| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. அரியஸுத்தங்
3. Ariyasuttaṃ
815. ‘‘சத்தாரோமே , பி⁴க்க²வே, இத்³தி⁴பாதா³ பா⁴விதா ப³ஹுலீகதா அரியா நிய்யானிகா நிய்யந்தி தக்கரஸ்ஸ ஸம்மா து³க்க²க்க²யாய. கதமே சத்தாரோ? இத⁴, பி⁴க்க²வே, பி⁴க்கு² ச²ந்த³ஸமாதி⁴ப்பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேதி, வீரியஸமாதி⁴…பே॰… சித்தஸமாதி⁴…பே॰… இத்³தி⁴பாத³ங் பா⁴வேதி, வீமங்ஸாஸமாதி⁴ப்பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேதி. இமே கோ², பி⁴க்க²வே, சத்தாரோ இத்³தி⁴பாதா³ பா⁴விதா ப³ஹுலீகதா அரியா நிய்யானிகா நிய்யந்தி தக்கரஸ்ஸ ஸம்மா து³க்க²க்க²யாயா’’தி. ததியங்.
815. ‘‘Cattārome , bhikkhave, iddhipādā bhāvitā bahulīkatā ariyā niyyānikā niyyanti takkarassa sammā dukkhakkhayāya. Katame cattāro? Idha, bhikkhave, bhikkhu chandasamādhippadhānasaṅkhārasamannāgataṃ iddhipādaṃ bhāveti, vīriyasamādhi…pe… cittasamādhi…pe… iddhipādaṃ bhāveti, vīmaṃsāsamādhippadhānasaṅkhārasamannāgataṃ iddhipādaṃ bhāveti. Ime kho, bhikkhave, cattāro iddhipādā bhāvitā bahulīkatā ariyā niyyānikā niyyanti takkarassa sammā dukkhakkhayāyā’’ti. Tatiyaṃ.
