| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. арун̣авад̇ийсуд̇д̇аван̣н̣анаа
4. Aruṇavatīsuttavaṇṇanā
185. жад̇уд̇т̇з абхибхуусамбхаванд̇и абхибхуу жа самбхаво жа. д̇зсу абхибхуут̇зро саарибуд̇д̇ад̇т̇зро вияа бан̃н̃ааяа аг̇г̇о, самбхавад̇т̇зро махаамог̇г̇аллаано вияа самаад̇хинаа аг̇г̇о. уж̇жхааяанд̇ийд̇и аваж̇жхааяанд̇и, лаамагад̇о ваа жинд̇знд̇и. кияяанд̇ийд̇и, гиннаамзд̇ам̣ гиннаамзд̇анд̇и? ан̃н̃аман̃н̃ам̣ гат̇знд̇и. вибаажзнд̇ийд̇и вид̇т̇аараяанд̇аа бунаббунам̣ гат̇знд̇и. хздтимзна убад̣дхагааязнаад̇и наабхид̇о бадтааяа хздтимагааязна. баал̣ияам̣ зд̇д̇агамзва ааг̇ад̇ам̣. т̇зро бана ‘‘багад̇иван̣н̣ам̣ виж̇ахид̇ваа нааг̇аван̣н̣ам̣ г̇ахзд̇ваа д̣̇ассзд̇и, субан̣н̣аван̣н̣ам̣ г̇ахзд̇ваа ваа д̣̇ассзд̇ий’’д̇иаад̣̇инаа (бади. ма. 3.13) наязна ааг̇ад̇ам̣ анзгаббагаарам̣ ид̣̇д̇хивигуб̣б̣анам̣ д̣̇ассзси. имаа г̇аат̇ааяо абхаасийд̇и т̇зро гира жинд̇зси – ‘‘гат̇ам̣ д̣̇зсид̇аа ну ко д̇хаммад̣̇зсанаа саб̣б̣зсам̣ бияаа асса манаабаа’’д̇и. д̇ад̇о ааваж̇ж̇знд̇о – ‘‘саб̣б̣зби баасан̣д̣аа саб̣б̣з д̣̇звамануссаа ад̇д̇ано ад̇д̇ано самаяз бурисагаарам̣ ван̣н̣аяанд̇и, вийрияасса аван̣н̣аваад̣̇ий наама над̇т̇и, вийрияабадисам̣яуд̇д̇ам̣ гад̇ваа д̣̇зсзссаами, звам̣ аяам̣ д̇хаммад̣̇зсанаа саб̣б̣зсам̣ бияаа бхависсад̇и манаабаа’’д̇и н̃ад̇ваа д̇ийсу бидагзсу вижинид̇ваа имаа г̇аат̇аа абхааси.
185. Catutthe abhibhūsambhavanti abhibhū ca sambhavo ca. Tesu abhibhūthero sāriputtatthero viya paññāya aggo, sambhavatthero mahāmoggallāno viya samādhinā aggo. Ujjhāyantīti avajjhāyanti, lāmakato vā cintenti. Khiyyantīti, kinnāmetaṃ kinnāmetanti? Aññamaññaṃ kathenti. Vipācentīti vitthārayantā punappunaṃ kathenti. Heṭṭhimena upaḍḍhakāyenāti nābhito paṭṭhāya heṭṭhimakāyena. Pāḷiyaṃ ettakameva āgataṃ. Thero pana ‘‘pakativaṇṇaṃ vijahitvā nāgavaṇṇaṃ gahetvā dasseti, supaṇṇavaṇṇaṃ gahetvā vā dassetī’’tiādinā (paṭi. ma. 3.13) nayena āgataṃ anekappakāraṃ iddhivikubbanaṃ dassesi. Imā gāthāyo abhāsīti thero kira cintesi – ‘‘kathaṃ desitā nu kho dhammadesanā sabbesaṃ piyā assa manāpā’’ti. Tato āvajjento – ‘‘sabbepi pāsaṇḍā sabbe devamanussā attano attano samaye purisakāraṃ vaṇṇayanti, vīriyassa avaṇṇavādī nāma natthi, vīriyapaṭisaṃyuttaṃ katvā desessāmi, evaṃ ayaṃ dhammadesanā sabbesaṃ piyā bhavissati manāpā’’ti ñatvā tīsu piṭakesu vicinitvā imā gāthā abhāsi.
д̇ад̇т̇а аарамбхат̇аад̇и аарамбхавийрияам̣ гарот̇а. ниггамат̇аад̇и ниггамавийрияам̣ гарот̇а. яун̃ж̇ат̇аад̇и баяог̇ам̣ гарот̇а бараггамат̇а. мажжуно сзнанд̇и мажжуно сзнаа наама гилзсасзнаа, д̇ам̣ д̇хунаат̇а. ж̇аад̇исам̣сааранд̇и ж̇аад̇ин̃жа сам̣сааран̃жа, ж̇аад̇исан̇каад̇ам̣ ваа сам̣саарам̣. д̣̇угкассанд̇ам̣ гариссад̇ийд̇и ваддад̣̇угкасса барижчзд̣̇ам̣ гариссад̇и. гим̣ бана гад̇ваа т̇зро сахассилогад̇хаад̇ум̣ вин̃н̃аабзсийд̇и? нийлагасин̣ам̣ д̇аава самаабаж̇ж̇ид̇ваа саб̣б̣ад̇т̇а аалогадтаанз анд̇хагаарам̣ пари, од̣̇аад̇агасин̣ам̣ самаабаж̇ж̇ид̇ваа анд̇хагаарадтаанз обхаасам̣. д̇ад̇о ‘‘гимид̣̇ам̣ анд̇хагаара’’нд̇и? сад̇д̇аанам̣ аабхог̇з уббаннз аалогам̣ д̣̇ассзси. аалогадтаанз аалогагижжам̣ над̇т̇и, ‘‘гим̣ аалого аяа’’нд̇и? вижинанд̇аанам̣ ад̇д̇аанам̣ д̣̇ассзси. ат̇а д̇зсам̣ т̇зрод̇и вад̣̇анд̇аанам̣ имаа г̇аат̇ааяо абхааси, саб̣б̣з осадааяа барисааяа маж̇жхз нисийд̣̇ид̇ваа д̇хаммам̣ д̣̇зсзнд̇асса вияа сад̣̇д̣̇ам̣ сун̣им̣су. ад̇т̇оби нзсам̣ баагадо ахоси. жад̇уд̇т̇ам̣.
Tattha ārambhathāti ārambhavīriyaṃ karotha. Nikkamathāti nikkamavīriyaṃ karotha. Yuñjathāti payogaṃ karotha parakkamatha. Maccuno senanti maccuno senā nāma kilesasenā, taṃ dhunātha. Jātisaṃsāranti jātiñca saṃsārañca, jātisaṅkhātaṃ vā saṃsāraṃ. Dukkhassantaṃ karissatīti vaṭṭadukkhassa paricchedaṃ karissati. Kiṃ pana katvā thero sahassilokadhātuṃ viññāpesīti? Nīlakasiṇaṃ tāva samāpajjitvā sabbattha ālokaṭṭhāne andhakāraṃ phari, odātakasiṇaṃ samāpajjitvā andhakāraṭṭhāne obhāsaṃ. Tato ‘‘kimidaṃ andhakāra’’nti? Sattānaṃ ābhoge uppanne ālokaṃ dassesi. Ālokaṭṭhāne ālokakiccaṃ natthi, ‘‘kiṃ āloko aya’’nti? Vicinantānaṃ attānaṃ dassesi. Atha tesaṃ theroti vadantānaṃ imā gāthāyo abhāsi, sabbe osaṭāya parisāya majjhe nisīditvā dhammaṃ desentassa viya saddaṃ suṇiṃsu. Atthopi nesaṃ pākaṭo ahosi. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. арун̣авад̇ийсуд̇д̇ам̣ • 4. Aruṇavatīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. арун̣авад̇ийсуд̇д̇аван̣н̣анаа • 4. Aruṇavatīsuttavaṇṇanā
