| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
аруубааважарагусалагат̇ааван̣н̣анаа
Arūpāvacarakusalakathāvaṇṇanā
265. саб̣б̣аагаарзнаад̇и звам̣ руубанимид̇д̇ам̣ д̣̇ан̣д̣аад̣̇аанасамбхавад̣̇ассанаад̣̇инаа саб̣б̣зна руубаруубанимид̇д̇зсу д̇ад̣̇аарамман̣аж̇жхаанзсу д̣̇осад̣̇ассанаагаарзна, руубаад̣̇ийсу ниганд̇иббахаанаанааваж̇ж̇ид̇угаамад̇аад̣̇инаа ваа. вирааг̇аад̇и ж̇иг̇ужчанаа. аанзн̃ж̇аабхисан̇каараважанаад̣̇ийхи аанзн̃ж̇ад̇аа ‘‘санд̇аа имз жунд̣̇а арияасса винаяз вимогкаа’’д̇иаад̣̇инаа санд̇авимогкад̇аа жа вуд̇д̇аа. д̣̇осад̣̇ассанабадибагкабхааванаавасзна бадигхасан̃н̃аанам̣ суббахийнад̇д̇аа махад̇ааби сад̣̇д̣̇зна аруубасамаабад̇д̇ид̇о на вудтаад̇и. д̇ат̇аа бана на суббахийнад̇д̇аа саб̣б̣аруубасамаабад̇д̇ид̇о вудтаанам̣ сияаа, батамаж̇жхаанам̣ бана аббагамби сад̣̇д̣̇ам̣ на сахад̇ийд̇и д̇ам̣ самаабаннасса сад̣̇д̣̇о ган̣дагод̇и вуд̇д̇ам̣.
265. Sabbākārenāti evaṃ rūpanimittaṃ daṇḍādānasambhavadassanādinā sabbena rūparūpanimittesu tadārammaṇajjhānesu dosadassanākārena, rūpādīsu nikantippahānaanāvajjitukāmatādinā vā. Virāgāti jigucchanā. Āneñjābhisaṅkhāravacanādīhi āneñjatā ‘‘santā ime cunda ariyassa vinaye vimokkhā’’tiādinā santavimokkhatā ca vuttā. Dosadassanapaṭipakkhabhāvanāvasena paṭighasaññānaṃ suppahīnattā mahatāpi saddena arūpasamāpattito na vuṭṭhāti. Tathā pana na suppahīnattā sabbarūpasamāpattito vuṭṭhānaṃ siyā, paṭhamajjhānaṃ pana appakampi saddaṃ na sahatīti taṃ samāpannassa saddo kaṇṭakoti vuttaṃ.
ааруббабхааванааяа абхаавз жуд̇ид̇о уд̣̇д̇хам̣ уббад̇д̇ирахаанам̣ руубасан̃н̃аабадигхасан̃н̃аанам̣ яаава ад̇д̇ано вибаагаббавад̇д̇и, д̇аава ануббад̇д̇ид̇хаммад̇аабаад̣̇анзна самад̇иггамо ад̇т̇ан̇г̇амо жа вуд̇д̇о. наанад̇д̇асан̃н̃аасу бана яаа д̇асмим̣ бхавз на уббаж̇ж̇анд̇и, д̇аа аногаасад̇ааяа на уббаж̇ж̇анд̇и, на ааруббабхааванааяа ниваарид̇ад̇д̇аа. аниваарид̇ад̇д̇аа жа гаажи уббаж̇ж̇анд̇и. д̇асмаа д̇аасам̣ аманасигааро анааваж̇ж̇анам̣ абажжавзгкан̣ам̣, ж̇аванабадибаад̣̇агзна ваа бхаван̇г̇аманасса анд̇арз агаран̣ам̣ аббавзсанам̣ вуд̇д̇ам̣, д̇зна жа наанад̇д̇асан̃н̃ааманасигаарахзд̇уунам̣ руубаанам̣ самад̇иггамаа самаад̇хисса т̇ирабхаавам̣ д̣̇ассзд̇и. руубасамад̇иггамаабхаавзнзва хи руубасамаабад̇д̇ийсу ‘‘наанад̇д̇асан̃н̃аанам̣ аманасигаараа’’д̇и згасса аважананд̇и. го аанисам̣со, на хи саб̣б̣ассаад̣̇авад̇т̇урахид̇з аагаасз бавад̇д̇ид̇асан̃н̃ааяа аанисам̣со д̣̇иссад̇ийд̇и вуд̇д̇ам̣ ход̇и. руубасан̃н̃аасамад̇иггаманаад̣̇игам̣ важанам̣ аанисам̣сасса багаасанам̣, на ад̇т̇о.
Āruppabhāvanāya abhāve cutito uddhaṃ uppattirahānaṃ rūpasaññāpaṭighasaññānaṃ yāva attano vipākappavatti, tāva anuppattidhammatāpādanena samatikkamo atthaṅgamo ca vutto. Nānattasaññāsu pana yā tasmiṃ bhave na uppajjanti, tā anokāsatāya na uppajjanti, na āruppabhāvanāya nivāritattā. Anivāritattā ca kāci uppajjanti. Tasmā tāsaṃ amanasikāro anāvajjanaṃ apaccavekkhaṇaṃ, javanapaṭipādakena vā bhavaṅgamanassa antare akaraṇaṃ appavesanaṃ vuttaṃ, tena ca nānattasaññāmanasikārahetūnaṃ rūpānaṃ samatikkamā samādhissa thirabhāvaṃ dasseti. Rūpasamatikkamābhāveneva hi rūpasamāpattīsu ‘‘nānattasaññānaṃ amanasikārā’’ti ekassa avacananti. Ko ānisaṃso, na hi sabbassādavatthurahite ākāse pavattitasaññāya ānisaṃso dissatīti vuttaṃ hoti. Rūpasaññāsamatikkamanādikaṃ vacanaṃ ānisaṃsassa pakāsanaṃ, na attho.
ан̃н̃ад̇т̇аад̇и суд̇д̇зсу. д̇ад̇т̇а хи барид̇д̇агасин̣уг̇гхааданзби руубавивзгамад̇д̇аг̇г̇ахан̣зна барижчзд̣̇асса аг̇г̇ахан̣ад̇о ананд̇апаран̣ад̇аа жа вуд̇д̇аа, ид̇ха бана ананд̇апаран̣ад̇аасаб̣бхаавзби уг̇гхаадид̇агасин̣авасзна барид̇д̇аананд̇ад̇аа ход̇ийд̇и д̣̇ассанад̇т̇ам̣ ‘‘ананд̇о аагаасо’’д̇и на вуд̇д̇анд̇и ад̇хиббааяо. самаяававад̇т̇аабанажхаанависзсанзнзвзд̇т̇а ад̇т̇о, на бадибад̇д̇ияаад̇и д̇ад̣̇аважанам̣.
Aññatthāti suttesu. Tattha hi parittakasiṇugghāṭanepi rūpavivekamattaggahaṇena paricchedassa aggahaṇato anantapharaṇatā ca vuttā, idha pana anantapharaṇatāsabbhāvepi ugghāṭitakasiṇavasena parittānantatā hotīti dassanatthaṃ ‘‘ananto ākāso’’ti na vuttanti adhippāyo. Samayavavatthāpanajhānavisesanenevettha attho, na paṭipattiyāti tadavacanaṃ.
266. батамааруббавин̃н̃аан̣ам̣ ад̇д̇ано паран̣аагаарзнзва ананд̇анд̇и манасигаад̇аб̣б̣ад̇д̇аа ‘‘ананд̇а’’нд̇и вуд̇д̇ам̣. уг̇гхаадабхааво уг̇гхаадимам̣.
266. Paṭhamāruppaviññāṇaṃ attano pharaṇākāreneva anantanti manasikātabbattā ‘‘ananta’’nti vuttaṃ. Ugghāṭabhāvo ugghāṭimaṃ.
267. агин̃жананд̇и вин̃н̃аан̣асса гин̃жи багаарам̣ аг̇г̇ахзд̇ваа саб̣б̣зна саб̣б̣ам̣ вибхааванам̣ ааха.
267. Akiñcananti viññāṇassa kiñci pakāraṃ aggahetvā sabbena sabbaṃ vibhāvanaṃ āha.
268. яааяаад̇и сан̇каараавасзсасан̃н̃ааяа. д̇ам̣ д̇аава бадибад̇д̇им̣. ааваж̇ж̇иссаамийд̇иаад̣̇инаа д̇анниннааваж̇ж̇анаад̣̇ибавад̇д̇ияаа абхаавам̣ д̣̇ассзд̇и, на д̇ад̣̇ад̇иггаманад̇т̇ааяа ааваж̇ж̇анабхааванаабавад̇д̇ияаа. наасан̃н̃аад̇и сан̃н̃аабхааво жа зд̇иссаа ад̇т̇ийд̇и ад̇т̇о. самуухаг̇ахан̣авасзна бавад̇д̇ам̣ галаабасаммасанам̣. пассаад̣̇изгзгад̇хаммаг̇ахан̣авасзна бавад̇д̇аа анубад̣̇ад̇хаммавибассанаа.
268. Yāyāti saṅkhārāvasesasaññāya. Taṃ tāva paṭipattiṃ. Āvajjissāmītiādinā tanninnāvajjanādipavattiyā abhāvaṃ dasseti, na tadatikkamanatthāya āvajjanabhāvanāpavattiyā. Nāsaññāti saññābhāvo ca etissā atthīti attho. Samūhagahaṇavasena pavattaṃ kalāpasammasanaṃ. Phassādiekekadhammagahaṇavasena pavattā anupadadhammavipassanā.
аагаасз бавад̇д̇ид̇авин̃н̃аан̣аад̇иггамад̇о д̇ад̇ияаа. д̇ад̣̇ад̇иггамад̇о хи д̇ассзва вибхааванам̣ ход̇и. д̣̇уд̇ияааруббавин̃н̃аан̣авибхааванз хи д̇ад̣̇зва ад̇игганд̇ам̣ сияаа, на д̇асса аарамман̣ам̣, на жаарамман̣з д̣̇осам̣ д̣̇исваа анаарамман̣асса вибхааванаад̇иггамо яуж̇ж̇ад̇и. баал̣ияан̃жа ‘‘вин̃н̃аан̣ан̃жааяад̇анасамаабад̇д̇им̣ сад̇о самаабаж̇ж̇ид̇ваа д̇ад̇о вудтахид̇ваа д̇ан̃н̃зва вин̃н̃аан̣ам̣ абхаавзд̇ий’’д̇и (жуул̣ани. убасийвамаан̣авабужчаанид̣̇д̣̇зса 39) д̇д̇ам̣, на вуд̇д̇ам̣ ‘‘д̇ан̃н̃зва вин̃н̃аан̣ан̃жааяад̇анам̣ абхаавзд̇ий’’д̇и, ‘‘д̇ан̃н̃зва абхаавзд̇ий’’д̇и ваа. ‘‘ананд̇ам̣ вин̃н̃аан̣анд̇и вин̃н̃аан̣ан̃жааяад̇анам̣ убасамбаж̇ж̇аа’’д̇и (вибха. 508) зд̇т̇а бана д̣̇ваяам̣ вуд̇д̇ам̣ аарамман̣ан̃жа вин̃н̃аан̣ам̣ вин̃н̃аан̣ан̃жааяад̇анан̃жа. д̇асмим̣ д̣̇ваяз язна гзнажи яад̇о ваа вудтид̇о, д̇знзва бадтаананид̣̇д̣̇идтзна д̇ам̣сад̣̇д̣̇асса самб̣анд̇хз аабаннз вин̃н̃аан̣ан̃жааяад̇анасса нивад̇д̇анад̇т̇ам̣ вин̃н̃аан̣аважанам̣, д̇асмаа батамааруббавин̃н̃аан̣ассзва абхааванаад̇иггамо вуд̇д̇о. д̇анниссид̇анд̇и д̇зна ниссид̇ам̣. д̇ам̣ ман̣д̣абалаг̇г̇ам̣ аниссааяа д̇зна винаабхууд̇з вивид̇д̇з б̣ахи огаасз таанам̣ вияа аагаасалаг̇г̇авин̃н̃аан̣асса вивзгз д̇ад̣̇абаг̇амз д̇ад̇ияааруббасса таанам̣.
Ākāse pavattitaviññāṇātikkamato tatiyā. Tadatikkamato hi tasseva vibhāvanaṃ hoti. Dutiyāruppaviññāṇavibhāvane hi tadeva atikkantaṃ siyā, na tassa ārammaṇaṃ, na cārammaṇe dosaṃ disvā anārammaṇassa vibhāvanātikkamo yujjati. Pāḷiyañca ‘‘viññāṇañcāyatanasamāpattiṃ sato samāpajjitvā tato vuṭṭhahitvā taññeva viññāṇaṃ abhāvetī’’ti (cūḷani. upasīvamāṇavapucchāniddesa 39) ttaṃ, na vuttaṃ ‘‘taññeva viññāṇañcāyatanaṃ abhāvetī’’ti, ‘‘taññeva abhāvetī’’ti vā. ‘‘Anantaṃ viññāṇanti viññāṇañcāyatanaṃ upasampajjā’’ti (vibha. 508) ettha pana dvayaṃ vuttaṃ ārammaṇañca viññāṇaṃ viññāṇañcāyatanañca. Tasmiṃ dvaye yena kenaci yato vā vuṭṭhito, teneva paṭṭhānaniddiṭṭhena taṃsaddassa sambandhe āpanne viññāṇañcāyatanassa nivattanatthaṃ viññāṇavacanaṃ, tasmā paṭhamāruppaviññāṇasseva abhāvanātikkamo vutto. Tannissitanti tena nissitaṃ. Taṃ maṇḍapalaggaṃ anissāya tena vinābhūte vivitte bahi okāse ṭhānaṃ viya ākāsalaggaviññāṇassa viveke tadapagame tatiyāruppassa ṭhānaṃ.
аруубааважарагусалагат̇ааван̣н̣анаа нидтид̇аа.
Arūpāvacarakusalakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / аруубааважарагусалам̣ • Arūpāvacarakusalaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā
аагаасаанан̃жааяад̇анам̣ • Ākāsānañcāyatanaṃ
вин̃н̃аан̣ан̃жааяад̇анам̣ • Viññāṇañcāyatanaṃ
аагин̃жан̃н̃ааяад̇анам̣ • Ākiñcaññāyatanaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / аруубааважарагусалагат̇ааван̣н̣анаа • Arūpāvacarakusalakathāvaṇṇanā
