| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੨. ਅਰਿਯਨ੍ਤਿਕਥਾવਣ੍ਣਨਾ
2. Ariyantikathāvaṇṇanā
੩੫੭. ਸਙ੍ਖਾਰੇ ਸਨ੍ਧਾਯ ਪਟਿਜਾਨਨ੍ਤਸ੍ਸਾਤਿ ਦਿਟ੍ਠਿਯਾ ਪਰਿਕਪ੍ਪਿਤੇਨ ਸਤ੍ਤੇਨ ਸੁਞ੍ਞੇ ਸਙ੍ਖਾਰੇ ਸਨ੍ਧਾਯ ‘‘ਸੁਞ੍ਞਤਞ੍ਚ ਮਨਸਿ ਕਰੋਤੀ’’ਤਿ ਪੁਚ੍ਛਾਯ ‘‘ਆਮਨ੍ਤਾ’’ਤਿ ਪਟਿਜਾਨਨ੍ਤਸ੍ਸ। ਦ੍વਿਨ੍ਨਂ ਫਸ੍ਸਾਨਂ ਸਮੋਧਾਨਂ ਕਥਂ ਆਪਜ੍ਜਤਿ ਠਾਨਾਠਾਨਭੂਤੇ ਸਙ੍ਖਾਰੇ વੁਤ੍ਤਨਯੇਨ ਸੁਞ੍ਞਤਂ ਮਨਸਿ ਕਰੋਨ੍ਤਸ੍ਸਾਤਿ ਅਧਿਪ੍ਪਾਯੋ। ਯਥਾવੁਤ੍ਤਨਯੇਨਾਤਿ ‘‘ਦਿਟ੍ਠਿਯਾ ਪਰਿਕਪ੍ਪਿਤੇਨ ਸਤ੍ਤੇਨ ਸੁਞ੍ਞਾ ਪਞ੍ਚਕ੍ਖਨ੍ਧਾ’’ਤਿ ਪਕਾਰੇਨ ਨਯੇਨ। ਅਥ વਾ ਯਥਾવੁਤ੍ਤਨਯੇਨਾਤਿ ‘‘ਠਾਨਾਠਾਨਮਨਸਿਕਾਰੋ ਸਙ੍ਖਾਰਾਰਮ੍ਮਣੋ, ਸੁਞ੍ਞਤਾਮਨਸਿਕਾਰੋ ਨਿਬ੍ਬਾਨਾਰਮ੍ਮਣੋ’’ਤਿ ਏવਂ વੁਤ੍ਤਨਯੇਨ। ‘‘ਸਙ੍ਖਾਰੇ ਸਨ੍ਧਾਯ ਪਟਿਜਾਨਨ੍ਤਸ੍ਸਾ’’ਤਿ વੁਤ੍ਤਤ੍ਤਾ ‘‘ਦ੍વਿਨ੍ਨਂ ਫਸ੍ਸਾਨਂ ਸਮੋਧਾਨਂ ਕਥਂ ਆਪਜ੍ਜਤੀ’’ਤਿ ਆਹ। ਸਤ੍ਤਸੁਞ੍ਞਤਾਯ ਸੁਞ੍ਞਤ੍ਤੇਪਿ ਸਙ੍ਖਾਰਾਨਂ ਅਞ੍ਞੋવ ਠਾਨਾਠਾਨਮਨਸਿਕਾਰੋ, ਅਞ੍ਞੋ ਸੁਞ੍ਞਤਾਮਨਸਿਕਾਰੋਤਿ ਯੁਜ੍ਜਤੇવ ਦ੍વਿਨ੍ਨਂ ਫਸ੍ਸਾਨਂ ਸਮੋਧਾਨਾਪਤ੍ਤਿਚੋਦਨਾ, ਸਙ੍ਖਾਰੇ ਸਨ੍ਧਾਯ ਪਟਿਜਾਨਨ੍ਤਸ੍ਸ ਪਨ ਕਥਂ ਅਰਿਯਭਾવਸਿਦ੍ਧਿ ਠਾਨਾਠਾਨਞਾਣਾਦੀਨਨ੍ਤਿ વਿਚਾਰੇਤਬ੍ਬਂ। ਕਿਂ વਾ ਏਤਾਯ ਯੁਤ੍ਤਿਚਿਨ੍ਤਾਯ। ਉਮ੍ਮਤ੍ਤਕਪਚ੍ਛਿਸਦਿਸੋ ਹਿ ਪਰવਾਦਿવਾਦੋ। ਅਞ੍ਞੇਸੁਪਿ ਠਾਨੇਸੁ ਈਦਿਸੇਸੁ ਏਸੇવ ਨਯੋ। ਆਰੋਪੇਤ੍વਾਤਿ ਇਤ੍ਥਿਪੁਰਿਸਾਦਿਆਕਾਰਂ, ਸਤ੍ਤਾਕਾਰਮੇવ વਾ ਅਸਨ੍ਤਂ ਰੂਪਾਦਿਉਪਾਦਾਨੇ ਆਰੋਪੇਤ੍વਾ। ਅਭੂਤਾਰੋਪਨਞ੍ਹੇਤ੍ਥ ਪਣਿਦਹਨਨ੍ਤਿ ਅਧਿਪ੍ਪੇਤਂ। ਤੇਨਾਹ ‘‘ਪਰਿਕਪ੍ਪਨવਸੇਨਾ’’ਤਿ। ਸੋਤਿ ਯਥਾવੁਤ੍ਤੋ ਪਣਿਧਿ। ਏਕਸ੍ਮਿਮ੍ਪਿ ਖਨ੍ਧੇ।
357. Saṅkhāresandhāya paṭijānantassāti diṭṭhiyā parikappitena sattena suññe saṅkhāre sandhāya ‘‘suññatañca manasi karotī’’ti pucchāya ‘‘āmantā’’ti paṭijānantassa. Dvinnaṃ phassānaṃ samodhānaṃ kathaṃ āpajjati ṭhānāṭhānabhūte saṅkhāre vuttanayena suññataṃ manasi karontassāti adhippāyo. Yathāvuttanayenāti ‘‘diṭṭhiyā parikappitena sattena suññā pañcakkhandhā’’ti pakārena nayena. Atha vā yathāvuttanayenāti ‘‘ṭhānāṭhānamanasikāro saṅkhārārammaṇo, suññatāmanasikāro nibbānārammaṇo’’ti evaṃ vuttanayena. ‘‘Saṅkhāre sandhāya paṭijānantassā’’ti vuttattā ‘‘dvinnaṃ phassānaṃ samodhānaṃ kathaṃ āpajjatī’’ti āha. Sattasuññatāya suññattepi saṅkhārānaṃ aññova ṭhānāṭhānamanasikāro, añño suññatāmanasikāroti yujjateva dvinnaṃ phassānaṃ samodhānāpatticodanā, saṅkhāre sandhāya paṭijānantassa pana kathaṃ ariyabhāvasiddhi ṭhānāṭhānañāṇādīnanti vicāretabbaṃ. Kiṃ vā etāya yutticintāya. Ummattakapacchisadiso hi paravādivādo. Aññesupi ṭhānesu īdisesu eseva nayo. Āropetvāti itthipurisādiākāraṃ, sattākārameva vā asantaṃ rūpādiupādāne āropetvā. Abhūtāropanañhettha paṇidahananti adhippetaṃ. Tenāha ‘‘parikappanavasenā’’ti. Soti yathāvutto paṇidhi. Ekasmimpi khandhe.
ਅਰਿਯਨ੍ਤਿਕਥਾવਣ੍ਣਨਾ ਨਿਟ੍ਠਿਤਾ।
Ariyantikathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੨੨) ੨. ਅਰਿਯਨ੍ਤਿਕਥਾ • (22) 2. Ariyantikathā
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੨. ਅਰਿਯਨ੍ਤਿਕਥਾવਣ੍ਣਨਾ • 2. Ariyantikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੨. ਅਰਿਯਨ੍ਤਿਕਥਾવਣ੍ਣਨਾ • 2. Ariyantikathāvaṇṇanā
