| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੯. ਅਰਿਯਧਮ੍ਮવਿਪਾਕਕਥਾવਣ੍ਣਨਾ
9. Ariyadhammavipākakathāvaṇṇanā
੪੯੮. ਇਦਾਨਿ ਅਰਿਯਧਮ੍ਮવਿਪਾਕਕਥਾ ਨਾਮ ਹੋਤਿ। ਤਤ੍ਥ ਯੇਸਂ ਕਿਲੇਸਪ੍ਪਹਾਨਮਤ੍ਤਮੇવ ਸਾਮਞ੍ਞਫਲਂ, ਨ ਚਿਤ੍ਤਚੇਤਸਿਕਾ ਧਮ੍ਮਾਤਿ ਲਦ੍ਧਿ, ਸੇਯ੍ਯਥਾਪਿ ਅਨ੍ਧਕਾਨਂ; ਤੇ ਸਨ੍ਧਾਯ ਨਤ੍ਥਿ ਅਰਿਯਧਮ੍ਮવਿਪਾਕੋਤਿ ਪੁਚ੍ਛਾ ਸਕવਾਦਿਸ੍ਸ। ਤਤ੍ਥ ਅਰਿਯਧਮ੍ਮવਿਪਾਕੋਤਿ ਮਗ੍ਗਸਙ੍ਖਾਤਸ੍ਸ ਅਰਿਯਧਮ੍ਮਸ੍ਸ વਿਪਾਕੋ। ਕਿਲੇਸਕ੍ਖਯਮਤ੍ਤਂ ਅਰਿਯਫਲਨ੍ਤਿ ਲਦ੍ਧਿਯਾ ਪਟਿਞ੍ਞਾ ਇਤਰਸ੍ਸ। ਸਾਮਞ੍ਞਨ੍ਤਿ ਸਮਣਭਾવੋ, ਮਗ੍ਗਸ੍ਸੇਤਂ ਨਾਮਂ। ‘‘ਸਾਮਞ੍ਞਞ੍ਚ વੋ, ਭਿਕ੍ਖવੇ, ਦੇਸੇਸ੍ਸਾਮਿ ਸਾਮਞ੍ਞਫਲਞ੍ਚਾ’’ਤਿ ਹਿ વੁਤ੍ਤਂ। ਬ੍ਰਹ੍ਮਞ੍ਞੇਪਿ ਏਸੇવ ਨਯੋ।
498. Idāni ariyadhammavipākakathā nāma hoti. Tattha yesaṃ kilesappahānamattameva sāmaññaphalaṃ, na cittacetasikā dhammāti laddhi, seyyathāpi andhakānaṃ; te sandhāya natthi ariyadhammavipākoti pucchā sakavādissa. Tattha ariyadhammavipākoti maggasaṅkhātassa ariyadhammassa vipāko. Kilesakkhayamattaṃ ariyaphalanti laddhiyā paṭiññā itarassa. Sāmaññanti samaṇabhāvo, maggassetaṃ nāmaṃ. ‘‘Sāmaññañca vo, bhikkhave, desessāmi sāmaññaphalañcā’’ti hi vuttaṃ. Brahmaññepi eseva nayo.
ਸੋਤਾਪਤ੍ਤਿਫਲਂ ਨ વਿਪਾਕੋਤਿਆਦੀਸੁ ਸੋਤਾਪਤ੍ਤਿਮਗ੍ਗਾਦੀਨਂ ਅਪਚਯਗਾਮਿਤਂ ਸਨ੍ਧਾਯ ਅਰਿਯਫਲਾਨਂ ਨવਿਪਾਕਭਾવਂ ਪਟਿਜਾਨਾਤਿ, ਦਾਨਫਲਾਦੀਨਂ ਪਟਿਕ੍ਖਿਪਤਿ । ਸੋ ਹਿ ਆਚਯਗਾਮਿਤ੍ਤਿਕਸ੍ਸ ਏવਂ ਅਤ੍ਥਂ ਧਾਰੇਤਿ – વਿਪਾਕਸਙ੍ਖਾਤਂ ਆਚਯਂ ਗਚ੍ਛਨ੍ਤਿ, ਤਂ વਾ ਆਚਿਨਨ੍ਤਾ ਗਚ੍ਛਨ੍ਤੀਤਿ ਆਚਯਗਾਮਿਨੋ, વਿਪਾਕਂ ਅਪਚਿਨਨ੍ਤਾ ਗਚ੍ਛਨ੍ਤੀਤਿ ਅਪਚਯਗਾਮਿਨੋਤਿ। ਤਸ੍ਮਾ ਏવਂ ਪਟਿਜਾਨਾਤਿ ਚ ਪਟਿਕ੍ਖਿਪਤਿ ਚ।
Sotāpattiphalaṃ na vipākotiādīsu sotāpattimaggādīnaṃ apacayagāmitaṃ sandhāya ariyaphalānaṃ navipākabhāvaṃ paṭijānāti, dānaphalādīnaṃ paṭikkhipati . So hi ācayagāmittikassa evaṃ atthaṃ dhāreti – vipākasaṅkhātaṃ ācayaṃ gacchanti, taṃ vā ācinantā gacchantīti ācayagāmino, vipākaṃ apacinantā gacchantīti apacayagāminoti. Tasmā evaṃ paṭijānāti ca paṭikkhipati ca.
੫੦੦. ਕਾਮਾવਚਰਂ ਕੁਸਲਂ ਸવਿਪਾਕਂ ਆਚਯਗਾਮੀਤਿਆਦਿਕਾ ਪੁਚ੍ਛਾ ਪਰવਾਦਿਸ੍ਸ, ਪਟਿਞ੍ਞਾ ਚ ਪਟਿਕ੍ਖੇਪੋ ਚ ਸਕવਾਦਿਸ੍ਸ। ਲੋਕਿਯਞ੍ਹਿ ਕੁਸਲਂ વਿਪਾਕਚੁਤਿਪਟਿਸਨ੍ਧਿਯੋ ਚੇવ વਟ੍ਟਞ੍ਚ ਆਚਿਨਨ੍ਤਂ ਗਚ੍ਛਤੀਤਿ ਆਚਯਗਾਮਿ। ਲੋਕੁਤ੍ਤਰਕੁਸਲਂ ਚੁਤਿਪਟਿਸਨ੍ਧਿਯੋ ਚੇવ વਟ੍ਟਞ੍ਚ ਅਪਚਿਨਨ੍ਤਂ ਗਚ੍ਛਤੀਤਿ ਅਪਚਯਗਾਮਿ। ਏવਮੇਤਂ ਸવਿਪਾਕਮੇવ ਹੋਤਿ, ਨ ਅਪਚਯਗਾਮਿવਚਨਮਤ੍ਤੇਨ ਅવਿਪਾਕਂ। ਇਮਮਤ੍ਥਂ ਸਨ੍ਧਾਯੇਤ੍ਥ ਸਕવਾਦਿਨੋ ਪਟਿਞ੍ਞਾ ਚ ਪਟਿਕ੍ਖੇਪੋ ਚ વੇਦਿਤਬ੍ਬਾਤਿ।
500. Kāmāvacaraṃ kusalaṃ savipākaṃ ācayagāmītiādikā pucchā paravādissa, paṭiññā ca paṭikkhepo ca sakavādissa. Lokiyañhi kusalaṃ vipākacutipaṭisandhiyo ceva vaṭṭañca ācinantaṃ gacchatīti ācayagāmi. Lokuttarakusalaṃ cutipaṭisandhiyo ceva vaṭṭañca apacinantaṃ gacchatīti apacayagāmi. Evametaṃ savipākameva hoti, na apacayagāmivacanamattena avipākaṃ. Imamatthaṃ sandhāyettha sakavādino paṭiññā ca paṭikkhepo ca veditabbāti.
ਅਰਿਯਧਮ੍ਮવਿਪਾਕਕਥਾવਣ੍ਣਨਾ।
Ariyadhammavipākakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੭੧) ੯. ਅਰਿਯਧਮ੍ਮવਿਪਾਕਕਥਾ • (71) 9. Ariyadhammavipākakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੯. ਅਰਿਯਧਮ੍ਮવਿਪਾਕਕਥਾવਣ੍ਣਨਾ • 9. Ariyadhammavipākakathāvaṇṇanā
