| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๘. อฎฺฐมวโคฺค
8. Aṭṭhamavaggo
(๘๐) ๘. อรูเป รูปกถา
(80) 8. Arūpe rūpakathā
๕๒๔. อตฺถิ รูปํ อรูเปสูติ? อามนฺตาฯ รูปภโว รูปคติ รูปสตฺตาวาโส รูปสํสาโร รูปโยนิ รูปตฺตภาวปฎิลาโภติ? น เหวํ วตฺตเพฺพ…เป.… นนุ อรูปภโว อรูปคติ อรูปสตฺตาวาโส อรูปสํสาโร อรูปโยนิ อรูปตฺตภาวปฎิลาโภติ? อามนฺตาฯ หญฺจิ อรูปภโว…เป.… อรูปตฺตภาวปฎิลาโภ, โน จ วต เร วตฺตเพฺพ – ‘‘อตฺถิ รูปํ อรูเปสู’’ติฯ
524. Atthi rūpaṃ arūpesūti? Āmantā. Rūpabhavo rūpagati rūpasattāvāso rūpasaṃsāro rūpayoni rūpattabhāvapaṭilābhoti? Na hevaṃ vattabbe…pe… nanu arūpabhavo arūpagati arūpasattāvāso arūpasaṃsāro arūpayoni arūpattabhāvapaṭilābhoti? Āmantā. Hañci arūpabhavo…pe… arūpattabhāvapaṭilābho, no ca vata re vattabbe – ‘‘atthi rūpaṃ arūpesū’’ti.
อตฺถิ รูปํ อรูเปสูติ? อามนฺตาฯ ปญฺจโวการภโว คติ สตฺตาวาโส สํสาโร โยนิ วิญฺญาณฎฺฐิติ อตฺตภาวปฎิลาโภติ? น เหวํ วตฺตเพฺพ…เป.… นนุ จตุโวการภโว…เป.… อตฺตภาวปฎิลาโภติ? อามนฺตาฯ หญฺจิ จตุโวการภโว คติ…เป.… อตฺตภาวปฎิลาโภ, โน จ วต เร วตฺตเพฺพ – ‘‘อตฺถิ รูปํ อรูเปสู’’ติฯ
Atthi rūpaṃ arūpesūti? Āmantā. Pañcavokārabhavo gati sattāvāso saṃsāro yoni viññāṇaṭṭhiti attabhāvapaṭilābhoti? Na hevaṃ vattabbe…pe… nanu catuvokārabhavo…pe… attabhāvapaṭilābhoti? Āmantā. Hañci catuvokārabhavo gati…pe… attabhāvapaṭilābho, no ca vata re vattabbe – ‘‘atthi rūpaṃ arūpesū’’ti.
๕๒๕. อตฺถิ รูปํ รูปธาตุยา, โส จ รูปภโว รูปคติ รูปสตฺตาวาโส รูปสํสาโร รูปโยนิ รูปตฺตภาวปฎิลาโภติ? อามนฺตาฯ อตฺถิ รูปํ อรูเปสุ, โส จ รูปภโว รูปคติ…เป.… รูปตฺตภาวปฎิลาโภติ? น เหวํ วตฺตเพฺพ…เป.… อตฺถิ รูปํ รูปธาตุยา, โส จ ปญฺจโวการภโว คติ…เป.… อตฺตภาวปฎิลาโภติ? อามนฺตา ฯ อตฺถิ รูปํ อรูเปสุ, โส จ ปญฺจโวการภโว คติ…เป.… อตฺตภาวปฎิลาโภติ? น เหวํ วตฺตเพฺพ…เป.…ฯ อตฺถิ รูปํ อรูเปสุ, โส จ อรูปภโว อรูปคติ อรูปสตฺตาวาโส อรูปสํสาโร อรูปโยนิ อรูปตฺตภาวปฎิลาโภติ? อามนฺตาฯ อตฺถิ รูปํ รูปธาตุยา 1, โส จ อรูปภโว อรูปคติ…เป.… อรูปตฺตภาวปฎิลาโภติ? น เหวํ วตฺตเพฺพ…เป.… อตฺถิ รูปํ อรูเปสุ, โส จ จตุโวการภโว คติ…เป.… อตฺตภาวปฎิลาโภติ? อามนฺตาฯ อตฺถิ รูปํ รูปธาตุยา 2, โส จ จตุโวการภโว คติ…เป.… อตฺตภาวปฎิลาโภติ? น เหวํ วตฺตเพฺพ…เป.…ฯ
525. Atthi rūpaṃ rūpadhātuyā, so ca rūpabhavo rūpagati rūpasattāvāso rūpasaṃsāro rūpayoni rūpattabhāvapaṭilābhoti? Āmantā. Atthi rūpaṃ arūpesu, so ca rūpabhavo rūpagati…pe… rūpattabhāvapaṭilābhoti? Na hevaṃ vattabbe…pe… atthi rūpaṃ rūpadhātuyā, so ca pañcavokārabhavo gati…pe… attabhāvapaṭilābhoti? Āmantā . Atthi rūpaṃ arūpesu, so ca pañcavokārabhavo gati…pe… attabhāvapaṭilābhoti? Na hevaṃ vattabbe…pe…. Atthi rūpaṃ arūpesu, so ca arūpabhavo arūpagati arūpasattāvāso arūpasaṃsāro arūpayoni arūpattabhāvapaṭilābhoti? Āmantā. Atthi rūpaṃ rūpadhātuyā 3, so ca arūpabhavo arūpagati…pe… arūpattabhāvapaṭilābhoti? Na hevaṃ vattabbe…pe… atthi rūpaṃ arūpesu, so ca catuvokārabhavo gati…pe… attabhāvapaṭilābhoti? Āmantā. Atthi rūpaṃ rūpadhātuyā 4, so ca catuvokārabhavo gati…pe… attabhāvapaṭilābhoti? Na hevaṃ vattabbe…pe….
รูปานํ นิสฺสรณํ อรูปํ วุตฺตํ ภควตา, อตฺถิ รูปํ อรูเปสูติ? อามนฺตา ฯ กามานํ นิสฺสรณํ เนกฺขมฺมํ วุตฺตํ ภควตา, อตฺถิ เนกฺขเมฺมสุ กามา, อตฺถิ อนาสเวสุ อาสวา, อตฺถิ อปริยาปเนฺนสุ ปริยาปนฺนาติ? น เหวํ วตฺตเพฺพ…เป.…ฯ
Rūpānaṃ nissaraṇaṃ arūpaṃ vuttaṃ bhagavatā, atthi rūpaṃ arūpesūti? Āmantā . Kāmānaṃ nissaraṇaṃ nekkhammaṃ vuttaṃ bhagavatā, atthi nekkhammesu kāmā, atthi anāsavesu āsavā, atthi apariyāpannesu pariyāpannāti? Na hevaṃ vattabbe…pe….
อรูเป รูปกถา นิฎฺฐิตาฯ
Arūpe rūpakathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๘. อรูเป รูปกถาวณฺณนา • 8. Arūpe rūpakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๘. อรูเปรูปกถาวณฺณนา • 8. Arūperūpakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๘. อรูเปรูปกถาวณฺณนา • 8. Arūperūpakathāvaṇṇanā
