| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਅਰਤਿਸੁਤ੍ਤવਣ੍ਣਨਾ
2. Aratisuttavaṇṇanā
੨੧੦. વਿਹਾਰਗਰੁਕੋ ਕਿਰੇਸ ਥੇਰੋਤਿ ਏਤੇਨ ਥੇਰੋ ਅਤ੍ਤਨੋ ਸਦ੍ਧਿવਿਹਾਰਿਕਂ વਙ੍ਗੀਸਂ ਓવਦਿਤੁਂ ਅਨવਸਰੋ। ਤੇਨ ਅਨ੍ਤਰਨ੍ਤਰਾ ਤਸ੍ਸ ਚਿਤ੍ਤਂ ਰਾਗੋ ਅਨੁਦ੍ਧਂਸੇਤੀਤਿ ਦਸ੍ਸੇਤਿ। ਸਾਸਨੇ ਅਰਤਿਨ੍ਤਿ ਸੀਲਪਰਿਪੂਰਣੇ ਸਮਥવਿਪਸ੍ਸਨਾਭਾવਨਾਯ ਚ ਅਨਭਿਰਤਿਂ। ਕਾਮਗੁਣੇਸੁ ਚ ਰਤਿਨ੍ਤਿ ਪਞ੍ਚਸੁ ਕਾਮਕੋਟ੍ਠਾਸੇਸੁ ਅਸ੍ਸਾਦਂ। ਪਾਪવਿਤਕ੍ਕਨ੍ਤਿ ਕਾਮਸਙ੍ਕਪ੍ਪਂ। ਸਬ੍ਬਾਕਾਰੇਨਾਤਿ ਸਬ੍ਬੇ ਤਦਙ੍ਗવਿਕ੍ਖਮ੍ਭਨਸਮੁਚ੍ਛਿਨ੍ਦਨਾਕਾਰੇਨ। ਯਥਾ ਮਹਨ੍ਤਂ ਅਰਞ੍ਞਂ વਨਥਨ੍ਤਿ, ਏવਂ ਮਹਨ੍ਤਂ ਕਿਲੇਸવਨਂ ‘‘વਨਥ’’ਨ੍ਤਿ વੁਤ੍ਤਂ।
210.Vihāragarukokiresa theroti etena thero attano saddhivihārikaṃ vaṅgīsaṃ ovadituṃ anavasaro. Tena antarantarā tassa cittaṃ rāgo anuddhaṃsetīti dasseti. Sāsane aratinti sīlaparipūraṇe samathavipassanābhāvanāya ca anabhiratiṃ. Kāmaguṇesu ca ratinti pañcasu kāmakoṭṭhāsesu assādaṃ. Pāpavitakkanti kāmasaṅkappaṃ. Sabbākārenāti sabbe tadaṅgavikkhambhanasamucchindanākārena. Yathā mahantaṃ araññaṃ vanathanti, evaṃ mahantaṃ kilesavanaṃ ‘‘vanatha’’nti vuttaṃ.
ਪਥવਿਞ੍ਚ વੇਹਾਸਨ੍ਤਿ ਭੁਮ੍ਮਤ੍ਥੇ ਪਚ੍ਚਤ੍ਤવਚਨਂ, ਤਸ੍ਮਾ ਪਥવਿਯਂ ਆਕਾਸੇ ਚਾਤਿ ਅਤ੍ਥੋ। ਤੇਨਾਹ ‘‘ਪਥવਿਟ੍ਠਿਤ’’ਨ੍ਤਿਆਦਿ। ਜਗਤੀਤਿ ਚ ਪਥવਿਯਾ વੇવਚਨਂ। ਤੇਨਾਹ ‘‘ਅਨ੍ਤੋਪਥવਿਯ’’ਨ੍ਤਿ। ਪਰਿਜੀਰਤੀਤਿ ਸਬ੍ਬ੍ਬਸੋ ਜਰਂ ਪਾਪੁਣਾਤਿ। ਸਮਾਗਨ੍ਤ੍વਾਤਿ ਞਾਣੇਨ ਸਮਾਗਨ੍ਤ੍વਾਤਿ ਅਤ੍ਥੋ। ਤੇਨਾਹ ‘‘ਮੁਤਤ੍ਤਾਤਿ વਿਞ੍ਞਾਤਤ੍ਤਭਾવਾ’’ਤਿ।
Pathaviñca vehāsanti bhummatthe paccattavacanaṃ, tasmā pathaviyaṃ ākāse cāti attho. Tenāha ‘‘pathaviṭṭhita’’ntiādi. Jagatīti ca pathaviyā vevacanaṃ. Tenāha ‘‘antopathaviya’’nti. Parijīratīti sabbbaso jaraṃ pāpuṇāti. Samāgantvāti ñāṇena samāgantvāti attho. Tenāha ‘‘mutattāti viññātattabhāvā’’ti.
ਪਟਿਘਪਦੇਨ ਗਨ੍ਧਰਸਾ ਗਹਿਤਾ ਘਾਨਜਿવ੍ਹਾਨਂ ਪਟਿਹਨਨવਸੇਨ ਪવਤ੍ਤਨਤੋ। ਮੁਤਪਦੇਨ ਫੋਟ੍ਠਬ੍ਬਾਰਮ੍ਮਣਂ ਗਹਿਤਂ ਮੁਤ੍વਾ ਗਹੇਤਬ੍ਬਤੋ। ਨ ਲਿਪ੍ਪਤੀਤਿ ਨ ਮਕ੍ਖੀਯਤਿ।
Paṭighapadena gandharasā gahitā ghānajivhānaṃ paṭihananavasena pavattanato. Mutapadena phoṭṭhabbārammaṇaṃ gahitaṃ mutvā gahetabbato. Na lippatīti na makkhīyati.
ਸਟ੍ਠਿ-ਸਦ੍ਦੋ ਛ-ਸਦ੍ਦੇਨ ਸਮਾਨਤ੍ਥੋਤਿ ‘‘ਸਟ੍ਠਿਨਿਸ੍ਸਿਤਾ’’ਤਿ ਪਦਸ੍ਸ ‘‘ਛਆਰਮ੍ਮਣਨਿਸ੍ਸਿਤਾ’’ਤਿ ਅਤ੍ਥੋ વੁਤ੍ਤੋ। ਪੁਥੂ ਅਧਮ੍ਮવਿਤਕ੍ਕਾਤਿ ਰੂਪવਿਤਕ੍ਕਾਦਿવਸੇਨ ਬਹੂ ਨਾਨਾવਿਤਕ੍ਕਾ ਮਿਚ੍ਛਾਸਙ੍ਕਪ੍ਪਾ। ਜਨਤਾਯ ਨਿવਿਟ੍ਠਾਤਿ ਮਹਾਜਨੇ ਪਤਿਟ੍ਠਿਤਾ। ਤੇਸਂ વਸੇਨਾਤਿ ਤੇਸਮ੍ਪਿ ਮਿਚ੍ਛਾવਿਤਕ੍ਕਾਨਂ વਸੇਨ। ਨ ਕਤ੍ਥਚਿ ਆਰਮ੍ਮਣੇ। ਕਿਲੇਸવਗ੍ਗਗਤੋਤਿ ਕਿਲੇਸਸਙ੍ਗਣਿਕਂ ਉਪਗਤੋ ਨ ਭવੇਯ੍ਯ, ਕਿਲੇਸવਿਤਕ੍ਕਾ ਨ ਉਪ੍ਪਾਦੇਤਬ੍ਬਾਤਿ ਅਤ੍ਥੋ। ਦੁਟ੍ਠੁਲ੍ਲવਚਨਂ ਕਾਮਪਟਿਸਂਯੁਤ੍ਤਕਥਾ।
Saṭṭhi-saddo cha-saddena samānatthoti ‘‘saṭṭhinissitā’’ti padassa ‘‘chaārammaṇanissitā’’ti attho vutto. Puthū adhammavitakkāti rūpavitakkādivasena bahū nānāvitakkā micchāsaṅkappā. Janatāya niviṭṭhāti mahājane patiṭṭhitā. Tesaṃ vasenāti tesampi micchāvitakkānaṃ vasena. Na katthaci ārammaṇe. Kilesavaggagatoti kilesasaṅgaṇikaṃ upagato na bhaveyya, kilesavitakkā na uppādetabbāti attho. Duṭṭhullavacanaṃ kāmapaṭisaṃyuttakathā.
ਦਬ੍ਬਜਾਤਿਕੋਤਿ ਦਬ੍ਬਰੂਪੋ। ਨੇਪਕ੍ਕੇਨਾਤਿ ਕੋਸਲ੍ਲੇਨ। ਨਿਬ੍ਬਾਨਂ ਪਟਿਚ੍ਚਾਤਿ ਅਸਙ੍ਖਤਧਾਤੁਂ ਆਰਮ੍ਮਣવਸੇਨ ਪਟਿਚ੍ਚ। ਪਰਿਨਿਬ੍ਬਾਨਕਾਲਨ੍ਤਿ ਅਨੁਪਾਦਿਸੇਸਨਿਬ੍ਬਾਨਕਾਲਂ।
Dabbajātikoti dabbarūpo. Nepakkenāti kosallena. Nibbānaṃ paṭiccāti asaṅkhatadhātuṃ ārammaṇavasena paṭicca. Parinibbānakālanti anupādisesanibbānakālaṃ.
ਅਰਤਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Aratisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਅਰਤਿਸੁਤ੍ਤਂ • 2. Aratisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਅਰਤੀਸੁਤ੍ਤવਣ੍ਣਨਾ • 2. Aratīsuttavaṇṇanā
