| Library / Tipiṭaka / తిపిటక • Tipiṭaka / పఞ్చపకరణ-అట్ఠకథా • Pañcapakaraṇa-aṭṭhakathā |
౪. అరియరూపకథావణ్ణనా
4. Ariyarūpakathāvaṇṇanā
౬౯౮-౬౯౯. ఇదాని అరియరూపకథా నామ హోతి. తత్థ సమ్మావాచాకమ్మన్తా రూపం, తఞ్చ ఖో ‘‘సబ్బం రూపం చత్తారి చ మహాభూతాని చతున్నఞ్చ మహాభూతానం ఉపాదాయరూప’’న్తి (మ॰ ని॰ ౩.౬౭) వచనతో ఉపాదాయరూపన్తి యేసం లద్ధి, సేయ్యథాపి ఉత్తరాపథకానం; తే సన్ధాయ అరియరూపం మహాభూతానం ఉపాదాయాతి పుచ్ఛా సకవాదిస్స. తత్థ అరియానం రూపం, అరియం వా రూపన్తి అరియరూపం. ఆమన్తాతి లద్ధియం ఠత్వా పటిఞ్ఞా ఇతరస్స. కుసలన్తి పుట్ఠో లద్ధివసేనేవ పటిజానాతి. అనాసవపుచ్ఛాదీసుపి ఏసేవ నయో. యం కిఞ్చి రూపన్తి సుత్తం ఠపేత్వా భూతాని సేసరూపస్స ఉపాదాభావం దీపేతి, న సమ్మావాచాకమ్మన్తానం. తేసఞ్హి రూపమత్తఞ్ఞేవ అసిద్ధం, కుతో ఉపాదారూపతా; తస్మా అసాధకన్తి.
698-699. Idāni ariyarūpakathā nāma hoti. Tattha sammāvācākammantā rūpaṃ, tañca kho ‘‘sabbaṃ rūpaṃ cattāri ca mahābhūtāni catunnañca mahābhūtānaṃ upādāyarūpa’’nti (ma. ni. 3.67) vacanato upādāyarūpanti yesaṃ laddhi, seyyathāpi uttarāpathakānaṃ; te sandhāya ariyarūpaṃ mahābhūtānaṃ upādāyāti pucchā sakavādissa. Tattha ariyānaṃ rūpaṃ, ariyaṃ vā rūpanti ariyarūpaṃ. Āmantāti laddhiyaṃ ṭhatvā paṭiññā itarassa. Kusalanti puṭṭho laddhivaseneva paṭijānāti. Anāsavapucchādīsupi eseva nayo. Yaṃ kiñci rūpanti suttaṃ ṭhapetvā bhūtāni sesarūpassa upādābhāvaṃ dīpeti, na sammāvācākammantānaṃ. Tesañhi rūpamattaññeva asiddhaṃ, kuto upādārūpatā; tasmā asādhakanti.
అరియరూపకథావణ్ణనా.
Ariyarūpakathāvaṇṇanā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / కథావత్థుపాళి • Kathāvatthupāḷi / (౧౩౯) ౪. అరియరూపకథా • (139) 4. Ariyarūpakathā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-మూలటీకా • Pañcapakaraṇa-mūlaṭīkā / ౪. అరియరూపకథావణ్ణనా • 4. Ariyarūpakathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-అనుటీకా • Pañcapakaraṇa-anuṭīkā / ౪. అరియరూపకథావణ్ణనా • 4. Ariyarūpakathāvaṇṇanā
