| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
7. අරියසුත්‌තං
7. Ariyasuttaṃ
383. ‘‘චත්‌තාරොමෙ , භික්‌ඛවෙ, සතිපට්‌ඨානා භාවිතා බහුලීකතා අරියා නිය්‍යානිකා නිය්‍යන්‌ති තක්‌කරස්‌ස සම්‌මා දුක්‌ඛක්‌ඛයාය. කතමෙ චත්‌තාරො? ඉධ, භික්‌ඛවෙ, භික්‌ඛු කායෙ කායානුපස්‌සී විහරති ආතාපී සම්‌පජානො සතිමා, විනෙය්‍ය ලොකෙ අභිජ්‌ඣාදොමනස්‌සං; වෙදනාසු…පෙ.… චිත්‌තෙ…පෙ.… ධම්‌මෙසු ධම්‌මානුපස්‌සී විහරති ආතාපී සම්‌පජානො සතිමා, විනෙය්‍ය ලොකෙ අභිජ්‌ඣාදොමනස්‌සං. ඉමෙ ඛො, භික්‌ඛවෙ, චත්‌තාරො සතිපට්‌ඨානා භාවිතා බහුලීකතා අරියා නිය්‍යානිකා නිය්‍යන්‌ති තක්‌කරස්‌ස සම්‌මා දුක්‌ඛක්‌ඛයායා’’ති. සත්‌තමං.
383. ‘‘Cattārome , bhikkhave, satipaṭṭhānā bhāvitā bahulīkatā ariyā niyyānikā niyyanti takkarassa sammā dukkhakkhayāya. Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Ime kho, bhikkhave, cattāro satipaṭṭhānā bhāvitā bahulīkatā ariyā niyyānikā niyyanti takkarassa sammā dukkhakkhayāyā’’ti. Sattamaṃ.
