| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
8. аридтасигкаабад̣̇аван̣н̣анаа
8. Ariṭṭhasikkhāpadavaṇṇanā
417. адтамз анд̇арааяанд̇и анд̇араа взмаж̇жхз зд̇и ааг̇ажчад̇ийд̇и анд̇арааяо, д̣̇идтад̇хаммигаад̣̇ианад̇т̇о. аананд̇арияад̇хаммаад̇и ананд̇арз бхавз паланиб̣б̣ад̇д̇анз нияуд̇д̇аа жзд̇анаад̣̇ид̇хаммаад̇и ад̇т̇о. ‘‘на саг̇г̇ассаа’’д̇и ид̣̇ам̣ бхигкунид̣̇уусанагаммасса аананд̇арияад̇д̇аабхаавад̇о вуд̇д̇ам̣. арияасаавигаасу, бана галяаан̣абут̇уж̇ж̇анабхууд̇ааяа жа б̣алаггаарзна д̣̇уусзнд̇асса аананд̇арияасаасамзва. могканд̇арааяигад̇аа бана лолааяаби багад̇ад̇д̇абхигкунияаа д̣̇уусагасса д̇асмим̣ ад̇д̇абхаавз маг̇г̇уббад̇д̇ияаа абхаавад̇о вуд̇д̇аа.
417. Aṭṭhame antarāyanti antarā vemajjhe eti āgacchatīti antarāyo, diṭṭhadhammikādianattho. Ānantariyadhammāti anantare bhave phalanibbattane niyuttā cetanādidhammāti attho. ‘‘Na saggassā’’ti idaṃ bhikkhunidūsanakammassa ānantariyattābhāvato vuttaṃ. Ariyasāvikāsu, pana kalyāṇaputhujjanabhūtāya ca balakkārena dūsentassa ānantariyasaasameva. Mokkhantarāyikatā pana lolāyapi pakatattabhikkhuniyā dūsakassa tasmiṃ attabhāve magguppattiyā abhāvato vuttā.
д̇асмим̣ ад̇д̇абхаавз анивад̇д̇анагаа ахзд̇угаагирияанад̇т̇игад̣̇идтияова нияад̇амижчаад̣̇идтид̇хаммаа. бан̣д̣агаад̣̇ийнам̣ г̇ахан̣ам̣ нид̣̇ассанамад̇д̇ам̣. саб̣б̣ааби д̣̇ухзд̇угаахзд̇угабадисанд̇хияо вибааганд̇арааяигаава д̣̇ухзд̇угаанамби маг̇г̇аануббад̇д̇ид̇о.
Tasmiṃ attabhāve anivattanakā ahetukaakiriyanatthikadiṭṭhiyova niyatamicchādiṭṭhidhammā. Paṇḍakādīnaṃ gahaṇaṃ nidassanamattaṃ. Sabbāpi duhetukāhetukapaṭisandhiyo vipākantarāyikāva duhetukānampi maggānuppattito.
аяанд̇и аридто. расзна расанд̇и анаваж̇ж̇зна бажжаяабарибхун̃ж̇анарасзна бан̃жагаамаг̇ун̣абаабхог̇арасам̣ самаанзд̇ваа. убанзнд̇о вияаад̇и гхадзнд̇о вияа, со зва ваа баато.
Ayanti ariṭṭho. Rasena rasanti anavajjena paccayaparibhuñjanarasena pañcakāmaguṇapaabhogarasaṃ samānetvā. Upanento viyāti ghaṭento viya, so eva vā pāṭho.
адтиган̇галуубамаад̇и зд̇т̇а адти зва ниммам̣сад̇ааяа ган̇галанд̇и жа вужжад̇и. балибхан̃ж̇анадтзнаад̇и авассам̣ бад̇анадтзна. ад̇хигудданадтзнаад̇и ад̇и вияа гудданадтзна. баал̣ияам̣ ‘‘д̇ат̇аахам̣ бхаг̇авад̇аа…бз… наалам̣ анд̇арааяааяаа’’д̇и ид̣̇ам̣ вад̇т̇уануруубад̇о вуд̇д̇ам̣. звам̣ бана аг̇г̇ахзд̇ваа ан̃н̃знаби аагаарзна яам̣ гин̃жи бхаг̇авад̇аа вуд̇д̇ам̣ вибарийд̇ад̇о г̇ахзд̇ваа барзхи вуд̇д̇зби амун̃жид̇ваа вохаранд̇ассааби вуд̇д̇анаяаанусаарзна д̇ад̣̇ануг̇ун̣ам̣ саманубхаасанагаммаваажам̣ яож̇зд̇ваа аабад̇д̇ияаа ааробзд̇ум̣, аабад̇д̇ияаа ад̣̇ассанаад̣̇ийсу д̇ийсу яам̣ гин̃жи абхиружид̇ам̣ нимид̇д̇ам̣ гад̇ваа угкзбанийяагаммам̣ гаад̇ун̃жа лаб̣бхад̇и. саманубхаасанам̣ агад̇вааби ‘‘мааяасмаа звам̣ аважаа’’д̇и бхигкуухи вуд̇д̇амад̇д̇з лад̣̇д̇хияаа аббадиниссаж̇ж̇анабажжаяааяа д̣̇уггадаабад̇д̇ияааби угкзбанийяагаммам̣ гаад̇умби ваддад̇зваад̇и д̣̇адтаб̣б̣ам̣. д̇хаммагаммад̇аа, саманубхаасанааяа аббадиниссаж̇ж̇ананд̇и д̣̇вз ан̇г̇аани.
Aṭṭhikaṅkalūpamāti ettha aṭṭhi eva nimmaṃsatāya kaṅkalanti ca vuccati. Palibhañjanaṭṭhenāti avassaṃ patanaṭṭhena. Adhikuṭṭanaṭṭhenāti ati viya kuṭṭanaṭṭhena. Pāḷiyaṃ ‘‘tathāhaṃ bhagavatā…pe… nālaṃ antarāyāyā’’ti idaṃ vatthuanurūpato vuttaṃ. Evaṃ pana aggahetvā aññenapi ākārena yaṃ kiñci bhagavatā vuttaṃ viparītato gahetvā parehi vuttepi amuñcitvā voharantassāpi vuttanayānusārena tadanuguṇaṃ samanubhāsanakammavācaṃ yojetvā āpattiyā āropetuṃ, āpattiyā adassanādīsu tīsu yaṃ kiñci abhirucitaṃ nimittaṃ katvā ukkhepanīyakammaṃ kātuñca labbhati. Samanubhāsanaṃ akatvāpi ‘‘māyasmā evaṃ avacā’’ti bhikkhūhi vuttamatte laddhiyā appaṭinissajjanapaccayāya dukkaṭāpattiyāpi ukkhepanīyakammaṃ kātumpi vaṭṭatevāti daṭṭhabbaṃ. Dhammakammatā, samanubhāsanāya appaṭinissajjananti dve aṅgāni.
аридтасигкаабад̣̇аван̣н̣анаа нидтид̇аа.
Ariṭṭhasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. саббаан̣агаваг̇г̇о • 7. Sappāṇakavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. аридтасигкаабад̣̇аван̣н̣анаа • 8. Ariṭṭhasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. аридтасигкаабад̣̇аван̣н̣анаа • 8. Ariṭṭhasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. аридтасигкаабад̣̇аван̣н̣анаа • 8. Ariṭṭhasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8. аридтасигкаабад̣̇ам̣ • 8. Ariṭṭhasikkhāpadaṃ
