| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๔. จุทฺทสมวโคฺค
14. Cuddasamavaggo
(๑๓๙) ๔. อริยรูปกถา
(139) 4. Ariyarūpakathā
๖๙๘. อริยรูปํ มหาภูตานํ อุปาทายาติ? อามนฺตาฯ อริยรูปํ กุสลนฺติ? อามนฺตาฯ มหาภูตา กุสลาติ? น เหวํ วตฺตเพฺพ …เป.… มหาภูตา อพฺยากตาติ? อามนฺตาฯ อริยรูปํ อพฺยากตนฺติ? น เหวํ วตฺตเพฺพ…เป.… อริยรูปํ มหาภูตานํ อุปาทายาติ? อามนฺตาฯ อริยรูปํ อนาสวํ อสํโยชนิยํ อคนฺถนิยํ อโนฆนิยํ อโยคนิยํ อนีวรณิยํ อปรามฎฺฐํ อนุปาทานิยํ อสํกิเลสิยนฺติ? อามนฺตาฯ มหาภูตา อนาสวา…เป.… อสํกิเลสิยาติ? น เหวํ วตฺตเพฺพ…เป.… มหาภูตา สาสวา สํโยชนิยา…เป.… สํกิเลสิยาติ? อามนฺตาฯ อริยรูปํ สาสวํ สํโยชนิยํ…เป.… สํกิเลสิยนฺติ? น เหวํ วตฺตเพฺพ…เป.…ฯ
698. Ariyarūpaṃ mahābhūtānaṃ upādāyāti? Āmantā. Ariyarūpaṃ kusalanti? Āmantā. Mahābhūtā kusalāti? Na hevaṃ vattabbe …pe… mahābhūtā abyākatāti? Āmantā. Ariyarūpaṃ abyākatanti? Na hevaṃ vattabbe…pe… ariyarūpaṃ mahābhūtānaṃ upādāyāti? Āmantā. Ariyarūpaṃ anāsavaṃ asaṃyojaniyaṃ aganthaniyaṃ anoghaniyaṃ ayoganiyaṃ anīvaraṇiyaṃ aparāmaṭṭhaṃ anupādāniyaṃ asaṃkilesiyanti? Āmantā. Mahābhūtā anāsavā…pe… asaṃkilesiyāti? Na hevaṃ vattabbe…pe… mahābhūtā sāsavā saṃyojaniyā…pe… saṃkilesiyāti? Āmantā. Ariyarūpaṃ sāsavaṃ saṃyojaniyaṃ…pe… saṃkilesiyanti? Na hevaṃ vattabbe…pe….
๖๙๙. น วตฺตพฺพํ – ‘‘อริยรูปํ มหาภูตานํ อุปาทายา’’ติ? อามนฺตาฯ นนุ วุตฺตํ ภควตา – ‘‘ยํ กิญฺจิ, ภิกฺขเว, รูปํ จตฺตาริ มหาภูตานิ จตุนฺนญฺจ มหาภูตานํ อุปาทายรูป’’นฺติ 1! อเตฺถว สุตฺตโนฺตติ? อามนฺตาฯ เตน หิ อริยรูปํ มหาภูตานํ อุปาทายาติฯ
699. Na vattabbaṃ – ‘‘ariyarūpaṃ mahābhūtānaṃ upādāyā’’ti? Āmantā. Nanu vuttaṃ bhagavatā – ‘‘yaṃ kiñci, bhikkhave, rūpaṃ cattāri mahābhūtāni catunnañca mahābhūtānaṃ upādāyarūpa’’nti 2! Attheva suttantoti? Āmantā. Tena hi ariyarūpaṃ mahābhūtānaṃ upādāyāti.
อริยรูปกถา นิฎฺฐิตาฯ
Ariyarūpakathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๔. อริยรูปกถาวณฺณนา • 4. Ariyarūpakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๔. อริยรูปกถาวณฺณนา • 4. Ariyarūpakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๔. อริยรูปกถาวณฺณนา • 4. Ariyarūpakathāvaṇṇanā
