| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੮. ਅਰਿਟ੍ਠਸਿਕ੍ਖਾਪਦવਣ੍ਣਨਾ
8. Ariṭṭhasikkhāpadavaṇṇanā
੪੧੭. ਅਟ੍ਠਮੇ ਅਨ੍ਤਰਾਯਨ੍ਤਿ ਅਨ੍ਤਰਾ વੇਮਜ੍ਝੇ ਏਤਿ ਆਗਚ੍ਛਤੀਤਿ ਅਨ੍ਤਰਾਯੋ, ਦਿਟ੍ਠਧਮ੍ਮਿਕਾਦਿਅਨਤ੍ਥੋ। ਆਨਨ੍ਤਰਿਯਧਮ੍ਮਾਤਿ ਅਨਨ੍ਤਰੇ ਭવੇ ਫਲਨਿਬ੍ਬਤ੍ਤਨੇ ਨਿਯੁਤ੍ਤਾ ਚੇਤਨਾਦਿਧਮ੍ਮਾਤਿ ਅਤ੍ਥੋ। ‘‘ਨ ਸਗ੍ਗਸ੍ਸਾ’’ਤਿ ਇਦਂ ਭਿਕ੍ਖੁਨਿਦੂਸਨਕਮ੍ਮਸ੍ਸ ਆਨਨ੍ਤਰਿਯਤ੍ਤਾਭਾવਤੋ વੁਤ੍ਤਂ। ਅਰਿਯਸਾવਿਕਾਸੁ, ਪਨ ਕਲ੍ਯਾਣਪੁਥੁਜ੍ਜਨਭੂਤਾਯ ਚ ਬਲਕ੍ਕਾਰੇਨ ਦੂਸੇਨ੍ਤਸ੍ਸ ਆਨਨ੍ਤਰਿਯਸਅਸਮੇવ। ਮੋਕ੍ਖਨ੍ਤਰਾਯਿਕਤਾ ਪਨ ਲੋਲਾਯਪਿ ਪਕਤਤ੍ਤਭਿਕ੍ਖੁਨਿਯਾ ਦੂਸਕਸ੍ਸ ਤਸ੍ਮਿਂ ਅਤ੍ਤਭਾવੇ ਮਗ੍ਗੁਪ੍ਪਤ੍ਤਿਯਾ ਅਭਾવਤੋ વੁਤ੍ਤਾ।
417. Aṭṭhame antarāyanti antarā vemajjhe eti āgacchatīti antarāyo, diṭṭhadhammikādianattho. Ānantariyadhammāti anantare bhave phalanibbattane niyuttā cetanādidhammāti attho. ‘‘Na saggassā’’ti idaṃ bhikkhunidūsanakammassa ānantariyattābhāvato vuttaṃ. Ariyasāvikāsu, pana kalyāṇaputhujjanabhūtāya ca balakkārena dūsentassa ānantariyasaasameva. Mokkhantarāyikatā pana lolāyapi pakatattabhikkhuniyā dūsakassa tasmiṃ attabhāve magguppattiyā abhāvato vuttā.
ਤਸ੍ਮਿਂ ਅਤ੍ਤਭਾવੇ ਅਨਿવਤ੍ਤਨਕਾ ਅਹੇਤੁਕਅਕਿਰਿਯਨਤ੍ਥਿਕਦਿਟ੍ਠਿਯੋવ ਨਿਯਤਮਿਚ੍ਛਾਦਿਟ੍ਠਿਧਮ੍ਮਾ। ਪਣ੍ਡਕਾਦੀਨਂ ਗਹਣਂ ਨਿਦਸ੍ਸਨਮਤ੍ਤਂ। ਸਬ੍ਬਾਪਿ ਦੁਹੇਤੁਕਾਹੇਤੁਕਪਟਿਸਨ੍ਧਿਯੋ વਿਪਾਕਨ੍ਤਰਾਯਿਕਾવ ਦੁਹੇਤੁਕਾਨਮ੍ਪਿ ਮਗ੍ਗਾਨੁਪ੍ਪਤ੍ਤਿਤੋ।
Tasmiṃ attabhāve anivattanakā ahetukaakiriyanatthikadiṭṭhiyova niyatamicchādiṭṭhidhammā. Paṇḍakādīnaṃ gahaṇaṃ nidassanamattaṃ. Sabbāpi duhetukāhetukapaṭisandhiyo vipākantarāyikāva duhetukānampi maggānuppattito.
ਅਯਨ੍ਤਿ ਅਰਿਟ੍ਠੋ। ਰਸੇਨ ਰਸਨ੍ਤਿ ਅਨવਜ੍ਜੇਨ ਪਚ੍ਚਯਪਰਿਭੁਞ੍ਜਨਰਸੇਨ ਪਞ੍ਚਕਾਮਗੁਣਪਅਭੋਗਰਸਂ ਸਮਾਨੇਤ੍વਾ। ਉਪਨੇਨ੍ਤੋ વਿਯਾਤਿ ਘਟੇਨ੍ਤੋ વਿਯ, ਸੋ ਏવ વਾ ਪਾਠੋ।
Ayanti ariṭṭho. Rasena rasanti anavajjena paccayaparibhuñjanarasena pañcakāmaguṇapaabhogarasaṃ samānetvā. Upanento viyāti ghaṭento viya, so eva vā pāṭho.
ਅਟ੍ਠਿਕਙ੍ਕਲੂਪਮਾਤਿ ਏਤ੍ਥ ਅਟ੍ਠਿ ਏવ ਨਿਮ੍ਮਂਸਤਾਯ ਕਙ੍ਕਲਨ੍ਤਿ ਚ વੁਚ੍ਚਤਿ। ਪਲਿਭਞ੍ਜਨਟ੍ਠੇਨਾਤਿ ਅવਸ੍ਸਂ ਪਤਨਟ੍ਠੇਨ। ਅਧਿਕੁਟ੍ਟਨਟ੍ਠੇਨਾਤਿ ਅਤਿ વਿਯ ਕੁਟ੍ਟਨਟ੍ਠੇਨ। ਪਾਲ਼ਿਯਂ ‘‘ਤਥਾਹਂ ਭਗવਤਾ…ਪੇ॰… ਨਾਲਂ ਅਨ੍ਤਰਾਯਾਯਾ’’ਤਿ ਇਦਂ વਤ੍ਥੁਅਨੁਰੂਪਤੋ વੁਤ੍ਤਂ। ਏવਂ ਪਨ ਅਗ੍ਗਹੇਤ੍વਾ ਅਞ੍ਞੇਨਪਿ ਆਕਾਰੇਨ ਯਂ ਕਿਞ੍ਚਿ ਭਗવਤਾ વੁਤ੍ਤਂ વਿਪਰੀਤਤੋ ਗਹੇਤ੍વਾ ਪਰੇਹਿ વੁਤ੍ਤੇਪਿ ਅਮੁਞ੍ਚਿਤ੍વਾ વੋਹਰਨ੍ਤਸ੍ਸਾਪਿ વੁਤ੍ਤਨਯਾਨੁਸਾਰੇਨ ਤਦਨੁਗੁਣਂ ਸਮਨੁਭਾਸਨਕਮ੍ਮવਾਚਂ ਯੋਜੇਤ੍વਾ ਆਪਤ੍ਤਿਯਾ ਆਰੋਪੇਤੁਂ, ਆਪਤ੍ਤਿਯਾ ਅਦਸ੍ਸਨਾਦੀਸੁ ਤੀਸੁ ਯਂ ਕਿਞ੍ਚਿ ਅਭਿਰੁਚਿਤਂ ਨਿਮਿਤ੍ਤਂ ਕਤ੍વਾ ਉਕ੍ਖੇਪਨੀਯਕਮ੍ਮਂ ਕਾਤੁਞ੍ਚ ਲਬ੍ਭਤਿ। ਸਮਨੁਭਾਸਨਂ ਅਕਤ੍વਾਪਿ ‘‘ਮਾਯਸ੍ਮਾ ਏવਂ ਅવਚਾ’’ਤਿ ਭਿਕ੍ਖੂਹਿ વੁਤ੍ਤਮਤ੍ਤੇ ਲਦ੍ਧਿਯਾ ਅਪ੍ਪਟਿਨਿਸ੍ਸਜ੍ਜਨਪਚ੍ਚਯਾਯ ਦੁਕ੍ਕਟਾਪਤ੍ਤਿਯਾਪਿ ਉਕ੍ਖੇਪਨੀਯਕਮ੍ਮਂ ਕਾਤੁਮ੍ਪਿ વਟ੍ਟਤੇવਾਤਿ ਦਟ੍ਠਬ੍ਬਂ। ਧਮ੍ਮਕਮ੍ਮਤਾ, ਸਮਨੁਭਾਸਨਾਯ ਅਪ੍ਪਟਿਨਿਸ੍ਸਜ੍ਜਨਨ੍ਤਿ ਦ੍વੇ ਅਙ੍ਗਾਨਿ।
Aṭṭhikaṅkalūpamāti ettha aṭṭhi eva nimmaṃsatāya kaṅkalanti ca vuccati. Palibhañjanaṭṭhenāti avassaṃ patanaṭṭhena. Adhikuṭṭanaṭṭhenāti ati viya kuṭṭanaṭṭhena. Pāḷiyaṃ ‘‘tathāhaṃ bhagavatā…pe… nālaṃ antarāyāyā’’ti idaṃ vatthuanurūpato vuttaṃ. Evaṃ pana aggahetvā aññenapi ākārena yaṃ kiñci bhagavatā vuttaṃ viparītato gahetvā parehi vuttepi amuñcitvā voharantassāpi vuttanayānusārena tadanuguṇaṃ samanubhāsanakammavācaṃ yojetvā āpattiyā āropetuṃ, āpattiyā adassanādīsu tīsu yaṃ kiñci abhirucitaṃ nimittaṃ katvā ukkhepanīyakammaṃ kātuñca labbhati. Samanubhāsanaṃ akatvāpi ‘‘māyasmā evaṃ avacā’’ti bhikkhūhi vuttamatte laddhiyā appaṭinissajjanapaccayāya dukkaṭāpattiyāpi ukkhepanīyakammaṃ kātumpi vaṭṭatevāti daṭṭhabbaṃ. Dhammakammatā, samanubhāsanāya appaṭinissajjananti dve aṅgāni.
ਅਰਿਟ੍ਠਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ariṭṭhasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੭. ਸਪ੍ਪਾਣਕવਗ੍ਗੋ • 7. Sappāṇakavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੮. ਅਰਿਟ੍ਠਸਿਕ੍ਖਾਪਦવਣ੍ਣਨਾ • 8. Ariṭṭhasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੮. ਅਰਿਟ੍ਠਸਿਕ੍ਖਾਪਦવਣ੍ਣਨਾ • 8. Ariṭṭhasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੮. ਅਰਿਟ੍ਠਸਿਕ੍ਖਾਪਦવਣ੍ਣਨਾ • 8. Ariṭṭhasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੮. ਅਰਿਟ੍ਠਸਿਕ੍ਖਾਪਦਂ • 8. Ariṭṭhasikkhāpadaṃ
