Library / Tipiṭaka / তিপিটক • Tipiṭaka / ধম্মসঙ্গণীপাল়ি • Dhammasaṅgaṇīpāḷi

    অরূপাৰচরকুসলং

    Arūpāvacarakusalaṃ

    চত্তারি অরূপঝানানি 1 সোল়সক্খত্তুকানি

    Cattāri arūpajhānāni 2 soḷasakkhattukāni

    ২৬৫. কতমে ধম্মা কুসলা? যস্মিং সমযে অরূপূপপত্তিযা মগ্গং ভাৰেতি সব্বসো রূপসঞ্ঞানং সমতিক্কমা পটিঘসঞ্ঞানং অত্থঙ্গমা নানত্তসঞ্ঞানং অমনসিকারা আকাসানঞ্চাযতনসঞ্ঞাসহগতং সুখস্স চ পহানা…পে॰… চতুত্থং ঝানং উপসম্পজ্জ ৰিহরতি উপেক্খাসহগতং, তস্মিং সমযে ফস্সো হোতি…পে॰… অৰিক্খেপো হোতি…পে॰… ইমে ধম্মা কুসলা।

    265. Katame dhammā kusalā? Yasmiṃ samaye arūpūpapattiyā maggaṃ bhāveti sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ākāsānañcāyatanasaññāsahagataṃ sukhassa ca pahānā…pe… catutthaṃ jhānaṃ upasampajja viharati upekkhāsahagataṃ, tasmiṃ samaye phasso hoti…pe… avikkhepo hoti…pe… ime dhammā kusalā.

    ২৬৬. কতমে ধম্মা কুসলা? যস্মিং সমযে অরূপূপপত্তিযা মগ্গং ভাৰেতি সব্বসো আকাসানঞ্চাযতনং সমতিক্কম্ম ৰিঞ্ঞাণঞ্চাযতনসঞ্ঞাসহগতং সুখস্স চ পহানা…পে॰… চতুত্থং ঝানং উপসম্পজ্জ ৰিহরতি উপেক্খাসহগতং, তস্মিং সমযে ফস্সো হোতি…পে॰… অৰিক্খেপো হোতি…পে॰… ইমে ধম্মা কুসলা।

    266. Katame dhammā kusalā? Yasmiṃ samaye arūpūpapattiyā maggaṃ bhāveti sabbaso ākāsānañcāyatanaṃ samatikkamma viññāṇañcāyatanasaññāsahagataṃ sukhassa ca pahānā…pe… catutthaṃ jhānaṃ upasampajja viharati upekkhāsahagataṃ, tasmiṃ samaye phasso hoti…pe… avikkhepo hoti…pe… ime dhammā kusalā.

    ২৬৭. কতমে ধম্মা কুসলা? যস্মিং সমযে অরূপূপপত্তিযা মগ্গং ভাৰেতি সব্বসো ৰিঞ্ঞাণঞ্চাযতনং সমতিক্কম্ম আকিঞ্চঞ্ঞাযতনসঞ্ঞাসহগতং সুখস্স চ পহানা…পে॰… চতুত্থং ঝানং উপসম্পজ্জ ৰিহরতি উপেক্খাসহগতং , তস্মিং সমযে ফস্সো হোতি…পে॰… অৰিক্খেপো হোতি…পে॰… ইমে ধম্মা কুসলা।

    267. Katame dhammā kusalā? Yasmiṃ samaye arūpūpapattiyā maggaṃ bhāveti sabbaso viññāṇañcāyatanaṃ samatikkamma ākiñcaññāyatanasaññāsahagataṃ sukhassa ca pahānā…pe… catutthaṃ jhānaṃ upasampajja viharati upekkhāsahagataṃ , tasmiṃ samaye phasso hoti…pe… avikkhepo hoti…pe… ime dhammā kusalā.

    ২৬৮. কতমে ধম্মা কুসলা? যস্মিং সমযে অরূপূপপত্তিযা মগ্গং ভাৰেতি সব্বসো আকিঞ্চঞ্ঞাযতনং সমতিক্কম্ম নেৰসঞ্ঞানাসঞ্ঞাযতনসঞ্ঞাসহগতং সুখস্স চ পহানা…পে॰… চতুত্থং ঝানং উপসম্পজ্জ ৰিহরতি উপেক্খাসহগতং, তস্মিং সমযে ফস্সো হোতি…পে॰… অৰিক্খেপো হোতি…পে॰… ইমে ধম্মা কুসলা।

    268. Katame dhammā kusalā? Yasmiṃ samaye arūpūpapattiyā maggaṃ bhāveti sabbaso ākiñcaññāyatanaṃ samatikkamma nevasaññānāsaññāyatanasaññāsahagataṃ sukhassa ca pahānā…pe… catutthaṃ jhānaṃ upasampajja viharati upekkhāsahagataṃ, tasmiṃ samaye phasso hoti…pe… avikkhepo hoti…pe… ime dhammā kusalā.

    চত্তারি অরূপঝানানি সোল়সক্খত্তুকানি।

    Cattāri arūpajhānāni soḷasakkhattukāni.

    অরূপাৰচরকুসলং।

    Arūpāvacarakusalaṃ.




    Next: তেভূমককুসলং • Tebhūmakakusalaṃ




    Footnotes:
    1. অরূপজ্ঝানানি (সী॰ স্যা॰)
    2. arūpajjhānāni (sī. syā.)



    Related texts:



    অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / ধম্মসঙ্গণি-অট্ঠকথা • Dhammasaṅgaṇi-aṭṭhakathā
    আকাসানঞ্চাযতনং • Ākāsānañcāyatanaṃ
    ৰিঞ্ঞাণঞ্চাযতনং • Viññāṇañcāyatanaṃ
    আকিঞ্চঞ্ঞাযতনং • Ākiñcaññāyatanaṃ

    টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / ধম্মসঙ্গণী-মূলটীকা • Dhammasaṅgaṇī-mūlaṭīkā / অরূপাৰচরকুসলকথাৰণ্ণনা • Arūpāvacarakusalakathāvaṇṇanā

    টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / ধম্মসঙ্গণী-অনুটীকা • Dhammasaṅgaṇī-anuṭīkā / অরূপাৰচরকুসলকথাৰণ্ণনা • Arūpāvacarakusalakathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact