| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8. арияавам̣сасуд̇д̇аван̣н̣анаа
8. Ariyavaṃsasuttavaṇṇanā
28. адтамасса аж̇жхаасаяиго нигкзбо. имам̣ гира махааарияавам̣сасуд̇д̇анд̇ам̣ бхаг̇аваа ж̇зд̇аванамахаавихаарз д̇хаммасабхааяам̣ бан̃н̃ад̇д̇авараб̣уд̣̇д̇хаасанз нисинно ад̇д̇аноби барабуг̇г̇алаанамби аж̇жхаасаяавасзна бариваарзд̇ваа нисиннаани жад̇д̇аалийса бхигкусахассаани, ‘‘бхигкавз’’д̇и ааманд̇зд̇ваа жад̇д̇ааромз, бхигкавз, арияавам̣саад̇и аарабхи. д̇ад̇т̇а арияавам̣саад̇и арияаанам̣ вам̣саа. яат̇аа хи кад̇д̇ияавам̣со б̣раахман̣авам̣со взссавам̣со суд̣̇д̣̇авам̣со саман̣авам̣со гулавам̣со рааж̇авам̣со, звам̣ аяамби адтамо арияавам̣со арияад̇анд̇и арияабавзн̣ий наама ход̇и. со ко банааяам̣ арияавам̣со имзсам̣ вам̣саанам̣ муулаг̇анд̇хаад̣̇ийнам̣ гаал̣аанусаариг̇анд̇хаад̣̇аяо вияа аг̇г̇амагкааяад̇и.
28. Aṭṭhamassa ajjhāsayiko nikkhepo. Imaṃ kira mahāariyavaṃsasuttantaṃ bhagavā jetavanamahāvihāre dhammasabhāyaṃ paññattavarabuddhāsane nisinno attanopi parapuggalānampi ajjhāsayavasena parivāretvā nisinnāni cattālīsa bhikkhusahassāni, ‘‘bhikkhave’’ti āmantetvā cattārome, bhikkhave, ariyavaṃsāti ārabhi. Tattha ariyavaṃsāti ariyānaṃ vaṃsā. Yathā hi khattiyavaṃso brāhmaṇavaṃso vessavaṃso suddavaṃso samaṇavaṃso kulavaṃso rājavaṃso, evaṃ ayampi aṭṭhamo ariyavaṃso ariyatanti ariyapaveṇī nāma hoti. So kho panāyaṃ ariyavaṃso imesaṃ vaṃsānaṃ mūlagandhādīnaṃ kāḷānusārigandhādayo viya aggamakkhāyati.
гз бана д̇з арияаа, язсам̣ зд̇з вам̣саад̇и? арияаа вужжанд̇и б̣уд̣̇д̇хаа жа бажжзгаб̣уд̣̇д̇хаа жа д̇ат̇ааг̇ад̇асаавагаа жа, зд̇зсам̣ арияаанам̣ вам̣саад̇и арияавам̣саа. ид̇о буб̣б̣з хи сад̇асахассагаббаад̇хигаанам̣ жад̇уннам̣ асан̇кязяяаанам̣ мад̇т̇агз д̇ан̣хан̇гаро, мзд̇хан̇гаро , саран̣ан̇гаро, д̣̇ийбан̇гарод̇и жад̇д̇ааро б̣уд̣̇д̇хаа уббаннаа, д̇з арияаа, д̇зсам̣ арияаанам̣ вам̣саад̇и арияавам̣саа. д̇зсам̣ б̣уд̣̇д̇хаанам̣ бариниб̣б̣аанад̇о абарабхааг̇з асан̇кязяяам̣ ад̇иггамид̇ваа гон̣д̣ан̃н̃о наама б̣уд̣̇д̇хо уббанно…бз… имасмим̣ габбз гагусанд̇хо, гон̣ааг̇амано, гассабо, амхаагам̣ бхаг̇аваа г̇од̇амод̇и жад̇д̇ааро б̣уд̣̇д̇хаа уббаннаа, д̇зсам̣ арияаанам̣ вам̣саад̇и арияавам̣саа. абижа ад̇ийд̇аанааг̇ад̇абажжуббаннаанам̣ саб̣б̣аб̣уд̣̇д̇ха-бажжзгаб̣уд̣̇д̇ха-б̣уд̣̇д̇хасаавагаанам̣ арияаанам̣ вам̣саад̇и арияавам̣саа.
Ke pana te ariyā, yesaṃ ete vaṃsāti? Ariyā vuccanti buddhā ca paccekabuddhā ca tathāgatasāvakā ca, etesaṃ ariyānaṃ vaṃsāti ariyavaṃsā. Ito pubbe hi satasahassakappādhikānaṃ catunnaṃ asaṅkhyeyyānaṃ matthake taṇhaṅkaro, medhaṅkaro , saraṇaṅkaro, dīpaṅkaroti cattāro buddhā uppannā, te ariyā, tesaṃ ariyānaṃ vaṃsāti ariyavaṃsā. Tesaṃ buddhānaṃ parinibbānato aparabhāge asaṅkhyeyyaṃ atikkamitvā koṇḍañño nāma buddho uppanno…pe… imasmiṃ kappe kakusandho, koṇāgamano, kassapo, amhākaṃ bhagavā gotamoti cattāro buddhā uppannā, tesaṃ ariyānaṃ vaṃsāti ariyavaṃsā. Apica atītānāgatapaccuppannānaṃ sabbabuddha-paccekabuddha-buddhasāvakānaṃ ariyānaṃ vaṃsāti ariyavaṃsā.
д̇з ко банзд̇з аг̇г̇ан̃н̃аа аг̇г̇аад̇и ж̇аанид̇аб̣б̣аа, рад̇д̇ан̃н̃аа д̣̇ийгхарад̇д̇ам̣ бавад̇д̇аад̇и ж̇аанид̇аб̣б̣аа, вам̣сан̃н̃аа вам̣саад̇и ж̇аанид̇аб̣б̣аа. бораан̣аа на ад̇хунуббад̇д̇игаа. асам̣гин̣н̣аа авигин̣н̣аа анабанийд̇аа. асам̣гин̣н̣абуб̣б̣аа ад̇ийд̇аб̣уд̣̇д̇хзхиби на сам̣гин̣н̣абуб̣б̣аа, ‘‘ги имзхий’’д̇и на абанийд̇абуб̣б̣аа. на сам̣гийяанд̇ийд̇и ид̣̇ааниби на абанийяанд̇и. на сам̣гийяиссанд̇ийд̇и анааг̇ад̇аб̣уд̣̇д̇хзхиби на абанийяиссанд̇и. яз логз вин̃н̃уу саман̣аб̣раахман̣аа, д̇зхи аббадигудтаа, саман̣зхи б̣раахман̣зхи вин̃н̃уухи анинд̣̇ид̇аа аг̇арахид̇аа.
Te kho panete aggaññā aggāti jānitabbā, rattaññā dīgharattaṃ pavattāti jānitabbā, vaṃsaññā vaṃsāti jānitabbā. Porāṇā na adhunuppattikā. Asaṃkiṇṇā avikiṇṇā anapanītā. Asaṃkiṇṇapubbā atītabuddhehipi na saṃkiṇṇapubbā, ‘‘ki imehī’’ti na apanītapubbā. Na saṃkīyantīti idānipi na apanīyanti. Na saṃkīyissantīti anāgatabuddhehipi na apanīyissanti. Ye loke viññū samaṇabrāhmaṇā, tehi appaṭikuṭṭhā, samaṇehi brāhmaṇehi viññūhi aninditā agarahitā.
санд̇удто ход̇ийд̇и бажжаяасанд̇осавасзна санд̇удто ход̇и. ид̇арийд̇арзнаад̇и на т̇ууласукумалуукабан̣ийд̇ат̇ираж̇ин̣н̣аанам̣ язна гзнажи, ат̇а ко яат̇аалад̣̇д̇хаад̣̇ийнам̣ ид̇арийд̇арзна язна гзнажи санд̇удто ход̇ийд̇и ад̇т̇о. жийварасмин̃хи д̇аяо санд̇осаа яат̇аалаабхасанд̇осо яат̇ааб̣аласанд̇осо яат̇аасааруббасанд̇осод̇и. бин̣д̣абаад̇аад̣̇ийсуби зсзва наяо. д̇зсам̣ вид̇т̇аарагат̇аа ‘‘санд̇удтасса, бхигкавз, ануббаннаа жзва гусалаа д̇хаммаа уббаж̇ж̇анд̇ий’’д̇и имасмим̣ суд̇д̇з вуд̇д̇анаязнзва взд̣̇ид̇аб̣б̣аа. ид̇и имз д̇аяо санд̇осз санд̇хааяа ‘‘санд̇удто ход̇и ид̇арийд̇арзна жийварзна, яат̇аалад̣̇д̇хаад̣̇ийсу язна гзнажи жийварзна санд̇удто ход̇ий’’д̇и вуд̇д̇ам̣.
Santuṭṭho hotīti paccayasantosavasena santuṭṭho hoti. Itarītarenāti na thūlasukhumalūkhapaṇītathirajiṇṇānaṃ yena kenaci, atha kho yathāladdhādīnaṃ itarītarena yena kenaci santuṭṭho hotīti attho. Cīvarasmiñhi tayo santosā yathālābhasantoso yathābalasantoso yathāsāruppasantosoti. Piṇḍapātādīsupi eseva nayo. Tesaṃ vitthārakathā ‘‘santuṭṭhassa, bhikkhave, anuppannā ceva kusalā dhammā uppajjantī’’ti imasmiṃ sutte vuttanayeneva veditabbā. Iti ime tayo santose sandhāya ‘‘santuṭṭho hoti itarītarena cīvarena, yathāladdhādīsu yena kenaci cīvarena santuṭṭho hotī’’ti vuttaṃ.
зд̇т̇а жа жийварам̣ ж̇аанид̇аб̣б̣ам̣, жийварагкзд̇д̇ам̣ ж̇аанид̇аб̣б̣ам̣, бам̣сугуулам̣ ж̇аанид̇аб̣б̣ам̣, жийварасанд̇осо ж̇аанид̇аб̣б̣о, жийвараббадисам̣яуд̇д̇аани д̇худ̇ан̇г̇аани ж̇аанид̇аб̣б̣аани. д̇ад̇т̇а жийварам̣ ж̇аанид̇аб̣б̣анд̇и комаад̣̇ийни ча жийвараани д̣̇угуулаад̣̇ийни ча ануломажийвараани ж̇аанид̇аб̣б̣аани. имаани д̣̇ваад̣̇аса габбияажийвараани. гусажийрам̣, ваагажийрам̣, палагажийрам̣, гзсагамб̣алам̣, ваал̣агамб̣алам̣, бод̇т̇аго, жаммам̣, улуугабагкам̣, ругкад̣̇уссам̣, лад̇аад̣̇уссам̣, зрагад̣̇уссам̣, гад̣̇алид̣̇уссам̣, взл̣уд̣̇уссанд̇и звамаад̣̇ийни бана агаббияажийвараани.
Ettha ca cīvaraṃ jānitabbaṃ, cīvarakkhettaṃ jānitabbaṃ, paṃsukūlaṃ jānitabbaṃ, cīvarasantoso jānitabbo, cīvarappaṭisaṃyuttāni dhutaṅgāni jānitabbāni. Tattha cīvaraṃ jānitabbanti khomādīni cha cīvarāni dukūlādīni cha anulomacīvarāni jānitabbāni. Imāni dvādasa kappiyacīvarāni. Kusacīraṃ, vākacīraṃ, phalakacīraṃ, kesakambalaṃ, vāḷakambalaṃ, potthako, cammaṃ, ulūkapakkhaṃ, rukkhadussaṃ, latādussaṃ, erakadussaṃ, kadalidussaṃ, veḷudussanti evamādīni pana akappiyacīvarāni.
жийварагкзд̇д̇анд̇и ‘‘сан̇гхад̇о ваа г̇ан̣ад̇о ваа н̃аад̇ид̇о ваа мид̇д̇ад̇о ваа ад̇д̇ано ваа д̇ханзна, бам̣сугуулам̣ ваа’’д̇и звам̣ уббаж̇ж̇анад̇о ча кзд̇д̇аани, адтаннан̃жа маад̇игаанам̣ васзна адта кзд̇д̇аани ж̇аанид̇аб̣б̣аани.
Cīvarakkhettanti ‘‘saṅghato vā gaṇato vā ñātito vā mittato vā attano vā dhanena, paṃsukūlaṃ vā’’ti evaṃ uppajjanato cha khettāni, aṭṭhannañca mātikānaṃ vasena aṭṭha khettāni jānitabbāni.
бам̣сугууланд̇и сосаанигам̣, баабан̣игам̣, рат̇ияам̣, сан̇гаарагуудагам̣, сод̇т̇ияам̣, синаанам̣, д̇ид̇т̇ам̣, г̇ад̇абажжааг̇ад̇ам̣, аг̇г̇ид̣̇ад̣дхам̣, г̇окааяид̇ам̣, убажигакааяид̇ам̣, унд̣̇ууракааяид̇ам̣ , анд̇ажчиннам̣, д̣̇асажчиннам̣, д̇хаж̇аахадам̣, т̇уубам̣, саман̣ажийварам̣, саамуд̣̇д̣̇ияам̣, аабхисзгияам̣, бант̇игам̣, ваад̇аахадам̣, ид̣̇д̇химаяам̣, д̣̇звад̣̇ад̇д̇ияанд̇и д̇звийсад̇и бам̣сугуулаани взд̣̇ид̇аб̣б̣аани. зд̇т̇а жа сод̇т̇ияанд̇и г̇аб̣бхамалахаран̣ам̣. г̇ад̇абажжааг̇ад̇анд̇и мад̇агасарийрам̣ баарубид̇ваа сусаанам̣ нзд̇ваа аанийд̇ажийварам̣. д̇хаж̇аахаданд̇и д̇хаж̇ам̣ уссаабзд̇ваа д̇ад̇о аанийд̇ам̣. т̇уубанд̇и ваммигз бууж̇ид̇ажийварам̣. саамуд̣̇д̣̇ияанд̇и самуд̣̇д̣̇авийжийхи т̇алам̣ баабид̇ам̣. бант̇иганд̇и бант̇ам̣ г̇ажчанд̇зхи жорабхаязна баасаан̣зхи годдзд̇ваа бааруд̇ажийварам̣. ид̣̇д̇химаяанд̇и зхибхигкужийварам̣. сзсам̣ баагадамзваад̇и.
Paṃsukūlanti sosānikaṃ, pāpaṇikaṃ, rathiyaṃ, saṅkārakūṭakaṃ, sotthiyaṃ, sinānaṃ, titthaṃ, gatapaccāgataṃ, aggidaḍḍhaṃ, gokhāyitaṃ, upacikakhāyitaṃ, undūrakhāyitaṃ , antacchinnaṃ, dasacchinnaṃ, dhajāhaṭaṃ, thūpaṃ, samaṇacīvaraṃ, sāmuddiyaṃ, ābhisekiyaṃ, panthikaṃ, vātāhaṭaṃ, iddhimayaṃ, devadattiyanti tevīsati paṃsukūlāni veditabbāni. Ettha ca sotthiyanti gabbhamalaharaṇaṃ. Gatapaccāgatanti matakasarīraṃ pārupitvā susānaṃ netvā ānītacīvaraṃ. Dhajāhaṭanti dhajaṃ ussāpetvā tato ānītaṃ. Thūpanti vammike pūjitacīvaraṃ. Sāmuddiyanti samuddavīcīhi thalaṃ pāpitaṃ. Panthikanti panthaṃ gacchantehi corabhayena pāsāṇehi koṭṭetvā pārutacīvaraṃ. Iddhimayanti ehibhikkhucīvaraṃ. Sesaṃ pākaṭamevāti.
жийварасанд̇осод̇и вийсад̇и жийварасанд̇осаа – жийварз вид̇аггасанд̇осо, г̇аманасанд̇осо, бариязсанасанд̇осо, бадилаабхасанд̇осо, мад̇д̇абадиг̇г̇ахан̣асанд̇осо, лолуббавиваж̇ж̇анасанд̇осо, яат̇аалаабхасанд̇осо, яат̇ааб̣аласанд̇осо, яат̇аасааруббасанд̇осо, уд̣̇агасанд̇осо, д̇хованасанд̇осо, гаран̣асанд̇осо, баримаан̣асанд̇осо, суд̇д̇асанд̇осо, сиб̣б̣анасанд̇осо, раж̇анасанд̇осо, габбасанд̇осо, барибхог̇асанд̇осо, саннид̇хибариваж̇ж̇анасанд̇осо, виссаж̇ж̇анасанд̇осод̇и.
Cīvarasantosoti vīsati cīvarasantosā – cīvare vitakkasantoso, gamanasantoso, pariyesanasantoso, paṭilābhasantoso, mattapaṭiggahaṇasantoso, loluppavivajjanasantoso, yathālābhasantoso, yathābalasantoso, yathāsāruppasantoso, udakasantoso, dhovanasantoso, karaṇasantoso, parimāṇasantoso, suttasantoso, sibbanasantoso, rajanasantoso, kappasantoso, paribhogasantoso, sannidhiparivajjanasantoso, vissajjanasantosoti.
д̇ад̇т̇а саад̣̇агабхигкунаа д̇змаасам̣ ниб̣ад̣̇д̇хаваасам̣ васид̇ваа згамаасамад̇д̇ам̣ вид̇аггзд̇ум̣ ваддад̇и. со хи баваарзд̇ваа жийварамаасз жийварам̣ гарод̇и, бам̣сугуулиго ад̣дхамаасзнзва гарод̇и. ид̣̇ам̣ маасад̣дхамаасамад̇д̇ам̣ вид̇агганам̣ вид̇аггасанд̇осо наама. вид̇аггасанд̇осзна бана санд̇удтзна бхигкунаа баажийнакан̣д̣арааж̇иваасигабам̣сугуулигад̇т̇зрасад̣̇исзна бхавид̇аб̣б̣ам̣.
Tattha sādakabhikkhunā temāsaṃ nibaddhavāsaṃ vasitvā ekamāsamattaṃ vitakketuṃ vaṭṭati. So hi pavāretvā cīvaramāse cīvaraṃ karoti, paṃsukūliko aḍḍhamāseneva karoti. Idaṃ māsaḍḍhamāsamattaṃ vitakkanaṃ vitakkasantoso nāma. Vitakkasantosena pana santuṭṭhena bhikkhunā pācīnakhaṇḍarājivāsikapaṃsukūlikattherasadisena bhavitabbaṃ.
т̇зро гира ‘‘жзд̇ияабаб̣б̣ад̇авихаарз жзд̇ияам̣ ванд̣̇иссаамий’’д̇и ааг̇ад̇о жзд̇ияам̣ ванд̣̇ид̇ваа жинд̇зси – ‘‘маяхам̣ жийварам̣ ж̇ин̣н̣ам̣, б̣ахуунам̣ васанадтаанз лабхиссаамий’’д̇и. со махаавихаарам̣ г̇анд̇ваа сан̇гхад̇т̇зрам̣ д̣̇исваа васанадтаанам̣ бужчид̇ваа д̇ад̇т̇а вуд̇т̇о бунад̣̇ивасз жийварам̣ аад̣̇ааяа ааг̇анд̇ваа т̇зрам̣ ванд̣̇и. т̇зро ‘‘гим̣ , аавусо’’д̇и ааха. г̇аамад̣̇ваарам̣, бханд̇з, г̇амиссаамийд̇и. ахамбаавусо, г̇амиссаамийд̇и . саад̇ху, бханд̇зд̇и г̇ажчанд̇о махааб̣од̇хид̣̇ваарагодтагз тад̇ваа ‘‘бун̃н̃аванд̇аанам̣ васанадтаанз манаабам̣ лабхиссаамий’’д̇и жинд̇зд̇ваа ‘‘абарисуд̣̇д̇хо мз вид̇агго’’д̇и д̇ад̇ова бадинивад̇д̇и. бунад̣̇ивасз амб̣ан̇г̇ан̣асамийбад̇о, бунад̣̇ивасз махаажзд̇ияасса уд̇д̇арад̣̇ваарад̇о д̇ад̇т̇зва бадинивад̇д̇ид̇ваа жад̇уд̇т̇ад̣̇ивасз т̇зрасса санд̇игам̣ аг̇амааси. т̇зро ‘‘имасса бхигкуно вид̇агго на барисуд̣̇д̇хо бхависсад̇ий’’д̇и жийварам̣ г̇ахзд̇ваа д̇зна сад̣̇д̇хим̣язва бан̃хам̣ бужчамаано г̇аамам̣ баависи. д̇ан̃жа рад̇д̇им̣ зго мануссо ужжаарабалиб̣уд̣̇д̇хо саадагзязва важжам̣ гад̇ваа д̇ам̣ сан̇гаарадтаанз чад̣д̣зси. бам̣сугуулигад̇т̇зро д̇ам̣ нийламагкигаахи самбаригин̣н̣ам̣ д̣̇исваа ан̃ж̇алим̣ баг̇г̇ахзси. махаат̇зро ‘‘гим̣, аавусо, сан̇гаарадтаанасса ан̃ж̇алим̣ баг̇г̇ан̣хаасий’’д̇и. наахам̣, бханд̇з, сан̇гаарадтаанасса ан̃ж̇алим̣ баг̇г̇ан̣хаами, маяхам̣ бид̇у д̣̇асаб̣аласса баг̇г̇ан̣хаами, бун̣н̣ад̣̇аасияаа сарийрам̣ баарубид̇ваа чад̣д̣ид̇ам̣ бам̣сугуулам̣ д̇умб̣амад̇д̇з баан̣агз вид̇хунид̇ваа сусаанад̇о г̇ан̣ханд̇зна д̣̇уггарад̇арам̣ гад̇ам̣ , бханд̇зд̇и. махаат̇зро ‘‘барисуд̣̇д̇хо вид̇агго бам̣сугуулигассаа’’д̇и жинд̇зси. бам̣сугуулигад̇т̇зроби д̇асмим̣язва таанз тид̇о вибассанам̣ вад̣дхзд̇ваа д̇ийн̣и палаани бад̇д̇о д̇ам̣ саадагам̣ г̇ахзд̇ваа жийварам̣ гад̇ваа баарубид̇ваа баажийнакан̣д̣арааж̇им̣ г̇анд̇ваа аг̇г̇апалам̣ арахад̇д̇ам̣ баабун̣и.
Thero kira ‘‘cetiyapabbatavihāre cetiyaṃ vandissāmī’’ti āgato cetiyaṃ vanditvā cintesi – ‘‘mayhaṃ cīvaraṃ jiṇṇaṃ, bahūnaṃ vasanaṭṭhāne labhissāmī’’ti. So mahāvihāraṃ gantvā saṅghattheraṃ disvā vasanaṭṭhānaṃ pucchitvā tattha vuttho punadivase cīvaraṃ ādāya āgantvā theraṃ vandi. Thero ‘‘kiṃ , āvuso’’ti āha. Gāmadvāraṃ, bhante, gamissāmīti. Ahampāvuso, gamissāmīti . Sādhu, bhanteti gacchanto mahābodhidvārakoṭṭhake ṭhatvā ‘‘puññavantānaṃ vasanaṭṭhāne manāpaṃ labhissāmī’’ti cintetvā ‘‘aparisuddho me vitakko’’ti tatova paṭinivatti. Punadivase ambaṅgaṇasamīpato, punadivase mahācetiyassa uttaradvārato tattheva paṭinivattitvā catutthadivase therassa santikaṃ agamāsi. Thero ‘‘imassa bhikkhuno vitakko na parisuddho bhavissatī’’ti cīvaraṃ gahetvā tena saddhiṃyeva pañhaṃ pucchamāno gāmaṃ pāvisi. Tañca rattiṃ eko manusso uccārapalibuddho sāṭakeyeva vaccaṃ katvā taṃ saṅkāraṭṭhāne chaḍḍesi. Paṃsukūlikatthero taṃ nīlamakkhikāhi samparikiṇṇaṃ disvā añjaliṃ paggahesi. Mahāthero ‘‘kiṃ, āvuso, saṅkāraṭṭhānassa añjaliṃ paggaṇhāsī’’ti. Nāhaṃ, bhante, saṅkāraṭṭhānassa añjaliṃ paggaṇhāmi, mayhaṃ pitu dasabalassa paggaṇhāmi, puṇṇadāsiyā sarīraṃ pārupitvā chaḍḍitaṃ paṃsukūlaṃ tumbamatte pāṇake vidhunitvā susānato gaṇhantena dukkarataraṃ kataṃ , bhanteti. Mahāthero ‘‘parisuddho vitakko paṃsukūlikassā’’ti cintesi. Paṃsukūlikattheropi tasmiṃyeva ṭhāne ṭhito vipassanaṃ vaḍḍhetvā tīṇi phalāni patto taṃ sāṭakaṃ gahetvā cīvaraṃ katvā pārupitvā pācīnakhaṇḍarājiṃ gantvā aggaphalaṃ arahattaṃ pāpuṇi.
жийварад̇т̇ааяа г̇ажчанд̇асса бана ‘‘гад̇т̇а лабхиссаамий’’д̇и ажинд̇зд̇ваа гаммадтаанасийсзнзва г̇аманам̣ г̇аманасанд̇осо наама. бариязсанд̇асса бана язна ваа д̇зна ваа сад̣̇д̇хим̣ абариязсид̇ваа лаж̇ж̇им̣ бзсалам̣ бхигкум̣ г̇ахзд̇ваа бариязсанам̣ бариязсанасанд̇осо наама. звам̣ бариязсанд̇асса аахарияамаанам̣ жийварам̣ д̣̇уурад̇о д̣̇исваа ‘‘зд̇ам̣ манаабам̣ бхависсад̇и, зд̇ам̣ аманааба’’нд̇и звам̣ авид̇аггзд̇ваа т̇ууласукумаад̣̇ийсу яат̇аалад̣̇д̇хзнзва санд̇уссанам̣ бадилаабхасанд̇осо наама. звам̣ лад̣̇д̇хам̣ г̇ан̣ханд̇ассааби ‘‘зд̇д̇агам̣ д̣̇убаддасса бхависсад̇и, зд̇д̇агам̣ згабаддассаа’’д̇и ад̇д̇ано бахонагамад̇д̇знзва санд̇уссанам̣ мад̇д̇абадиг̇г̇ахан̣асанд̇осо наама. жийварам̣ бариязсанд̇асса бана ‘‘асугасса гхарад̣̇ваарз манаабам̣ лабхиссаамий’’д̇и ажинд̇зд̇ваа д̣̇ваарабадибаадияаа жаран̣ам̣ лолуббавиваж̇ж̇анасанд̇осо наама.
Cīvaratthāya gacchantassa pana ‘‘kattha labhissāmī’’ti acintetvā kammaṭṭhānasīseneva gamanaṃ gamanasantoso nāma. Pariyesantassa pana yena vā tena vā saddhiṃ apariyesitvā lajjiṃ pesalaṃ bhikkhuṃ gahetvā pariyesanaṃ pariyesanasantoso nāma. Evaṃ pariyesantassa āhariyamānaṃ cīvaraṃ dūrato disvā ‘‘etaṃ manāpaṃ bhavissati, etaṃ amanāpa’’nti evaṃ avitakketvā thūlasukhumādīsu yathāladdheneva santussanaṃ paṭilābhasantoso nāma. Evaṃ laddhaṃ gaṇhantassāpi ‘‘ettakaṃ dupaṭṭassa bhavissati, ettakaṃ ekapaṭṭassā’’ti attano pahonakamatteneva santussanaṃ mattapaṭiggahaṇasantoso nāma. Cīvaraṃ pariyesantassa pana ‘‘asukassa gharadvāre manāpaṃ labhissāmī’’ti acintetvā dvārapaṭipāṭiyā caraṇaṃ loluppavivajjanasantoso nāma.
луукабан̣ийд̇зсу язна гзнажи яаабзд̇ум̣ саггонд̇асса яат̇аалад̣̇д̇хзнзва яаабанам̣ яат̇аалаабхасанд̇осо наама. ад̇д̇ано т̇аамам̣ ж̇аанид̇ваа язна яаабзд̇ум̣ саггод̇и, д̇зна яаабанам̣ яат̇ааб̣аласанд̇осо наама. манаабам̣ ан̃н̃асса д̣̇ад̇ваа ад̇д̇анаа язна гзнажи яаабанам̣ яат̇аасааруббасанд̇осо наама.
Lūkhapaṇītesu yena kenaci yāpetuṃ sakkontassa yathāladdheneva yāpanaṃ yathālābhasantoso nāma. Attano thāmaṃ jānitvā yena yāpetuṃ sakkoti, tena yāpanaṃ yathābalasantoso nāma. Manāpaṃ aññassa datvā attanā yena kenaci yāpanaṃ yathāsāruppasantoso nāma.
‘‘гад̇т̇а уд̣̇агам̣ манаабам̣, гад̇т̇а аманааба’’нд̇и авижаарзд̇ваа язна гзнажи д̇ховануубаг̇зна уд̣̇агзна д̇хованам̣ уд̣̇агасанд̇осо наама. бан̣д̣умад̇д̇игаг̇зругабууд̇ибан̣н̣арасагилидтаани бана уд̣̇агаани важ̇ж̇зд̇ум̣ ваддад̇и. д̇хованд̇асса бана муг̇г̇араад̣̇ийхи абахарид̇ваа хад̇т̇зхи мад̣̇д̣̇ид̇ваа д̇хованам̣ д̇хованасанд̇осо наама. д̇ат̇аа асуж̇жханд̇ам̣ бан̣н̣аани багкибид̇ваа д̇аабид̇ауд̣̇агзнааби д̇ховид̇ум̣ ваддад̇и. звам̣ д̇ховид̇ваа гаронд̇асса ‘‘ид̣̇ам̣ т̇уулам̣, ид̣̇ам̣ сукума’’нд̇и агобзд̇ваа бахонаганийхаарзнзва гаран̣ам̣ гаран̣асанд̇осо наама. д̇иман̣д̣алабад̇ижчаад̣̇анамад̇д̇ассзва гаран̣ам̣ баримаан̣асанд̇осо наама. жийварагаран̣ад̇т̇ааяа бана манаабам̣ суд̇д̇ам̣ бариязсиссаамийд̇и авижаарзд̇ваа рат̇игаад̣̇ийсу ваа д̣̇звадтаанз ваа аахарид̇ваа баад̣̇амуулз ваа табид̇ам̣ яам̣гин̃жид̣̇зва суд̇д̇ам̣ г̇ахзд̇ваа гаран̣ам̣ суд̇д̇асанд̇осо наама.
‘‘Kattha udakaṃ manāpaṃ, kattha amanāpa’’nti avicāretvā yena kenaci dhovanūpagena udakena dhovanaṃ udakasantoso nāma. Paṇḍumattikagerukapūtipaṇṇarasakiliṭṭhāni pana udakāni vajjetuṃ vaṭṭati. Dhovantassa pana muggarādīhi apaharitvā hatthehi madditvā dhovanaṃ dhovanasantoso nāma. Tathā asujjhantaṃ paṇṇāni pakkhipitvā tāpitaudakenāpi dhovituṃ vaṭṭati. Evaṃ dhovitvā karontassa ‘‘idaṃ thūlaṃ, idaṃ sukhuma’’nti akopetvā pahonakanīhāreneva karaṇaṃ karaṇasantoso nāma. Timaṇḍalapaticchādanamattasseva karaṇaṃ parimāṇasantoso nāma. Cīvarakaraṇatthāya pana manāpaṃ suttaṃ pariyesissāmīti avicāretvā rathikādīsu vā devaṭṭhāne vā āharitvā pādamūle vā ṭhapitaṃ yaṃkiñcideva suttaṃ gahetvā karaṇaṃ suttasantoso nāma.
гусиб̣анд̇ханагаалз бана ан̇г̇уламад̇д̇з сад̇д̇а ваарз на виж̇жхид̇аб̣б̣ам̣. звам̣ гаронд̇асса хи яо бхигку сахааяо на ход̇и, д̇асса вад̇д̇абхзд̣̇оби над̇т̇и. д̇иван̇г̇уламад̇д̇з бана сад̇д̇а ваарз виж̇жхид̇аб̣б̣ам̣. звам̣ гаронд̇асса маг̇г̇аббадибаннзнааби сахааязна бхавид̇аб̣б̣ам̣. яо на ход̇и, д̇асса вад̇д̇абхзд̣̇о. аяам̣ сиб̣б̣анасанд̇осо наама. раж̇анд̇зна бана гаал̣агажчагаад̣̇ийни бариязсанд̇зна на жарид̇аб̣б̣ам̣, сомаваггалаад̣̇ийсу яам̣ лабхад̇и, д̇зна раж̇ид̇аб̣б̣ам̣. алабханд̇зна бана мануссзхи аран̃н̃з ваагам̣ г̇ахзд̇ваа чад̣д̣ид̇араж̇анам̣ ваа бхигкуухи бажид̇ваа чад̣д̣ид̇агасадам̣ ваа г̇ахзд̇ваа раж̇ид̇аб̣б̣ам̣. аяам̣ раж̇анасанд̇осо наама. нийлагад̣̇д̣̇амагаал̣асаамзсу яам̣гин̃жи г̇ахзд̇ваа хад̇т̇ибидтз нисиннасса бан̃н̃ааяамаанагаббагаран̣ам̣ габбасанд̇осо наама.
Kusibandhanakāle pana aṅgulamatte satta vāre na vijjhitabbaṃ. Evaṃ karontassa hi yo bhikkhu sahāyo na hoti, tassa vattabhedopi natthi. Tivaṅgulamatte pana satta vāre vijjhitabbaṃ. Evaṃ karontassa maggappaṭipannenāpi sahāyena bhavitabbaṃ. Yo na hoti, tassa vattabhedo. Ayaṃ sibbanasantoso nāma. Rajantena pana kāḷakacchakādīni pariyesantena na caritabbaṃ, somavakkalādīsu yaṃ labhati, tena rajitabbaṃ. Alabhantena pana manussehi araññe vākaṃ gahetvā chaḍḍitarajanaṃ vā bhikkhūhi pacitvā chaḍḍitakasaṭaṃ vā gahetvā rajitabbaṃ. Ayaṃ rajanasantoso nāma. Nīlakaddamakāḷasāmesu yaṃkiñci gahetvā hatthipiṭṭhe nisinnassa paññāyamānakappakaraṇaṃ kappasantoso nāma.
хиригобийнаббадижчаад̣̇анамад̇д̇авасзна барибхун̃ж̇анам̣ барибхог̇асанд̇осо наама. д̣̇уссам̣ бана лабхид̇ваа суд̇д̇ам̣ ваа суужим̣ ваа гаарагам̣ ваа алабханд̇зна табзд̇ум̣ ваддад̇и, лабханд̇зна на ваддад̇и. гад̇амби сажз анд̇зваасигаад̣̇ийнам̣ д̣̇аад̇угаамо ход̇и, д̇з жа асаннихид̇аа, яаава ааг̇аманаа табзд̇ум̣ ваддад̇и. ааг̇ад̇амад̇д̇зсу д̣̇аад̇аб̣б̣ам̣. д̣̇аад̇ум̣ асаггонд̇зна ад̇хидтаад̇аб̣б̣ам̣. ан̃н̃асмим̣ жийварз сад̇и бажжад̇т̇аран̣амби ад̇хидтаад̇ум̣ ваддад̇и. анад̇хидтид̇амзва хи саннид̇хи ход̇и, ад̇хидтид̇ам̣ на ход̇ийд̇и махаасийвад̇т̇зро ааха. аяам̣ саннид̇хибариваж̇ж̇анасанд̇осо наама. виссаж̇ж̇знд̇зна бана на мукам̣ ологзд̇ваа д̣̇аад̇аб̣б̣ам̣, сааран̣ийяад̇хаммз тад̇ваа виссаж̇ж̇зд̇аб̣б̣анд̇и аяам̣ виссаж̇ж̇анасанд̇осо наама.
Hirikopīnappaṭicchādanamattavasena paribhuñjanaṃ paribhogasantoso nāma. Dussaṃ pana labhitvā suttaṃ vā sūciṃ vā kārakaṃ vā alabhantena ṭhapetuṃ vaṭṭati, labhantena na vaṭṭati. Katampi sace antevāsikādīnaṃ dātukāmo hoti, te ca asannihitā, yāva āgamanā ṭhapetuṃ vaṭṭati. Āgatamattesu dātabbaṃ. Dātuṃ asakkontena adhiṭṭhātabbaṃ. Aññasmiṃ cīvare sati paccattharaṇampi adhiṭṭhātuṃ vaṭṭati. Anadhiṭṭhitameva hi sannidhi hoti, adhiṭṭhitaṃ na hotīti mahāsīvatthero āha. Ayaṃ sannidhiparivajjanasantoso nāma. Vissajjentena pana na mukhaṃ oloketvā dātabbaṃ, sāraṇīyadhamme ṭhatvā vissajjetabbanti ayaṃ vissajjanasantoso nāma.
жийвараббадисам̣яуд̇д̇аани д̇худ̇ан̇г̇аани наама бам̣сугуулиган̇г̇ан̃жзва д̇зжийвариган̇г̇ан̃жа. д̇зсам̣ вид̇т̇аарагат̇аа висуд̣̇д̇химаг̇г̇з (висуд̣̇д̇хи. 1.24-25) взд̣̇ид̇аб̣б̣аа. ид̇и жийварасанд̇осамахааарияавам̣сам̣ буураяамаано бхигку имаани д̣̇вз д̇худ̇ан̇г̇аани г̇обзд̇и. имаани г̇обзнд̇о жийварасанд̇осамахааарияавам̣савасзна санд̇удто ход̇ийд̇и.
Cīvarappaṭisaṃyuttāni dhutaṅgāni nāma paṃsukūlikaṅgañceva tecīvarikaṅgañca. Tesaṃ vitthārakathā visuddhimagge (visuddhi. 1.24-25) veditabbā. Iti cīvarasantosamahāariyavaṃsaṃ pūrayamāno bhikkhu imāni dve dhutaṅgāni gopeti. Imāni gopento cīvarasantosamahāariyavaṃsavasena santuṭṭho hotīti.
ван̣н̣аваад̣̇ийд̇и зго санд̇удто ход̇и, санд̇осасса ван̣н̣ам̣ на гат̇зд̇и. зго на санд̇удто ход̇и, санд̇осасса ван̣н̣ам̣ гат̇зд̇и. зго нзва санд̇удто ход̇и, на санд̇осасса ван̣н̣ам̣ гат̇зд̇и. зго санд̇удто жзва ход̇и, санд̇осасса жа ван̣н̣ам̣ гат̇зд̇и. д̇ам̣ д̣̇ассзд̇ум̣ ‘‘ид̇арийд̇аражийварасанд̇удтияаа жа ван̣н̣аваад̣̇ий’’д̇и вуд̇д̇ам̣.
Vaṇṇavādīti eko santuṭṭho hoti, santosassa vaṇṇaṃ na katheti. Eko na santuṭṭho hoti, santosassa vaṇṇaṃ katheti. Eko neva santuṭṭho hoti, na santosassa vaṇṇaṃ katheti. Eko santuṭṭho ceva hoti, santosassa ca vaṇṇaṃ katheti. Taṃ dassetuṃ ‘‘itarītaracīvarasantuṭṭhiyā ca vaṇṇavādī’’ti vuttaṃ.
анзсананд̇и д̣̇ууд̇зяяабахинаг̇аманаануяог̇абабхзд̣̇ам̣ наанаббагаарам̣ анзсанам̣. аббад̇ируубанд̇и аяуд̇д̇ам̣. алад̣̇д̇хаа жаад̇и алабхид̇ваа. яат̇аа згажжо ‘‘гат̇ам̣ ну ко жийварам̣ лабхиссаамий’’д̇и бун̃н̃аванд̇зхи бхигкуухи сад̣̇д̇хим̣ згад̇о худ̇ваа гохан̃н̃ам̣ гаронд̇о уд̇д̇асад̇и барид̇ассад̇и, санд̇удто бхигку звам̣ алад̣̇д̇хаа жийварам̣ на барид̇ассад̇и. лад̣̇д̇хаа жаад̇и д̇хаммзна самзна лабхид̇ваа. аг̇ад̇хид̇од̇и виг̇ад̇алобхаг̇ид̣̇д̇хо. амужчид̇од̇и ад̇химад̇д̇ад̇ан̣хааяа мужчам̣ анаабанно. анаж̇жхобаннод̇и д̇ан̣хааяа анод̇т̇ад̇о абарияонад̣̇д̇хо. аад̣̇ийнавад̣̇ассаавийд̇и анзсанаабад̇д̇ияан̃жа г̇зд̇хид̇абарибхог̇з жа аад̣̇ийнавам̣ бассамаано. ниссаран̣абан̃н̃од̇и ‘‘яаавад̣̇зва сийд̇асса бадигхаад̇ааяаа’’д̇и вуд̇д̇ам̣ ниссаран̣амзва баж̇аананд̇о.
Anesananti dūteyyapahinagamanānuyogapabhedaṃ nānappakāraṃ anesanaṃ. Appatirūpanti ayuttaṃ. Aladdhācāti alabhitvā. Yathā ekacco ‘‘kathaṃ nu kho cīvaraṃ labhissāmī’’ti puññavantehi bhikkhūhi saddhiṃ ekato hutvā kohaññaṃ karonto uttasati paritassati, santuṭṭho bhikkhu evaṃ aladdhā cīvaraṃ na paritassati. Laddhā cāti dhammena samena labhitvā. Agadhitoti vigatalobhagiddho. Amucchitoti adhimattataṇhāya mucchaṃ anāpanno. Anajjhopannoti taṇhāya anotthato apariyonaddho. Ādīnavadassāvīti anesanāpattiyañca gedhitaparibhoge ca ādīnavaṃ passamāno. Nissaraṇapaññoti ‘‘yāvadeva sītassa paṭighātāyā’’ti vuttaṃ nissaraṇameva pajānanto.
ид̇арийд̇аражийварасанд̇удтияаад̇и язна гзнажи жийварзна санд̇удтияаа. нзвад̇д̇аануггам̣сзд̇ийд̇и ‘‘ахам̣ бам̣сугуулиго, маяаа убасамбад̣̇амаал̣зязва бам̣сугуулиган̇г̇ам̣ г̇ахид̇ам̣, го маяаа сад̣̇исо ад̇т̇ий’’д̇и ад̇д̇уггам̣санам̣ на гарод̇и. но барам̣ вамбхзд̇ийд̇и ‘‘имз банан̃н̃з бхигкуу на бам̣сугуулигаа’’д̇и ваа, ‘‘бам̣сугуулиган̇г̇амад̇д̇амби зд̇зсам̣ над̇т̇ий’’д̇и ваа звам̣ барам̣ на вамбхзд̇и. яо хи д̇ад̇т̇а д̣̇агкод̇и яо д̇асмим̣ жийварасанд̇осз ван̣н̣аваад̣̇аад̣̇ийсу ваа д̣̇агко чзго б̣яад̇д̇о. аналасод̇и саад̇ажжагирияааяа ааласияавирахид̇о. самбаж̇аано бадиссад̇од̇и самбаж̇аанабан̃н̃ааяа жзва сад̇ияаа жа яуд̇д̇о. арияавам̣сз тид̇од̇и арияавам̣сз бад̇идтид̇о.
Itarītaracīvarasantuṭṭhiyāti yena kenaci cīvarena santuṭṭhiyā. Nevattānukkaṃsetīti ‘‘ahaṃ paṃsukūliko, mayā upasampadamāḷeyeva paṃsukūlikaṅgaṃ gahitaṃ, ko mayā sadiso atthī’’ti attukkaṃsanaṃ na karoti. No paraṃ vambhetīti ‘‘ime panaññe bhikkhū na paṃsukūlikā’’ti vā, ‘‘paṃsukūlikaṅgamattampi etesaṃ natthī’’ti vā evaṃ paraṃ na vambheti. Yo hi tattha dakkhoti yo tasmiṃ cīvarasantose vaṇṇavādādīsu vā dakkho cheko byatto. Analasoti sātaccakiriyāya ālasiyavirahito. Sampajāno paṭissatoti sampajānapaññāya ceva satiyā ca yutto. Ariyavaṃse ṭhitoti ariyavaṃse patiṭṭhito.
ид̇арийд̇арзна бин̣д̣абаад̇знаад̇и язна гзнажи бин̣д̣абаад̇зна. зд̇т̇ааби бин̣д̣абаад̇о ж̇аанид̇аб̣б̣о, бин̣д̣абаад̇агкзд̇д̇ам̣ ж̇аанид̇аб̣б̣ам̣, бин̣д̣абаад̇асанд̇осо ж̇аанид̇аб̣б̣о, бин̣д̣абаад̇аббадисам̣яуд̇д̇ам̣ д̇худ̇ан̇г̇ам̣ ж̇аанид̇аб̣б̣ам̣ . д̇ад̇т̇а бин̣д̣абаад̇од̇и од̣̇ано гуммаасо сад̇д̇у мажчо мам̣сам̣ кийрам̣ д̣̇ад̇хи сабби наванийд̇ам̣ д̇злам̣ мад̇ху паан̣ид̇ам̣ яааг̇у каад̣̇анийяам̣ сааяанийяам̣ лзханийяанд̇и сол̣аса бин̣д̣абаад̇аа.
Itarītarenapiṇḍapātenāti yena kenaci piṇḍapātena. Etthāpi piṇḍapāto jānitabbo, piṇḍapātakkhettaṃ jānitabbaṃ, piṇḍapātasantoso jānitabbo, piṇḍapātappaṭisaṃyuttaṃ dhutaṅgaṃ jānitabbaṃ . Tattha piṇḍapātoti odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ yāgu khādanīyaṃ sāyanīyaṃ lehanīyanti soḷasa piṇḍapātā.
бин̣д̣абаад̇агкзд̇д̇анд̇и сан̇гхабхад̇д̇ам̣ уд̣̇д̣̇зсабхад̇д̇ам̣ ниманд̇анам̣ салаагабхад̇д̇ам̣ багкигам̣ убосат̇игам̣ баадибад̣̇игабхад̇д̇ам̣ ааг̇анд̇угабхад̇д̇ам̣ г̇амигабхад̇д̇ам̣ г̇илаанабхад̇д̇ам̣ г̇илаанубадтаагабхад̇д̇ам̣ д̇хурабхад̇д̇ам̣ гудибхад̇д̇ам̣ ваарабхад̇д̇ам̣ вихаарабхад̇д̇анд̇и баннараса бин̣д̣абаад̇агкзд̇д̇аани.
Piṇḍapātakkhettanti saṅghabhattaṃ uddesabhattaṃ nimantanaṃ salākabhattaṃ pakkhikaṃ uposathikaṃ pāṭipadikabhattaṃ āgantukabhattaṃ gamikabhattaṃ gilānabhattaṃ gilānupaṭṭhākabhattaṃ dhurabhattaṃ kuṭibhattaṃ vārabhattaṃ vihārabhattanti pannarasa piṇḍapātakkhettāni.
бин̣д̣абаад̇асанд̇осод̇и бин̣д̣абаад̇з вид̇аггасанд̇осо г̇аманасанд̇осо бариязсанасанд̇осо бадилаабхасанд̇осо бадиг̇г̇ахан̣асанд̇осо мад̇д̇абадиг̇г̇ахан̣асанд̇осо лолуббавиваж̇ж̇анасанд̇осо яат̇аалаабхасанд̇осо яат̇ааб̣аласанд̇осо яат̇аасааруббасанд̇осо убагаарасанд̇осо баримаан̣асанд̇осо барибхог̇асанд̇осо саннид̇хибариваж̇ж̇анасанд̇осо виссаж̇ж̇анасанд̇осод̇и баннараса санд̇осаа.
Piṇḍapātasantosoti piṇḍapāte vitakkasantoso gamanasantoso pariyesanasantoso paṭilābhasantoso paṭiggahaṇasantoso mattapaṭiggahaṇasantoso loluppavivajjanasantoso yathālābhasantoso yathābalasantoso yathāsāruppasantoso upakārasantoso parimāṇasantoso paribhogasantoso sannidhiparivajjanasantoso vissajjanasantosoti pannarasa santosā.
д̇ад̇т̇а саад̣̇аго бхигку мукам̣ д̇ховид̇ваа вид̇аггзд̇и. бин̣д̣абаад̇игзна бана г̇ан̣зна сад̣̇д̇хим̣ жарад̇аа сааяам̣ т̇зруубадтаанагаалз ‘‘свз гад̇т̇а бин̣д̣ааяа жариссаамаад̇и? асугаг̇аамз, бханд̇з’’д̇и зд̇д̇агам̣ жинд̇зд̇ваа д̇ад̇о бадтааяа на вид̇аггзд̇аб̣б̣ам̣. згажааригзна вид̇аггамаал̣агз тад̇ваа вид̇аггзд̇аб̣б̣ам̣. д̇ад̇о бадтааяа вид̇аггзнд̇о арияавам̣саа жуд̇о ход̇и бариб̣аахиро. аяам̣ вид̇аггасанд̇осо наама.
Tattha sādako bhikkhu mukhaṃ dhovitvā vitakketi. Piṇḍapātikena pana gaṇena saddhiṃ caratā sāyaṃ therūpaṭṭhānakāle ‘‘sve kattha piṇḍāya carissāmāti? Asukagāme, bhante’’ti ettakaṃ cintetvā tato paṭṭhāya na vitakketabbaṃ. Ekacārikena vitakkamāḷake ṭhatvā vitakketabbaṃ. Tato paṭṭhāya vitakkento ariyavaṃsā cuto hoti paribāhiro. Ayaṃ vitakkasantoso nāma.
бин̣д̣ааяа бависанд̇зна ‘‘гухим̣ лабхиссаамий’’д̇и ажинд̇зд̇ваа гаммадтаанасийсзна г̇анд̇аб̣б̣ам̣. аяам̣ г̇аманасанд̇осо наама. бариязсанд̇зна яам̣ ваа д̇ам̣ ваа аг̇г̇ахзд̇ваа лаж̇ж̇им̣ бзсаламзва г̇ахзд̇ваа бариязсид̇аб̣б̣ам̣. аяам̣ бариязсанасанд̇осо наама. д̣̇уурад̇ова аахарияамаанам̣ д̣̇исваа ‘‘зд̇ам̣ манаабам̣ , зд̇ам̣ аманааба’’нд̇и жид̇д̇ам̣ на уббаад̣̇зд̇аб̣б̣ам̣. аяам̣ бадилаабхасанд̇осо наама. ‘‘имам̣ манаабам̣ г̇ан̣хиссаами, имам̣ аманаабам̣ на г̇ан̣хиссаамий’’д̇и ажинд̇зд̇ваа яам̣гин̃жи яаабанамад̇д̇ам̣ г̇ахзд̇аб̣б̣амзва. аяам̣ бадиг̇г̇ахан̣асанд̇осо наама.
Piṇḍāya pavisantena ‘‘kuhiṃ labhissāmī’’ti acintetvā kammaṭṭhānasīsena gantabbaṃ. Ayaṃ gamanasantoso nāma. Pariyesantena yaṃ vā taṃ vā aggahetvā lajjiṃ pesalameva gahetvā pariyesitabbaṃ. Ayaṃ pariyesanasantoso nāma. Dūratova āhariyamānaṃ disvā ‘‘etaṃ manāpaṃ , etaṃ amanāpa’’nti cittaṃ na uppādetabbaṃ. Ayaṃ paṭilābhasantoso nāma. ‘‘Imaṃ manāpaṃ gaṇhissāmi, imaṃ amanāpaṃ na gaṇhissāmī’’ti acintetvā yaṃkiñci yāpanamattaṃ gahetabbameva. Ayaṃ paṭiggahaṇasantoso nāma.
зд̇т̇а бана д̣̇зяяад̇хаммо б̣аху, д̣̇ааяаго аббам̣ д̣̇аад̇угаамо, аббам̣ г̇ахзд̇аб̣б̣ам̣. д̣̇зяяад̇хаммоби б̣аху, д̣̇ааяагоби б̣ахум̣ д̣̇аад̇угаамо, бамаан̣знзва г̇ахзд̇аб̣б̣ам̣. д̣̇зяяад̇хаммо на б̣аху, д̣̇ааяагоби аббам̣ д̣̇аад̇угаамо, аббам̣ г̇ахзд̇аб̣б̣ам̣. д̣̇зяяад̇хаммо на б̣аху, д̣̇ааяаго бана б̣ахум̣ д̣̇аад̇угаамо, бамаан̣зна г̇ахзд̇аб̣б̣ам̣ . бадиг̇г̇ахан̣асмин̃хи мад̇д̇ам̣ аж̇аананд̇о мануссаанам̣ басаад̣̇ам̣ магкзд̇и, сад̣̇д̇хаад̣̇зяяам̣ винибаад̇зд̇и, саасанам̣ на гарод̇и, виж̇аад̇амаад̇уяааби жид̇д̇ам̣ г̇ахзд̇ум̣ на саггод̇и. ид̇и мад̇д̇ам̣ ж̇аанид̇ваава бадиг̇г̇ахзд̇аб̣б̣анд̇и аяам̣ мад̇д̇абадиг̇г̇ахан̣асанд̇осо наама. ад̣дхагулааниязва аг̇анд̇ваа д̣̇ваарабадибаадияаа г̇анд̇аб̣б̣ам̣. аяам̣ лолуббавиваж̇ж̇анасанд̇осо наама. яат̇аалаабхасанд̇осаад̣̇аяо жийварз вуд̇д̇анаяаа зва.
Ettha pana deyyadhammo bahu, dāyako appaṃ dātukāmo, appaṃ gahetabbaṃ. Deyyadhammopi bahu, dāyakopi bahuṃ dātukāmo, pamāṇeneva gahetabbaṃ. Deyyadhammo na bahu, dāyakopi appaṃ dātukāmo, appaṃ gahetabbaṃ. Deyyadhammo na bahu, dāyako pana bahuṃ dātukāmo, pamāṇena gahetabbaṃ . Paṭiggahaṇasmiñhi mattaṃ ajānanto manussānaṃ pasādaṃ makkheti, saddhādeyyaṃ vinipāteti, sāsanaṃ na karoti, vijātamātuyāpi cittaṃ gahetuṃ na sakkoti. Iti mattaṃ jānitvāva paṭiggahetabbanti ayaṃ mattapaṭiggahaṇasantoso nāma. Aḍḍhakulāniyeva agantvā dvārapaṭipāṭiyā gantabbaṃ. Ayaṃ loluppavivajjanasantoso nāma. Yathālābhasantosādayo cīvare vuttanayā eva.
бин̣д̣абаад̇ам̣ барибхун̃ж̇ид̇ваа ‘‘саман̣ад̇хаммам̣ анубаалзссаамий’’д̇и звам̣ убагаарам̣ н̃ад̇ваа барибхун̃ж̇анам̣ убагаарасанд̇осо наама. бад̇д̇ам̣ буурзд̇ваа аанийд̇ам̣ на бадиг̇г̇ахзд̇аб̣б̣ам̣. анубасамбаннз сад̇и д̇зна г̇аахаабзд̇аб̣б̣ам̣, асад̇и хараабзд̇ваа бадиг̇г̇ахан̣амад̇д̇ам̣ г̇ахзд̇аб̣б̣ам̣. аяам̣ баримаан̣асанд̇осо наама. ‘‘ж̇игхажчааяа бадивинод̣̇анам̣ ид̣̇амзд̇т̇а ниссаран̣а’’нд̇и звам̣ барибхун̃ж̇анам̣ барибхог̇асанд̇осо наама. нид̣̇ахид̇ваа на барибхун̃ж̇ид̇аб̣б̣анд̇и аяам̣ саннид̇хибариваж̇ж̇анасанд̇осо наама. мукам̣ анологзд̇ваа сааран̣ийяад̇хаммз тид̇зна виссаж̇ж̇зд̇аб̣б̣ам̣. аяам̣ виссаж̇ж̇анасанд̇осо наама.
Piṇḍapātaṃ paribhuñjitvā ‘‘samaṇadhammaṃ anupālessāmī’’ti evaṃ upakāraṃ ñatvā paribhuñjanaṃ upakārasantoso nāma. Pattaṃ pūretvā ānītaṃ na paṭiggahetabbaṃ. Anupasampanne sati tena gāhāpetabbaṃ, asati harāpetvā paṭiggahaṇamattaṃ gahetabbaṃ. Ayaṃ parimāṇasantoso nāma. ‘‘Jighacchāya paṭivinodanaṃ idamettha nissaraṇa’’nti evaṃ paribhuñjanaṃ paribhogasantoso nāma. Nidahitvā na paribhuñjitabbanti ayaṃ sannidhiparivajjanasantoso nāma. Mukhaṃ anoloketvā sāraṇīyadhamme ṭhitena vissajjetabbaṃ. Ayaṃ vissajjanasantoso nāma.
бин̣д̣абаад̇аббадисам̣яуд̇д̇аани бана бан̃жа д̇худ̇ан̇г̇аани бин̣д̣абаад̇иган̇г̇ам̣ сабад̣̇аанажаариган̇г̇ам̣ згаасаниган̇г̇ам̣ бад̇д̇абин̣д̣иган̇г̇ам̣ калубажчаабхад̇д̇иган̇г̇анд̇и. д̇зсам̣ вид̇т̇аарагат̇аа висуд̣̇д̇химаг̇г̇з (висуд̣̇д̇хи. 1.26-30) вуд̇д̇аа. ид̇и бин̣д̣абаад̇асанд̇осамахааарияавам̣сам̣ буураяамаано бхигку имаани бан̃жа д̇худ̇ан̇г̇аани г̇обзд̇и, имаани г̇обзнд̇о бин̣д̣абаад̇асанд̇осамахааарияавам̣сзна санд̇удто ход̇и. ван̣н̣аваад̣̇ийд̇иаад̣̇ийни вуд̇д̇анаязнзва взд̣̇ид̇аб̣б̣аани.
Piṇḍapātappaṭisaṃyuttāni pana pañca dhutaṅgāni piṇḍapātikaṅgaṃ sapadānacārikaṅgaṃ ekāsanikaṅgaṃ pattapiṇḍikaṅgaṃ khalupacchābhattikaṅganti. Tesaṃ vitthārakathā visuddhimagge (visuddhi. 1.26-30) vuttā. Iti piṇḍapātasantosamahāariyavaṃsaṃ pūrayamāno bhikkhu imāni pañca dhutaṅgāni gopeti, imāni gopento piṇḍapātasantosamahāariyavaṃsena santuṭṭho hoti. Vaṇṇavādītiādīni vuttanayeneva veditabbāni.
сзнаасанзнаад̇и ид̇ха сзнаасанам̣ ж̇аанид̇аб̣б̣ам̣, сзнаасанагкзд̇д̇ам̣ ж̇аанид̇аб̣б̣ам̣, сзнаасанасанд̇осо ж̇аанид̇аб̣б̣о, сзнаасанаббадисам̣яуд̇д̇ам̣ д̇худ̇ан̇г̇ам̣ ж̇аанид̇аб̣б̣ам̣. д̇ад̇т̇а сзнаасананд̇и ман̃жо бийтам̣ бхиси б̣имб̣оханам̣ вихааро ад̣дхаяог̇о баасаад̣̇о хаммияам̣ г̇ухаа лзн̣ам̣ аддо маал̣о взл̣уг̇умб̣о ругкамуулам̣ яад̇т̇а ваа бана бхигкуу бадиггаманд̇ийд̇и имаани баннараса сзнаасанаани.
Senāsanenāti idha senāsanaṃ jānitabbaṃ, senāsanakkhettaṃ jānitabbaṃ, senāsanasantoso jānitabbo, senāsanappaṭisaṃyuttaṃ dhutaṅgaṃ jānitabbaṃ. Tattha senāsananti mañco pīṭhaṃ bhisi bimbohanaṃ vihāro aḍḍhayogo pāsādo hammiyaṃ guhā leṇaṃ aṭṭo māḷo veḷugumbo rukkhamūlaṃ yattha vā pana bhikkhū paṭikkamantīti imāni pannarasa senāsanāni.
сзнаасанагкзд̇д̇анд̇и сан̇гхад̇о ваа г̇ан̣ад̇о ваа н̃аад̇ид̇о ваа мид̇д̇ад̇о ваа ад̇д̇ано ваа д̇ханзна бам̣сугуулам̣ ваад̇и ча кзд̇д̇аани.
Senāsanakkhettanti saṅghato vā gaṇato vā ñātito vā mittato vā attano vā dhanena paṃsukūlaṃ vāti cha khettāni.
сзнаасанасанд̇осод̇и сзнаасанз вид̇аггасанд̇осаад̣̇аяо баннараса санд̇осаа. д̇з бин̣д̣абаад̇з вуд̇д̇анаязнзва взд̣̇ид̇аб̣б̣аа. сзнаасанаббадисам̣яуд̇д̇аани бана бан̃жа д̇худ̇ан̇г̇аани ааран̃н̃иган̇г̇ам̣ ругкамуулиган̇г̇ам̣ аб̣бхогаасиган̇г̇ам̣ сосааниган̇г̇ам̣ яат̇аасант̇ад̇иган̇г̇анд̇и. д̇зсам̣ вид̇т̇аарагат̇аа висуд̣̇д̇химаг̇г̇з (висуд̣̇д̇хи. 1.31-35) вуд̇д̇аа. ид̇и сзнаасанасанд̇осамахааарияавам̣сам̣ буураяамаано бхигку имаани бан̃жа д̇худ̇ан̇г̇аани г̇обзд̇и. имаани г̇обзнд̇о сзнаасанасанд̇осамахааарияавам̣сзна санд̇удто ход̇и.
Senāsanasantosoti senāsane vitakkasantosādayo pannarasa santosā. Te piṇḍapāte vuttanayeneva veditabbā. Senāsanappaṭisaṃyuttāni pana pañca dhutaṅgāni āraññikaṅgaṃ rukkhamūlikaṅgaṃ abbhokāsikaṅgaṃ sosānikaṅgaṃ yathāsanthatikaṅganti. Tesaṃ vitthārakathā visuddhimagge (visuddhi. 1.31-35) vuttā. Iti senāsanasantosamahāariyavaṃsaṃ pūrayamāno bhikkhu imāni pañca dhutaṅgāni gopeti. Imāni gopento senāsanasantosamahāariyavaṃsena santuṭṭho hoti.
г̇илаанабажжаяо бана бин̣д̣абаад̇зязва бавидто. д̇ад̇т̇а яат̇аалаабхаяат̇ааб̣алаяат̇аасааруббасанд̇осзнзва санд̇уссид̇аб̣б̣ам̣. нзсаж̇ж̇иган̇г̇ам̣ бхааванаараамаарияавам̣сам̣ бхаж̇ад̇и. вуд̇д̇амби жзд̇ам̣ –
Gilānapaccayo pana piṇḍapāteyeva paviṭṭho. Tattha yathālābhayathābalayathāsāruppasantoseneva santussitabbaṃ. Nesajjikaṅgaṃ bhāvanārāmaariyavaṃsaṃ bhajati. Vuttampi cetaṃ –
‘‘бан̃жа сзнаасанз вуд̇д̇аа, бан̃жа аахаараниссид̇аа;
‘‘Pañca senāsane vuttā, pañca āhāranissitā;
зго вийрияасам̣яуд̇д̇о, д̣̇вз жа жийвараниссид̇аа’’д̇и.
Eko vīriyasaṃyutto, dve ca cīvaranissitā’’ti.
ид̇и бхаг̇аваа бат̇авим̣ бад̇т̇арамаано вияа сааг̇арагужчим̣ буураяамаано вияа аагаасам̣ вид̇т̇аараяамаано вияа жа батамам̣ жийварасанд̇осам̣ арияавам̣сам̣ гат̇зд̇ваа жанд̣̇ам̣ удтаабзнд̇о вияа суурияам̣ уллан̇гхзнд̇о вияа жа д̣̇уд̇ияам̣ бин̣д̣абаад̇асанд̇осам̣ гат̇зд̇ваа синзрум̣ угкибанд̇о вияа д̇ад̇ияам̣ сзнаасанасанд̇осам̣ арияавам̣сам̣ гат̇зд̇ваа ид̣̇аани сахассанаяабадиман̣д̣ид̇ам̣ жад̇уд̇т̇ам̣ бхааванаараамам̣ арияавам̣сам̣ гат̇зд̇ум̣ буна жабарам̣, бхигкавз, бхигку бхааванаараамо ход̇ийд̇и д̣̇зсанам̣ аарабхи.
Iti bhagavā pathaviṃ pattharamāno viya sāgarakucchiṃ pūrayamāno viya ākāsaṃ vitthārayamāno viya ca paṭhamaṃ cīvarasantosaṃ ariyavaṃsaṃ kathetvā candaṃ uṭṭhāpento viya sūriyaṃ ullaṅghento viya ca dutiyaṃ piṇḍapātasantosaṃ kathetvā sineruṃ ukkhipanto viya tatiyaṃ senāsanasantosaṃ ariyavaṃsaṃ kathetvā idāni sahassanayapaṭimaṇḍitaṃ catutthaṃ bhāvanārāmaṃ ariyavaṃsaṃ kathetuṃ puna caparaṃ, bhikkhave, bhikkhu bhāvanārāmo hotīti desanaṃ ārabhi.
д̇ад̇т̇а аараман̣ам̣ аараамо, абхирад̇ийд̇и ад̇т̇о. бхааванааяа аараамо ассаад̇и бхааванаараамо. бхааванааяа рад̇од̇и бхааванаарад̇о. бан̃жавид̇хз бахаанз аараамо ассаад̇и бахаанаараамо. абижа бхаавзнд̇о рамад̇ийд̇и бхааванаараамо. баж̇аханд̇о рамад̇ийд̇и бахаанаараамод̇и звамзд̇т̇а ад̇т̇о д̣̇адтаб̣б̣о. аяан̃хи жад̇д̇ааро сад̇ибадтаанз бхаавзнд̇о рамад̇и, рад̇им̣ винд̣̇ад̇ийд̇и ад̇т̇о. д̇ат̇аа жад̇д̇ааро саммаббад̇хаанз. жад̇д̇ааро ид̣̇д̇хибаад̣̇з, бан̃жинд̣̇рияаани, бан̃жа б̣алаани, сад̇д̇а б̣ож̇жхан̇г̇з, сад̇д̇а анубассанаа, адтаараса махаавибассанаа, сад̇д̇ад̇им̣са б̣од̇хибагкияад̇хаммз, адтад̇им̣са аарамман̣авибхад̇д̇ияо бхаавзнд̇о рамад̇и, рад̇им̣ винд̣̇ад̇и. гаамажчанд̣̇аад̣̇аяо бана гилзсз баж̇аханд̇о рамад̇и, рад̇им̣ винд̣̇ад̇и.
Tattha āramaṇaṃ ārāmo, abhiratīti attho. Bhāvanāya ārāmo assāti bhāvanārāmo. Bhāvanāya ratoti bhāvanārato. Pañcavidhe pahāne ārāmo assāti pahānārāmo. Apica bhāvento ramatīti bhāvanārāmo. Pajahanto ramatīti pahānārāmoti evamettha attho daṭṭhabbo. Ayañhi cattāro satipaṭṭhāne bhāvento ramati, ratiṃ vindatīti attho. Tathā cattāro sammappadhāne. Cattāro iddhipāde, pañcindriyāni, pañca balāni, satta bojjhaṅge, satta anupassanā, aṭṭhārasa mahāvipassanā, sattatiṃsa bodhipakkhiyadhamme, aṭṭhatiṃsa ārammaṇavibhattiyo bhāvento ramati, ratiṃ vindati. Kāmacchandādayo pana kilese pajahanto ramati, ratiṃ vindati.
имзсу бана жад̇уусу арияавам̣сзсу буримзхи д̇ийхи д̇зрасаннам̣ д̇худ̇ан̇г̇аанам̣ жад̇убажжаяасанд̇осасса жа васзна сагалам̣ винаяабидагам̣ гат̇ид̇ам̣ ход̇и, бхааванаараамзна авасзсам̣ бидагад̣̇ваяам̣. имам̣ бана бхааванаараамам̣ арияавам̣сам̣ гат̇знд̇зна бхигкунаа бадисамбхид̣̇аамаг̇г̇з нзгкаммабаал̣ияаа гат̇зд̇аб̣б̣о, д̣̇ийгханигааяз д̣̇асуд̇д̇арасуд̇д̇анд̇абарияааязна гат̇зд̇аб̣б̣о, маж̇жхиманигааяз сад̇ибадтаанасуд̇д̇анд̇абарияааязна гат̇зд̇аб̣б̣о, абхид̇хаммз нид̣̇д̣̇зсабарияааязна гат̇зд̇аб̣б̣о.
Imesu pana catūsu ariyavaṃsesu purimehi tīhi terasannaṃ dhutaṅgānaṃ catupaccayasantosassa ca vasena sakalaṃ vinayapiṭakaṃ kathitaṃ hoti, bhāvanārāmena avasesaṃ piṭakadvayaṃ. Imaṃ pana bhāvanārāmaṃ ariyavaṃsaṃ kathentena bhikkhunā paṭisambhidāmagge nekkhammapāḷiyā kathetabbo, dīghanikāye dasuttarasuttantapariyāyena kathetabbo, majjhimanikāye satipaṭṭhānasuttantapariyāyena kathetabbo, abhidhamme niddesapariyāyena kathetabbo.
д̇ад̇т̇а бадисамбхид̣̇аамаг̇г̇з нзгкаммабаал̣ияаад̇и –
Tattha paṭisambhidāmagge nekkhammapāḷiyāti –
‘‘нзгкаммам̣ бхаавзнд̇о рамад̇и, гаамажчанд̣̇ам̣ баж̇аханд̇о рамад̇и. аб̣яаабаад̣̇ам̣, б̣яаабаад̣̇ам̣… аалогасан̃н̃ам̣… т̇инамид̣̇д̇хам̣… авигкзбам̣, уд̣̇д̇хажжам̣… д̇хаммававад̇т̇аанам̣… вижигижчам̣… н̃аан̣ам̣… авиж̇ж̇ам̣… баамож̇ж̇ам̣… арад̇им̣… батамаж̇жхаанам̣, бан̃жа нийваран̣з… д̣̇уд̇ияаж̇жхаанам̣… вид̇аггавижаарз… д̇ад̇ияаж̇жхаанам̣… бийд̇им̣… жад̇уд̇т̇аж̇жхаанам̣… сукад̣̇угкз… аагаасаанан̃жааяад̇анасамаабад̇д̇им̣ бхаавзнд̇о рамад̇и, руубасан̃н̃ам̣ бадигхасан̃н̃ам̣ наанад̇д̇асан̃н̃ам̣ баж̇аханд̇о рамад̇и. вин̃н̃аан̣ан̃жааяад̇анасамаабад̇д̇им̣…бз… нзвасан̃н̃аанаасан̃н̃ааяад̇анасамаабад̇д̇им̣ бхаавзнд̇о рамад̇и, аагин̃жан̃н̃ааяад̇анасан̃н̃ам̣ баж̇аханд̇о рамад̇и.
‘‘Nekkhammaṃ bhāvento ramati, kāmacchandaṃ pajahanto ramati. Abyāpādaṃ, byāpādaṃ… ālokasaññaṃ… thinamiddhaṃ… avikkhepaṃ, uddhaccaṃ… dhammavavatthānaṃ… vicikicchaṃ… ñāṇaṃ… avijjaṃ… pāmojjaṃ… aratiṃ… paṭhamajjhānaṃ, pañca nīvaraṇe… dutiyajjhānaṃ… vitakkavicāre… tatiyajjhānaṃ… pītiṃ… catutthajjhānaṃ… sukhadukkhe… ākāsānañcāyatanasamāpattiṃ bhāvento ramati, rūpasaññaṃ paṭighasaññaṃ nānattasaññaṃ pajahanto ramati. Viññāṇañcāyatanasamāpattiṃ…pe… nevasaññānāsaññāyatanasamāpattiṃ bhāvento ramati, ākiñcaññāyatanasaññaṃ pajahanto ramati.
‘‘анижжаанубассанам̣ бхаавзнд̇о рамад̇и, нижжасан̃н̃ам̣ баж̇аханд̇о рамад̇и. д̣̇угкаанубассанам̣… сукасан̃н̃ам̣… анад̇д̇аанубассанам̣… ад̇д̇асан̃н̃ам̣… ниб̣б̣ид̣̇аанубассанам̣… нанд̣̇им̣… вирааг̇аанубассанам̣… рааг̇ам̣… нирод̇хаанубассанам̣… самуд̣̇аяам̣… бадиниссаг̇г̇аанубассанам̣… аад̣̇аанам̣… каяаанубассанам̣ … гханасан̃н̃ам̣… ваяаанубассанам̣… ааяууханам̣… вибарин̣аамаанубассанам̣… д̇хувасан̃н̃ам̣… анимид̇д̇аанубассанам̣ … нимид̇д̇ам̣… аббан̣ихид̇аанубассанам̣… бан̣ид̇хим̣… сун̃н̃ад̇аанубассанам̣… абхинивзсам̣… ад̇хибан̃н̃аад̇хаммавибассанам̣… саараад̣̇аанаабхинивзсам̣… яат̇аабхууд̇ан̃аан̣ад̣̇ассанам̣… саммохаабхинивзсам̣… аад̣̇ийнаваанубассанам̣… аалаяаабхинивзсам̣… бадисан̇каанубассанам̣… аббадисан̇кам̣… виваддаанубассанам̣… сам̣яог̇аабхинивзсам̣… сод̇аабад̇д̇имаг̇г̇ам̣… д̣̇идтзгадтз гилзсз… сагад̣̇ааг̇аамимаг̇г̇ам̣… ол̣ааригз гилзсз… анааг̇аамимаг̇г̇ам̣… анусахаг̇ад̇з гилзсз… арахад̇д̇амаг̇г̇ам̣ бхаавзнд̇о рамад̇и, саб̣б̣агилзсз баж̇аханд̇о рамад̇ий’’д̇и (бади. ма. 1.41,95).
‘‘Aniccānupassanaṃ bhāvento ramati, niccasaññaṃ pajahanto ramati. Dukkhānupassanaṃ… sukhasaññaṃ… anattānupassanaṃ… attasaññaṃ… nibbidānupassanaṃ… nandiṃ… virāgānupassanaṃ… rāgaṃ… nirodhānupassanaṃ… samudayaṃ… paṭinissaggānupassanaṃ… ādānaṃ… khayānupassanaṃ … ghanasaññaṃ… vayānupassanaṃ… āyūhanaṃ… vipariṇāmānupassanaṃ… dhuvasaññaṃ… animittānupassanaṃ … nimittaṃ… appaṇihitānupassanaṃ… paṇidhiṃ… suññatānupassanaṃ… abhinivesaṃ… adhipaññādhammavipassanaṃ… sārādānābhinivesaṃ… yathābhūtañāṇadassanaṃ… sammohābhinivesaṃ… ādīnavānupassanaṃ… ālayābhinivesaṃ… paṭisaṅkhānupassanaṃ… appaṭisaṅkhaṃ… vivaṭṭānupassanaṃ… saṃyogābhinivesaṃ… sotāpattimaggaṃ… diṭṭhekaṭṭhe kilese… sakadāgāmimaggaṃ… oḷārike kilese… anāgāmimaggaṃ… anusahagate kilese… arahattamaggaṃ bhāvento ramati, sabbakilese pajahanto ramatī’’ti (paṭi. ma. 1.41,95).
звам̣ бадисамбхид̣̇аамаг̇г̇з нзгкаммабаал̣ияаа гат̇зд̇аб̣б̣о.
Evaṃ paṭisambhidāmagge nekkhammapāḷiyā kathetabbo.
д̣̇ийгханигааяз д̣̇асуд̇д̇арасуд̇д̇анд̇абарияааязнаад̇и –
Dīghanikāyedasuttarasuttantapariyāyenāti –
‘‘згам̣ д̇хаммам̣ бхаавзнд̇о рамад̇и, згам̣ д̇хаммам̣ баж̇аханд̇о рамад̇и…бз… д̣̇аса д̇хаммз бхаавзнд̇о рамад̇и, д̣̇аса д̇хаммз баж̇аханд̇о рамад̇и. гад̇амам̣ згам̣ д̇хаммам̣ бхаавзнд̇о рамад̇и? гааяаг̇ад̇аасад̇им̣ саад̇асахаг̇ад̇ам̣, имам̣ згам̣ д̇хаммам̣ бхаавзнд̇о рамад̇и. гад̇амам̣ згам̣ д̇хаммам̣ баж̇аханд̇о рамад̇и? асмимаанам̣, имам̣ згам̣ д̇хаммам̣ баж̇аханд̇о рамад̇и. гад̇амз д̣̇вз д̇хаммз…бз… гад̇амз д̣̇аса д̇хаммз бхаавзнд̇о рамад̇и? д̣̇аса гасин̣ааяад̇анаани, имз д̣̇аса д̇хаммз бхаавзнд̇о рамад̇и. гад̇амз д̣̇аса д̇хаммз баж̇аханд̇о рамад̇и? д̣̇аса мижчад̇д̇з, имз д̣̇аса д̇хаммз баж̇аханд̇о рамад̇и. звам̣ ко, бхигкавз, бхигку бхааванаараамо ход̇ий’’д̇и (д̣̇ий. ни. 3.351-360).
‘‘Ekaṃ dhammaṃ bhāvento ramati, ekaṃ dhammaṃ pajahanto ramati…pe… dasa dhamme bhāvento ramati, dasa dhamme pajahanto ramati. Katamaṃ ekaṃ dhammaṃ bhāvento ramati? Kāyagatāsatiṃ sātasahagataṃ, imaṃ ekaṃ dhammaṃ bhāvento ramati. Katamaṃ ekaṃ dhammaṃ pajahanto ramati? Asmimānaṃ, imaṃ ekaṃ dhammaṃ pajahanto ramati. Katame dve dhamme…pe… katame dasa dhamme bhāvento ramati? Dasa kasiṇāyatanāni, ime dasa dhamme bhāvento ramati. Katame dasa dhamme pajahanto ramati? Dasa micchatte, ime dasa dhamme pajahanto ramati. Evaṃ kho, bhikkhave, bhikkhu bhāvanārāmo hotī’’ti (dī. ni. 3.351-360).
звам̣ д̣̇ийгханигааяз д̣̇асуд̇д̇арасуд̇д̇анд̇абарияааязна гат̇зд̇аб̣б̣о.
Evaṃ dīghanikāye dasuttarasuttantapariyāyena kathetabbo.
маж̇жхиманигааяз сад̇ибадтаанасуд̇д̇анд̇абарияааязнаад̇и –
Majjhimanikāye satipaṭṭhānasuttantapariyāyenāti –
‘‘згааяано аяам̣, бхигкавз, маг̇г̇о…бз… яаавад̣̇зва н̃аан̣амад̇д̇ааяа бадиссад̇имад̇д̇ааяа. аниссид̇о жа вихарад̇и, на жа гин̃жи логз убаад̣̇ияад̇и. звамби ко, бхигкавз, бхигку бхааванаараамо ход̇и бхааванаарад̇о. бахаанаараамо ход̇и бахаанарад̇о. буна жабарам̣, бхигкавз, бхигку г̇ажчанд̇о ваа г̇ажчаамийд̇и баж̇аанаад̇и…бз… буна жабарам̣, бхигкавз, бхигку сзяяат̇ааби бассзяяа сарийрам̣ сиват̇игааяа чад̣д̣ид̇ам̣…бз… бууд̇ийни жун̣н̣агаж̇аад̇аани. со имамзва гааяам̣ убасам̣харад̇и ‘аяамби ко гааяо звам̣д̇хаммо звам̣бхаавий звам̣анад̇ийд̇о’д̇и. ид̇и аж̇жхад̇д̇ам̣ ваа гааяз гааяаанубассий вихарад̇и…бз… звамби ко, бхигкавз, бхигку бхааванаараамо ход̇ий’’д̇и (ма. ни. 1.106 аад̣̇аяо).
‘‘Ekāyano ayaṃ, bhikkhave, maggo…pe… yāvadeva ñāṇamattāya paṭissatimattāya. Anissito ca viharati, na ca kiñci loke upādiyati. Evampi kho, bhikkhave, bhikkhu bhāvanārāmo hoti bhāvanārato. Pahānārāmo hoti pahānarato. Puna caparaṃ, bhikkhave, bhikkhu gacchanto vā gacchāmīti pajānāti…pe… puna caparaṃ, bhikkhave, bhikkhu seyyathāpi passeyya sarīraṃ sivathikāya chaḍḍitaṃ…pe… pūtīni cuṇṇakajātāni. So imameva kāyaṃ upasaṃharati ‘ayampi kho kāyo evaṃdhammo evaṃbhāvī evaṃanatīto’ti. Iti ajjhattaṃ vā kāye kāyānupassī viharati…pe… evampi kho, bhikkhave, bhikkhu bhāvanārāmo hotī’’ti (ma. ni. 1.106 ādayo).
звам̣ маж̇жхиманигааяз сад̇ибадтаанасуд̇д̇анд̇абарияааязна гат̇зд̇аб̣б̣о.
Evaṃ majjhimanikāye satipaṭṭhānasuttantapariyāyena kathetabbo.
абхид̇хаммз нид̣̇д̣̇зсабарияааязнаад̇и саб̣б̣зби сан̇кад̇з ‘‘анижжад̇о д̣̇угкад̇о рог̇ад̇о г̇ан̣д̣ад̇о …бз… сам̣гилзсигад̇хаммад̇о бассанд̇о рамад̇и, звам̣ ко бхигку бхааванаараамо ход̇ий’’д̇и (махаани. 13; жуул̣ани. убасийвамаан̣авабужчаанид̣̇д̣̇зсо 39, нанд̣̇амаан̣авабужчаанид̣̇д̣̇зсо 51). звам̣ нид̣̇д̣̇зсабарияааязна гат̇зд̇аб̣б̣о.
Abhidhamme niddesapariyāyenāti sabbepi saṅkhate ‘‘aniccato dukkhato rogato gaṇḍato …pe… saṃkilesikadhammato passanto ramati, evaṃ kho bhikkhu bhāvanārāmo hotī’’ti (mahāni. 13; cūḷani. upasīvamāṇavapucchāniddeso 39, nandamāṇavapucchāniddeso 51). Evaṃ niddesapariyāyena kathetabbo.
нзвад̇д̇аануггам̣сзд̇ийд̇и ‘‘аж̇ж̇а мз садти ваа сад̇д̇ад̇и ваа вассаани анижжам̣ д̣̇угкам̣ анад̇д̇аад̇и вибассанааяа гаммам̣ гаронд̇асса го маяаа сад̣̇исо ад̇т̇ий’’д̇и звам̣ ад̇д̇уггам̣санам̣ на гарод̇и. но барам̣ вамбхзд̇ийд̇и ‘‘анижжам̣ д̣̇угканд̇и вибассанаамад̇д̇агамби над̇т̇и, гим̣ имз виссадтагаммадтаанаа жаранд̇ий’’д̇и звам̣ баравамбханам̣ на гарод̇и. сзсам̣ вуд̇д̇анаяамзва.
Nevattānukkaṃsetīti ‘‘ajja me saṭṭhi vā sattati vā vassāni aniccaṃ dukkhaṃ anattāti vipassanāya kammaṃ karontassa ko mayā sadiso atthī’’ti evaṃ attukkaṃsanaṃ na karoti. No paraṃ vambhetīti ‘‘aniccaṃ dukkhanti vipassanāmattakampi natthi, kiṃ ime vissaṭṭhakammaṭṭhānā carantī’’ti evaṃ paravambhanaṃ na karoti. Sesaṃ vuttanayameva.
имз ко, бхигкавз, жад̇д̇ааро арияавам̣саад̇и, бхигкавз, имз жад̇д̇ааро арияавам̣саа арияад̇анд̇ияо арияабавзн̣ияо арияан̃ж̇асаа арияавадумаанийд̇и суд̇д̇анд̇ам̣ виниваддзд̇ваа ид̣̇аани махааарияавам̣сабарибуурагасса бхигкуно васанад̣̇исаа д̣̇ассзнд̇о имзхи жа бана, бхигкавзд̇иаад̣̇имааха. д̇ад̇т̇а свзва арад̇им̣ сахад̇ийд̇и соязва арад̇им̣ анабхирад̇им̣ угган̣тид̇ам̣ сахад̇и абхибхавад̇и. на д̇ам̣ арад̇и сахад̇ийд̇и д̇ам̣ бана бхигкум̣ яаа зсаа банд̇зсу сзнаасанзсу ад̇хигусалаанам̣ д̇хаммаанам̣ бхааванааяа арад̇и наама ход̇и, саа сахид̇ум̣ ад̇хибхавид̇ум̣ на саггод̇и. арад̇ирад̇исаход̇и арад̇ин̃жа бан̃жагаамаг̇ун̣арад̇ин̃жа сахад̇и, ад̇хибхавид̇ум̣ саггод̇и.
Ime kho, bhikkhave, cattāro ariyavaṃsāti, bhikkhave, ime cattāro ariyavaṃsā ariyatantiyo ariyapaveṇiyo ariyañjasā ariyavaṭumānīti suttantaṃ vinivaṭṭetvā idāni mahāariyavaṃsaparipūrakassa bhikkhuno vasanadisā dassento imehi ca pana, bhikkhavetiādimāha. Tattha sveva aratiṃ sahatīti soyeva aratiṃ anabhiratiṃ ukkaṇṭhitaṃ sahati abhibhavati. Na taṃ arati sahatīti taṃ pana bhikkhuṃ yā esā pantesu senāsanesu adhikusalānaṃ dhammānaṃ bhāvanāya arati nāma hoti, sā sahituṃ adhibhavituṃ na sakkoti. Aratiratisahoti aratiñca pañcakāmaguṇaratiñca sahati, adhibhavituṃ sakkoti.
ид̣̇аани г̇аат̇аахи гуудам̣ г̇ан̣ханд̇о наарад̇ийд̇иаад̣̇имааха. д̇ад̇т̇а д̇хийранд̇и вийрияаванд̇ам̣. наарад̇и д̇хийрам̣ сахад̇ийд̇и ид̣̇ам̣ буримассзва гааран̣аважанам̣. яасмаа саа д̇хийрам̣ на сахад̇и наббаход̇и д̇хийрам̣ сахид̇ум̣ ад̇хибхавид̇ум̣ на саггод̇и, д̇асмаа наарад̇и сахад̇и д̇хийрам̣. д̇хийро хи арад̇иссаход̇и арад̇исахад̇д̇аа хи со д̇хийро наама, д̇асмаа арад̇им̣ сахад̇ийд̇и ад̇т̇о. саб̣б̣агаммавихааяийнанд̇и саб̣б̣ам̣ д̇збхуумагагаммам̣ жаж̇ид̇ваа барижчиннам̣ баривадумам̣ гад̇ваа тид̇ам̣. банун̣н̣ам̣ го ниваараязд̇и гилзсз бануд̣̇ид̇ваа тид̇ам̣ го наама рааг̇о ваа д̣̇осо ваа ниваарзяяа. нзгкам̣ ж̇амб̣онад̣̇ассзва, го д̇ам̣ нинд̣̇ид̇умарахад̇ийд̇и ж̇амб̣онад̣̇асан̇каад̇асса ж̇аад̇ирад̇д̇асуван̣н̣асса нигкасад̣̇исам̣ г̇арахид̇аб̣б̣ад̣̇осавимуд̇д̇ам̣ го д̇ам̣ буг̇г̇алам̣ нинд̣̇ид̇ум̣ арахад̇и. б̣рахмунааби басам̣сид̇од̇и махааб̣рахмунааби зса буг̇г̇ало басам̣сид̇оязваад̇и. д̣̇зсанаабарияосаанз жад̇д̇аалийса бхигкусахассаани арахад̇д̇з бад̇идтахим̣су.
Idāni gāthāhi kūṭaṃ gaṇhanto nāratītiādimāha. Tattha dhīranti vīriyavantaṃ. Nārati dhīraṃ sahatīti idaṃ purimasseva kāraṇavacanaṃ. Yasmā sā dhīraṃ na sahati nappahoti dhīraṃ sahituṃ adhibhavituṃ na sakkoti, tasmā nārati sahati dhīraṃ. Dhīro hi aratissahoti aratisahattā hi so dhīro nāma, tasmā aratiṃ sahatīti attho. Sabbakammavihāyīnanti sabbaṃ tebhūmakakammaṃ cajitvā paricchinnaṃ parivaṭumaṃ katvā ṭhitaṃ. Panuṇṇaṃ ko nivārayeti kilese panuditvā ṭhitaṃ ko nāma rāgo vā doso vā nivāreyya. Nekkhaṃjambonadasseva, ko taṃ ninditumarahatīti jambonadasaṅkhātassa jātirattasuvaṇṇassa nikkhasadisaṃ garahitabbadosavimuttaṃ ko taṃ puggalaṃ nindituṃ arahati. Brahmunāpi pasaṃsitoti mahābrahmunāpi esa puggalo pasaṃsitoyevāti. Desanāpariyosāne cattālīsa bhikkhusahassāni arahatte patiṭṭhahiṃsu.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. арияавам̣сасуд̇д̇ам̣ • 8. Ariyavaṃsasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. арияавам̣сасуд̇д̇аван̣н̣анаа • 8. Ariyavaṃsasuttavaṇṇanā
