿਹਾਰਗਰੁਕੋ ਕਿਰੇਸ ਥੇਰੋ। ਅਰਤਿਞ੍ਚ ਰਤਿਞ੍ਚਾਤਿ ਸਾਸਨੇ ਅਰਤਿਂ ਕਾਮਗੁਣੇਸੁ ਚ ਰਤਿਂ। ਸਬ੍ਬਸੋ ਗੇਹਸਿਤਞ੍ਚ વਿਤਕ੍ਕਨ੍ਤਿ ਪਞ੍ਚਕਾਮਗੁਣਗੇਹਨਿਸ੍ਸਿਤਂ ਪਾਪવਿਤਕ੍ਕਞ੍ਚ ਸਬ੍ਬਾਕਾਰੇਨ ਪਹਾਯ। વਨਥਨ੍ਤਿ ਕਿਲੇਸਮਹਾવਨਂ। ਕੁਹਿਞ੍ਚੀਤਿ ਕਿਸ੍ਮਿਞ੍ਚਿ ਆਰਮ੍ਮਣੇ। ਨਿਬ੍ਬਨਥੋਤਿ ਨਿਕ੍ਕਿਲੇਸવਨੋ। ਅਰਤੋਤਿ ਤਣ੍ਹਾਰਤਿਰਹਿਤੋ।
210. Dutiye nikkhamatīti vihārā nikkhamati. Aparajju vā kāleti dutiyadivase vā bhikkhācārakāle. Vihāragaruko kiresa thero. Aratiñca ratiñcāti sāsane aratiṃ kāmaguṇesu ca ratiṃ. Sabbaso gehasitañca vitakkanti pañcakāmaguṇagehanissitaṃ pāpavitakkañca sabbākārena pahāya. Vanathanti kilesamahāvanaṃ. Kuhiñcīti kismiñci ārammaṇe. Nibbanathoti nikkilesavano. Aratoti taṇhāratirahito.
ਪਥવਿਞ੍ਚ વੇਹਾਸਨ੍ਤਿ ਪਥવਿਟ੍ਠਿਤਞ੍ਚ ਇਤ੍ਥਿਪੁਰਿਸવਤ੍ਥਾਲਙ੍ਕਾਰਾਦਿવਣ੍ਣਂ, વੇਹਾਸਟ੍ਠਕਞ੍ਚ ਚਨ੍ਦਸੂਰਿਯੋਭਾਸਾਦਿ। ਰੂਪਗਤਨ੍ਤਿ ਰੂਪਮੇવ। ਜਗਤੋਗਧਨ੍ਤਿ ਜਗਤਿਯਾ ਓਗਧਂ, ਅਨ੍ਤੋਪਥવਿਯਂ ਨਾਗਭવਨਗਤਨ੍ਤਿ ਅਤ੍ਥੋ। ਪਰਿਜੀਯਤੀਤਿ ਪਰਿਜੀਰਤਿ। ਸਬ੍ਬਮਨਿਚ੍ਚਨ੍ਤਿ ਸਬ੍ਬਂ ਤਂ ਅਨਿਚ੍ਚਂ। ਅਯਂ ਥੇਰਸ੍ਸ ਮਹਾવਿਪਸ੍ਸਨਾਤਿ વਦਨ੍ਤਿ। ਏવਂ ਸਮਚ੍ਚਾਤਿ ਏવਂ ਸਮਾਗਨ੍ਤ੍વਾ। ਚਰਨ੍ਤਿ ਮੁਤਤ੍ਤਾਤਿ વਿਞ੍ਞਾਤਤ੍ਤਭਾવਾ વਿਹਰਨ੍ਤਿ।
Pathaviñca vehāsanti pathaviṭṭhitañca itthipurisavatthālaṅkārādivaṇṇaṃ, vehāsaṭṭhakañca candasūriyobhāsādi. Rūpagatanti rūpameva. Jagatogadhanti jagatiyā ogadhaṃ, antopathaviyaṃ nāgabhavanagatanti attho. Parijīyatīti parijīrati. Sabbamaniccanti sabbaṃ taṃ aniccaṃ. Ayaṃ therassa mahāvipassanāti vadanti. Evaṃ samaccāti evaṃ samāgantvā. Caranti mutattāti viññātattabhāvā viharanti.
ਉਪਧੀਸੂਤਿ ਖਨ੍ਧਕਿਲੇਸਾਭਿਸਙ੍ਖਾਰੇਸੁ। ਗਧਿਤਾਤਿ ਗਿਦ੍ਧਾ। ਦਿਟ੍ਠਸੁਤੇਤਿ ਚਕ੍ਖੁਨਾ ਦਿਟ੍ਠੇ ਰੂਪੇ, ਸੋਤੇਨ ਸੁਤੇ ਸਦ੍ਦੇ। ਪਟਿਘੇ ਚ ਮੁਤੇ ਚਾਤਿ ਏਤ੍ਥ ਪਟਿਘਪਦੇਨ ਗਨ੍ਧਰਸਾ ਗਹਿਤਾ, ਮੁਤਪਦੇਨ ਫੋਟ੍ਠਬ੍ਬਾਰਮ੍ਮਣਂ । ਯੋ ਏਤ੍ਥ ਨ ਲਿਮ੍ਪਤੀਤਿ ਯੋ ਏਤੇਸੁ ਪਞ੍ਚਕਾਮਗੁਣੇਸੁ ਤਣ੍ਹਾਦਿਟ੍ਠਿਲੇਪੇਹਿ ਨ ਲਿਮ੍ਪਤਿ।
Upadhīsūti khandhakilesābhisaṅkhāresu. Gadhitāti giddhā. Diṭṭhasuteti cakkhunā diṭṭhe rūpe, sotena sute sadde. Paṭighe ca mute cāti ettha paṭighapadena gandharasā gahitā, mutapadena phoṭṭhabbārammaṇaṃ . Yo ettha na limpatīti yo etesu pañcakāmaguṇesu taṇhādiṭṭhilepehi na limpati.
ਅਥ ਸਟ੍ਠਿਨਿਸ੍ਸਿਤਾ ਸવਿਤਕ੍ਕਾ, ਪੁਥੂ ਜਨਤਾਯ ਅਧਮ੍ਮਾ ਨਿવਿਟ੍ਠਾਤਿ ਅਥ ਛ ਆਰਮ੍ਮਣਨਿਸ੍ਸਿਤਾ ਪੁਥੂ ਅਧਮ੍ਮવਿਤਕ੍ਕਾ ਜਨਤਾਯ ਨਿવਿਟ੍ਠਾਤਿ ਅਤ੍ਥੋ। ਨ ਚ વਗ੍ਗਗਤਸ੍ਸ ਕੁਹਿਞ੍ਚੀਤਿ ਤੇਸਂ વਸੇਨ ਨ ਕਤ੍ਥਚਿ ਕਿਲੇਸવਗ੍ਗਗਤੋ ਭવੇਯ੍ਯ। ਨੋ ਪਨ ਦੁਟ੍ਠੁਲ੍ਲਭਾਣੀਤਿ ਦੁਟ੍ਠੁਲ੍ਲવਚਨਭਾਣੀਪਿ ਨ ਸਿਯਾ। ਸ ਭਿਕ੍ਖੂਤਿ ਸੋ ਏવਂવਿਧੋ ਭਿਕ੍ਖੁ ਨਾਮ ਹੋਤਿ।
Atha saṭṭhinissitā savitakkā, puthū janatāya adhammā niviṭṭhāti atha cha ārammaṇanissitā puthū adhammavitakkā janatāya niviṭṭhāti attho. Naca vaggagatassa kuhiñcīti tesaṃ vasena na katthaci kilesavaggagato bhaveyya. No pana duṭṭhullabhāṇīti duṭṭhullavacanabhāṇīpi na siyā. Sa bhikkhūti so evaṃvidho bhikkhu nāma hoti.
ਦਬ੍ਬੋਤਿ ਦਬ੍ਬਜਾਤਿਕੋ ਪਣ੍ਡਿਤੋ। ਚਿਰਰਤ੍ਤਸਮਾਹਿਤੋਤਿ ਦੀਘਰਤ੍ਤਂ ਸਮਾਹਿਤਚਿਤ੍ਤੋ। ਨਿਪਕੋਤਿ ਨੇਪਕ੍ਕੇਨ ਸਮਨ੍ਨਾਗਤੋ ਪਰਿਣਤਪਞ੍ਞੋ। ਅਪਿਹਾਲੂਤਿ ਨਿਤ੍ਤਣ੍ਹੋ। ਸਨ੍ਤਂ ਪਦਨ੍ਤਿ ਨਿਬ੍ਬਾਨਂ। ਅਜ੍ਝਗਮਾ ਮੁਨੀਤਿ ਅਧਿਗਤੋ ਮੁਨਿ। ਪਟਿਚ੍ਚ ਪਰਿਨਿਬ੍ਬੁਤੋ ਕਙ੍ਖਤਿ ਕਾਲਨ੍ਤਿ ਨਿਬ੍ਬਾਨਂ ਪਟਿਚ੍ਚ ਕਿਲੇਸਪਰਿਨਿਬ੍ਬਾਨੇਨ ਪਰਿਨਿਬ੍ਬੁਤੋ ਪਰਿਨਿਬ੍ਬਾਨਕਾਲਂ ਆਗਮੇਤਿ। ਦੁਤਿਯਂ।
Dabboti dabbajātiko paṇḍito. Cirarattasamāhitoti dīgharattaṃ samāhitacitto. Nipakoti nepakkena samannāgato pariṇatapañño. Apihālūti nittaṇho. Santaṃ padanti nibbānaṃ. Ajjhagamā munīti adhigato muni. Paṭicca parinibbuto kaṅkhati kālanti nibbānaṃ paṭicca kilesaparinibbānena parinibbuto parinibbānakālaṃ āgameti. Dutiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਅਰਤਿਸੁਤ੍ਤਂ • 2. Aratisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਅਰਤਿਸੁਤ੍ਤવਣ੍ਣਨਾ • 2. Aratisuttavaṇṇanā
