| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
4. арияаруубагат̇ааван̣н̣анаа
4. Ariyarūpakathāvaṇṇanā
698-699. ид̣̇аани арияаруубагат̇аа наама ход̇и. д̇ад̇т̇а саммааваажаагамманд̇аа руубам̣, д̇ан̃жа ко ‘‘саб̣б̣ам̣ руубам̣ жад̇д̇аари жа махаабхууд̇аани жад̇уннан̃жа махаабхууд̇аанам̣ убаад̣̇ааяарууба’’нд̇и (ма. ни. 3.67) важанад̇о убаад̣̇ааяаруубанд̇и язсам̣ лад̣̇д̇хи, сзяяат̇ааби уд̇д̇араабат̇агаанам̣; д̇з санд̇хааяа арияаруубам̣ махаабхууд̇аанам̣ убаад̣̇ааяаад̇и бужчаа сагаваад̣̇исса. д̇ад̇т̇а арияаанам̣ руубам̣, арияам̣ ваа руубанд̇и арияаруубам̣. ааманд̇аад̇и лад̣̇д̇хияам̣ тад̇ваа бадин̃н̃аа ид̇арасса. гусаланд̇и будто лад̣̇д̇хивасзнзва бадиж̇аанаад̇и. анаасавабужчаад̣̇ийсуби зсзва наяо. яам̣ гин̃жи руубанд̇и суд̇д̇ам̣ табзд̇ваа бхууд̇аани сзсаруубасса убаад̣̇аабхаавам̣ д̣̇ийбзд̇и, на саммааваажаагамманд̇аанам̣. д̇зсан̃хи руубамад̇д̇ан̃н̃зва асид̣̇д̇хам̣, гуд̇о убаад̣̇ааруубад̇аа; д̇асмаа асаад̇хаганд̇и.
698-699. Idāni ariyarūpakathā nāma hoti. Tattha sammāvācākammantā rūpaṃ, tañca kho ‘‘sabbaṃ rūpaṃ cattāri ca mahābhūtāni catunnañca mahābhūtānaṃ upādāyarūpa’’nti (ma. ni. 3.67) vacanato upādāyarūpanti yesaṃ laddhi, seyyathāpi uttarāpathakānaṃ; te sandhāya ariyarūpaṃ mahābhūtānaṃ upādāyāti pucchā sakavādissa. Tattha ariyānaṃ rūpaṃ, ariyaṃ vā rūpanti ariyarūpaṃ. Āmantāti laddhiyaṃ ṭhatvā paṭiññā itarassa. Kusalanti puṭṭho laddhivaseneva paṭijānāti. Anāsavapucchādīsupi eseva nayo. Yaṃ kiñci rūpanti suttaṃ ṭhapetvā bhūtāni sesarūpassa upādābhāvaṃ dīpeti, na sammāvācākammantānaṃ. Tesañhi rūpamattaññeva asiddhaṃ, kuto upādārūpatā; tasmā asādhakanti.
арияаруубагат̇ааван̣н̣анаа.
Ariyarūpakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (139) 4. арияаруубагат̇аа • (139) 4. Ariyarūpakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. арияаруубагат̇ааван̣н̣анаа • 4. Ariyarūpakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. арияаруубагат̇ааван̣н̣анаа • 4. Ariyarūpakathāvaṇṇanā
