| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
9. арияад̇хаммавибаагагат̇ааван̣н̣анаа
9. Ariyadhammavipākakathāvaṇṇanā
498. ид̣̇аани арияад̇хаммавибаагагат̇аа наама ход̇и. д̇ад̇т̇а язсам̣ гилзсаббахаанамад̇д̇амзва сааман̃н̃апалам̣, на жид̇д̇ажзд̇асигаа д̇хаммаад̇и лад̣̇д̇хи, сзяяат̇ааби анд̇хагаанам̣; д̇з санд̇хааяа над̇т̇и арияад̇хаммавибаагод̇и бужчаа сагаваад̣̇исса. д̇ад̇т̇а арияад̇хаммавибаагод̇и маг̇г̇асан̇каад̇асса арияад̇хаммасса вибааго. гилзсагкаяамад̇д̇ам̣ арияапаланд̇и лад̣̇д̇хияаа бадин̃н̃аа ид̇арасса. сааман̃н̃анд̇и саман̣абхааво, маг̇г̇ассзд̇ам̣ наамам̣. ‘‘сааман̃н̃ан̃жа во, бхигкавз, д̣̇зсзссаами сааман̃н̃апалан̃жаа’’д̇и хи вуд̇д̇ам̣. б̣рахман̃н̃зби зсзва наяо.
498. Idāni ariyadhammavipākakathā nāma hoti. Tattha yesaṃ kilesappahānamattameva sāmaññaphalaṃ, na cittacetasikā dhammāti laddhi, seyyathāpi andhakānaṃ; te sandhāya natthi ariyadhammavipākoti pucchā sakavādissa. Tattha ariyadhammavipākoti maggasaṅkhātassa ariyadhammassa vipāko. Kilesakkhayamattaṃ ariyaphalanti laddhiyā paṭiññā itarassa. Sāmaññanti samaṇabhāvo, maggassetaṃ nāmaṃ. ‘‘Sāmaññañca vo, bhikkhave, desessāmi sāmaññaphalañcā’’ti hi vuttaṃ. Brahmaññepi eseva nayo.
сод̇аабад̇д̇ипалам̣ на вибаагод̇иаад̣̇ийсу сод̇аабад̇д̇имаг̇г̇аад̣̇ийнам̣ абажаяаг̇аамид̇ам̣ санд̇хааяа арияапалаанам̣ навибаагабхаавам̣ бадиж̇аанаад̇и, д̣̇аанапалаад̣̇ийнам̣ бадигкибад̇и . со хи аажаяаг̇аамид̇д̇игасса звам̣ ад̇т̇ам̣ д̇хаарзд̇и – вибаагасан̇каад̇ам̣ аажаяам̣ г̇ажчанд̇и, д̇ам̣ ваа аажинанд̇аа г̇ажчанд̇ийд̇и аажаяаг̇аамино, вибаагам̣ абажинанд̇аа г̇ажчанд̇ийд̇и абажаяаг̇ааминод̇и. д̇асмаа звам̣ бадиж̇аанаад̇и жа бадигкибад̇и жа.
Sotāpattiphalaṃ na vipākotiādīsu sotāpattimaggādīnaṃ apacayagāmitaṃ sandhāya ariyaphalānaṃ navipākabhāvaṃ paṭijānāti, dānaphalādīnaṃ paṭikkhipati . So hi ācayagāmittikassa evaṃ atthaṃ dhāreti – vipākasaṅkhātaṃ ācayaṃ gacchanti, taṃ vā ācinantā gacchantīti ācayagāmino, vipākaṃ apacinantā gacchantīti apacayagāminoti. Tasmā evaṃ paṭijānāti ca paṭikkhipati ca.
500. гаамааважарам̣ гусалам̣ савибаагам̣ аажаяаг̇аамийд̇иаад̣̇игаа бужчаа бараваад̣̇исса, бадин̃н̃аа жа бадигкзбо жа сагаваад̣̇исса. логияан̃хи гусалам̣ вибаагажуд̇ибадисанд̇хияо жзва ваддан̃жа аажинанд̇ам̣ г̇ажчад̇ийд̇и аажаяаг̇аами. логуд̇д̇арагусалам̣ жуд̇ибадисанд̇хияо жзва ваддан̃жа абажинанд̇ам̣ г̇ажчад̇ийд̇и абажаяаг̇аами. звамзд̇ам̣ савибаагамзва ход̇и, на абажаяаг̇аамиважанамад̇д̇зна авибаагам̣. имамад̇т̇ам̣ санд̇хааязд̇т̇а сагаваад̣̇ино бадин̃н̃аа жа бадигкзбо жа взд̣̇ид̇аб̣б̣аад̇и.
500. Kāmāvacaraṃ kusalaṃ savipākaṃ ācayagāmītiādikā pucchā paravādissa, paṭiññā ca paṭikkhepo ca sakavādissa. Lokiyañhi kusalaṃ vipākacutipaṭisandhiyo ceva vaṭṭañca ācinantaṃ gacchatīti ācayagāmi. Lokuttarakusalaṃ cutipaṭisandhiyo ceva vaṭṭañca apacinantaṃ gacchatīti apacayagāmi. Evametaṃ savipākameva hoti, na apacayagāmivacanamattena avipākaṃ. Imamatthaṃ sandhāyettha sakavādino paṭiññā ca paṭikkhepo ca veditabbāti.
арияад̇хаммавибаагагат̇ааван̣н̣анаа.
Ariyadhammavipākakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (71) 9. арияад̇хаммавибаагагат̇аа • (71) 9. Ariyadhammavipākakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 9. арияад̇хаммавибаагагат̇ааван̣н̣анаа • 9. Ariyadhammavipākakathāvaṇṇanā
