| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. арияасаавагасуд̇д̇ам̣
9. Ariyasāvakasuttaṃ
49. саавад̇т̇ияам̣ вихарад̇и…бз… ‘‘на , бхигкавз, суд̇авад̇о арияасаавагасса звам̣ ход̇и – ‘гим̣ ну ко гисмим̣ сад̇и гим̣ ход̇и, гиссуббаад̣̇аа гим̣ уббаж̇ж̇ад̇и? (гисмим̣ сад̇и сан̇каараа хонд̇и, гисмим̣ сад̇и вин̃н̃аан̣ам̣ ход̇и,) 1 гисмим̣ сад̇и наамаруубам̣ ход̇и, гисмим̣ сад̇и сал̣ааяад̇анам̣ ход̇и, гисмим̣ сад̇и пассо ход̇и, гисмим̣ сад̇и взд̣̇анаа ход̇и, гисмим̣ сад̇и д̇ан̣хаа ход̇и, гисмим̣ сад̇и убаад̣̇аанам̣ ход̇и, гисмим̣ сад̇и бхаво ход̇и, гисмим̣ сад̇и ж̇аад̇и ход̇и, гисмим̣ сад̇и ж̇араамаран̣ам̣ ход̇ий’’’д̇и?
49. Sāvatthiyaṃ viharati…pe… ‘‘na , bhikkhave, sutavato ariyasāvakassa evaṃ hoti – ‘kiṃ nu kho kismiṃ sati kiṃ hoti, kissuppādā kiṃ uppajjati? (Kismiṃ sati saṅkhārā honti, kismiṃ sati viññāṇaṃ hoti,) 2 kismiṃ sati nāmarūpaṃ hoti, kismiṃ sati saḷāyatanaṃ hoti, kismiṃ sati phasso hoti, kismiṃ sati vedanā hoti, kismiṃ sati taṇhā hoti, kismiṃ sati upādānaṃ hoti, kismiṃ sati bhavo hoti, kismiṃ sati jāti hoti, kismiṃ sati jarāmaraṇaṃ hotī’’’ti?
‘‘ат̇а ко, бхигкавз, суд̇авад̇о арияасаавагасса абараббажжаяаа н̃аан̣амзвзд̇т̇а ход̇и – ‘имасмим̣ сад̇и ид̣̇ам̣ ход̇и, имассуббаад̣̇аа ид̣̇ам̣ уббаж̇ж̇ад̇и. (авиж̇ж̇ааяа сад̇и сан̇каараа хонд̇и; сан̇каарзсу сад̇и вин̃н̃аан̣ам̣ ход̇и;) 3 вин̃н̃аан̣з сад̇и наамаруубам̣ ход̇и; наамаруубз сад̇и сал̣ааяад̇анам̣ ход̇и ; сал̣ааяад̇анз сад̇и пассо ход̇и; пассз сад̇и взд̣̇анаа ход̇и; взд̣̇анааяа сад̇и д̇ан̣хаа ход̇и; д̇ан̣хааяа сад̇и убаад̣̇аанам̣ ход̇и; убаад̣̇аанз сад̇и бхаво ход̇и; бхавз сад̇и ж̇аад̇и ход̇и; ж̇аад̇ияаа сад̇и ж̇араамаран̣ам̣ ход̇ий’д̇и. со звам̣ баж̇аанаад̇и – ‘звамаяам̣ лого самуд̣̇аяад̇ий’’’д̇и.
‘‘Atha kho, bhikkhave, sutavato ariyasāvakassa aparappaccayā ñāṇamevettha hoti – ‘imasmiṃ sati idaṃ hoti, imassuppādā idaṃ uppajjati. (Avijjāya sati saṅkhārā honti; saṅkhāresu sati viññāṇaṃ hoti;) 4 viññāṇe sati nāmarūpaṃ hoti; nāmarūpe sati saḷāyatanaṃ hoti ; saḷāyatane sati phasso hoti; phasse sati vedanā hoti; vedanāya sati taṇhā hoti; taṇhāya sati upādānaṃ hoti; upādāne sati bhavo hoti; bhave sati jāti hoti; jātiyā sati jarāmaraṇaṃ hotī’ti. So evaṃ pajānāti – ‘evamayaṃ loko samudayatī’’’ti.
‘‘на , бхигкавз, суд̇авад̇о арияасаавагасса звам̣ ход̇и – ‘гим̣ ну ко гисмим̣ асад̇и гим̣ на ход̇и, гисса нирод̇хаа гим̣ нируж̇жхад̇и? (гисмим̣ асад̇и сан̇каараа на хонд̇и, гисмим̣ асад̇и вин̃н̃аан̣ам̣ на ход̇и,) 5 гисмим̣ асад̇и наамаруубам̣ на ход̇и, гисмим̣ асад̇и сал̣ааяад̇анам̣ на ход̇и, гисмим̣ асад̇и пассо на ход̇и, гисмим̣ асад̇и взд̣̇анаа на ход̇и, гисмим̣ асад̇и д̇ан̣хаа на ход̇и, гисмим̣ асад̇и убаад̣̇аанам̣ на ход̇и, гисмим̣ асад̇и бхаво на ход̇и, гисмим̣ асад̇и ж̇аад̇и на ход̇и, гисмим̣ асад̇и ж̇араамаран̣ам̣ на ход̇ий’’’д̇и?
‘‘Na , bhikkhave, sutavato ariyasāvakassa evaṃ hoti – ‘kiṃ nu kho kismiṃ asati kiṃ na hoti, kissa nirodhā kiṃ nirujjhati? (Kismiṃ asati saṅkhārā na honti, kismiṃ asati viññāṇaṃ na hoti,) 6 kismiṃ asati nāmarūpaṃ na hoti, kismiṃ asati saḷāyatanaṃ na hoti, kismiṃ asati phasso na hoti, kismiṃ asati vedanā na hoti, kismiṃ asati taṇhā na hoti, kismiṃ asati upādānaṃ na hoti, kismiṃ asati bhavo na hoti, kismiṃ asati jāti na hoti, kismiṃ asati jarāmaraṇaṃ na hotī’’’ti?
‘‘ат̇а ко, бхигкавз, суд̇авад̇о арияасаавагасса абараббажжаяаа н̃аан̣амзвзд̇т̇а ход̇и – ‘имасмим̣ асад̇и ид̣̇ам̣ на ход̇и, имасса нирод̇хаа ид̣̇ам̣ нируж̇жхад̇и. (авиж̇ж̇ааяа асад̇и сан̇каараа на хонд̇и; сан̇каарзсу асад̇и вин̃н̃аан̣ам̣ на ход̇и;) 7 вин̃н̃аан̣з асад̇и наамаруубам̣ на ход̇и; наамаруубз асад̇и сал̣ааяад̇анам̣ на ход̇и…бз… бхаво на ход̇и… ж̇аад̇и на ход̇и… ж̇аад̇ияаа асад̇и ж̇араамаран̣ам̣ на ход̇ий’д̇и. со звам̣ баж̇аанаад̇и – ‘звамаяам̣ лого нируж̇жхад̇ий’’’д̇и.
‘‘Atha kho, bhikkhave, sutavato ariyasāvakassa aparappaccayā ñāṇamevettha hoti – ‘imasmiṃ asati idaṃ na hoti, imassa nirodhā idaṃ nirujjhati. (Avijjāya asati saṅkhārā na honti; saṅkhāresu asati viññāṇaṃ na hoti;) 8 viññāṇe asati nāmarūpaṃ na hoti; nāmarūpe asati saḷāyatanaṃ na hoti…pe… bhavo na hoti… jāti na hoti… jātiyā asati jarāmaraṇaṃ na hotī’ti. So evaṃ pajānāti – ‘evamayaṃ loko nirujjhatī’’’ti.
‘‘яад̇о ко, бхигкавз, арияасааваго звам̣ логасса самуд̣̇аяан̃жа ад̇т̇ан̇г̇аман̃жа яат̇аабхууд̇ам̣ баж̇аанаад̇и, аяам̣ вужжад̇и, бхигкавз, арияасааваго д̣̇идтисамбанно ид̇иби…бз… амад̇ад̣̇ваарам̣ аахажжа д̇идтад̇и ид̇ибий’’д̇и. навамам̣.
‘‘Yato kho, bhikkhave, ariyasāvako evaṃ lokassa samudayañca atthaṅgamañca yathābhūtaṃ pajānāti, ayaṃ vuccati, bhikkhave, ariyasāvako diṭṭhisampanno itipi…pe… amatadvāraṃ āhacca tiṭṭhati itipī’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. арияасаавагасуд̇д̇аван̣н̣анаа • 9. Ariyasāvakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. арияасаавагасуд̇д̇аван̣н̣анаа • 9. Ariyasāvakasuttavaṇṇanā
