| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
2. арияанд̇игат̇ааван̣н̣анаа
2. Ariyantikathāvaṇṇanā
357. сан̇каарз санд̇хааяа бадиж̇аананд̇ассаад̇и д̣̇идтияаа баригаббид̇зна сад̇д̇зна сун̃н̃з сан̇каарз санд̇хааяа ‘‘сун̃н̃ад̇ан̃жа манаси гарод̇ий’’д̇и бужчааяа ‘‘ааманд̇аа’’д̇и бадиж̇аананд̇асса. д̣̇виннам̣ пассаанам̣ самод̇хаанам̣ гат̇ам̣ аабаж̇ж̇ад̇и таанаатаанабхууд̇з сан̇каарз вуд̇д̇анаязна сун̃н̃ад̇ам̣ манаси гаронд̇ассаад̇и ад̇хиббааяо. яат̇аавуд̇д̇анаязнаад̇и ‘‘д̣̇идтияаа баригаббид̇зна сад̇д̇зна сун̃н̃аа бан̃жагканд̇хаа’’д̇и багаарзна наязна. ат̇а ваа яат̇аавуд̇д̇анаязнаад̇и ‘‘таанаатаанаманасигааро сан̇каараарамман̣о, сун̃н̃ад̇ааманасигааро ниб̣б̣аанаарамман̣о’’д̇и звам̣ вуд̇д̇анаязна. ‘‘сан̇каарз санд̇хааяа бадиж̇аананд̇ассаа’’д̇и вуд̇д̇ад̇д̇аа ‘‘д̣̇виннам̣ пассаанам̣ самод̇хаанам̣ гат̇ам̣ аабаж̇ж̇ад̇ий’’д̇и ааха. сад̇д̇асун̃н̃ад̇ааяа сун̃н̃ад̇д̇зби сан̇каараанам̣ ан̃н̃ова таанаатаанаманасигааро, ан̃н̃о сун̃н̃ад̇ааманасигаарод̇и яуж̇ж̇ад̇зва д̣̇виннам̣ пассаанам̣ самод̇хаанаабад̇д̇ижод̣̇анаа, сан̇каарз санд̇хааяа бадиж̇аананд̇асса бана гат̇ам̣ арияабхаавасид̣̇д̇хи таанаатаанан̃аан̣аад̣̇ийнанд̇и вижаарзд̇аб̣б̣ам̣. гим̣ ваа зд̇ааяа яуд̇д̇ижинд̇ааяа. уммад̇д̇агабажчисад̣̇исо хи бараваад̣̇иваад̣̇о. ан̃н̃зсуби таанзсу ийд̣̇исзсу зсзва наяо. ааробзд̇ваад̇и ид̇т̇ибурисаад̣̇иаагаарам̣, сад̇д̇аагаарамзва ваа асанд̇ам̣ руубаад̣̇иубаад̣̇аанз ааробзд̇ваа. абхууд̇ааробанан̃хзд̇т̇а бан̣ид̣̇ахананд̇и ад̇хиббзд̇ам̣. д̇знааха ‘‘баригаббанавасзнаа’’д̇и. сод̇и яат̇аавуд̇д̇о бан̣ид̇хи. згасмимби канд̇хз.
357. Saṅkhāresandhāya paṭijānantassāti diṭṭhiyā parikappitena sattena suññe saṅkhāre sandhāya ‘‘suññatañca manasi karotī’’ti pucchāya ‘‘āmantā’’ti paṭijānantassa. Dvinnaṃ phassānaṃ samodhānaṃ kathaṃ āpajjati ṭhānāṭhānabhūte saṅkhāre vuttanayena suññataṃ manasi karontassāti adhippāyo. Yathāvuttanayenāti ‘‘diṭṭhiyā parikappitena sattena suññā pañcakkhandhā’’ti pakārena nayena. Atha vā yathāvuttanayenāti ‘‘ṭhānāṭhānamanasikāro saṅkhārārammaṇo, suññatāmanasikāro nibbānārammaṇo’’ti evaṃ vuttanayena. ‘‘Saṅkhāre sandhāya paṭijānantassā’’ti vuttattā ‘‘dvinnaṃ phassānaṃ samodhānaṃ kathaṃ āpajjatī’’ti āha. Sattasuññatāya suññattepi saṅkhārānaṃ aññova ṭhānāṭhānamanasikāro, añño suññatāmanasikāroti yujjateva dvinnaṃ phassānaṃ samodhānāpatticodanā, saṅkhāre sandhāya paṭijānantassa pana kathaṃ ariyabhāvasiddhi ṭhānāṭhānañāṇādīnanti vicāretabbaṃ. Kiṃ vā etāya yutticintāya. Ummattakapacchisadiso hi paravādivādo. Aññesupi ṭhānesu īdisesu eseva nayo. Āropetvāti itthipurisādiākāraṃ, sattākārameva vā asantaṃ rūpādiupādāne āropetvā. Abhūtāropanañhettha paṇidahananti adhippetaṃ. Tenāha ‘‘parikappanavasenā’’ti. Soti yathāvutto paṇidhi. Ekasmimpi khandhe.
арияанд̇игат̇ааван̣н̣анаа нидтид̇аа.
Ariyantikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (22) 2. арияанд̇игат̇аа • (22) 2. Ariyantikathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 2. арияанд̇игат̇ааван̣н̣анаа • 2. Ariyantikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. арияанд̇игат̇ааван̣н̣анаа • 2. Ariyantikathāvaṇṇanā
