| Library / Tipiṭaka / తిపిటక • Tipiṭaka / కథావత్థుపాళి • Kathāvatthupāḷi |
౮. అట్ఠమవగ్గో
8. Aṭṭhamavaggo
(౮౦) ౮. అరూపే రూపకథా
(80) 8. Arūpe rūpakathā
౫౨౪. అత్థి రూపం అరూపేసూతి? ఆమన్తా. రూపభవో రూపగతి రూపసత్తావాసో రూపసంసారో రూపయోని రూపత్తభావపటిలాభోతి? న హేవం వత్తబ్బే…పే॰… నను అరూపభవో అరూపగతి అరూపసత్తావాసో అరూపసంసారో అరూపయోని అరూపత్తభావపటిలాభోతి? ఆమన్తా. హఞ్చి అరూపభవో…పే॰… అరూపత్తభావపటిలాభో, నో చ వత రే వత్తబ్బే – ‘‘అత్థి రూపం అరూపేసూ’’తి.
524. Atthi rūpaṃ arūpesūti? Āmantā. Rūpabhavo rūpagati rūpasattāvāso rūpasaṃsāro rūpayoni rūpattabhāvapaṭilābhoti? Na hevaṃ vattabbe…pe… nanu arūpabhavo arūpagati arūpasattāvāso arūpasaṃsāro arūpayoni arūpattabhāvapaṭilābhoti? Āmantā. Hañci arūpabhavo…pe… arūpattabhāvapaṭilābho, no ca vata re vattabbe – ‘‘atthi rūpaṃ arūpesū’’ti.
అత్థి రూపం అరూపేసూతి? ఆమన్తా. పఞ్చవోకారభవో గతి సత్తావాసో సంసారో యోని విఞ్ఞాణట్ఠితి అత్తభావపటిలాభోతి? న హేవం వత్తబ్బే…పే॰… నను చతువోకారభవో…పే॰… అత్తభావపటిలాభోతి? ఆమన్తా. హఞ్చి చతువోకారభవో గతి…పే॰… అత్తభావపటిలాభో, నో చ వత రే వత్తబ్బే – ‘‘అత్థి రూపం అరూపేసూ’’తి.
Atthi rūpaṃ arūpesūti? Āmantā. Pañcavokārabhavo gati sattāvāso saṃsāro yoni viññāṇaṭṭhiti attabhāvapaṭilābhoti? Na hevaṃ vattabbe…pe… nanu catuvokārabhavo…pe… attabhāvapaṭilābhoti? Āmantā. Hañci catuvokārabhavo gati…pe… attabhāvapaṭilābho, no ca vata re vattabbe – ‘‘atthi rūpaṃ arūpesū’’ti.
౫౨౫. అత్థి రూపం రూపధాతుయా, సో చ రూపభవో రూపగతి రూపసత్తావాసో రూపసంసారో రూపయోని రూపత్తభావపటిలాభోతి? ఆమన్తా. అత్థి రూపం అరూపేసు, సో చ రూపభవో రూపగతి…పే॰… రూపత్తభావపటిలాభోతి? న హేవం వత్తబ్బే…పే॰… అత్థి రూపం రూపధాతుయా, సో చ పఞ్చవోకారభవో గతి…పే॰… అత్తభావపటిలాభోతి? ఆమన్తా . అత్థి రూపం అరూపేసు, సో చ పఞ్చవోకారభవో గతి…పే॰… అత్తభావపటిలాభోతి? న హేవం వత్తబ్బే…పే॰…. అత్థి రూపం అరూపేసు, సో చ అరూపభవో అరూపగతి అరూపసత్తావాసో అరూపసంసారో అరూపయోని అరూపత్తభావపటిలాభోతి? ఆమన్తా. అత్థి రూపం రూపధాతుయా 1, సో చ అరూపభవో అరూపగతి…పే॰… అరూపత్తభావపటిలాభోతి? న హేవం వత్తబ్బే…పే॰… అత్థి రూపం అరూపేసు, సో చ చతువోకారభవో గతి…పే॰… అత్తభావపటిలాభోతి? ఆమన్తా. అత్థి రూపం రూపధాతుయా 2, సో చ చతువోకారభవో గతి…పే॰… అత్తభావపటిలాభోతి? న హేవం వత్తబ్బే…పే॰….
525. Atthi rūpaṃ rūpadhātuyā, so ca rūpabhavo rūpagati rūpasattāvāso rūpasaṃsāro rūpayoni rūpattabhāvapaṭilābhoti? Āmantā. Atthi rūpaṃ arūpesu, so ca rūpabhavo rūpagati…pe… rūpattabhāvapaṭilābhoti? Na hevaṃ vattabbe…pe… atthi rūpaṃ rūpadhātuyā, so ca pañcavokārabhavo gati…pe… attabhāvapaṭilābhoti? Āmantā . Atthi rūpaṃ arūpesu, so ca pañcavokārabhavo gati…pe… attabhāvapaṭilābhoti? Na hevaṃ vattabbe…pe…. Atthi rūpaṃ arūpesu, so ca arūpabhavo arūpagati arūpasattāvāso arūpasaṃsāro arūpayoni arūpattabhāvapaṭilābhoti? Āmantā. Atthi rūpaṃ rūpadhātuyā 3, so ca arūpabhavo arūpagati…pe… arūpattabhāvapaṭilābhoti? Na hevaṃ vattabbe…pe… atthi rūpaṃ arūpesu, so ca catuvokārabhavo gati…pe… attabhāvapaṭilābhoti? Āmantā. Atthi rūpaṃ rūpadhātuyā 4, so ca catuvokārabhavo gati…pe… attabhāvapaṭilābhoti? Na hevaṃ vattabbe…pe….
రూపానం నిస్సరణం అరూపం వుత్తం భగవతా, అత్థి రూపం అరూపేసూతి? ఆమన్తా . కామానం నిస్సరణం నేక్ఖమ్మం వుత్తం భగవతా, అత్థి నేక్ఖమ్మేసు కామా, అత్థి అనాసవేసు ఆసవా, అత్థి అపరియాపన్నేసు పరియాపన్నాతి? న హేవం వత్తబ్బే…పే॰….
Rūpānaṃ nissaraṇaṃ arūpaṃ vuttaṃ bhagavatā, atthi rūpaṃ arūpesūti? Āmantā . Kāmānaṃ nissaraṇaṃ nekkhammaṃ vuttaṃ bhagavatā, atthi nekkhammesu kāmā, atthi anāsavesu āsavā, atthi apariyāpannesu pariyāpannāti? Na hevaṃ vattabbe…pe….
అరూపే రూపకథా నిట్ఠితా.
Arūpe rūpakathā niṭṭhitā.
Footnotes:
Related texts:
అట్ఠకథా • Aṭṭhakathā / అభిధమ్మపిటక (అట్ఠకథా) • Abhidhammapiṭaka (aṭṭhakathā) / పఞ్చపకరణ-అట్ఠకథా • Pañcapakaraṇa-aṭṭhakathā / ౮. అరూపే రూపకథావణ్ణనా • 8. Arūpe rūpakathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-మూలటీకా • Pañcapakaraṇa-mūlaṭīkā / ౮. అరూపేరూపకథావణ్ణనా • 8. Arūperūpakathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-అనుటీకా • Pañcapakaraṇa-anuṭīkā / ౮. అరూపేరూపకథావణ్ణనా • 8. Arūperūpakathāvaṇṇanā
