| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
14. жуд̣̇д̣̇асамаваг̇г̇о
14. Cuddasamavaggo
(139) 4. арияаруубагат̇аа
(139) 4. Ariyarūpakathā
698. арияаруубам̣ махаабхууд̇аанам̣ убаад̣̇ааяаад̇и? ааманд̇аа. арияаруубам̣ гусаланд̇и? ааманд̇аа. махаабхууд̇аа гусалаад̇и? на хзвам̣ вад̇д̇аб̣б̣з …бз… махаабхууд̇аа аб̣яаагад̇аад̇и? ааманд̇аа. арияаруубам̣ аб̣яаагад̇анд̇и? на хзвам̣ вад̇д̇аб̣б̣з…бз… арияаруубам̣ махаабхууд̇аанам̣ убаад̣̇ааяаад̇и? ааманд̇аа. арияаруубам̣ анаасавам̣ асам̣яож̇анияам̣ аг̇ант̇анияам̣ аногханияам̣ аяог̇анияам̣ анийваран̣ияам̣ абараамадтам̣ анубаад̣̇аанияам̣ асам̣гилзсияанд̇и? ааманд̇аа. махаабхууд̇аа анаасаваа…бз… асам̣гилзсияаад̇и? на хзвам̣ вад̇д̇аб̣б̣з…бз… махаабхууд̇аа саасаваа сам̣яож̇анияаа…бз… сам̣гилзсияаад̇и? ааманд̇аа. арияаруубам̣ саасавам̣ сам̣яож̇анияам̣…бз… сам̣гилзсияанд̇и? на хзвам̣ вад̇д̇аб̣б̣з…бз….
698. Ariyarūpaṃ mahābhūtānaṃ upādāyāti? Āmantā. Ariyarūpaṃ kusalanti? Āmantā. Mahābhūtā kusalāti? Na hevaṃ vattabbe …pe… mahābhūtā abyākatāti? Āmantā. Ariyarūpaṃ abyākatanti? Na hevaṃ vattabbe…pe… ariyarūpaṃ mahābhūtānaṃ upādāyāti? Āmantā. Ariyarūpaṃ anāsavaṃ asaṃyojaniyaṃ aganthaniyaṃ anoghaniyaṃ ayoganiyaṃ anīvaraṇiyaṃ aparāmaṭṭhaṃ anupādāniyaṃ asaṃkilesiyanti? Āmantā. Mahābhūtā anāsavā…pe… asaṃkilesiyāti? Na hevaṃ vattabbe…pe… mahābhūtā sāsavā saṃyojaniyā…pe… saṃkilesiyāti? Āmantā. Ariyarūpaṃ sāsavaṃ saṃyojaniyaṃ…pe… saṃkilesiyanti? Na hevaṃ vattabbe…pe….
699. на вад̇д̇аб̣б̣ам̣ – ‘‘арияаруубам̣ махаабхууд̇аанам̣ убаад̣̇ааяаа’’д̇и? ааманд̇аа. нану вуд̇д̇ам̣ бхаг̇авад̇аа – ‘‘яам̣ гин̃жи, бхигкавз, руубам̣ жад̇д̇аари махаабхууд̇аани жад̇уннан̃жа махаабхууд̇аанам̣ убаад̣̇ааяарууба’’нд̇и 1! ад̇т̇зва суд̇д̇анд̇од̇и? ааманд̇аа. д̇зна хи арияаруубам̣ махаабхууд̇аанам̣ убаад̣̇ааяаад̇и.
699. Na vattabbaṃ – ‘‘ariyarūpaṃ mahābhūtānaṃ upādāyā’’ti? Āmantā. Nanu vuttaṃ bhagavatā – ‘‘yaṃ kiñci, bhikkhave, rūpaṃ cattāri mahābhūtāni catunnañca mahābhūtānaṃ upādāyarūpa’’nti 2! Attheva suttantoti? Āmantā. Tena hi ariyarūpaṃ mahābhūtānaṃ upādāyāti.
арияаруубагат̇аа нидтид̇аа.
Ariyarūpakathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 4. арияаруубагат̇ааван̣н̣анаа • 4. Ariyarūpakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. арияаруубагат̇ааван̣н̣анаа • 4. Ariyarūpakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. арияаруубагат̇ааван̣н̣анаа • 4. Ariyarūpakathāvaṇṇanā
