| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8. арияавам̣сасуд̇д̇аван̣н̣анаа
8. Ariyavaṃsasuttavaṇṇanā
28. адтамз вам̣са-сад̣̇д̣̇о ‘‘бидтивам̣сам̣ ад̇иггамид̇ваа нисийд̣̇ад̇ий’’д̇иаад̣̇ийсу д̣̇виннам̣ г̇обаанасийнам̣ санд̇хаанадтаанз табзд̇аб̣б̣ад̣̇ан̣д̣агз ааг̇ад̇о.
28. Aṭṭhame vaṃsa-saddo ‘‘piṭṭhivaṃsaṃ atikkamitvā nisīdatī’’tiādīsu dvinnaṃ gopānasīnaṃ sandhānaṭṭhāne ṭhapetabbadaṇḍake āgato.
‘‘вам̣со висаало жа яат̇аа висад̇д̇о,
‘‘Vaṃso visālo ca yathā visatto,
буд̇д̇зсу д̣̇аарзсу жа яаа абзгкаа;
Puttesu dāresu ca yā apekkhā;
вам̣саггал̣ийрова асаж̇ж̇амаано,
Vaṃsakkaḷīrova asajjamāno,
зго жарз каг̇г̇ависаан̣агаббо’’д̇и. –
Eko care khaggavisāṇakappo’’ti. –
аад̣̇ийсу гадтагз. ‘‘бхзрисад̣̇д̣̇о муд̣̇ин̇г̇асад̣̇д̣̇о вам̣сад̇ааласад̣̇д̣̇о’’д̇иаад̣̇ийсу д̇уурияависзсз, взн̣ууд̇иби вужжад̇и . ‘‘бхиннзна бидтивам̣сзна мад̇о хад̇т̇ий’’д̇иаад̣̇ийсу хад̇т̇иаад̣̇ийнам̣ бидтивзмаж̇жхз бад̣̇зсз. ‘‘гулавам̣сам̣ табзссаамий’’д̇иаад̣̇ийсу гуланваяз. ‘‘вам̣саанурагкаго бавзн̣ийбаалаго’’д̇иаад̣̇ийсу г̇ун̣аанубуб̣б̣ияам̣ г̇ун̣аанам̣ баб̣анд̇хаббавад̇д̇ияам̣. ид̇ха бана жад̇убажжаяасанд̇осабхааванаараамад̇аасан̇каад̇аг̇ун̣аанам̣ баб̣анд̇хз д̣̇адтаб̣б̣о. д̇асса бана вам̣сасса гуланваяам̣ г̇ун̣анваяан̃жа нид̣̇ассанавасзна д̣̇ассзд̇ум̣ ‘‘яат̇аа хий’’д̇иаад̣̇и вуд̇д̇ам̣. д̇ад̇т̇а кад̇д̇ияавам̣сод̇и кад̇д̇ияагулавам̣со. зса наяо сзсабад̣̇зсуби. саман̣авам̣со бана саман̣ад̇анд̇и саман̣абавзн̣ий. муулаг̇анд̇хаад̣̇ийнанд̇и аад̣̇и-сад̣̇д̣̇зна яат̇аа саараг̇анд̇хаад̣̇ийнам̣ сан̇г̇ахо, звамзд̇т̇а г̇орасаад̣̇ийнамби сан̇г̇ахо д̣̇адтаб̣б̣о, д̣̇уд̇иязна бана аад̣̇и-сад̣̇зна гаасигавад̇т̇асаббиман̣д̣аад̣̇ийнам̣.
Ādīsu kaṭṭhake. ‘‘Bherisaddo mudiṅgasaddo vaṃsatālasaddo’’tiādīsu tūriyavisese, veṇūtipi vuccati . ‘‘Bhinnena piṭṭhivaṃsena mato hatthī’’tiādīsu hatthiādīnaṃ piṭṭhivemajjhe padese. ‘‘Kulavaṃsaṃ ṭhapessāmī’’tiādīsu kulanvaye. ‘‘Vaṃsānurakkhako paveṇīpālako’’tiādīsu guṇānupubbiyaṃ guṇānaṃ pabandhappavattiyaṃ. Idha pana catupaccayasantosabhāvanārāmatāsaṅkhātaguṇānaṃ pabandhe daṭṭhabbo. Tassa pana vaṃsassa kulanvayaṃ guṇanvayañca nidassanavasena dassetuṃ ‘‘yathā hī’’tiādi vuttaṃ. Tattha khattiyavaṃsoti khattiyakulavaṃso. Esa nayo sesapadesupi. Samaṇavaṃso pana samaṇatanti samaṇapaveṇī. Mūlagandhādīnanti ādi-saddena yathā sāragandhādīnaṃ saṅgaho, evamettha gorasādīnampi saṅgaho daṭṭhabbo, dutiyena pana ādi-sadena kāsikavatthasappimaṇḍādīnaṃ.
арияа-сад̣̇д̣̇о амилагкзсуби мануссзсу бавад̇д̇ад̇и, язсам̣ нивасанадтаанам̣ арияам̣ ааяад̇ананд̇и вужжад̇и. яат̇ааха ‘‘яаавад̇аа, аананд̣̇а, арияам̣ ааяад̇ана’’нд̇и (д̣̇ий. ни. 2.152; уд̣̇аа. 76). логияасаад̇хуж̇анзсуби ‘‘яз хи во арияаа барисуд̣̇д̇хагааяасамаажаараа, д̇зсам̣ ахам̣ ан̃н̃ад̇аро’’д̇иаад̣̇ийсу (ма. ни. 1.35). ид̇ха бана яз ‘‘аарагаа гилзсзхий’’д̇иаад̣̇инаа лад̣̇д̇ханиб̣б̣ажанаа бадивид̣̇д̇хаарияасажжаа, д̇з зва ад̇хиббзд̇аад̇и д̣̇ассзд̇ум̣ ‘‘гз бана д̇з арияаа’’д̇и бужчам̣ гад̇ваа ‘‘арияаа вужжанд̇ий’’д̇иаад̣̇и вуд̇д̇ам̣. д̇ад̇т̇а яз махаабан̣ид̇хаанагаббад̇о бадтааяа яаавааяам̣ габбо, зд̇т̇анд̇арз уббаннаа саммаасамб̣уд̣̇д̇хаа. д̇з д̇аава саруубад̇о д̣̇ассзд̇ваа д̇ад̣̇ан̃н̃зби саммаасамб̣уд̣̇д̇хз бажжзгаб̣уд̣̇д̇хз б̣уд̣̇д̇хасаавагз жа сан̇г̇ахзд̇ваа анавасзсад̇о арияз д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. д̇ад̇т̇а яаава саасанам̣ анд̇арад̇хааяад̇и, д̇аава сад̇т̇аа д̇харад̇и зва наамаад̇и имамзва бхаг̇аванд̇ам̣. яз жзд̇арахи б̣уд̣̇д̇хасаавагаа, д̇з жа санд̇хааяа бажжуббаннаг̇г̇ахан̣ам̣. д̇асмим̣ д̇асмим̣ гаалз д̇з д̇з бажжуббаннаад̇и жз, ад̇ийд̇аанааг̇ад̇аг̇г̇ахан̣ам̣ на гад̇д̇аб̣б̣ам̣ сияаа.
Ariya-saddo amilakkhesupi manussesu pavattati, yesaṃ nivasanaṭṭhānaṃ ariyaṃ āyatananti vuccati. Yathāha ‘‘yāvatā, ānanda, ariyaṃ āyatana’’nti (dī. ni. 2.152; udā. 76). Lokiyasādhujanesupi ‘‘ye hi vo ariyā parisuddhakāyasamācārā, tesaṃ ahaṃ aññataro’’tiādīsu (ma. ni. 1.35). Idha pana ye ‘‘ārakā kilesehī’’tiādinā laddhanibbacanā paṭividdhaariyasaccā, te eva adhippetāti dassetuṃ ‘‘ke pana te ariyā’’ti pucchaṃ katvā ‘‘ariyā vuccantī’’tiādi vuttaṃ. Tattha ye mahāpaṇidhānakappato paṭṭhāya yāvāyaṃ kappo, etthantare uppannā sammāsambuddhā. Te tāva sarūpato dassetvā tadaññepi sammāsambuddhe paccekabuddhe buddhasāvake ca saṅgahetvā anavasesato ariye dassetuṃ ‘‘apicā’’tiādi vuttaṃ. Tattha yāva sāsanaṃ antaradhāyati, tāva satthā dharati eva nāmāti imameva bhagavantaṃ. Ye cetarahi buddhasāvakā, te ca sandhāya paccuppannaggahaṇaṃ. Tasmiṃ tasmiṃ kāle te te paccuppannāti ce, atītānāgataggahaṇaṃ na kattabbaṃ siyā.
ид̣̇аани яат̇аа бхаг̇аваа ‘‘д̇хаммам̣ во, бхигкавз, д̣̇зсзссаами аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзссаами, яад̣̇ид̣̇ам̣ ча чаггааний’’д̇и чачаггад̣̇зсанааяа (ма. ни. 3.420) адтахи бад̣̇зхи ван̣н̣ам̣ абхааси. звам̣ махааарияавам̣сад̣̇зсанааяа арияаанам̣ вам̣сам̣ ‘‘жад̇д̇ааромз, бхигкавз, арияавам̣саа аг̇г̇ан̃н̃аа рад̇д̇ан̃н̃аа вам̣сан̃н̃аа бораан̣аа, асам̣гин̣н̣аа асам̣гин̣н̣абуб̣б̣аа на сам̣гийяанд̇и на сам̣гийяиссанд̇и, аббадигудтаа саман̣зхи б̣раахман̣зхи вин̃н̃уухий’’д̇и язхи навахи бад̣̇зхи ван̣н̣ам̣ абхааси, д̇аани д̇аава аанзд̇ваа т̇оманаавасзнзва ван̣н̣знд̇о ‘‘д̇з ко банзд̇з’’д̇иаад̣̇имааха. аг̇г̇аад̇и ж̇аанид̇аб̣б̣аа саб̣б̣авам̣сзхи сздтабхаавад̇о сздтабхаавасаад̇ханад̇о жа.
Idāni yathā bhagavā ‘‘dhammaṃ vo, bhikkhave, desessāmi ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsessāmi, yadidaṃ cha chakkānī’’ti chachakkadesanāya (ma. ni. 3.420) aṭṭhahi padehi vaṇṇaṃ abhāsi. Evaṃ mahāariyavaṃsadesanāya ariyānaṃ vaṃsaṃ ‘‘cattārome, bhikkhave, ariyavaṃsā aggaññā rattaññā vaṃsaññā porāṇā, asaṃkiṇṇā asaṃkiṇṇapubbā na saṃkīyanti na saṃkīyissanti, appaṭikuṭṭhā samaṇehi brāhmaṇehi viññūhī’’ti yehi navahi padehi vaṇṇaṃ abhāsi, tāni tāva ānetvā thomanāvaseneva vaṇṇento ‘‘te kho panete’’tiādimāha. Aggāti jānitabbā sabbavaṃsehi seṭṭhabhāvato seṭṭhabhāvasādhanato ca.
рад̇д̇ан̃н̃аа жирарад̇д̇аад̇и ж̇аанид̇аб̣б̣аа рад̇д̇ан̃н̃уухи б̣уд̣̇д̇хаад̣̇ийхи д̇зхи жа д̇ат̇аа анудтид̇ад̇д̇аа. вам̣саад̇и ж̇аанид̇аб̣б̣аад̇и б̣уд̣̇д̇хаад̣̇ийнам̣ арияаанам̣ вам̣саад̇и ж̇аанид̇аб̣б̣аа. бораан̣аад̇и бураад̇анаа. на ад̇хунаббад̇д̇игаад̇и на ад̇хунаад̇анаа. авигин̣н̣аад̇и на кид̇д̇аа на чад̣д̣ид̇аа. д̇знааха ‘‘анабанийд̇аа’’д̇и. на абанийд̇абуб̣б̣аад̇и на чад̣д̣ид̇абуб̣б̣аа, д̇иссаннамби сигкаанам̣ барибууран̣уубааяабхаавад̇о на барижжад̇д̇абуб̣б̣аа. д̇ад̇о зва ид̣̇ааниби на абанийяанд̇и, анааг̇ад̇зби на абанийяиссанд̇иязва. д̇хаммасабхаавасса виж̇аананзна вин̃н̃уу. самид̇абаабаа саман̣аа жзва б̣аахид̇абаабаа б̣раахман̣аа жа. д̇зхи аббадигудтаа аббадигкид̇д̇аа. яз хи на бадиггосид̇аб̣б̣аа, д̇з анинд̣̇ид̇аб̣б̣аа. аг̇арахид̇аб̣б̣аа абарижжаж̇ид̇аб̣б̣ад̇ааяа аббадигкибид̇аб̣б̣аа хонд̇ийд̇и.
Rattaññā cirarattāti jānitabbā rattaññūhi buddhādīhi tehi ca tathā anuṭṭhitattā. Vaṃsāti jānitabbāti buddhādīnaṃ ariyānaṃ vaṃsāti jānitabbā. Porāṇāti purātanā. Na adhunappattikāti na adhunātanā. Avikiṇṇāti na khittā na chaḍḍitā. Tenāha ‘‘anapanītā’’ti. Na apanītapubbāti na chaḍḍitapubbā, tissannampi sikkhānaṃ paripūraṇūpāyabhāvato na pariccattapubbā. Tato eva idānipi na apanīyanti, anāgatepi na apanīyissantiyeva. Dhammasabhāvassa vijānanena viññū. Samitapāpā samaṇā ceva bāhitapāpā brāhmaṇā ca. Tehi appaṭikuṭṭhā appaṭikkhittā. Ye hi na paṭikkositabbā, te aninditabbā. Agarahitabbā apariccajitabbatāya appaṭikkhipitabbā hontīti.
санд̇удтод̇и зд̇т̇а яат̇аад̇хиббзд̇асанд̇осамзва д̣̇ассзнд̇зна бажжаяасанд̇осавасзна санд̇удтод̇и вуд̇д̇ам̣, жхаанавибассанаад̣̇ивасзнаби ид̇ха бхигкуно санд̇удтад̇аа ход̇ийд̇и. ид̇арийд̇арзнаад̇и ид̇арзна ид̇арзна. ид̇арасад̣̇д̣̇о анияамаважано д̣̇вигкад̇д̇ум̣ вужжамаано яам̣-гин̃жисад̣̇д̣̇зхи самаанад̇т̇о ход̇ийд̇и вуд̇д̇ам̣ ‘‘язна гзнажий’’д̇и. свааяам̣ анияамаваажид̇ааяа зва яат̇аа т̇уулаад̣̇ийнам̣ ан̃н̃ад̇араважано, звам̣ яат̇аалад̣̇д̇хаад̣̇ийнамби ан̃н̃ад̇араважанод̇и. д̇ад̇т̇а д̣̇уд̇ияабагкассзва ид̇ха ижчид̇абхаавам̣ д̣̇ассзнд̇о ‘‘ат̇а ко’’д̇иаад̣̇имааха. нану жа яат̇аалад̣̇д̇хаад̣̇аяоби т̇уулаад̣̇аяо зва? сажжамзд̇ам̣, д̇ат̇ааби ад̇т̇и висзсо. яо хи яат̇аалад̣̇д̇хзсу т̇уулаад̣̇ийсу санд̇осо, со яат̇аалаабхасанд̇осова, на ид̇аро. на хи со бажжаяамад̇д̇асанниссаяо ижчид̇о, ат̇а ко ад̇д̇ано гааяаб̣аласааруббабхаавасанниссаяоби. т̇уулад̣̇угаад̣̇аяо д̇аяоби жийварз лаб̣бханд̇и, маж̇жхимо жад̇убажжаяасаад̇хааран̣о, бажчимо бана жийварз сзнаасанз жа лаб̣бхад̇ийд̇и д̣̇адтаб̣б̣ам̣. имз д̇аяо санд̇осзд̇и ид̣̇ам̣ саб̣б̣асан̇г̇аахиганаязна вуд̇д̇ам̣. яз хи барад̇о г̇илаанабажжаяам̣ бин̣д̣абаад̇з зва багкибид̇ваа жийварз вийсад̇и, бин̣д̣абаад̇з баннараса, сзнаасанз баннарасаад̇и самабан̃н̃ааса санд̇осаа вужжанд̇и, д̇з саб̣б̣зби яат̇аарахам̣ имзсу зва д̇ийсу санд̇осзсу сан̇г̇ахам̣ самосаран̣ам̣ г̇ажчанд̇ийд̇и.
Santuṭṭhoti ettha yathādhippetasantosameva dassentena paccayasantosavasena santuṭṭhoti vuttaṃ, jhānavipassanādivasenapi idha bhikkhuno santuṭṭhatā hotīti. Itarītarenāti itarena itarena. Itarasaddo aniyamavacano dvikkhattuṃ vuccamāno yaṃ-kiñcisaddehi samānattho hotīti vuttaṃ ‘‘yena kenacī’’ti. Svāyaṃ aniyamavācitāya eva yathā thūlādīnaṃ aññataravacano, evaṃ yathāladdhādīnampi aññataravacanoti. Tattha dutiyapakkhasseva idha icchitabhāvaṃ dassento ‘‘atha kho’’tiādimāha. Nanu ca yathāladdhādayopi thūlādayo eva? Saccametaṃ, tathāpi atthi viseso. Yo hi yathāladdhesu thūlādīsu santoso, so yathālābhasantosova, na itaro. Na hi so paccayamattasannissayo icchito, atha kho attano kāyabalasāruppabhāvasannissayopi. Thūladukādayo tayopi cīvare labbhanti, majjhimo catupaccayasādhāraṇo, pacchimo pana cīvare senāsane ca labbhatīti daṭṭhabbaṃ. Ime tayo santoseti idaṃ sabbasaṅgāhikanayena vuttaṃ. Ye hi parato gilānapaccayaṃ piṇḍapāte eva pakkhipitvā cīvare vīsati, piṇḍapāte pannarasa, senāsane pannarasāti samapaññāsa santosā vuccanti, te sabbepi yathārahaṃ imesu eva tīsu santosesu saṅgahaṃ samosaraṇaṃ gacchantīti.
жийварам̣ ж̇аанид̇аб̣б̣анд̇и ‘‘ид̣̇ам̣ наама жийварам̣ габбияа’’нд̇и ж̇аад̇ид̇о жийварам̣ ж̇аанид̇аб̣б̣ам̣. жийваракзд̇д̇анд̇и жийварасса уббад̇д̇игкзд̇д̇ам̣. бам̣сугууланд̇и бам̣сугуулажийварам̣, бам̣сугуулалагкан̣аббад̇д̇ам̣ жийварам̣ ж̇аанид̇аб̣б̣анд̇и ад̇т̇о. жийварасанд̇осод̇и жийварз лаб̣бхамаано саб̣б̣о санд̇осо ж̇аанид̇аб̣б̣о. жийвараббадисам̣яуд̇д̇аани д̇худ̇ан̇г̇аани ж̇аанид̇аб̣б̣аани, яаани г̇обзнд̇о жийварасанд̇осзна саммад̣̇зва санд̇удто ход̇ийд̇и. комагаббаасигагосзяяагамб̣аласаан̣абхан̇г̇аани комаад̣̇ийни. д̇ад̇т̇а комам̣ наама комасуд̇д̇зхи вааяид̇ам̣ комабаддажийварам̣. д̇ат̇аа сзсааниби. саан̣анд̇и саан̣аваагасуд̇д̇зхи гад̇ажийварам̣. бхан̇г̇анд̇и бана комасуд̇д̇аад̣̇ийни саб̣б̣аани, згажжаани ваа миссзд̇ваа гад̇ажийварам̣. бхан̇г̇амби ваагамаяамзваад̇и гзжи. чаад̇и г̇ан̣анабарижчзд̣̇о. яад̣̇и звам̣ ид̇о ан̃н̃аа вад̇т̇аж̇аад̇и над̇т̇ийд̇и? но над̇т̇и. саа бана зд̇зсам̣ ануломаад̇и д̣̇ассзд̇ум̣ ‘‘д̣̇угуулаад̣̇ийний’’д̇иаад̣̇и вуд̇д̇ам̣. аад̣̇и-сад̣̇д̣̇зна бад̇д̇ун̣н̣ам̣, сомаарабаддам̣, жийнабаддам̣, ид̣̇д̇хиж̇ам̣, д̣̇звад̣̇иннанд̇и д̇зсам̣ сан̇г̇ахо. д̇ад̇т̇а д̣̇угуулам̣ саан̣асса ануломам̣ ваагамаяад̇д̇аа. бад̇д̇ун̣н̣ад̣̇зсз сан̃ж̇аад̇авад̇т̇ам̣ бад̇д̇ун̣н̣ам̣. ‘‘госзяяависзсо’’д̇и хи абхид̇хаанагосз вуд̇д̇ам̣. сомаарад̣̇зсз жийнад̣̇зсз жа ж̇аад̇авад̇т̇аани сомааражийнабаддаани. бад̇д̇ун̣н̣аад̣̇ийни д̇ийн̣и госзяяасса ануломаани баан̣агзхи гад̇асуд̇д̇амаяад̇д̇аа. ид̣̇д̇хиж̇ам̣ зхибхигкуунам̣ бун̃н̃ид̣̇д̇хияаа ниб̣б̣ад̇д̇ажийварам̣, д̇ам̣ комаад̣̇ийнам̣ ан̃н̃ад̇арам̣ ход̇ийд̇и д̇зсам̣ зва ануломам̣. д̣̇звад̇аахи д̣̇иннажийварам̣ д̣̇звад̣̇иннам̣, д̇ам̣ габбаругкз ниб̣б̣ад̇д̇ам̣ ж̇аалинияаа д̣̇зваган̃н̃ааяа ануруд̣̇д̇хад̇т̇зрасса д̣̇иннавад̇т̇асад̣̇исам̣, д̇амби комаад̣̇ийнам̣язва ануломам̣ ход̇и д̇зсу ан̃н̃ад̇арабхаавад̇о.
Cīvaraṃ jānitabbanti ‘‘idaṃ nāma cīvaraṃ kappiya’’nti jātito cīvaraṃ jānitabbaṃ. Cīvarakhettanti cīvarassa uppattikkhettaṃ. Paṃsukūlanti paṃsukūlacīvaraṃ, paṃsukūlalakkhaṇappattaṃ cīvaraṃ jānitabbanti attho. Cīvarasantosoti cīvare labbhamāno sabbo santoso jānitabbo. Cīvarappaṭisaṃyuttāni dhutaṅgāni jānitabbāni, yāni gopento cīvarasantosena sammadeva santuṭṭho hotīti. Khomakappāsikakoseyyakambalasāṇabhaṅgāni khomādīni. Tattha khomaṃ nāma khomasuttehi vāyitaṃ khomapaṭṭacīvaraṃ. Tathā sesānipi. Sāṇanti sāṇavākasuttehi katacīvaraṃ. Bhaṅganti pana khomasuttādīni sabbāni, ekaccāni vā missetvā katacīvaraṃ. Bhaṅgampi vākamayamevāti keci. Chāti gaṇanaparicchedo. Yadi evaṃ ito aññā vatthajāti natthīti? No natthi. Sā pana etesaṃ anulomāti dassetuṃ ‘‘dukūlādīnī’’tiādi vuttaṃ. Ādi-saddena pattuṇṇaṃ, somārapaṭṭaṃ, cīnapaṭṭaṃ, iddhijaṃ, devadinnanti tesaṃ saṅgaho. Tattha dukūlaṃ sāṇassa anulomaṃ vākamayattā. Pattuṇṇadese sañjātavatthaṃ pattuṇṇaṃ. ‘‘Koseyyaviseso’’ti hi abhidhānakose vuttaṃ. Somāradese cīnadese ca jātavatthāni somāracīnapaṭṭāni. Pattuṇṇādīni tīṇi koseyyassa anulomāni pāṇakehi katasuttamayattā. Iddhijaṃ ehibhikkhūnaṃ puññiddhiyā nibbattacīvaraṃ, taṃ khomādīnaṃ aññataraṃ hotīti tesaṃ eva anulomaṃ. Devatāhi dinnacīvaraṃ devadinnaṃ, taṃ kapparukkhe nibbattaṃ jāliniyā devakaññāya anuruddhattherassa dinnavatthasadisaṃ, tampi khomādīnaṃyeva anulomaṃ hoti tesu aññatarabhāvato.
имаанийд̇и анд̇ог̇ад̇хаавад̇хааран̣аважанам̣, имаани зваад̇и ад̇т̇о. б̣уд̣̇д̇хаад̣̇ийнам̣ барибхог̇аяог̇г̇ад̇ааяа габбияажийвараани. ид̣̇аани авад̇хааран̣зна нивад̇д̇ид̇аани згад̣̇зсзна д̣̇ассзд̇ум̣ ‘‘гусажийра’’нд̇иаад̣̇и вуд̇д̇ам̣. д̇ад̇т̇а гусад̇ин̣зхи ан̃н̃зхи ваа д̇аад̣̇исзхи д̇ин̣зхи гад̇ажийварам̣ гусажийрам̣. аггаваагаад̣̇ийхи ваагзхи гад̇ажийварам̣ ваагажийрам̣. жад̇уггон̣зхи д̇игон̣зхи ваа палагзхи гад̇ажийварам̣ палагажийрам̣. мануссаанам̣ гзсзхи гад̇агамб̣алам̣ гзсагамб̣алам̣. жаамариваалаассаваалаад̣̇ийхи гад̇ам̣ ваалагамб̣алам̣. магажид̇анд̇уухи вааяид̇о бод̇т̇аго. жамманд̇и миг̇ажаммаад̣̇и яам̣ гин̃жи жаммам̣. улуугабагкзхи г̇ант̇ид̇ваа гад̇ажийварам̣ улуугабагкам̣. бхуж̇абад̇д̇ад̇ажаад̣̇имаяам̣ ругкад̣̇уссам̣. д̇ирийдаганд̇и ад̇т̇о. сукумад̇араахи лад̇аахи лад̇ааваагзхи ваа вааяид̇ам̣ лад̇аад̣̇уссам̣. зрагаваагзхи гад̇ам̣ зрагад̣̇уссам̣. д̇ат̇аа гад̣̇алид̣̇уссам̣. сукумзхи взл̣увилийвзхи гад̇ам̣ взл̣уд̣̇уссам̣. аад̣̇и-сад̣̇д̣̇зна ваггалаад̣̇ийнам̣ сан̇г̇ахо. агаббияажийвараани д̇ид̇т̇ияад̣̇д̇хаж̇абхаавад̇о.
Imānīti antogadhāvadhāraṇavacanaṃ, imāni evāti attho. Buddhādīnaṃ paribhogayoggatāya kappiyacīvarāni. Idāni avadhāraṇena nivattitāni ekadesena dassetuṃ ‘‘kusacīra’’ntiādi vuttaṃ. Tattha kusatiṇehi aññehi vā tādisehi tiṇehi katacīvaraṃ kusacīraṃ. Akkavākādīhi vākehi katacīvaraṃ vākacīraṃ. Catukkoṇehi tikoṇehi vā phalakehi katacīvaraṃ phalakacīraṃ. Manussānaṃ kesehi katakambalaṃ kesakambalaṃ. Cāmarivālaassavālādīhi kataṃ vālakambalaṃ. Makacitantūhi vāyito potthako. Cammanti migacammādi yaṃ kiñci cammaṃ. Ulūkapakkhehi ganthitvā katacīvaraṃ ulūkapakkhaṃ. Bhujapattatacādimayaṃ rukkhadussaṃ. Tirīṭakanti attho. Sukhumatarāhi latāhi latāvākehi vā vāyitaṃ latādussaṃ. Erakavākehi kataṃ erakadussaṃ. Tathā kadalidussaṃ. Sukhumehi veḷuvilīvehi kataṃ veḷudussaṃ. Ādi-saddena vakkalādīnaṃ saṅgaho. Akappiyacīvarāni titthiyaddhajabhāvato.
адтаннам̣ маад̇игаанам̣ васзнаад̇и ‘‘сиймааяа д̣̇зд̇и, гад̇игааяа д̣̇зд̇ий’’д̇иаад̣̇инаа (махаава. 379) ааг̇ад̇аанам̣ адтаннам̣ жийваруббад̇д̇имаад̇игаанам̣ васзна. жийвараанам̣ бадилаабхагкзд̇д̇ад̣̇ассанад̇т̇ан̃хи бхаг̇авад̇аа ‘‘адтимаа, бхигкавз, маад̇игаа’’д̇иаад̣̇инаа маад̇игаа табид̇аа. маад̇игаад̇и хи маад̇аро жийваруббад̇д̇иж̇анигаад̇и.
Aṭṭhannaṃ mātikānaṃ vasenāti ‘‘sīmāya deti, katikāya detī’’tiādinā (mahāva. 379) āgatānaṃ aṭṭhannaṃ cīvaruppattimātikānaṃ vasena. Cīvarānaṃ paṭilābhakkhettadassanatthañhi bhagavatā ‘‘aṭṭhimā, bhikkhave, mātikā’’tiādinā mātikā ṭhapitā. Mātikāti hi mātaro cīvaruppattijanikāti.
сосааниганд̇и сусаанз бад̇ид̇ам̣. баабан̣иганд̇и аабан̣ад̣̇ваарз бад̇ид̇ам̣. рат̇ияанд̇и бун̃н̃ад̇т̇игзхи ваад̇абаананд̇арзна рат̇игааяа чад̣д̣ид̇ажол̣агам̣. сан̇гаарагуудаганд̇и сан̇гаарадтаанз чад̣д̣ид̇ажол̣агам̣. синаананд̇и нахаанажол̣агам̣, яам̣ бхууд̇авзж̇ж̇зхи сасийсам̣ нахааяид̇ваа гаалаган̣н̣ижол̣анд̇и чад̣д̣зд̇ваа г̇ажчанд̇и. д̇ид̇т̇анд̇и д̇ид̇т̇ажол̣ам̣, синаанад̇ид̇т̇з чад̣д̣ид̇абилод̇игаа. аг̇г̇ид̣̇ад̣дханд̇и аг̇г̇инаа д̣̇ад̣дхаббад̣̇зсам̣. д̇ан̃хи мануссаа чад̣д̣знд̇и. г̇окааяид̇аад̣̇ийни баагадаанзва. д̇ааниби хи мануссаа чад̣д̣знд̇и. д̇хаж̇ам̣ уссаабзд̇ваад̇и наавам̣ аароханд̇зхи ваа яуд̣̇д̇хам̣ бависанд̇зхи ваа д̇хаж̇аяадтим̣ уссаабзд̇ваа, д̇ад̇т̇а б̣ад̣̇д̇хам̣ ваад̇зна аанийд̇ам̣ д̇зхи чад̣д̣ид̇анд̇и ад̇хиббааяо.
Sosānikanti susāne patitaṃ. Pāpaṇikanti āpaṇadvāre patitaṃ. Rathiyanti puññatthikehi vātapānantarena rathikāya chaḍḍitacoḷakaṃ. Saṅkārakūṭakanti saṅkāraṭṭhāne chaḍḍitacoḷakaṃ. Sinānanti nahānacoḷakaṃ, yaṃ bhūtavejjehi sasīsaṃ nahāyitvā kālakaṇṇicoḷanti chaḍḍetvā gacchanti. Titthanti titthacoḷaṃ, sinānatitthe chaḍḍitapilotikā. Aggidaḍḍhanti agginā daḍḍhappadesaṃ. Tañhi manussā chaḍḍenti. Gokhāyitādīni pākaṭāneva. Tānipi hi manussā chaḍḍenti. Dhajaṃ ussāpetvāti nāvaṃ ārohantehi vā yuddhaṃ pavisantehi vā dhajayaṭṭhiṃ ussāpetvā, tattha baddhaṃ vātena ānītaṃ tehi chaḍḍitanti adhippāyo.
саад̣̇агабхигкунаад̇и г̇ахабад̇ижийварасса саад̣̇ияанабхигкунаа. згамаасамад̇д̇анд̇и жийварамаасасан̃н̃ид̇ам̣ згамаасамад̇д̇ам̣ вид̇аггзд̇ум̣ ваддад̇и, на д̇ад̇о баранд̇и ад̇хиббааяо. саб̣б̣ассаби хи д̇ан̣хааниг̇г̇ахад̇т̇аа саасанз бадибад̇д̇ийд̇и. бам̣сугуулиго ад̣̇д̇хамаасзнзва гарод̇и абараббадиб̣ад̣̇д̇хад̇д̇аа бадилаабхасса, ид̇арасса бана бараббадиб̣ад̣̇д̇хад̇д̇аа маасамад̇д̇ам̣ анун̃н̃аад̇ам̣. ид̣̇ам̣ маасад̣дхамаасамад̇д̇ам̣…бз… вид̇аггасанд̇осо вид̇аггзнд̇асса баримид̇агаалигад̇д̇аа. махаат̇зрам̣ д̇ад̇т̇а ад̇д̇ано сахааяам̣ ижчанд̇оби г̇аруг̇ааравзна ‘‘г̇аамад̣̇ваарам̣, бханд̇з, г̇амиссаами’’ижжзвааха. т̇зроби д̇асса аж̇жхаасаяам̣ н̃ад̇ваа ‘‘ахамбаавусо, г̇амиссаамий’’д̇и ааха. ‘‘имасса бхигкуно вид̇аггасса авасаро маа ход̇уу’’д̇и бан̃хам̣ бужчамаано г̇аамам̣ баависи. ужжаарабалиб̣уд̣̇д̇ход̇и ужжаарзна бийл̣ид̇о. д̇ад̣̇аа бхаг̇авад̇о д̣̇уггарагирияаануссаран̣амукзна д̇ат̇ааг̇ад̇з уббаннасса бийд̇исоманассавзг̇асса б̣алавабхаавзна гилзсаанам̣ вигкамбхид̇ад̇д̇аа д̇асмим̣язва…бз… д̇ийн̣и палаани бад̇д̇о.
Sādakabhikkhunāti gahapaticīvarassa sādiyanabhikkhunā. Ekamāsamattanti cīvaramāsasaññitaṃ ekamāsamattaṃ vitakketuṃ vaṭṭati, na tato paranti adhippāyo. Sabbassapi hi taṇhāniggahatthā sāsane paṭipattīti. Paṃsukūliko addhamāseneva karoti aparappaṭibaddhattā paṭilābhassa, itarassa pana parappaṭibaddhattā māsamattaṃ anuññātaṃ. Idaṃ māsaḍḍhamāsamattaṃ…pe… vitakkasantoso vitakkentassa parimitakālikattā. Mahātheraṃ tattha attano sahāyaṃ icchantopi garugāravena ‘‘gāmadvāraṃ, bhante, gamissāmi’’iccevāha. Theropi tassa ajjhāsayaṃ ñatvā ‘‘ahampāvuso, gamissāmī’’ti āha. ‘‘Imassa bhikkhuno vitakkassa avasaro mā hotū’’ti pañhaṃ pucchamāno gāmaṃ pāvisi. Uccārapalibuddhoti uccārena pīḷito. Tadā bhagavato dukkarakiriyānussaraṇamukhena tathāgate uppannassa pītisomanassavegassa balavabhāvena kilesānaṃ vikkhambhitattā tasmiṃyeva…pe… tīṇi phalāni patto.
гад̇т̇а лабхиссаамийд̇и жинд̇анааби лаабхаасаабуб̣б̣игаад̇и д̇ат̇аа ‘‘ажинд̇зд̇ваа’’д̇и вуд̇д̇ам̣. ‘‘сунд̣̇арам̣ лабхиссаами, манаабам̣ лабхиссаамий’’д̇извамаад̣̇ижинд̇анааяа гаа наама гат̇аа, гат̇ам̣ бана г̇анд̇аб̣б̣анд̇и ааха ‘‘гаммадтаанасийсзнзва г̇амана’’нд̇и. д̇зна жийварам̣ бадижжа гин̃жиби на жинд̇зд̇аб̣б̣амзваад̇и д̣̇ассзд̇и. абзсало аббад̇ируубааяаби бариязсанааяа бажжаяо бхавзяяаад̇и ‘‘бзсалам̣ бхигкум̣ г̇ахзд̇ваа’’д̇и вуд̇д̇ам̣. аахарияамаананд̇и сусаанаад̣̇ийсу бад̇ид̇ам̣ вад̇т̇ам̣ ‘‘имз бхигкуу бам̣сугуулабариязсанам̣ жаранд̇ий’’д̇и н̃ад̇ваа гзнажи бурисзна д̇ад̇о аанийяамаанам̣. звам̣ лад̣̇д̇хам̣ г̇ан̣ханд̇ассабийд̇и звам̣ бадилаабхасанд̇осам̣ агобзд̇ваа лад̣̇д̇хам̣ г̇ан̣ханд̇ассаби. ад̇д̇ано бахонагамад̇д̇знзваад̇и яат̇аалад̣̇д̇хаанам̣ бам̣сугуулаанам̣ згабаддад̣̇убаддаанам̣ ад̇т̇ааяа ад̇д̇ано бахонагаббамаан̣знзва. авад̇хааран̣зна убари бажжаасам̣ нивад̇д̇зд̇и. г̇аамз бхигкааяа аахин̣д̣анд̇зна сабад̣̇аанажааринаа вияа д̣̇ваараббадибаадияаа жаран̣ам̣ лолуббавиваж̇ж̇анам̣ наама лолуббасса д̣̇уурасамуссаарид̇ад̇д̇аа.
Kattha labhissāmīti cintanāpi lābhāsāpubbikāti tathā ‘‘acintetvā’’ti vuttaṃ. ‘‘Sundaraṃ labhissāmi, manāpaṃ labhissāmī’’tievamādicintanāya kā nāma kathā, kathaṃ pana gantabbanti āha ‘‘kammaṭṭhānasīseneva gamana’’nti. Tena cīvaraṃ paṭicca kiñcipi na cintetabbamevāti dasseti. Apesalo appatirūpāyapi pariyesanāya paccayo bhaveyyāti ‘‘pesalaṃ bhikkhuṃ gahetvā’’ti vuttaṃ. Āhariyamānanti susānādīsu patitaṃ vatthaṃ ‘‘ime bhikkhū paṃsukūlapariyesanaṃ carantī’’ti ñatvā kenaci purisena tato ānīyamānaṃ. Evaṃ laddhaṃ gaṇhantassapīti evaṃ paṭilābhasantosaṃ akopetvā laddhaṃ gaṇhantassapi. Attanopahonakamattenevāti yathāladdhānaṃ paṃsukūlānaṃ ekapaṭṭadupaṭṭānaṃ atthāya attano pahonakappamāṇeneva. Avadhāraṇena upari paccāsaṃ nivatteti. Gāme bhikkhāya āhiṇḍantena sapadānacārinā viya dvārappaṭipāṭiyā caraṇaṃ loluppavivajjanaṃ nāma loluppassa dūrasamussāritattā.
яаабзд̇унд̇и ад̇д̇абхаавам̣ бавад̇д̇зд̇ум̣. д̇хованубаг̇знаад̇и д̇хованаяог̇г̇зна. бан̣н̣аанийд̇и амб̣аж̇амб̣аад̣̇ибан̣н̣аани. агобзд̇ваад̇и санд̇осам̣ агобзд̇ваа. бахонаганийхаарзнзваад̇и анд̇араваасагаад̣̇ийсу яам̣ гаад̇угаамо, д̇асса бахонаганияаамзнзва яат̇аалад̣̇д̇хам̣ т̇ууласукумаад̣̇им̣ г̇ахзд̇ваа гаран̣ам̣. д̇иман̣д̣алаббадижчаад̣̇анамад̇д̇ассзваад̇и ниваасанам̣ жз наабхиман̣д̣алам̣, ж̇аан̣уман̣д̣алам̣, ид̇аран̃жз г̇алаваадаман̣д̣алам̣ , ж̇аан̣уман̣д̣аланд̇и д̇иман̣д̣алаббадижчаад̣̇анамад̇д̇ассзва гаран̣ам̣. д̇ам̣ бана ад̇т̇ад̇о д̇ин̣н̣ам̣ жийвараанам̣ хздтиманд̇зна вуд̇д̇абаримаан̣ам̣язва ход̇и. авижаарзд̇ваа на вижаарзд̇ваа.
Yāpetunti attabhāvaṃ pavattetuṃ. Dhovanupagenāti dhovanayoggena. Paṇṇānīti ambajambādipaṇṇāni. Akopetvāti santosaṃ akopetvā. Pahonakanīhārenevāti antaravāsakādīsu yaṃ kātukāmo, tassa pahonakaniyāmeneva yathāladdhaṃ thūlasukhumādiṃ gahetvā karaṇaṃ. Timaṇḍalappaṭicchādanamattassevāti nivāsanaṃ ce nābhimaṇḍalaṃ, jāṇumaṇḍalaṃ, itarañce galavāṭamaṇḍalaṃ , jāṇumaṇḍalanti timaṇḍalappaṭicchādanamattasseva karaṇaṃ. Taṃ pana atthato tiṇṇaṃ cīvarānaṃ heṭṭhimantena vuttaparimāṇaṃyeva hoti. Avicāretvā na vicāretvā.
гусиб̣анд̇ханагаалзд̇и ман̣д̣алаани яож̇зд̇ваа сиб̣б̣анагаалз. сад̇д̇а ваарзд̇и сад̇д̇а сиб̣б̣анаваарз. габбаб̣инд̣̇уабад̣̇зсзна гассажи вигаарасса агаран̣ам̣ габбасанд̇осо.
Kusibandhanakāleti maṇḍalāni yojetvā sibbanakāle. Satta vāreti satta sibbanavāre. Kappabinduapadesena kassaci vikārassa akaraṇaṃ kappasantoso.
сийд̇аббадигхаад̇анаад̣̇и ад̇т̇аабад̇д̇ид̇о сиж̇жхад̇ийд̇и мукяамзва жийварабарибхог̇з баяож̇анам̣ д̣̇ассзд̇ум̣ ‘‘хиригобийнаббадижчаад̣̇анамад̇д̇авасзнаа’’д̇и вуд̇д̇ам̣. д̇знааха бхаг̇аваа ‘‘яаавад̣̇зва хиригобийнаббадижчаад̣̇анад̇т̇а’’нд̇и (ма. ни. 1.23; а. ни. 6.58; махаани. 206). ваддад̇и, на д̇аавад̇аа санд̇осо губбад̇и самбхаараанам̣ д̣̇агкин̣зяяаанам̣ алаабхад̇о. сааран̣ийяад̇хаммз тад̇ваад̇и сийлаванд̇зхи бхигкуухи саад̇хааран̣абхог̇ибхаавз тад̇ваа. ид̇ийд̇иаад̣̇инаа батамассзва арияавам̣сасса бам̣сугуулиган̇г̇ад̇зжийвариган̇г̇аанам̣ д̇зсан̃жасса бажжаяад̇ам̣ д̣̇ассзнд̇о ‘‘ид̇и имз д̇хаммаа ан̃н̃аман̃н̃асса самудтаабагаа убад̇т̇амбхагаа жаа’’д̇и д̣̇ийбзд̇и. зса наяо ид̇о барзсу.
Sītappaṭighātanādi atthāpattito sijjhatīti mukhyameva cīvaraparibhoge payojanaṃ dassetuṃ ‘‘hirikopīnappaṭicchādanamattavasenā’’ti vuttaṃ. Tenāha bhagavā ‘‘yāvadeva hirikopīnappaṭicchādanattha’’nti (ma. ni. 1.23; a. ni. 6.58; mahāni. 206). Vaṭṭati, na tāvatā santoso kuppati sambhārānaṃ dakkhiṇeyyānaṃ alābhato. Sāraṇīyadhamme ṭhatvāti sīlavantehi bhikkhūhi sādhāraṇabhogibhāve ṭhatvā. Itītiādinā paṭhamasseva ariyavaṃsassa paṃsukūlikaṅgatecīvarikaṅgānaṃ tesañcassa paccayataṃ dassento ‘‘iti ime dhammā aññamaññassa samuṭṭhāpakā upatthambhakā cā’’ti dīpeti. Esa nayo ito paresu.
санд̇удто ход̇и ван̣н̣аваад̣̇ийд̇и зд̇т̇а жад̇уггодигам̣ самбхавад̇и. д̇ад̇т̇а жад̇уд̇т̇оязва багко ван̣н̣ид̇ат̇омид̇од̇и д̇ат̇аа д̣̇зсанаа гад̇аа. зго санд̇удто ход̇и, санд̇осасса ван̣н̣ам̣ на гат̇зд̇и сзяяат̇ааби т̇зро наал̣аго. зго на санд̇удто ход̇и, санд̇осасса ван̣н̣ам̣ гат̇зд̇и сзяяат̇ааби убананд̣̇о сагяабуд̇д̇о. зго нзва санд̇удто ход̇и, на санд̇осасса ван̣н̣ам̣ гат̇зд̇и сзяяат̇ааби т̇зро лаал̣уд̣̇ааяи . зго санд̇удто жзва ход̇и, санд̇осасса жа ван̣н̣ам̣ гат̇зд̇и сзяяат̇ааби т̇зро махаагассабо.
Santuṭṭho hoti vaṇṇavādīti ettha catukkoṭikaṃ sambhavati. Tattha catutthoyeva pakkho vaṇṇitathomitoti tathā desanā katā. Eko santuṭṭho hoti, santosassa vaṇṇaṃ na katheti seyyathāpi thero nāḷako. Eko na santuṭṭho hoti, santosassa vaṇṇaṃ katheti seyyathāpi upanando sakyaputto. Eko neva santuṭṭho hoti, na santosassa vaṇṇaṃ katheti seyyathāpi thero lāḷudāyi . Eko santuṭṭho ceva hoti, santosassa ca vaṇṇaṃ katheti seyyathāpi thero mahākassapo.
анзсананд̇и аяуд̇д̇ам̣ зсанам̣. д̇знааха ‘‘аббад̇ирууба’’нд̇и, саасанз тид̇аанам̣ аббад̇ируубам̣ аяог̇г̇ам̣. гохан̃н̃ам̣ гаронд̇од̇и жийваруббаад̣̇ананимид̇д̇ам̣ барзсам̣ гуханам̣ вимхаабанам̣ гаронд̇о. уд̇д̇асад̇ийд̇и д̇ан̣хаасанд̇аасзна убаруубари д̇асад̇и. барид̇ассад̇ийд̇и барид̇о д̇ассад̇и. яат̇аа саб̣б̣з гааяаважиббаяог̇аа д̇ад̣̇ад̇т̇аа зва ж̇ааяанд̇и, звам̣ саб̣б̣абхааг̇зхи д̇асад̇и. г̇ад̇хид̇ам̣ вужжад̇и г̇ид̣̇д̇хо, со жзд̇т̇а абхиж̇жхаалагкан̣о ад̇хиббзд̇о. г̇ад̇хид̇ам̣ зд̇асса над̇т̇ийд̇и аг̇ад̇хид̇од̇и ааха ‘‘виг̇ад̇алобхаг̇ид̣̇д̇хо’’д̇и. мужчанд̇и д̇ан̣хаавасзна муяханам̣. д̇асса самуссаяасса ад̇хиг̇ад̇ам̣ анаабанно анубаг̇ад̇о. анод̇т̇ад̇о анаж̇жход̇т̇ад̇о. абарияонад̣̇д̇ход̇и д̇ан̣хажчад̣̇анзна ажчаад̣̇ид̇о. аад̣̇ийнавам̣ бассамаанод̇и д̣̇идтад̇хаммигам̣ самбарааяиган̃жа д̣̇осам̣ бассанд̇о. г̇ад̇хид̇абарибхог̇ад̇о ниссарад̇и зд̇знаад̇и ниссаран̣ам̣ , ид̣̇амадтигад̇аа. д̇ам̣ баж̇аанаад̇ийд̇и ниссаран̣абан̃н̃о. д̇знааха ‘‘яаавад̣̇зва…бз… ж̇аананд̇о’’д̇и.
Anesananti ayuttaṃ esanaṃ. Tenāha ‘‘appatirūpa’’nti, sāsane ṭhitānaṃ appatirūpaṃ ayoggaṃ. Kohaññaṃ karontoti cīvaruppādananimittaṃ paresaṃ kuhanaṃ vimhāpanaṃ karonto. Uttasatīti taṇhāsantāsena uparūpari tasati. Paritassatīti parito tassati. Yathā sabbe kāyavacippayogā tadatthā eva jāyanti, evaṃ sabbabhāgehi tasati. Gadhitaṃ vuccati giddho, so cettha abhijjhālakkhaṇo adhippeto. Gadhitaṃ etassa natthīti agadhitoti āha ‘‘vigatalobhagiddho’’ti. Mucchanti taṇhāvasena muyhanaṃ. Tassa samussayassa adhigataṃ anāpanno anupagato. Anotthato anajjhotthato. Apariyonaddhoti taṇhacchadanena acchādito. Ādīnavaṃ passamānoti diṭṭhadhammikaṃ samparāyikañca dosaṃ passanto. Gadhitaparibhogato nissarati etenāti nissaraṇaṃ , idamaṭṭhikatā. Taṃ pajānātīti nissaraṇapañño. Tenāha ‘‘yāvadeva…pe… jānanto’’ti.
нзвад̇д̇аануггам̣сзд̇ийд̇и ад̇д̇аанам̣ нзва уггам̣сзд̇и на угкибад̇и на уггадтад̇о д̣̇ахад̇и. аханд̇иаад̣̇и уггам̣санаагаарад̣̇ассанам̣. на вамбхзд̇и на хийл̣зд̇и на нихийнад̇о д̣̇ахад̇и. д̇асмим̣ жийварасанд̇осзд̇и д̇асмим̣ яат̇аавуд̇д̇з вийсад̇ивид̇хз жийварасанд̇осз. гааман̃жзд̇т̇а вуд̇д̇аббагаарасанд̇осаг̇г̇ахан̣знзва жийварахзд̇у анзсанаабаж̇ж̇анаад̣̇иби г̇ахид̇амзва д̇асмим̣ сад̇и д̇асса бхаавад̇о, асад̇и жа абхаавад̇о. ван̣н̣аваад̣̇ид̇ааад̇д̇уггам̣санабаравамбханаани бана г̇ахид̇аани на хонд̇ийд̇и ‘‘ван̣н̣аваад̣̇аад̣̇ийсу ваа’’д̇и вигаббо вуд̇д̇о. зд̇т̇а жа д̣̇агкод̇иаад̣̇и язсам̣ д̇хаммаанам̣ васзнасса яат̇аавуд̇д̇асанд̇осаад̣̇ий иж̇жханд̇и, д̇ам̣д̣̇ассанам̣. д̇ад̇т̇а д̣̇агкод̇и иминаа д̇зсам̣ самудтаабанабан̃н̃ам̣ д̣̇ассзд̇и. аналасод̇и иминаа баг̇г̇ан̣ханавийрияам̣, самбаж̇аанод̇и иминаа баарихаарияабан̃н̃ам̣, бадиссад̇од̇и иминаа д̇ад̇т̇а асаммосавуд̇д̇им̣ д̣̇ассзд̇и.
Nevattānukkaṃsetīti attānaṃ neva ukkaṃseti na ukkhipati na ukkaṭṭhato dahati. Ahantiādi ukkaṃsanākāradassanaṃ. Na vambheti na hīḷeti na nihīnato dahati. Tasmiṃ cīvarasantoseti tasmiṃ yathāvutte vīsatividhe cīvarasantose. Kāmañcettha vuttappakārasantosaggahaṇeneva cīvarahetu anesanāpajjanādipi gahitameva tasmiṃ sati tassa bhāvato, asati ca abhāvato. Vaṇṇavāditāattukkaṃsanaparavambhanāni pana gahitāni na hontīti ‘‘vaṇṇavādādīsu vā’’ti vikappo vutto. Ettha ca dakkhotiādi yesaṃ dhammānaṃ vasenassa yathāvuttasantosādī ijjhanti, taṃdassanaṃ. Tattha dakkhoti iminā tesaṃ samuṭṭhāpanapaññaṃ dasseti. Analasoti iminā paggaṇhanavīriyaṃ, sampajānoti iminā pārihāriyapaññaṃ, paṭissatoti iminā tattha asammosavuttiṃ dasseti.
бин̣д̣абаад̇о ж̇аанид̇аб̣б̣од̇и бабхзд̣̇ад̇о бин̣д̣абаад̇о ж̇аанид̇аб̣б̣о. бин̣д̣абаад̇агкзд̇д̇анд̇и бин̣д̣абаад̇асса уббад̇д̇идтаанам̣. бин̣д̣абаад̇асанд̇осо ж̇аанид̇аб̣б̣од̇и бин̣д̣абаад̇асанд̇осаббабхзд̣̇о ж̇аанид̇аб̣б̣о. ид̇ха бхзсаж̇ж̇амби бин̣д̣абаад̇аг̇ад̇игамзва. аахарид̇аб̣б̣ад̇о хи саббиаад̣̇ийнамби г̇ахан̣ам̣ гад̇ам̣.
Piṇḍapāto jānitabboti pabhedato piṇḍapāto jānitabbo. Piṇḍapātakkhettanti piṇḍapātassa uppattiṭṭhānaṃ. Piṇḍapātasantoso jānitabboti piṇḍapātasantosappabhedo jānitabbo. Idha bhesajjampi piṇḍapātagatikameva. Āharitabbato hi sappiādīnampi gahaṇaṃ kataṃ.
бин̣д̣абаад̇агкзд̇д̇ам̣ бин̣д̣абаад̇асса уббад̇д̇идтаанам̣ кзд̇д̇ам̣ вияа кзд̇д̇ам̣. уббаж̇ж̇ад̇и зд̇т̇а, зд̇знаад̇и жа уббад̇д̇идтаанам̣. сан̇гхад̇о ваа хи бхигкуно бин̣д̣абаад̇о уббаж̇ж̇ад̇и уд̣̇д̣̇иссавасзна ваа. д̇ад̇т̇а сагаласса сан̇гхасса д̣̇аад̇аб̣б̣абхад̇д̇ам̣ сан̇гхабхад̇д̇ам̣. гад̇ибаяз бхигкуу уд̣̇д̣̇исид̇ваа уд̣̇д̣̇зсзна д̣̇аад̇аб̣б̣абхад̇д̇ам̣ уд̣̇д̣̇зсабхад̇д̇ам̣. ниманд̇зд̇ваа д̣̇аад̇аб̣б̣абхад̇д̇ам̣ ниманд̇анам̣. салаагааяа д̣̇аад̇аб̣б̣абхад̇д̇ам̣ салаагабхад̇д̇ам̣. згасмим̣ багкз згад̣̇ивасам̣ д̣̇аад̇аб̣б̣абхад̇д̇ам̣ багкигам̣. убосат̇з убосат̇з д̣̇аад̇аб̣б̣абхад̇д̇ам̣ убосат̇игам̣. баадибад̣̇ад̣̇ивасз д̣̇аад̇аб̣б̣абхад̇д̇ам̣ баадибад̣̇игам̣. ааг̇анд̇угаанам̣ д̣̇аад̇аб̣б̣абхад̇д̇ам̣ ааг̇анд̇угабхад̇д̇ам̣. д̇хураг̇зхз зва табзд̇ваа д̣̇аад̇аб̣б̣абхад̇д̇ам̣ д̇хурабхад̇д̇ам̣. гудим̣ уд̣̇д̣̇исса д̣̇аад̇аб̣б̣абхад̇д̇ам̣ гудибхад̇д̇ам̣. г̇аамаваасиаад̣̇ийхи ваарзна д̣̇аад̇аб̣б̣абхад̇д̇ам̣ ваарабхад̇д̇ам̣. вихаарам̣ уд̣̇д̣̇исса д̣̇аад̇аб̣б̣абхад̇д̇ам̣ вихаарабхад̇д̇ам̣. сзсаани баагадаанзва.
Piṇḍapātakkhettaṃ piṇḍapātassa uppattiṭṭhānaṃ khettaṃ viya khettaṃ. Uppajjati ettha, etenāti ca uppattiṭṭhānaṃ. Saṅghato vā hi bhikkhuno piṇḍapāto uppajjati uddissavasena vā. Tattha sakalassa saṅghassa dātabbabhattaṃ saṅghabhattaṃ. Katipaye bhikkhū uddisitvā uddesena dātabbabhattaṃ uddesabhattaṃ. Nimantetvā dātabbabhattaṃ nimantanaṃ. Salākāya dātabbabhattaṃ salākabhattaṃ. Ekasmiṃ pakkhe ekadivasaṃ dātabbabhattaṃ pakkhikaṃ. Uposathe uposathe dātabbabhattaṃ uposathikaṃ. Pāṭipadadivase dātabbabhattaṃ pāṭipadikaṃ. Āgantukānaṃ dātabbabhattaṃ āgantukabhattaṃ. Dhuragehe eva ṭhapetvā dātabbabhattaṃ dhurabhattaṃ. Kuṭiṃ uddissa dātabbabhattaṃ kuṭibhattaṃ. Gāmavāsiādīhi vārena dātabbabhattaṃ vārabhattaṃ. Vihāraṃ uddissa dātabbabhattaṃ vihārabhattaṃ. Sesāni pākaṭāneva.
вид̇аггзд̇и ‘‘гад̇т̇а ну ко ахам̣ аж̇ж̇а бин̣д̣ааяа жариссаамий’’д̇и. ‘‘свз гад̇т̇а бин̣д̣ааяа жариссаамаа’’д̇и т̇зрзна вуд̇д̇з ‘‘асугаг̇аамз, бханд̇з’’д̇и гаамамзд̇ам̣ бадиважанад̣̇аанам̣, язна бана жид̇д̇зна жинд̇зд̇ваа д̇ам̣ вуд̇д̇ам̣, д̇ам̣ санд̇хааяааха ‘‘зд̇д̇агам̣ жинд̇зд̇ваа’’д̇и. д̇ад̇о бадтааяаад̇и вид̇аггамаал̣агз тад̇ваа вид̇аггид̇агаалад̇о бадтааяа. д̇ад̇о барам̣ вид̇аггзнд̇о арияавам̣саа жуд̇о ход̇ийд̇и ид̣̇ам̣ д̇ин̣н̣амби арияавам̣сигаанам̣ васзна г̇ахзд̇аб̣б̣ам̣, на згажааригассзва. саб̣б̣оби хи арияавам̣сиго згаваарамзва вид̇аггзд̇ум̣ лабхад̇и, на д̇ад̇о барам̣. бариб̣аахирод̇и арияавам̣сигабхаавад̇о б̣ахибхууд̇о. свааяам̣ вид̇аггасанд̇осо гаммадтаанаманасигаарзна на губбад̇и висуж̇жхад̇и жа. ид̇о барзсуби зсзва наяо. д̇знзвааха ‘‘гаммадтаанасийсзна г̇анд̇аб̣б̣а’’нд̇и. г̇ахзд̇аб̣б̣амзваад̇и адтаанаббаяуд̇д̇о зва-сад̣̇д̣̇о. яаабанамад̇д̇амзва г̇ахзд̇аб̣б̣анд̇и яож̇зд̇аб̣б̣ам̣.
Vitakketi ‘‘kattha nu kho ahaṃ ajja piṇḍāya carissāmī’’ti. ‘‘Sve kattha piṇḍāya carissāmā’’ti therena vutte ‘‘asukagāme, bhante’’ti kāmametaṃ paṭivacanadānaṃ, yena pana cittena cintetvā taṃ vuttaṃ, taṃ sandhāyāha ‘‘ettakaṃ cintetvā’’ti. Tato paṭṭhāyāti vitakkamāḷake ṭhatvā vitakkitakālato paṭṭhāya. Tato paraṃ vitakkento ariyavaṃsā cuto hotīti idaṃ tiṇṇampi ariyavaṃsikānaṃ vasena gahetabbaṃ, na ekacārikasseva. Sabbopi hi ariyavaṃsiko ekavārameva vitakketuṃ labhati, na tato paraṃ. Paribāhiroti ariyavaṃsikabhāvato bahibhūto. Svāyaṃ vitakkasantoso kammaṭṭhānamanasikārena na kuppati visujjhati ca. Ito paresupi eseva nayo. Tenevāha ‘‘kammaṭṭhānasīsena gantabba’’nti. Gahetabbamevāti aṭṭhānappayutto eva-saddo. Yāpanamattameva gahetabbanti yojetabbaṃ.
зд̇т̇аад̇и зд̇асмим̣ бин̣д̣абаад̇аббадиг̇г̇ахан̣з. аббанд̇и ад̇д̇ано яаабанаббамаан̣ад̇оби аббам̣ г̇ахзд̇аб̣б̣ам̣ д̣̇ааяагасса жид̇д̇аараад̇ханад̇т̇ам̣. бамаан̣знзваад̇и ад̇д̇ано бамаан̣знзва аббам̣ г̇ахзд̇аб̣б̣ам̣. бамаан̣зна г̇ахзд̇аб̣б̣анд̇и зд̇т̇а гааран̣ам̣ д̣̇ассзд̇ум̣ ‘‘бадиг̇г̇ахан̣асмин̃хий’’д̇иаад̣̇и вуд̇д̇ам̣. магкзд̇ийд̇и вид̣̇д̇хам̣сзд̇и абанзд̇и. винибаад̇зд̇и винаасзд̇и адтаанавинияог̇зна. саасананд̇и сад̇т̇усаасанам̣ анусидтим̣ на гарод̇и на бадибаж̇ж̇ад̇и. сабад̣̇аанажааринаа вияа д̣̇ваарабадибаадияаа жаран̣ам̣ лолуббавиваж̇ж̇анасанд̇осод̇и ааха ‘‘д̣̇ваарабадибаадияаа г̇анд̇аб̣б̣а’’нд̇и.
Etthāti etasmiṃ piṇḍapātappaṭiggahaṇe. Appanti attano yāpanappamāṇatopi appaṃ gahetabbaṃ dāyakassa cittārādhanatthaṃ. Pamāṇenevāti attano pamāṇeneva appaṃ gahetabbaṃ. Pamāṇena gahetabbanti ettha kāraṇaṃ dassetuṃ ‘‘paṭiggahaṇasmiñhī’’tiādi vuttaṃ. Makkhetīti viddhaṃseti apaneti. Vinipāteti vināseti aṭṭhānaviniyogena. Sāsananti satthusāsanaṃ anusiṭṭhiṃ na karoti na paṭipajjati. Sapadānacārinā viya dvārapaṭipāṭiyā caraṇaṃ loluppavivajjanasantosoti āha ‘‘dvārapaṭipāṭiyā gantabba’’nti.
хараабзд̇ваад̇и ад̇хигам̣ абанзд̇ваа. аахаараг̇зд̇хад̇о ниссарад̇и зд̇знаад̇и ниссаран̣ам̣. ж̇игхажчааяа бадивинод̣̇анад̇т̇ам̣ гад̇аа, гааяасса тид̇иаад̣̇ибаяож̇анам̣ бана ад̇т̇аабад̇д̇ид̇о ааг̇ад̇амзваад̇и ааха ‘‘ж̇игхажчааяа…бз… санд̇осо наамаа’’д̇и. нид̣̇ахид̇ваа на барибхун̃ж̇ид̇аб̣б̣ам̣ д̇ад̣̇ахубийд̇и ад̇хиббааяо. ид̇арад̇т̇а бана сигкаабад̣̇знзва ваарид̇ам̣. сааран̣ийяад̇хаммз тид̇знаад̇и сийлаванд̇зхи бхигкуухи саад̇хааран̣абхог̇ибхаавз тид̇зна.
Harāpetvāti adhikaṃ apanetvā. Āhāragedhato nissarati etenāti nissaraṇaṃ. Jighacchāya paṭivinodanatthaṃ katā, kāyassa ṭhitiādipayojanaṃ pana atthāpattito āgatamevāti āha ‘‘jighacchāya…pe… santoso nāmā’’ti. Nidahitvā na paribhuñjitabbaṃ tadahupīti adhippāyo. Itarattha pana sikkhāpadeneva vāritaṃ. Sāraṇīyadhamme ṭhitenāti sīlavantehi bhikkhūhi sādhāraṇabhogibhāve ṭhitena.
сзнаасанзнаад̇и саяанзна аасанзна жа. яад̇т̇а яад̇т̇а хи ман̃жаад̣̇игз вихаараад̣̇игз жа сзд̇и, д̇ам̣ сзнам̣. яад̇т̇а яад̇т̇а бийтаад̣̇игз аасад̇и, д̇ам̣ аасанам̣. д̇ад̣̇убхаяам̣ згад̇о гад̇ваа ‘‘сзнаасана’’нд̇и вуд̇д̇ам̣. д̇знааха ‘‘ман̃жо’’д̇иаад̣̇и. д̇ад̇т̇а ман̃жо масаарагаад̣̇и. д̇ат̇аа бийтам̣. ман̃жабхиси, бийтабхисийд̇и д̣̇увид̇хо бхиси. вихааро баагаарабарижчинно сагало ааваасо, ‘‘д̣̇ийгхамукабаасаад̣̇о’’д̇и гзжи. ад̣дхаяог̇о д̣̇ийгхабаасаад̣̇о, ‘‘згабассажчаад̣̇анагасзнаасана’’нд̇и гзжи. баасаад̣̇од̇и жад̇урассабаасаад̣̇о, ‘‘ааяад̇ажад̇урассабаасаад̣̇о’’д̇и гзжи. хаммияанд̇и мун̣д̣ажчад̣̇анабаасаад̣̇о. г̇ухаад̇и гзвалаа баб̣б̣ад̇аг̇ухаа. лзн̣ам̣ д̣̇ваараб̣анд̇хам̣. аддо б̣ахалабхид̇д̇игаг̇зхам̣, яасса г̇обаанасияо аг̇г̇ахзд̇ваа идтагаахи зва чад̣̇анам̣ ход̇и, ‘‘аддалаагаарзна гарийяад̇ий’’д̇иби вад̣̇анд̇и. маал̣о згагуудасан̇г̇ахид̇о анзгагон̣о бадиссаяависзсо, ‘‘ваддаагаарзна гад̇асзнаасана’’нд̇и гзжи.
Senāsanenāti sayanena āsanena ca. Yattha yattha hi mañcādike vihārādike ca seti, taṃ senaṃ. Yattha yattha pīṭhādike āsati, taṃ āsanaṃ. Tadubhayaṃ ekato katvā ‘‘senāsana’’nti vuttaṃ. Tenāha ‘‘mañco’’tiādi. Tattha mañco masārakādi. Tathā pīṭhaṃ. Mañcabhisi, pīṭhabhisīti duvidho bhisi. Vihāro pākāraparicchinno sakalo āvāso, ‘‘dīghamukhapāsādo’’ti keci. Aḍḍhayogo dīghapāsādo, ‘‘ekapassacchādanakasenāsana’’nti keci. Pāsādoti caturassapāsādo, ‘‘āyatacaturassapāsādo’’ti keci. Hammiyanti muṇḍacchadanapāsādo. Guhāti kevalā pabbataguhā. Leṇaṃ dvārabandhaṃ. Aṭṭo bahalabhittikagehaṃ, yassa gopānasiyo aggahetvā iṭṭhakāhi eva chadanaṃ hoti, ‘‘aṭṭalākārena karīyatī’’tipi vadanti. Māḷo ekakūṭasaṅgahito anekakoṇo paṭissayaviseso, ‘‘vaṭṭākārena katasenāsana’’nti keci.
бин̣д̣абаад̇з вуд̇д̇анаязнзваад̇и ‘‘саад̣̇аго бхигку ‘ахам̣ гад̇т̇а васиссаамий’д̇и вид̇аггзд̇ий’’д̇иаад̣̇инаа яат̇аарахам̣ бин̣д̣абаад̇з вуд̇д̇анаязнзва взд̣̇ид̇аб̣б̣аа. ‘‘д̇ад̇о барам̣ вид̇аггзнд̇о арияавам̣саа жуд̇о ход̇и бариб̣аахиро, сзнаасанам̣ гухим̣ лабхиссаамийд̇и ажинд̇зд̇ваа гаммадтаанасийсзнзва г̇анд̇аб̣б̣а’’нд̇и жа звамаад̣̇и саб̣б̣ам̣ буриманаязнзва.
Piṇḍapātevuttanayenevāti ‘‘sādako bhikkhu ‘ahaṃ kattha vasissāmī’ti vitakketī’’tiādinā yathārahaṃ piṇḍapāte vuttanayeneva veditabbā. ‘‘Tato paraṃ vitakkento ariyavaṃsā cuto hoti paribāhiro, senāsanaṃ kuhiṃ labhissāmīti acintetvā kammaṭṭhānasīseneva gantabba’’nti ca evamādi sabbaṃ purimanayeneva.
гасмаа банзд̇т̇а бажжаяасанд̇осам̣ д̣̇ассзнд̇зна бхаг̇авад̇аа г̇илаанабажжаяасанд̇осо на г̇ахид̇од̇и? на ко банзд̇ам̣ звам̣ д̣̇адтаб̣б̣анд̇и д̣̇ассзнд̇о ‘‘г̇илаанабажжаяо бана бин̣д̣абаад̇з зва бавидто’’д̇и ааха, аахарид̇аб̣б̣ад̇аасааман̃н̃знаад̇и ад̇хиббааяо. яад̣̇и звам̣ д̇ад̇т̇ааби бин̣д̣абаад̇з вияа вид̇аггасанд̇осаад̣̇аяоби баннараса санд̇осаа ижчид̇аб̣б̣аад̇и? нод̇и д̣̇ассзнд̇о ааха ‘‘д̇ад̇т̇аа’’д̇иаад̣̇и. нану жзд̇т̇а д̣̇ваад̣̇асзва д̇худ̇ан̇г̇аани винияог̇ам̣ г̇ад̇аани, згам̣ бана нзсаж̇ж̇иган̇г̇ам̣ на гад̇т̇ажи винияуд̇д̇анд̇и ааха ‘‘нзсаж̇ж̇иган̇г̇ам̣ бхааванаараамаарияавам̣сам̣ бхаж̇ад̇ий’’д̇и. аяан̃жа ад̇т̇о адтагат̇аарул̣хо зваад̇и д̣̇ассзнд̇о ‘‘вуд̇д̇амби жзд̇а’’нд̇иаад̣̇имааха.
Kasmā panettha paccayasantosaṃ dassentena bhagavatā gilānapaccayasantoso na gahitoti? Na kho panetaṃ evaṃ daṭṭhabbanti dassento ‘‘gilānapaccayo pana piṇḍapāte eva paviṭṭho’’ti āha, āharitabbatāsāmaññenāti adhippāyo. Yadi evaṃ tatthāpi piṇḍapāte viya vitakkasantosādayopi pannarasa santosā icchitabbāti? Noti dassento āha ‘‘tatthā’’tiādi. Nanu cettha dvādaseva dhutaṅgāni viniyogaṃ gatāni, ekaṃ pana nesajjikaṅgaṃ na katthaci viniyuttanti āha ‘‘nesajjikaṅgaṃ bhāvanārāmaariyavaṃsaṃ bhajatī’’ti. Ayañca attho aṭṭhakathāruḷho evāti dassento ‘‘vuttampi ceta’’ntiādimāha.
бат̇авим̣ бад̇т̇арамаано вияаад̇иаад̣̇и арияавам̣сад̣̇зсанааяа суд̣̇уггарабхаавад̣̇ассанам̣ махаависаяад̇д̇аа д̇ассаа д̣̇зсанааяа. яасмаа наяасахассабадиман̣д̣ид̇ам̣ ход̇и, арияамаг̇г̇аад̇хиг̇амааяа вид̇т̇аарад̇о бавад̇д̇ияамаанаа д̣̇зсанаа жид̇д̇уббаад̣̇аган̣д̣з аяан̃жа бхааванаараамаарияавам̣сагат̇аа арияамаг̇г̇аад̇хиг̇амааяа вид̇т̇аарад̇о бавад̇д̇ияамаанаа зва ход̇ийд̇и вуд̇д̇ам̣ ‘‘сахассанаяабадиман̣д̣ид̇ам̣…бз… д̣̇зсанам̣ аарабхий’’д̇и.
Pathaviṃ pattharamāno viyātiādi ariyavaṃsadesanāya sudukkarabhāvadassanaṃ mahāvisayattā tassā desanāya. Yasmā nayasahassapaṭimaṇḍitaṃ hoti, ariyamaggādhigamāya vitthārato pavattiyamānā desanā cittuppādakaṇḍe ayañca bhāvanārāmaariyavaṃsakathā ariyamaggādhigamāya vitthārato pavattiyamānā eva hotīti vuttaṃ ‘‘sahassanayapaṭimaṇḍitaṃ…pe… desanaṃ ārabhī’’ti.
бадибагкавид̇хаманад̇о абхимукабхаавзна раман̣ам̣ аараман̣ам̣ аараамод̇и ааха ‘‘абхирад̇ийд̇и ад̇т̇о’’д̇и. б̣яад̇хигаран̣аанамби бад̣̇аанам̣ васзна бхавад̇и б̣аахирад̇т̇асамаасо яат̇аа ‘‘урасиломо ган̣тзгаал̣о’’д̇и ааха ‘‘бхааванааяа аараамо ассаад̇и бхааванаараамо’’д̇и. абхирамид̇аб̣б̣адтзна ваа аараамо, бхааванаа аараамо ассаад̇и бхааванаараамод̇и звамбзд̇т̇а самаасаяож̇анаа взд̣̇ид̇аб̣б̣аа. бхаавзнд̇о рамад̇ийд̇и зд̇зна бхааванаараамасад̣̇д̣̇аанам̣ гад̇д̇усаад̇ханад̇ам̣ гаммад̇хаараяасамаасад̇ан̃жа д̣̇ассзд̇и. ‘‘баж̇аханд̇о рамад̇ий’’д̇и вуд̇д̇ад̇д̇аа бахаанаараамод̇и зд̇т̇ааби зсзва наяо.
Paṭipakkhavidhamanato abhimukhabhāvena ramaṇaṃ āramaṇaṃ ārāmoti āha ‘‘abhiratīti attho’’ti. Byadhikaraṇānampi padānaṃ vasena bhavati bāhiratthasamāso yathā ‘‘urasilomo kaṇṭhekāḷo’’ti āha ‘‘bhāvanāya ārāmo assāti bhāvanārāmo’’ti. Abhiramitabbaṭṭhena vā ārāmo, bhāvanā ārāmo assāti bhāvanārāmoti evampettha samāsayojanā veditabbā. Bhāvento ramatīti etena bhāvanārāmasaddānaṃ kattusādhanataṃ kammadhārayasamāsatañca dasseti. ‘‘Pajahanto ramatī’’ti vuttattā pahānārāmoti etthāpi eseva nayo.
гаамам̣ ‘‘нзсаж̇ж̇иган̇г̇ам̣ бхааванаараамаарияавам̣сам̣ бхаж̇ад̇ий’’д̇и вуд̇д̇ам̣ бхааванаануяог̇асса анужчавигад̇д̇аа, нзсаж̇ж̇иган̇г̇авасзна бана нзсаж̇ж̇игасса бхигкуно згажжаахи аабад̇д̇ийхи анаабад̇д̇ибхаавод̇и д̇амби сан̇г̇ан̣ханд̇о ‘‘д̇зрасаннам̣ д̇худ̇ан̇г̇аана’’нд̇и вад̇ваа винаяам̣ бад̇ваа г̇аругз таад̇аб̣б̣анд̇и ижчид̇ад̇д̇аа саллзкасса абарижжаж̇анавасзна бадибад̇д̇и наама винаяз тид̇ассзваад̇и ааха ‘‘д̇зрасаннам̣…бз… гат̇ид̇ам̣ ход̇ий’’д̇и. гаамам̣ суд̇д̇аабхид̇хаммабидагзсуби д̇ад̇т̇а д̇ад̇т̇а сийлагат̇аа аахадааязва, язхи бана г̇ун̣зхи сийласса вод̣̇аанам̣ ход̇и, д̇зсу гат̇ид̇зсу яат̇аа сийлагат̇ааб̣аахуллам̣ винаяабидагам̣ гат̇ид̇ам̣ ход̇и, звам̣ бхааванаагат̇ааб̣аахуллам̣ суд̇д̇абидагам̣ абхид̇хаммабидаган̃жа жад̇уд̇т̇зна арияавам̣сзна гат̇ид̇зна гат̇ид̇амзва ход̇ийд̇и вуд̇д̇ам̣ ‘‘бхааванаараамзна авасзсам̣ бидагад̣̇ваяам̣ гат̇ид̇а’’нд̇и. ‘‘со нзгкаммам̣ бхаавзнд̇о рамад̇ий’’д̇и нзгкаммабад̣̇ам̣ аад̣̇им̣ гад̇ваа д̇ад̇т̇а д̣̇зсанааяа бавад̇д̇ад̇д̇аа саб̣б̣зсамби ваа самат̇авибассанаамаг̇г̇ад̇хаммаанам̣ яат̇аасагам̣ бадибагкад̇о нигкаманзна нзгкаммасан̃н̃ид̇аанам̣ д̇ад̇т̇а ааг̇ад̇ад̇д̇аа со баато нзгкаммабаал̣ийд̇и вужжад̇ийд̇и ааха ‘‘нзгкамабаал̣ияаа гат̇зд̇аб̣б̣о’’д̇и. д̇знааха адтагат̇ааяам̣ ‘‘саб̣б̣зби гусалаа д̇хамаа, нзгкамманд̇и бавужжарз’’д̇и. д̣̇асуд̇д̇арасуд̇д̇анд̇абарияааязнаад̇и д̣̇асуд̇д̇арасуд̇д̇анд̇ад̇хаммзна (д̣̇ий. ни. 3.350 аад̣̇аяо) д̣̇асуд̇д̇арасуд̇д̇анд̇з ааг̇ад̇анаязнаад̇и ваа ад̇т̇о. сзсабад̣̇ад̣̇ваязби зсзва наяо.
Kāmaṃ ‘‘nesajjikaṅgaṃ bhāvanārāmaariyavaṃsaṃ bhajatī’’ti vuttaṃ bhāvanānuyogassa anucchavikattā, nesajjikaṅgavasena pana nesajjikassa bhikkhuno ekaccāhi āpattīhi anāpattibhāvoti tampi saṅgaṇhanto ‘‘terasannaṃ dhutaṅgāna’’nti vatvā vinayaṃ patvā garuke ṭhātabbanti icchitattā sallekhassa apariccajanavasena paṭipatti nāma vinaye ṭhitassevāti āha ‘‘terasannaṃ…pe… kathitaṃ hotī’’ti. Kāmaṃ suttābhidhammapiṭakesupi tattha tattha sīlakathā āhaṭāyeva, yehi pana guṇehi sīlassa vodānaṃ hoti, tesu kathitesu yathā sīlakathābāhullaṃ vinayapiṭakaṃ kathitaṃ hoti, evaṃ bhāvanākathābāhullaṃ suttapiṭakaṃ abhidhammapiṭakañca catutthena ariyavaṃsena kathitena kathitameva hotīti vuttaṃ ‘‘bhāvanārāmena avasesaṃ piṭakadvayaṃ kathita’’nti. ‘‘So nekkhammaṃ bhāvento ramatī’’ti nekkhammapadaṃ ādiṃ katvā tattha desanāya pavattattā sabbesampi vā samathavipassanāmaggadhammānaṃ yathāsakaṃ paṭipakkhato nikkhamanena nekkhammasaññitānaṃ tattha āgatattā so pāṭho nekkhammapāḷīti vuccatīti āha ‘‘nekkhamapāḷiyā kathetabbo’’ti. Tenāha aṭṭhakathāyaṃ ‘‘sabbepi kusalā dhamā, nekkhammanti pavuccare’’ti. Dasuttarasuttantapariyāyenāti dasuttarasuttantadhammena (dī. ni. 3.350 ādayo) dasuttarasuttante āgatanayenāti vā attho. Sesapadadvayepi eseva nayo.
сод̇и ж̇ааг̇арияам̣ ануяуд̇д̇о бхигку. нзгкамманд̇и гаамзхи нигканд̇абхаавад̇о нзгкаммасан̃н̃ид̇ам̣ батамаж̇жхаануубажаарам̣, со ‘‘абхиж̇жхам̣ логз бахааяаа’’д̇иаад̣̇инаа (вибха. 508) ааг̇ад̇о. батамаж̇жхаанасса буб̣б̣абхааг̇абхааванаа хи ид̇хаад̇хиббзд̇аа, д̇асмаа ‘‘аб̣яаабаад̣̇а’’нд̇иаад̣̇ийсуби звамзва ад̇т̇о взд̣̇ид̇аб̣б̣о. саубааяаанан̃хи адтаннам̣ самаабад̇д̇ийнам̣ адтаарасаннам̣ махаавибассанаанам̣ жад̇уннам̣ арияамаг̇г̇аанан̃жа васзнзд̇т̇а д̣̇зсанаа бавад̇д̇аад̇и. д̇ад̇т̇а аб̣яаабаад̣̇анд̇и мзд̇д̇аа. аалогасан̃н̃анд̇и вибхууд̇ам̣ гад̇ваа манасигаран̣зна убадтид̇ааалогасан̃ж̇аананам̣. авигкзбанд̇и самаад̇хим̣. д̇хаммававад̇т̇аананд̇и гусалаад̣̇ид̇хаммаанам̣ яаат̇ааванижчаяам̣, ‘‘сабажжаяанаамававад̇т̇аана’’нд̇иби вад̣̇анд̇и. звам̣ гаамажчанд̣̇аад̣̇инийваран̣аббахаанзна ‘‘абхиж̇жхам̣ логз бахааяаа’’д̇иаад̣̇инаа вуд̇д̇асса батамаж̇жхаанасса буб̣б̣абхааг̇абадибад̣̇ааяа бхааванаараамад̇ам̣ бахаанаараамад̇ан̃жа д̣̇ассзд̇ваа ид̣̇аани саха убааязна адтасамаабад̇д̇ийхи адтаарасахи жа махаавибассанаахи д̇ам̣ д̣̇ассзд̇ум̣ ‘‘н̃аан̣а’’нд̇иаад̣̇имааха. наамаруубабариг̇г̇ахан̣аган̇каавид̇аран̣аанан̃хи виб̣анд̇хабхууд̇асса мохасса д̣̇уурийгаран̣зна н̃аад̇абарин̃н̃ааяа тид̇асса анижжасан̃н̃аад̣̇аяо сиж̇жханд̇и. д̇ат̇аа жхаанасамаабад̇д̇ийсу анабхирад̇инимид̇д̇зна баамож̇ж̇зна д̇ад̇т̇а анабхирад̇ияаа винод̣̇ид̇ааяа жхаанаад̣̇ийнам̣ самад̇хиг̇амод̇и самаабад̇д̇ивибассанам̣ арад̇ивинод̣̇анаавиж̇ж̇аабад̣̇ааланаубааяо. уббадибаадинид̣̇д̣̇зсо бана нийваран̣асабхаавааяа авиж̇ж̇ааяа хздтаанийваран̣зсу сан̇г̇ахад̣̇ассанад̇т̇анд̇и д̣̇адтаб̣б̣ам̣. гин̃жааби батамаж̇жхаануубажаарзязва д̣̇угкам̣, жад̇уд̇т̇аж̇жхаануубажаарзязва сукам̣ бахийяад̇и, ад̇исаяаббахаанам̣ бана санд̇хааяааха ‘‘жад̇уд̇т̇аж̇жхаанам̣ сукад̣̇угкз’’д̇и.
Soti jāgariyaṃ anuyutto bhikkhu. Nekkhammanti kāmehi nikkhantabhāvato nekkhammasaññitaṃ paṭhamajjhānūpacāraṃ, so ‘‘abhijjhaṃ loke pahāyā’’tiādinā (vibha. 508) āgato. Paṭhamajjhānassa pubbabhāgabhāvanā hi idhādhippetā, tasmā ‘‘abyāpāda’’ntiādīsupi evameva attho veditabbo. Saupāyānañhi aṭṭhannaṃ samāpattīnaṃ aṭṭhārasannaṃ mahāvipassanānaṃ catunnaṃ ariyamaggānañca vasenettha desanā pavattāti. Tattha abyāpādanti mettā. Ālokasaññanti vibhūtaṃ katvā manasikaraṇena upaṭṭhitaālokasañjānanaṃ. Avikkhepanti samādhiṃ. Dhammavavatthānanti kusalādidhammānaṃ yāthāvanicchayaṃ, ‘‘sapaccayanāmavavatthāna’’ntipi vadanti. Evaṃ kāmacchandādinīvaraṇappahānena ‘‘abhijjhaṃ loke pahāyā’’tiādinā vuttassa paṭhamajjhānassa pubbabhāgapaṭipadāya bhāvanārāmataṃ pahānārāmatañca dassetvā idāni saha upāyena aṭṭhasamāpattīhi aṭṭhārasahi ca mahāvipassanāhi taṃ dassetuṃ ‘‘ñāṇa’’ntiādimāha. Nāmarūpapariggahaṇakaṅkhāvitaraṇānañhi vibandhabhūtassa mohassa dūrīkaraṇena ñātapariññāya ṭhitassa aniccasaññādayo sijjhanti. Tathā jhānasamāpattīsu anabhiratinimittena pāmojjena tattha anabhiratiyā vinoditāya jhānādīnaṃ samadhigamoti samāpattivipassanaṃ arativinodanaavijjāpadālanaupāyo. Uppaṭipāṭiniddeso pana nīvaraṇasabhāvāya avijjāya heṭṭhānīvaraṇesu saṅgahadassanatthanti daṭṭhabbaṃ. Kiñcāpi paṭhamajjhānūpacāreyeva dukkhaṃ, catutthajjhānūpacāreyeva sukhaṃ pahīyati, atisayappahānaṃ pana sandhāyāha ‘‘catutthajjhānaṃ sukhadukkhe’’ti.
анижжасса , анижжанд̇и жа анубассанаа анижжаанубассанаа, д̇збхуумагад̇хаммаанам̣ анижжад̇ам̣ г̇ахзд̇ваа бавад̇д̇ааяа анубассанааязд̇ам̣ наамам̣. нижжасан̃н̃анд̇и сан̇кад̇ад̇хаммзсу нижжаа сассад̇аад̇и бавад̇д̇ам̣ мижчаасан̃н̃ам̣. сан̃н̃аасийсзна д̣̇идтижид̇д̇аанамби г̇ахан̣ам̣ д̣̇адтаб̣б̣ам̣. зса наяо ид̇о барзсуби. ниб̣б̣ид̣̇аанубассананд̇и сан̇каарзсу ниб̣б̣инд̣̇анаагаарзна бавад̇д̇ам̣ анубассанам̣. нанд̣̇инд̇и саббийд̇игад̇ан̣хам̣. вирааг̇аанубассананд̇и вираж̇ж̇анаагаарзна бавад̇д̇ам̣ анубассанам̣. нирод̇хаанубассананд̇и сан̇каараанам̣ нирод̇хасса анубассанам̣. ‘‘д̇з сан̇каараа нируж̇жханд̇иязва, ааяад̇им̣ самуд̣̇аяавасзна на уббаж̇ж̇анд̇ий’’д̇и звам̣ ваа анубассанаа нирод̇хаанубассанаа. д̇знзвааха ‘‘нирод̇хаанубассанааяа нирод̇хзд̇и но самуд̣̇зд̇ий’’д̇и. мужжид̇угаамад̇аа хи аяам̣ б̣алаббад̇д̇аад̇и. бадиниссаж̇ж̇анаагаарзна бавад̇д̇аа анубассанаа бадиниссаг̇г̇аанубассанаа. бадисан̇каа санд̇идтанаа хи аяам̣. аад̣̇аананд̇и нижжаад̣̇ивасзна г̇ахан̣ам̣. санд̇ад̇исамуухагижжаарамман̣аанам̣ васзна згад̇д̇аг̇г̇ахан̣ам̣ гханасан̃н̃аа. ааяууханам̣ абхисан̇каран̣ам̣. авад̇т̇аависзсаабад̇д̇и вибарин̣аамо. д̇хувасан̃н̃анд̇и т̇ирабхааваг̇г̇ахан̣ам̣.
Aniccassa , aniccanti ca anupassanā aniccānupassanā, tebhūmakadhammānaṃ aniccataṃ gahetvā pavattāya anupassanāyetaṃ nāmaṃ. Niccasaññanti saṅkhatadhammesu niccā sassatāti pavattaṃ micchāsaññaṃ. Saññāsīsena diṭṭhicittānampi gahaṇaṃ daṭṭhabbaṃ. Esa nayo ito paresupi. Nibbidānupassananti saṅkhāresu nibbindanākārena pavattaṃ anupassanaṃ. Nandinti sappītikataṇhaṃ. Virāgānupassananti virajjanākārena pavattaṃ anupassanaṃ. Nirodhānupassananti saṅkhārānaṃ nirodhassa anupassanaṃ. ‘‘Te saṅkhārā nirujjhantiyeva, āyatiṃ samudayavasena na uppajjantī’’ti evaṃ vā anupassanā nirodhānupassanā. Tenevāha ‘‘nirodhānupassanāya nirodheti no samudetī’’ti. Muccitukāmatā hi ayaṃ balappattāti. Paṭinissajjanākārena pavattā anupassanā paṭinissaggānupassanā. Paṭisaṅkhā santiṭṭhanā hi ayaṃ. Ādānanti niccādivasena gahaṇaṃ. Santatisamūhakiccārammaṇānaṃ vasena ekattaggahaṇaṃ ghanasaññā. Āyūhanaṃ abhisaṅkharaṇaṃ. Avatthāvisesāpatti vipariṇāmo. Dhuvasaññanti thirabhāvaggahaṇaṃ.
нимид̇д̇анд̇и самуухагханавасзна, сагижжабарижчзд̣̇ад̇ааяа жа сан̇каараанам̣ савиг̇г̇ахад̇ам̣. бан̣ид̇хинд̇и рааг̇аад̣̇ибан̣ид̇хим̣. саа банад̇т̇ад̇о д̇ан̣хаавасзна сан̇каарзсу ниннад̇аа. абхинивзсанд̇и ад̇д̇аануд̣̇идти. анижжад̣̇угкаад̣̇ивасзна саб̣б̣ад̇хаммад̇ийран̣ам̣ ад̇хибан̃н̃аад̇хаммавибассанаа. саараад̣̇аанаабхинивзсанд̇и асаарз сааранд̇и г̇ахан̣авибаллаасам̣. ‘‘иссарагуд̇д̇аад̣̇ивасзна лого самуббанно’’д̇и абхинивзсо саммохаабхинивзсо. гзжи бана ‘‘ахосим̣ ну ко ахамад̇ийд̇амад̣̇д̇хаананд̇иаад̣̇инаа (ма. ни. 1.18; сам̣. ни. 2.20) бавад̇д̇асам̣саяаабад̇д̇и саммохаабхинивзсо’’д̇и вад̣̇анд̇и. сан̇каарзсу д̇аан̣алзн̣абхааваг̇г̇ахан̣ам̣ аалаяаабхинивзсо. ‘‘аалаяарад̇аа аалаяасаммуд̣̇ид̇аа’’д̇и (д̣̇ий. ни. 2.64, 67; ма. ни. 1.281; 2.337; сам̣. ни. 1.172; махаава. 7, 8) жа важанад̇о аалаяо д̇ан̣хаа, сааязва жагкаад̣̇ийсу руубаад̣̇ийсу жа абхинивзсавасзна бавад̇д̇ияаа аалаяаабхинивзсод̇и гзжи. звам̣ тид̇аа д̇з сан̇каараа бадиниссаж̇ж̇ийяанд̇ийд̇и бавад̇д̇ам̣ н̃аан̣ам̣ бадисан̇каанубассанаа. ваддад̇о виг̇ад̇ад̇д̇аа виваддам̣ ниб̣б̣аанам̣, д̇ад̇т̇а аарамман̣асан̇каад̇зна анубассанзна бавад̇д̇ияаа виваддаанубассанаа г̇од̇рабху. сам̣яог̇аабхинивзсанд̇и сам̣яуж̇ж̇анавасзна сан̇каарзсу нивзсанам̣. д̣̇идтзгадтзд̇и д̣̇идтияаа сахаж̇аад̇згадтз бахаанзгадтз жа. ол̣ааригзд̇и убаримаг̇г̇аваж̇жхз гилзсз абзгкид̇ваа вуд̇д̇ам̣, ан̃н̃ат̇аа д̣̇ассанаббахаад̇аб̣б̣ааби д̣̇уд̇ияамаг̇г̇аваж̇жхзхиби ол̣ааригаад̇и. ан̣усахаг̇ад̇зд̇и ан̣убхууд̇з. ид̣̇ам̣ хздтимамаг̇г̇аваж̇жхз абзгкид̇ваа вуд̇д̇ам̣. саб̣б̣агилзсзд̇и авасидтасаб̣б̣агилзсз. на хи батамаад̣̇имаг̇г̇зхиби бахийнаа гилзсаа буна бахийяанд̇ийд̇и.
Nimittanti samūhaghanavasena, sakiccaparicchedatāya ca saṅkhārānaṃ saviggahataṃ. Paṇidhinti rāgādipaṇidhiṃ. Sā panatthato taṇhāvasena saṅkhāresu ninnatā. Abhinivesanti attānudiṭṭhi. Aniccadukkhādivasena sabbadhammatīraṇaṃ adhipaññādhammavipassanā. Sārādānābhinivesanti asāre sāranti gahaṇavipallāsaṃ. ‘‘Issarakuttādivasena loko samuppanno’’ti abhiniveso sammohābhiniveso. Keci pana ‘‘ahosiṃ nu kho ahamatītamaddhānantiādinā (ma. ni. 1.18; saṃ. ni. 2.20) pavattasaṃsayāpatti sammohābhiniveso’’ti vadanti. Saṅkhāresu tāṇaleṇabhāvaggahaṇaṃ ālayābhiniveso. ‘‘Ālayaratā ālayasammuditā’’ti (dī. ni. 2.64, 67; ma. ni. 1.281; 2.337; saṃ. ni. 1.172; mahāva. 7, 8) ca vacanato ālayo taṇhā, sāyeva cakkhādīsu rūpādīsu ca abhinivesavasena pavattiyā ālayābhinivesoti keci. Evaṃ ṭhitā te saṅkhārā paṭinissajjīyantīti pavattaṃ ñāṇaṃ paṭisaṅkhānupassanā. Vaṭṭato vigatattā vivaṭṭaṃ nibbānaṃ, tattha ārammaṇasaṅkhātena anupassanena pavattiyā vivaṭṭānupassanā gotrabhu. Saṃyogābhinivesanti saṃyujjanavasena saṅkhāresu nivesanaṃ. Diṭṭhekaṭṭheti diṭṭhiyā sahajātekaṭṭhe pahānekaṭṭhe ca. Oḷāriketi uparimaggavajjhe kilese apekkhitvā vuttaṃ, aññathā dassanappahātabbāpi dutiyamaggavajjhehipi oḷārikāti. Aṇusahagateti aṇubhūte. Idaṃ heṭṭhimamaggavajjhe apekkhitvā vuttaṃ. Sabbakileseti avasiṭṭhasabbakilese. Na hi paṭhamādimaggehipi pahīnā kilesā puna pahīyantīti.
званд̇и бадисамбхид̣̇аамаг̇г̇з (бади. ма. 1.41, 95) нзгкаммабаал̣ияаа яож̇анам̣ ниг̇амзд̇ваа д̣̇ийгханигааязд̇иаад̣̇инаа д̣̇асуд̇д̇арабарияааязна (д̣̇ий. ни. 3.350 аад̣̇аяо) яож̇анам̣ д̣̇ассзд̇и . згам̣ д̇хаммам̣ бхаавзнд̇о рамад̇и, згам̣ д̇хаммам̣ баж̇аханд̇о рамад̇ийд̇и жа наяид̣̇ам̣ д̣̇асуд̇д̇арасуд̇д̇з (д̣̇ий. ни. 3.350 аад̣̇аяо) ааг̇ад̇анияаамзна вуд̇д̇ам̣, д̇ад̇т̇а бана ‘‘зго д̇хаммо бхаавзд̇аб̣б̣о, зго д̇хаммо бахаад̇аб̣б̣о’’д̇и д̣̇зсанаа ааг̇ад̇аа. звам̣ санд̇зби яасмаа ад̇т̇ад̇о бхзд̣̇о над̇т̇и, д̇асмаа бадисамбхид̣̇аамаг̇г̇з (бади. ма. 1.41, 95) нзгкаммабаал̣ияам̣ ааг̇ад̇анийхаарзнзва ‘‘згам̣ д̇хаммам̣ бхаавзнд̇о рамад̇и, згам̣ д̇хаммам̣ баж̇аханд̇о рамад̇ий’’д̇и вуд̇д̇ам̣. зса наяо сзсаваарзсуби.
Evanti paṭisambhidāmagge (paṭi. ma. 1.41, 95) nekkhammapāḷiyā yojanaṃ nigametvā dīghanikāyetiādinā dasuttarapariyāyena (dī. ni. 3.350 ādayo) yojanaṃ dasseti . Ekaṃ dhammaṃ bhāvento ramati, ekaṃ dhammaṃ pajahanto ramatīti ca nayidaṃ dasuttarasutte (dī. ni. 3.350 ādayo) āgataniyāmena vuttaṃ, tattha pana ‘‘eko dhammo bhāvetabbo, eko dhammo pahātabbo’’ti desanā āgatā. Evaṃ santepi yasmā atthato bhedo natthi, tasmā paṭisambhidāmagge (paṭi. ma. 1.41, 95) nekkhammapāḷiyaṃ āgatanīhāreneva ‘‘ekaṃ dhammaṃ bhāvento ramati, ekaṃ dhammaṃ pajahanto ramatī’’ti vuttaṃ. Esa nayo sesavāresupi.
званд̇иаад̣̇инаа д̣̇асуд̇д̇арабарияааязна (д̣̇ий. ни. 3.350 аад̣̇аяо) яож̇анам̣ ниг̇амзд̇ваа ид̣̇аани сад̇ибадтаанасуд̇д̇анд̇абарияааязна (ма. ни. 1.105 аад̣̇аяо) яож̇анам̣ д̣̇ассзд̇ум̣ ‘‘маж̇жхиманигааяз’’д̇иаад̣̇и аарад̣̇д̇хам̣. гааман̃жзд̇т̇а гааяаанубассанаавасзнзва сам̣кибид̇ваа яож̇анаа гад̇аа, згавийсад̇ияаа бана таанаанам̣ васзнаби яож̇анаа гаад̇аб̣б̣аа. ид̣̇аани абхид̇хамманид̣̇д̣̇зсабарияааязна д̣̇ассзд̇ум̣ ‘‘абхид̇хаммз нид̣̇д̣̇зсабарияааязнаа’’д̇иаад̣̇и аарад̣̇д̇хам̣. анижжад̇од̇иаад̣̇ийсу яам̣ вад̇д̇аб̣б̣ам̣, д̇ам̣ висуд̣̇д̇химаг̇г̇асам̣ван̣н̣анаасу (висуд̣̇д̇хи. 2.698; висуд̣̇д̇хи. махаадий. 2.698) вуд̇д̇анаязна взд̣̇ид̇аб̣б̣ам̣.
Evantiādinā dasuttarapariyāyena (dī. ni. 3.350 ādayo) yojanaṃ nigametvā idāni satipaṭṭhānasuttantapariyāyena (ma. ni. 1.105 ādayo) yojanaṃ dassetuṃ ‘‘majjhimanikāye’’tiādi āraddhaṃ. Kāmañcettha kāyānupassanāvaseneva saṃkhipitvā yojanā katā, ekavīsatiyā pana ṭhānānaṃ vasenapi yojanā kātabbā. Idāni abhidhammaniddesapariyāyena dassetuṃ ‘‘abhidhamme niddesapariyāyenā’’tiādi āraddhaṃ. Aniccatotiādīsu yaṃ vattabbaṃ, taṃ visuddhimaggasaṃvaṇṇanāsu (visuddhi. 2.698; visuddhi. mahāṭī. 2.698) vuttanayena veditabbaṃ.
угган̣тид̇анд̇и ад̇хигусалзсу д̇хаммзсу банд̇асзнаасанзсу жа угган̣таад̣̇ин̃жа, анануяог̇од̇и ад̇т̇о. арияавам̣сабуураго д̇хийро сийлаваа бхигку арияавам̣сабарибууран̣асса бхзд̣̇ам̣ анижчанд̇о самаахид̇о вибассаго жа бажжаяагхаад̇зна арад̇ияаа рад̇ияаа жа сахид̇аа абхибхавид̇аа ход̇ийд̇и вуд̇д̇ам̣ ‘‘арад̇ирад̇исахо, бхигкавз, д̇хийро’’д̇и. сзсам̣ сувин̃н̃зяяамзва.
Ukkaṇṭhitanti adhikusalesu dhammesu pantasenāsanesu ca ukkaṇṭhādiñca, ananuyogoti attho. Ariyavaṃsapūrako dhīro sīlavā bhikkhu ariyavaṃsaparipūraṇassa bhedaṃ anicchanto samāhito vipassako ca paccayaghātena aratiyā ratiyā ca sahitā abhibhavitā hotīti vuttaṃ ‘‘aratiratisaho, bhikkhave, dhīro’’ti. Sesaṃ suviññeyyameva.
арияавам̣сасуд̇д̇аван̣н̣анаа нидтид̇аа.
Ariyavaṃsasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. арияавам̣сасуд̇д̇ам̣ • 8. Ariyavaṃsasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. арияавам̣сасуд̇д̇аван̣н̣анаа • 8. Ariyavaṃsasuttavaṇṇanā
