| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
аруубааважарагусалагат̇ааван̣н̣анаа
Arūpāvacarakusalakathāvaṇṇanā
265. руубанимид̇д̇анд̇и руубахзд̇у руубаад̇хигаран̣ам̣. руубааруубанимид̇д̇зсууд̇и руубад̇хаммзсу жа бат̇авийгасин̣аад̣̇инимид̇д̇зсу жа. д̇ад̣̇аарамман̣аж̇жхаанзсууд̇и зд̇т̇а д̇ам̣-сад̣̇д̣̇зна руубанимид̇д̇ам̣ бажжаамасад̇и руубамби ваа руубад̇хаммаарамман̣аанамби руубааважараж̇жхаанаанам̣ самбхавад̇о. руубаад̣̇ийсууд̇и руубааруубанимид̇д̇ад̇ад̣̇аарамман̣аж̇жхаанзсу руубабадиб̣ад̣̇д̇хад̇хаммзсу жа. анааваж̇ж̇ид̇угаамад̇аад̣̇инаад̇и аад̣̇и-сад̣̇д̣̇зна асамаабаж̇ж̇ид̇угаамад̇аад̣̇им̣ сан̇г̇ан̣хаад̇и.
265. Rūpanimittanti rūpahetu rūpādhikaraṇaṃ. Rūpārūpanimittesūti rūpadhammesu ca pathavīkasiṇādinimittesu ca. Tadārammaṇajjhānesūti ettha taṃ-saddena rūpanimittaṃ paccāmasati rūpampi vā rūpadhammārammaṇānampi rūpāvacarajjhānānaṃ sambhavato. Rūpādīsūti rūpārūpanimittatadārammaṇajjhānesu rūpapaṭibaddhadhammesu ca. Anāvajjitukāmatādināti ādi-saddena asamāpajjitukāmatādiṃ saṅgaṇhāti.
жуд̇ид̇о уд̣̇д̇хам̣ уббад̇д̇ирахаанам̣…бз… ануббад̇д̇ид̇хаммад̇аабаад̣̇анзна самад̇иггамод̇и зд̇зна самад̇иггамид̇аб̣б̣ад̇д̇зна руубааважарагусалаанам̣ руубааважаравибаагагириязхи висзсаабхаавам̣ д̣̇ассзд̇и анад̇хиг̇ад̇абхаавад̇о. язсан̃хи руубасан̃н̃аад̣̇ийнам̣ аруубабхааванааяа самад̇иггамаад̣̇иго лаб̣бхад̇и, д̇з д̣̇ассзд̇ум̣ ‘‘аруубабхааванааяа абхаавз жуд̇ид̇о уд̣̇д̇хам̣ уббад̇д̇ирахаана’’нд̇и вуд̇д̇анд̇и. яаад̇и зганд̇аруубаниссид̇аа авасидтабарид̇д̇авибаагасан̃н̃аад̣̇аяо.
Cutito uddhaṃ uppattirahānaṃ…pe… anuppattidhammatāpādanena samatikkamoti etena samatikkamitabbattena rūpāvacarakusalānaṃ rūpāvacaravipākakiriyehi visesābhāvaṃ dasseti anadhigatabhāvato. Yesañhi rūpasaññādīnaṃ arūpabhāvanāya samatikkamādiko labbhati, te dassetuṃ ‘‘arūpabhāvanāya abhāve cutito uddhaṃ uppattirahāna’’nti vuttanti. Yāti ekantarūpanissitā avasiṭṭhaparittavipākasaññādayo.
аанзн̃ж̇асанд̇асамаабад̇д̇исукаанубхаванабхавависзсуубабаж̇ж̇анаад̣̇аяо ааруббасамаабад̇д̇ийнам̣ ад̇т̇аад̇и ааха ‘‘руубасан̃н̃аа…бз… на ад̇т̇о’’д̇и.
Āneñjasantasamāpattisukhānubhavanabhavavisesūpapajjanādayo āruppasamāpattīnaṃ atthāti āha ‘‘rūpasaññā…pe… na attho’’ti.
ид̇ха уг̇гхаадид̇агасин̣авасзна барид̇д̇аананд̇ад̇аа ход̇и ниббарияааяад̣̇зсанад̇д̇аад̇и ад̇хиббааяо. яад̣̇и звам̣ барид̇д̇агасин̣уг̇гхаадид̇з гат̇амаагаасаанан̃жааяад̇анаважананд̇и? д̇ад̇т̇ааби ананд̇апаран̣асаб̣бхаавад̇о. д̇знзвааха ‘‘ананд̇апаран̣ад̇аасаб̣бхаавз’’д̇и. яад̣̇и саб̣б̣ад̇т̇а ананд̇апаран̣ад̇аа ад̇т̇и, ат̇а гасмаа ‘‘ананд̇о аагаасо’’д̇и на вуд̇д̇анд̇и ааха ‘‘самаяававад̇т̇аабанаа’’д̇иаад̣̇и. д̇ад̇т̇а бадибад̇д̇ийд̇и жхаанабхааванаагаарамааха.
Idha ugghāṭitakasiṇavasena parittānantatā hoti nippariyāyadesanattāti adhippāyo. Yadi evaṃ parittakasiṇugghāṭite kathamākāsānañcāyatanavacananti? Tatthāpi anantapharaṇasabbhāvato. Tenevāha ‘‘anantapharaṇatāsabbhāve’’ti. Yadi sabbattha anantapharaṇatā atthi, atha kasmā ‘‘ananto ākāso’’ti na vuttanti āha ‘‘samayavavatthāpanā’’tiādi. Tattha paṭipattīti jhānabhāvanākāramāha.
266. уг̇гхаадабхааво уг̇гхаадимам̣. яат̇аа баагимам̣.
266. Ugghāṭabhāvo ugghāṭimaṃ. Yathā pākimaṃ.
268. аагаасз бавад̇д̇ид̇авин̃н̃аан̣аад̇иггамад̇о д̇ад̇ияаад̇и бад̣̇уд̣̇д̇хаарам̣ гад̇ваа яуд̇д̇ид̇о ааг̇амад̇о жа д̇ад̣̇ад̇т̇ам̣ вибхаавзд̇ум̣ ‘‘д̇ад̣̇ад̇иггамад̇о хий’’д̇иаад̣̇имааха. ааруббасамаабад̇д̇ийнам̣ аарамман̣аад̇иггамзна бад̇д̇аб̣б̣ад̇д̇аа висзсад̇о аарамман̣з д̣̇осад̣̇ассанам̣ д̇ад̣̇зва ад̇иггамид̇аб̣б̣анд̇и аяам̣ яуд̇д̇и, аарамман̣з бана ад̇игганд̇з д̇ад̣̇аарамман̣ам̣ жхаанамби ад̇игганд̇амзва ход̇и. бхааванааяа аарамман̣асса виг̇аманам̣ абанаяанам̣ вибхааванаа. баал̣ияанд̇и вибхан̇г̇з. нану жа баал̣ияам̣ ‘‘д̇ан̃н̃зва вин̃н̃аан̣а’’нд̇и ависзсзна вуд̇д̇ам̣ ‘‘на аагаасаанан̃жааяад̇анавин̃н̃аан̣а’’нд̇и. ‘‘на д̇ан̃н̃звавин̃н̃аан̣анд̇и висзсаважанзна аяамад̇т̇о сид̣̇д̇хо’’д̇и д̣̇ассзнд̇о ‘‘вин̃н̃аан̣ан̃жааяад̇ана’’нд̇иаад̣̇имааха.
268. Ākāse pavattitaviññāṇātikkamato tatiyāti paduddhāraṃ katvā yuttito āgamato ca tadatthaṃ vibhāvetuṃ ‘‘tadatikkamato hī’’tiādimāha. Āruppasamāpattīnaṃ ārammaṇātikkamena pattabbattā visesato ārammaṇe dosadassanaṃ tadeva atikkamitabbanti ayaṃ yutti, ārammaṇe pana atikkante tadārammaṇaṃ jhānampi atikkantameva hoti. Bhāvanāya ārammaṇassa vigamanaṃ apanayanaṃ vibhāvanā. Pāḷiyanti vibhaṅge. Nanu ca pāḷiyaṃ ‘‘taññeva viññāṇa’’nti avisesena vuttaṃ ‘‘na ākāsānañcāyatanaviññāṇa’’nti. ‘‘Na taññevaviññāṇanti visesavacanena ayamattho siddho’’ti dassento ‘‘viññāṇañcāyatana’’ntiādimāha.
аруубааважарагусалагат̇ааван̣н̣анаа нидтид̇аа.
Arūpāvacarakusalakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / аруубааважарагусалам̣ • Arūpāvacarakusalaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā
аагаасаанан̃жааяад̇анам̣ • Ākāsānañcāyatanaṃ
вин̃н̃аан̣ан̃жааяад̇анам̣ • Viññāṇañcāyatanaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / аруубааважарагусалагат̇ааван̣н̣анаа • Arūpāvacarakusalakathāvaṇṇanā
