| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
8. аридтасигкаабад̣̇аван̣н̣анаа
8. Ariṭṭhasikkhāpadavaṇṇanā
417. адтамз б̣аад̇хаяим̣сууд̇и ханим̣су. д̇ам̣д̇ам̣самбад̇д̇ияаа виб̣анд̇ханавасзна сад̇д̇асанд̇аанасса анд̇арз взмаж̇жхз зд̇и ааг̇ажчад̇ийд̇и анд̇арааяо, д̣̇идтад̇хаммигаад̣̇ианад̇т̇о. анад̇иггаманадтзна д̇асмим̣ анд̇арааяз нияуд̇д̇аа, анд̇арааяам̣ ваа палам̣ араханд̇и, анд̇арааяасса ваа гаран̣асийлаад̇и анд̇арааяигаа. д̇знааха ‘‘анд̇арааяам̣ гаронд̇ийд̇и анд̇арааяигаа’’д̇и. аананд̇арияад̇хаммаад̇и аананд̇аригасабхааваа жзд̇анаад̇хаммаа. д̇ад̇рааяам̣ важанад̇т̇о – жуд̇иананд̇арапалам̣ ананд̇арам̣ наама, д̇асмим̣ ананд̇арз нияуд̇д̇аа, д̇ам̣ниб̣б̣ад̇д̇анзна ананд̇арагаран̣асийлаа, ананд̇араббаяож̇анаад̇и ваа аананд̇аригаа, д̇з зва аананд̇арияаад̇и вуд̇д̇аа. гаммаани зва анд̇арааяигаад̇и гамманд̇арааяигаа. могкассзва анд̇арааяам̣ гарод̇и, на саг̇г̇ассаад̇и мижчаажааралагкан̣аабхаавад̇о вуд̇д̇ам̣. на хи бхигкунияаа д̇хаммарагкид̇абхааво ад̇т̇и. баагад̇игабхигкунийвасзна жзд̇ам̣ вуд̇д̇ам̣. арияааяа бана бавад̇д̇ам̣ абааяасам̣вад̇д̇анигамзва, нанд̣̇амаан̣аваго жзд̇т̇а нид̣̇ассанам̣. убхиннам̣ самаанажчанд̣̇ад̇аавасзна ваа на саг̇г̇анд̇арааяигад̇аа , могканд̇арааяигад̇аа бана могкад̇т̇ааяа бадибад̇д̇ияаа вид̣̇уусанад̇о. абхибхавид̇ваа бана бавад̇д̇ияам̣ саг̇г̇анд̇арааяигад̇ааби на саггаа ниваарзд̇унд̇и.
417. Aṭṭhame bādhayiṃsūti haniṃsu. Taṃtaṃsampattiyā vibandhanavasena sattasantānassa antare vemajjhe eti āgacchatīti antarāyo, diṭṭhadhammikādianattho. Anatikkamanaṭṭhena tasmiṃ antarāye niyuttā, antarāyaṃ vā phalaṃ arahanti, antarāyassa vā karaṇasīlāti antarāyikā. Tenāha ‘‘antarāyaṃ karontīti antarāyikā’’ti. Ānantariyadhammāti ānantarikasabhāvā cetanādhammā. Tatrāyaṃ vacanattho – cutianantaraphalaṃ anantaraṃ nāma, tasmiṃ anantare niyuttā, taṃnibbattanena anantarakaraṇasīlā, anantarappayojanāti vā ānantarikā, te eva ānantariyāti vuttā. Kammāni eva antarāyikāti kammantarāyikā. Mokkhasseva antarāyaṃ karoti, na saggassāti micchācāralakkhaṇābhāvato vuttaṃ. Na hi bhikkhuniyā dhammarakkhitabhāvo atthi. Pākatikabhikkhunīvasena cetaṃ vuttaṃ. Ariyāya pana pavattaṃ apāyasaṃvattanikameva, nandamāṇavako cettha nidassanaṃ. Ubhinnaṃ samānacchandatāvasena vā na saggantarāyikatā , mokkhantarāyikatā pana mokkhatthāya paṭipattiyā vidūsanato. Abhibhavitvā pana pavattiyaṃ saggantarāyikatāpi na sakkā nivāretunti.
ахзд̇угад̣̇идтиагирияад̣̇идтинад̇т̇игад̣̇идтияова нияад̇абхаавам̣ бад̇д̇аа нияад̇амижчаад̣̇идтид̇хаммаа. бадисанд̇хид̇хаммаад̇и бадисанд̇хижид̇д̇уббаад̣̇амааха. бан̣д̣агаад̣̇иг̇г̇ахан̣ан̃жзд̇т̇а нид̣̇ассанамад̇д̇ам̣ саб̣б̣ааяаби ахзд̇угабадисанд̇хияаа вибааганд̇арааяигабхаавад̇о. яаахи арияз убавад̣̇ад̇и, д̇аа жзд̇анаа арияуубаваад̣̇аа ж̇аад̇аа. д̇ад̇о баранд̇и камаабанад̇о убари. яам̣ банзд̇т̇а вад̇д̇аб̣б̣ам̣, д̇ам̣ д̣̇иб̣б̣ажагкугат̇ааяам̣ вуд̇д̇амзва. сан̃жижжа аабаннаа аабад̇д̇ияод̇и сан̃жижжа вийд̇игганд̇аа сад̇д̇а аабад̇д̇игканд̇хаа. сан̃жижжа вийд̇игганд̇ан̃хи анд̇амасо д̣̇уггадад̣̇уб̣бхаасид̇амби саг̇г̇амаг̇г̇апалаанам̣ анд̇арааяам̣ гарод̇и. яаава бхигкубхаавам̣ бадиж̇аанаад̇и баарааж̇игам̣ аабанно, на вудтаад̇и сзсаг̇аругаабад̇д̇им̣ аабанно, на д̣̇зсзд̇и лахугаабад̇д̇им̣ аабанно.
Ahetukadiṭṭhiakiriyadiṭṭhinatthikadiṭṭhiyova niyatabhāvaṃ pattā niyatamicchādiṭṭhidhammā. Paṭisandhidhammāti paṭisandhicittuppādamāha. Paṇḍakādiggahaṇañcettha nidassanamattaṃ sabbāyapi ahetukapaṭisandhiyā vipākantarāyikabhāvato. Yāhi ariye upavadati, tā cetanā ariyūpavādā jātā. Tato paranti khamāpanato upari. Yaṃ panettha vattabbaṃ, taṃ dibbacakkhukathāyaṃ vuttameva. Sañcicca āpannā āpattiyoti sañcicca vītikkantā satta āpattikkhandhā. Sañcicca vītikkantañhi antamaso dukkaṭadubbhāsitampi saggamaggaphalānaṃ antarāyaṃ karoti. Yāva bhikkhubhāvaṃ paṭijānāti pārājikaṃ āpanno, na vuṭṭhāti sesagarukāpattiṃ āpanno, na deseti lahukāpattiṃ āpanno.
аяам̣ бхигкууд̇и аридто бхигку. расзна расам̣ сам̣санд̣̇ид̇ваад̇и анаваж̇ж̇зна бажжаяабарибхун̃ж̇анарасзна сааваж̇ж̇агаамаг̇ун̣абарибхог̇арасам̣ самаанзд̇ваа. яонисо бажжавзгкан̣зна над̇т̇и зд̇т̇а чанд̣̇арааг̇од̇и нижчанд̣̇арааг̇о, бажжаяабарибхог̇о. убанзнд̇о вияаад̇и б̣анд̇ханам̣ убанзнд̇о вияа. ‘‘гхадзнд̇о вияаа’’д̇иби баато. убасам̣харанд̇о вияаад̇и сад̣̇исад̇ам̣ убасам̣харанд̇о вияа зганд̇асааваж̇ж̇з анаваж̇ж̇абхаавабагкзбанад̇о. баабаганд̇и лаамагадтзна д̣̇уг̇г̇ад̇исамбаабанадтзна жа баабагам̣. махаасамуд̣̇д̣̇ам̣ б̣анд̇ханд̇зна вияаад̇и сзд̇угаран̣авасзна махаасааг̇арам̣ б̣анд̇ханд̇зна вияа. саб̣б̣ан̃н̃уд̇ан̃н̃аан̣зна сад̣̇д̇хим̣ бадивируж̇жханд̇од̇и саб̣б̣ан̃н̃уд̇ан̃н̃аан̣зна ‘‘сааваж̇ж̇а’’нд̇и д̣̇идтам̣ ‘‘анаваж̇ж̇а’’нд̇и г̇ахан̣зна д̇зна саха бадивируж̇жханд̇о. аан̣аажаггзд̇и батамабаарааж̇игасигкаабад̣̇асан̇каад̇з, ‘‘аб̣рахмажарияам̣ бахааяаа’’д̇иаад̣̇ид̣̇зсанаасан̇каад̇з жа аан̣аажаггз.
Ayaṃ bhikkhūti ariṭṭho bhikkhu. Rasena rasaṃ saṃsanditvāti anavajjena paccayaparibhuñjanarasena sāvajjakāmaguṇaparibhogarasaṃ samānetvā. Yoniso paccavekkhaṇena natthi ettha chandarāgoti nicchandarāgo, paccayaparibhogo. Upanento viyāti bandhanaṃ upanento viya. ‘‘Ghaṭento viyā’’tipi pāṭho. Upasaṃharanto viyāti sadisataṃ upasaṃharanto viya ekantasāvajje anavajjabhāvapakkhepanato. Pāpakanti lāmakaṭṭhena duggatisampāpanaṭṭhena ca pāpakaṃ. Mahāsamuddaṃ bandhantena viyāti setukaraṇavasena mahāsāgaraṃ bandhantena viya. Sabbaññutaññāṇena saddhiṃ paṭivirujjhantoti sabbaññutaññāṇena ‘‘sāvajja’’nti diṭṭhaṃ ‘‘anavajja’’nti gahaṇena tena saha paṭivirujjhanto. Āṇācakketi paṭhamapārājikasikkhāpadasaṅkhāte, ‘‘abrahmacariyaṃ pahāyā’’tiādidesanāsaṅkhāte ca āṇācakke.
адтиган̇галам̣ наама урадти ваа бидтиган̣дагам̣ ваа сийсадти ваа. д̇ан̃хи ниммам̣сад̇д̇аа ‘‘ган̇гала’’нд̇и вужжад̇и. виг̇ад̇амам̣сааяа хи адтисан̇калигааяа згадтимхи ваа ган̇гала-сад̣̇д̣̇о нирул̣хо. ануд̣̇аханадтзнаад̇и анубааяабадибад̇д̇ияаа самбад̇и ааяад̇ин̃жа ануд̣̇аханадтзна. махаабхид̇аабанадтзна анавадтид̇асабхаавад̇ааяа, ид̇д̇арабажжубадтаанадтзна мухуд̇д̇агаран̣ийяад̇ааяа, д̇аавагаалигадтзна барзхи абхибхаванад̇ааяа, саб̣б̣ан̇г̇абажжан̇г̇абалибхан̃ж̇анадтзна бхзд̣̇анаад̣̇иад̇хигаран̣абхаавзна, уг̇гхаадасад̣̇исад̇ааяа ад̇хигудданадтзна, аван̣з ван̣ам̣ уббаад̣̇зд̇ваа анд̇о анубависанабхаавад̇ааяа винивиж̇жханадтзна, д̣̇идтад̇хаммигасамбарааяигаанад̇т̇анимид̇д̇ад̇ааяа саасан̇гасаббадибхаяадтзна.
Aṭṭhikaṅkalaṃ nāma uraṭṭhi vā piṭṭhikaṇṭakaṃ vā sīsaṭṭhi vā. Tañhi nimmaṃsattā ‘‘kaṅkala’’nti vuccati. Vigatamaṃsāya hi aṭṭhisaṅkhalikāya ekaṭṭhimhi vā kaṅkala-saddo niruḷho. Anudahanaṭṭhenāti anupāyapaṭipattiyā sampati āyatiñca anudahanaṭṭhena. Mahābhitāpanaṭṭhena anavaṭṭhitasabhāvatāya, ittarapaccupaṭṭhānaṭṭhena muhuttakaraṇīyatāya, tāvakālikaṭṭhena parehi abhibhavanatāya, sabbaṅgapaccaṅgapalibhañjanaṭṭhena bhedanādiadhikaraṇabhāvena, ugghāṭasadisatāya adhikuṭṭanaṭṭhena, avaṇe vaṇaṃ uppādetvā anto anupavisanabhāvatāya vinivijjhanaṭṭhena, diṭṭhadhammikasamparāyikaanatthanimittatāya sāsaṅkasappaṭibhayaṭṭhena.
баал̣ияам̣ ‘‘т̇аамасаа бараамаасаа’’д̇иаад̣̇ийсу звамад̇т̇о взд̣̇ид̇аб̣б̣о. т̇аамасаад̇и д̣̇идтит̇аамзна, д̇ассаа д̣̇идтияаа т̇аамаг̇ад̇абхаавзнаад̇и ад̇т̇о. бараамаасаад̇и д̣̇идтибараамаасзна, д̣̇идтисан̇каад̇абараамаасзнаад̇и ад̇т̇о. д̣̇идтиязва хи д̇хаммасабхаавам̣ ад̇иггамид̇ваа барад̇о аамасанзна бараамаасо. абхинивиссаад̇и д̇ан̣хаабхинивзсабуб̣б̣ан̇г̇амзна д̣̇идтаабхинивзсзна ‘‘ид̣̇амзд̇т̇а сажжа’’нд̇и абхинивисид̇ваа. вохарад̇ийд̇и гат̇зд̇и. яад̇о жа ко д̇з бхигкууд̇и яад̣̇аа д̇з бхигкуу. звам̣б̣яаако ахам̣, бханд̇з, бхаг̇авад̇аад̇и ид̣̇ам̣ зса ад̇д̇ано лад̣̇д̇хим̣ ниг̇уухид̇угаамад̇ааяа над̇т̇ийд̇и вад̇д̇угаамоби бхаг̇авад̇о аанубхаавзна самбадижчад̇и. б̣уд̣̇д̇хаанам̣ гира саммукаа д̣̇вз гат̇аа гат̇зд̇ум̣ самад̇т̇о наама над̇т̇и. гасса ну ко наама д̇вам̣ могхабурисаад̇и д̇вам̣ могхабуриса гасса кад̇д̇ияасса ваа б̣раахман̣асса ваа взссасса ваа суд̣̇д̣̇асса ваа г̇ахадтасса ваа баб̣б̣аж̇ид̇асса ваа д̣̇звасса ваа мануссасса ваа маяаа звам̣ д̇хаммам̣ д̣̇зсид̇ам̣ ааж̇аанааси. сзсамзд̇т̇а уд̇д̇аанамзва. д̇хаммагаммад̇аа, саманубхаасанаа, аббадиниссаж̇ж̇ананд̇и имаани банзд̇т̇а д̇ийн̣и ан̇г̇аани.
Pāḷiyaṃ ‘‘thāmasā parāmāsā’’tiādīsu evamattho veditabbo. Thāmasāti diṭṭhithāmena, tassā diṭṭhiyā thāmagatabhāvenāti attho. Parāmāsāti diṭṭhiparāmāsena, diṭṭhisaṅkhātaparāmāsenāti attho. Diṭṭhiyeva hi dhammasabhāvaṃ atikkamitvā parato āmasanena parāmāso. Abhinivissāti taṇhābhinivesapubbaṅgamena diṭṭhābhinivesena ‘‘idamettha sacca’’nti abhinivisitvā. Voharatīti katheti. Yato ca kho te bhikkhūti yadā te bhikkhū. Evaṃbyākho ahaṃ, bhante, bhagavatāti idaṃ esa attano laddhiṃ nigūhitukāmatāya natthīti vattukāmopi bhagavato ānubhāvena sampaṭicchati. Buddhānaṃ kira sammukhā dve kathā kathetuṃ samattho nāma natthi. Kassa nu kho nāma tvaṃ moghapurisāti tvaṃ moghapurisa kassa khattiyassa vā brāhmaṇassa vā vessassa vā suddassa vā gahaṭṭhassa vā pabbajitassa vā devassa vā manussassa vā mayā evaṃ dhammaṃ desitaṃ ājānāsi. Sesamettha uttānameva. Dhammakammatā, samanubhāsanā, appaṭinissajjananti imāni panettha tīṇi aṅgāni.
аридтасигкаабад̣̇аван̣н̣анаа нидтид̇аа.
Ariṭṭhasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. саббаан̣агаваг̇г̇о • 7. Sappāṇakavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. аридтасигкаабад̣̇аван̣н̣анаа • 8. Ariṭṭhasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. аридтасигкаабад̣̇аван̣н̣анаа • 8. Ariṭṭhasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. аридтасигкаабад̣̇аван̣н̣анаа • 8. Ariṭṭhasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8. аридтасигкаабад̣̇ам̣ • 8. Ariṭṭhasikkhāpadaṃ
