| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
2. арияанд̇игат̇ааван̣н̣анаа
2. Ariyantikathāvaṇṇanā
357. ид̣̇аани арияанд̇игат̇аа наама ход̇и. д̇ад̇т̇а язсам̣ ‘‘на гзвалам̣ аасавагкаяан̃аан̣амзва арияам̣, ат̇а ко буримааниби нава б̣алаани арияаани’’жжзва лад̣̇д̇хи, сзяяат̇ааби зд̇арахи анд̇хагаанам̣; д̇з санд̇хааяа арияанд̇и бужчаа сагаваад̣̇исса, бадин̃н̃аа ид̇арасса. буна яад̣̇и д̇ам̣ арияам̣, маг̇г̇аад̣̇ийсу д̇зна ан̃н̃ад̇арзна бхавид̇аб̣б̣анд̇и маг̇г̇аад̣̇ивасзна бужчаа сагаваад̣̇исса, бадигкзбо ид̇арасса.
357. Idāni ariyantikathā nāma hoti. Tattha yesaṃ ‘‘na kevalaṃ āsavakkhayañāṇameva ariyaṃ, atha kho purimānipi nava balāni ariyāni’’cceva laddhi, seyyathāpi etarahi andhakānaṃ; te sandhāya ariyanti pucchā sakavādissa, paṭiññā itarassa. Puna yadi taṃ ariyaṃ, maggādīsu tena aññatarena bhavitabbanti maggādivasena pucchā sakavādissa, paṭikkhepo itarassa.
буна сун̃н̃ад̇аарамман̣аад̣̇ивасзна бужчаа сагаваад̣̇исса. д̇ад̇т̇а д̣̇вз сун̃н̃ад̇аа – сад̇д̇асун̃н̃ад̇аа жа сан̇каарасун̃н̃ад̇аа жа. сад̇д̇асун̃н̃ад̇аа наама д̣̇идтияаа баригаббид̇зна сад̇д̇зна сун̃н̃аа бан̃жагканд̇хаа. сан̇каарасун̃н̃ад̇аа наама саб̣б̣асан̇каарзхи сун̃н̃ам̣ вивид̇д̇ам̣ ниссадам̣ ниб̣б̣аанам̣. д̇ад̇т̇а бараваад̣̇ий ниб̣б̣аанаарамман̣ад̇ам̣ санд̇хааяа бадигкибад̇и, сан̇каараарамман̣ад̇ам̣ санд̇хааяа бадиж̇аанаад̇и. манаси гарод̇ийд̇и будтоби ниб̣б̣аанамзва санд̇хааяа бадигкибад̇и, сан̇каарз санд̇хааяа бадиж̇аанаад̇и. д̇ад̇о сагаваад̣̇инаа ‘‘таанаадтаанаад̣̇иманасигааро сан̇каараарамман̣о, сун̃н̃ад̇аманасигааро ниб̣б̣аанаарамман̣о’’д̇и имам̣ наяам̣ г̇ахзд̇ваа ‘‘д̣̇виннам̣ пассаанам̣ д̣̇виннам̣ жид̇д̇аанам̣ самод̇хаанам̣ ход̇ий’’д̇и будто лзсогаасам̣ алабханд̇о бадигкибад̇и. анимид̇д̇аабан̣ихид̇зсуби зсзва наяо. сад̇д̇анимид̇д̇аабхаавад̇о хи канд̇хаа анимид̇д̇аа. сан̇кааранимид̇д̇аабхаавад̇о ниб̣б̣аанам̣. згад̇хаммасмимби ааробзд̇ваа табзд̇аб̣б̣асан̇каад̇зна жа бан̣ид̣̇ахид̇аб̣б̣адтзна бан̣ихид̇асан̇кам̣ г̇ад̇зна сад̇д̇абан̣ид̇хинаа аббан̣ихид̇аа канд̇хаа. д̇ан̣хаабан̣ид̇хинаа д̇ан̣хааяа ваа аарамман̣абхууд̇зна саб̣б̣асан̇каарабан̣ид̇хинаа аббан̣ихид̇ам̣ ниб̣б̣аанам̣. д̇асмаа ид̇хааби бадигкзбо жа бадин̃н̃аа жа буриманаязнзва взд̣̇ид̇аб̣б̣аа.
Puna suññatārammaṇādivasena pucchā sakavādissa. Tattha dve suññatā – sattasuññatā ca saṅkhārasuññatā ca. Sattasuññatā nāma diṭṭhiyā parikappitena sattena suññā pañcakkhandhā. Saṅkhārasuññatā nāma sabbasaṅkhārehi suññaṃ vivittaṃ nissaṭaṃ nibbānaṃ. Tattha paravādī nibbānārammaṇataṃ sandhāya paṭikkhipati, saṅkhārārammaṇataṃ sandhāya paṭijānāti. Manasi karotīti puṭṭhopi nibbānameva sandhāya paṭikkhipati, saṅkhāre sandhāya paṭijānāti. Tato sakavādinā ‘‘ṭhānāṭṭhānādimanasikāro saṅkhārārammaṇo, suññatamanasikāro nibbānārammaṇo’’ti imaṃ nayaṃ gahetvā ‘‘dvinnaṃ phassānaṃ dvinnaṃ cittānaṃ samodhānaṃ hotī’’ti puṭṭho lesokāsaṃ alabhanto paṭikkhipati. Animittāpaṇihitesupi eseva nayo. Sattanimittābhāvato hi khandhā animittā. Saṅkhāranimittābhāvato nibbānaṃ. Ekadhammasmimpi āropetvā ṭhapetabbasaṅkhātena ca paṇidahitabbaṭṭhena paṇihitasaṅkhaṃ gatena sattapaṇidhinā appaṇihitā khandhā. Taṇhāpaṇidhinā taṇhāya vā ārammaṇabhūtena sabbasaṅkhārapaṇidhinā appaṇihitaṃ nibbānaṃ. Tasmā idhāpi paṭikkhepo ca paṭiññā ca purimanayeneva veditabbā.
358. д̇ад̇о ‘‘яат̇аа сад̇ибадтаанаад̣̇аяо логуд̇д̇арад̇хаммаа арияаа жзва сун̃н̃ад̇аад̣̇иаарамман̣аа жа, гим̣ д̇з звам̣ таанаадтаанан̃аан̣а’’нд̇и ануломабадиломабужчаа хонд̇и. д̇ад̇т̇а саб̣б̣ааби бадин̃н̃аа саб̣б̣з жа бадигкзбаа бараваад̣̇иссзва. иминаавубааязна сзсан̃аан̣зсуби бужчаависсаж̇ж̇анам̣ взд̣̇ид̇аб̣б̣ам̣. баал̣ияам̣ бана сзсаани сан̇кибид̇ваа авасаанз жуд̇уубабаад̇ан̃аан̣амзва вибхад̇д̇ам̣. д̇ад̇о барам̣ сагасамаязби ‘‘арияа’’нд̇и сид̣̇д̇хзна аасаваанам̣ каяан̃аан̣зна сад̣̇д̇хим̣ сам̣санд̣̇ид̇ваа сзсан̃аан̣аанам̣ ануломад̇о жа бадиломад̇о жа арияабхаавабужчаа хонд̇и. д̇аа саб̣б̣аа бараваад̣̇исса, бадин̃н̃аа бадигкзбо жа сагаваад̣̇исса . д̇з уд̇д̇аанад̇т̇ааязва. баал̣ияам̣ банзд̇т̇а батаманавамаанзва д̣̇ассзд̇ваа сад̇д̇а н̃аан̣аани сан̇кид̇д̇аанийд̇и.
358. Tato ‘‘yathā satipaṭṭhānādayo lokuttaradhammā ariyā ceva suññatādiārammaṇā ca, kiṃ te evaṃ ṭhānāṭṭhānañāṇa’’nti anulomapaṭilomapucchā honti. Tattha sabbāpi paṭiññā sabbe ca paṭikkhepā paravādisseva. Imināvupāyena sesañāṇesupi pucchāvissajjanaṃ veditabbaṃ. Pāḷiyaṃ pana sesāni saṅkhipitvā avasāne cutūpapātañāṇameva vibhattaṃ. Tato paraṃ sakasamayepi ‘‘ariya’’nti siddhena āsavānaṃ khayañāṇena saddhiṃ saṃsanditvā sesañāṇānaṃ anulomato ca paṭilomato ca ariyabhāvapucchā honti. Tā sabbā paravādissa, paṭiññā paṭikkhepo ca sakavādissa . Te uttānatthāyeva. Pāḷiyaṃ panettha paṭhamanavamāneva dassetvā satta ñāṇāni saṅkhittānīti.
арияанд̇игат̇ааван̣н̣анаа.
Ariyantikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (22) 2. арияанд̇игат̇аа • (22) 2. Ariyantikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. арияанд̇игат̇ааван̣н̣анаа • 2. Ariyantikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. арияанд̇игат̇ааван̣н̣анаа • 2. Ariyantikathāvaṇṇanā
