| Library / Tipiṭaka / တိပိဋက • Tipiṭaka / ကထာဝတ္ထုပာဠိ • Kathāvatthupāḷi |
၁၄. စုဒ္ဒသမဝဂ္ဂော
14. Cuddasamavaggo
(၁၃၉) ၄. အရိယရူပကထာ
(139) 4. Ariyarūpakathā
၆၉၈. အရိယရူပံ မဟာဘူတာနံ ဥပာဒာယာတိ? အာမန္တာ။ အရိယရူပံ ကုသလန္တိ? အာမန္တာ။ မဟာဘူတာ ကုသလာတိ? န ဟေဝံ ဝတ္တဗ္ဗေ ။ပေ.။ မဟာဘူတာ အဗ္ယာကတာတိ? အာမန္တာ။ အရိယရူပံ အဗ္ယာကတန္တိ? န ဟေဝံ ဝတ္တဗ္ဗေ။ပေ.။ အရိယရူပံ မဟာဘူတာနံ ဥပာဒာယာတိ? အာမန္တာ။ အရိယရူပံ အနာသဝံ အသံယောဇနိယံ အဂန္ထနိယံ အနောဃနိယံ အယောဂနိယံ အနီဝရဏိယံ အပရာမဋ္ဌံ အနုပာဒာနိယံ အသံကိလေသိယန္တိ? အာမန္တာ။ မဟာဘူတာ အနာသဝာ။ပေ.။ အသံကိလေသိယာတိ? န ဟေဝံ ဝတ္တဗ္ဗေ။ပေ.။ မဟာဘူတာ သာသဝာ သံယောဇနိယာ။ပေ.။ သံကိလေသိယာတိ? အာမန္တာ။ အရိယရူပံ သာသဝံ သံယောဇနိယံ။ပေ.။ သံကိလေသိယန္တိ? န ဟေဝံ ဝတ္တဗ္ဗေ။ပေ.။။
698. Ariyarūpaṃ mahābhūtānaṃ upādāyāti? Āmantā. Ariyarūpaṃ kusalanti? Āmantā. Mahābhūtā kusalāti? Na hevaṃ vattabbe …pe… mahābhūtā abyākatāti? Āmantā. Ariyarūpaṃ abyākatanti? Na hevaṃ vattabbe…pe… ariyarūpaṃ mahābhūtānaṃ upādāyāti? Āmantā. Ariyarūpaṃ anāsavaṃ asaṃyojaniyaṃ aganthaniyaṃ anoghaniyaṃ ayoganiyaṃ anīvaraṇiyaṃ aparāmaṭṭhaṃ anupādāniyaṃ asaṃkilesiyanti? Āmantā. Mahābhūtā anāsavā…pe… asaṃkilesiyāti? Na hevaṃ vattabbe…pe… mahābhūtā sāsavā saṃyojaniyā…pe… saṃkilesiyāti? Āmantā. Ariyarūpaṃ sāsavaṃ saṃyojaniyaṃ…pe… saṃkilesiyanti? Na hevaṃ vattabbe…pe….
၆၉၉. န ဝတ္တဗ္ဗံ – ‘‘အရိယရူပံ မဟာဘူတာနံ ဥပာဒာယာ’’တိ? အာမန္တာ။ နနု ဝုတ္တံ ဘဂဝတာ – ‘‘ယံ ကိဉ္စိ, ဘိက္ခဝေ, ရူပံ စတ္တာရိ မဟာဘူတာနိ စတုန္နဉ္စ မဟာဘူတာနံ ဥပာဒာယရူပ’’န္တိ 1! အတ္ထေဝ သုတ္တန္တောတိ? အာမန္တာ။ တေန ဟိ အရိယရူပံ မဟာဘူတာနံ ဥပာဒာယာတိ။
699. Na vattabbaṃ – ‘‘ariyarūpaṃ mahābhūtānaṃ upādāyā’’ti? Āmantā. Nanu vuttaṃ bhagavatā – ‘‘yaṃ kiñci, bhikkhave, rūpaṃ cattāri mahābhūtāni catunnañca mahābhūtānaṃ upādāyarūpa’’nti 2! Attheva suttantoti? Āmantā. Tena hi ariyarūpaṃ mahābhūtānaṃ upādāyāti.
အရိယရူပကထာ နိဋ္ဌိတာ။
Ariyarūpakathā niṭṭhitā.
Footnotes:
Related texts:
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၄. အရိယရူပကထာဝဏ္ဏနာ • 4. Ariyarūpakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၄. အရိယရူပကထာဝဏ္ဏနာ • 4. Ariyarūpakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၄. အရိယရူပကထာဝဏ္ဏနာ • 4. Ariyarūpakathāvaṇṇanā
